畔溪尚粵館

營業中

休息中

首先，服務真係好差，淨係門口派飛的姐姐已經扣曬分，直頭係超級黑面神，態度差語氣又差，問多兩句就好似想撩交嗌咁。啲客人又只出不入，明明入邊大把位，但冇人執檯，啲客唯有係出邊等到天荒地老😅終於入到有位坐，張檯布污糟到令懷疑自己誤闖小強香閨，侍應有獨特的上菜技巧之餘個個都聽力欠佳，啲蒸籠係一條柱咁係咁易擺係檯度，要客人自己擺盤，同時無論客人講幾多次唔該都唔會有人理，要舉手不停大聲嗌等其他客人都留意到，先會有人用個嬲豬樣應酬下你😳至於野食質素，咁多位，我已經決定來尼間餐廳應征總廚，冇錯，係總廚呀！即係佢地煮果啲野我都煮到呀，我打算打救將軍澳居民，因為你們值得更好的🙂

I have been here twice already and both time after 2pm for their “teatime” specials. Both times I have been impressed by the serbice, the efficiency, menu options and especially taste of the food. In general, most dishes that I’ve ordered have been satisfying like the dumplings, siu mai etc... today we had a fried rice with beef and it was exceptional! will be back again for sure!

仲衰過屋邨大排檔！！！服務差：1）冇人帶位，同侍應講「兩位」佢竟然答「你見位就坐啦」2）點心上得好慢，落單好耐都唔見上點心食物更差：1）蝦餃好難食，蝦極細，咬開一陣豬肉臊味2）流沙包又細又扁，咬開唔好話流沙，連餡都好少

好耐無黎畔溪飲茶啦!!今次食咗幾款點心+燒味飯整體都依然keep到水準，抵讚!!花旗蔘湯蝦餃 第一次食咁特別既蝦餃!!個湯好有花旗蔘味，甘甘地，估唔到同蝦餃咁match!!呢個真係必食推介 蟹籽燒賣皇一籠2粒，岩哂我地人少少!!上次食過已經覺得正，今次依然係蝦好爽，皮好薄，亦唔多肥肉 鮮蝦腸粉黎之前睇食評見到有人話呢度腸粉皮好厚，但今日食又唔覺得特別厚，同一般酒樓差唔多～每條都有幾粒又大又爽既蝦，老實講算唔錯!!蘿蔔千絲酥蘿蔔絲刨得好幼，亦夠"林"夠甜!!炸點都唔會太油，值得一試~仲有叫咗碗叉燒飯，唔記得影相 呢度員工都幾有禮貌，每次放低點心都會講"多謝哂"今時今日算係難得!!下次唔會隔咁耐先再黎架啦

今晚雨勢頗大，為方便，就到東港城的畔溪與父母共膳。先說菜式：沙拉骨-凍的、炸不透、肉很韌，難食；蒸豆腐，正常；煎鍋貼-沒有肉汁，只微暖；缽仔鬼馬焗珍珠蠔-好鞋、無味、油炸鬼淋晒，難食。再說服務：因我遲到的關係，父母在我到達前五分鐘左右就先點了部分菜式，包括一味「卡邦尼焗西蘭花」，我父母只是看圖而點，他們根本不知道什麼是卡邦尼😅我到達後立即找侍應改單，因為父母不太吃芝士；怎料侍應黑著面說：「又改」；原來之前父母點了炸臭豆腐，但沒有貨，所以已改了一次單；但無論如何，有什麼理由如此咀臉，我就重語氣地問：「是否已煮不能改？」，她就把單交給另一位黑面人士改單。那位黑面神改單後就把單拋到我枱上，真的是「抛」。但減了菜，怕不夠食物，所以再點菜，當然又指我再改單。其實，食物又差，服務又差，如果唔想經營下去，就不要經營好了，何必難為食客？

唔想再去飲茶，點心太難食第一要彈係個叉燒酥，咁樣整唔好食，底厚過鬼之餘叉燒又少，最最最閉係菠蘿包皮面，九唔搭八到成個都唔好食燒賣蝦餃都係一般味，唔算好食腸粉真係非人可以頂得到的，粉皮鞋到真係有飛滋都比佢鞋親，勁厚及勁多粉味，我諗緊有乜可能業餘成咁，有張腸粉橫切面，足足有1.5cm厚，比個勁佢三個字：冇下次

今晚我們去咗將軍澳東港城嘅「畔溪尚粵館」食晚飯！我們叫咗原盅老火粉葛湯、招牌咪走鷄、金銀蛋鷄粒浸時蔬、雲耳古法碎蒸龍躉同椒鹽焗九肚魚！甜品：紫蕃薯壽桃包、三色小甜甜同合桃糊！原盅老火粉葛湯煲得火候十足，味道非常香甜濃郁，而且每碗都有豐富嘅湯料！招牌咪走鷄嘅鷄肉肉質好嫩滑，唔會有「嚡」嘅感覺，同埋舖底嘅椰菜，都吸收晒濃濃嘅鷄汁香味，真係極之惹味！不愧係鎮店必食推介！金銀蛋鷄粒浸時蔬嘅金銀蛋同鷄粒都非常足料，菜嘅份量亦十足！雲耳古法碎蒸龍躉嘅肉質相當嫩滑彈牙！椒鹽焗九肚魚炸得非常外脆內嫩，表面嘅炸粉亦好薄身！甜品：紫蕃薯壽桃包嘅紫蕃薯非常軟滑，香甜度啱啱，唔會過甜，包質亦相當鬆軟！三色小甜甜係由三小杯唔同嘅甜品組成，有益力多布甸、芒果布甸同藍莓奶凍，賣相好精緻吸引！

好耐無嚟畔溪尚粵館飲茶!應該係新裝修過,門面同以前有d唔同下午茶都幾多人,不過好在枱同枱之間唔逼,坐得都舒服點心款式都幾多,有d仲幾特別,好似有斑蘭葉千層糕同埋一口漢堡!斑蘭葉千層糕好鬆軟,有斑蘭葉清香青芥脆蝦一口漢堡,青芥醬唔辣但幾惹味,最啱小朋友沙律米網卷,味道正常,唔太油蝦餃皇,一籠2粒,蝦大粒爽口,正我最推介燒賣平時最怕食到好多肥豬肉個d燒賣,呢度完全食唔到一粒粒肥豬肉,面頭好大粒蝦,入面應該係雞肉餡,健康又好味甜品三色小甜甜都唔錯!有藍莓奶凍,芒果布甸同埋益力多小布甸另外仲叫咗碟燒腩仔,唔記得影相整體食物水準依然keep住幾好,環境舒適,起碼比一般酒樓有誠意!

成日聽倒住將軍澳嘅朋友講，話將軍澳冇啖好食。跟住我就會講: 『諗都諗倒啦，人地大商場又唔會租俾啲特色小食肆，老店又唔會揀住宅區開分店乜滯，食嚟食去咪啲連鎖集團食肆囉！食物質素又點會高呢！』梁姓同學住東港城附近，今日朝早喺將軍澳工業邨做完野，特登約佢食早餐，佢第一句就話: 『真係𢱑爆頭，唔知同你食乜好。』我就話: 『飲茶啦！咁佢就揀左畔溪。』佢叫左八個點心，我問: 『使唔使咁多呀，平日飲早茶我同媽子都係叫五六個喎！』佢話: 『實食得哂，放心。』點心到，第一樣嚟嘅係义燒酥不俗，皮鬆化而不油膩，义燒饀飽滿。煎腸粉份量只有三條整條，蔥花蝦米腸有蔥而唔見蝦米乜滯，豉油味道亦普通。蝦餃只有兩隻，皮唔夠靱，但蝦肉爽口，質素普通。燒賣亦只有兩件，唔多肥肉，蝦爽口，但畧畧蒸得濕身，又係中中庭庭。咖啡糕有成四件，睇賣相應該都係交嚟嘅貨，食味其實幾好，咖啡用嚟做糯米糕點，效果幾唔錯。薑蔥牛栢頁牛栢葉煨得好有薑蔥香味，頗爽滑，但份好細，每塊都切到比手指尾更細，咁樣會令到牛栢頁失去𡁻頭，一隻麻雀大細嘅牛栢頁先可以食倒爽口彈牙嘅感覺吖嗎！但成碟牛栢頁嘅份量加埋都唔夠兩隻麻雀大細，少得好可憐。山竹牛肉球三粒乒乓波大

Randomly came here again and the food was rubbish!This time I tried the e-fu noodles with prawns and when it came the broth smelt like vomit and it was milky so I am guessing they put milk that has expired into it otherwise it wouldn’t smell like vomit.I am so sure there was gone off milk and cheese in it!The soup is not meant to be milky according to the product shot.The portion was tiny as well so I ordered this other noodle which said “Mini” on the menu so I suspect the prawn one is a mini bo

今日下午去咗將軍澳東港城畔溪尚粵館飲下午茶！我們叫咗金牌咪走鷄、青芥脆蝦一口漢堡、煙三文魚香芒盞、畔溪蝦餃皇、燒鱔拼豆腐、翡翠豆苗餃、蜜味叉燒腸、蒜蓉芝士焗饅頭、大良花素餃同杏仁茶！他們嘅金牌咪走鷄肉質非常嫩滑！青芥脆蝦一口漢堡可以一啖食晒，真係好有創意，脆蝦亦非常新鮮！煙三文魚香芒盞嘅酥皮好鬆脆！燒鱔拼豆腐嘅燒鱔非常蜜汁同香脆！另有好多創意特色點心！值得一試！

一家人星期日游完水去飲茶。其實家人說之前吃過這家店，食物味道一般。不過，這次好像進步了。迷你青芥末脆蝦漢堡，青芥末配上不太脆的蝦，還不錯。斑籣糕香滑，但斑籣味欠奉。燒賣和那個什麼素菜餃都是一籠只有兩件，是小點，適合單獨或二人一桌的茶客，很細心。素菜餃的皮雖然非常的黏，黏到我夾起便弄破，但配上入面的餡料也不差。另外還點了燒味雙拼檬粉、牛肉腸和雪菜火鴨絲炆米，不過不失啦。

是夜到來吃粵菜，時間尚早人客不多。點了清蒸沙巴躉肉質鮮嫰蒸得剛剛好，不鞋，香油雞肉夠鮮嫰，金銀蛋莧菜足料菜多，鹵水豆腐配海蜇，白海蜇市面較少見爽口，芒果沙拉骨夠芒果味不會帶酸，粉葛肉排湯夠足料非常好味。

曾經在浸記的日子，有時間也會去吃個下午茶，又或提早晚餐，才去上學。吃的都是簡簡單單的點心、粉麵，從沒有嘗過晚餐，因為地點實在太偏僻了。幾年前這店搬到我家附近的商場，吃過一次晚飯，沒有甚麼特別，喝過一次早餐，更不值一提，自此已沒有再光顧了。集團經營的大酒樓，去飲茶的原因就是因為地方大，容易「搵位」，但近來食物質素奇差，已經不想再去。一天跟家人午市飲茶，便想到這間不是集團經營的飯店，果然食物比大集團更有誠意。點心熱度足，品種有傳統的，也有創新的，不可以說精品點心，但絕不粗製濫做。嘗過午餐後，我便決定選這兒與家人吃我的慶生餐。約一千元的六人套餐，食物份量足夠，質料新鮮，味道也不錯，在現在百物騰貴的情況，尚可用「抵食」來形容吧!例湯水準不錯，不是味精湯，每碗也有少許湯渣。最特別的地方是碗內有一個不鏽鋼兜，以保持湯的溫度，令我愛喝熱湯的家人讚不絕口，唯獨白老鼠要慢慢放涼才可品嘗。蝦丸尚算彈牙，不過不失。很久沒有吃過脆奶，覺得特別好吃，加上奶醬不是太甜，正合我口胃。對我來說，烏冬較伊麵受歡迎，不會太油膩吧!烏冬是稻庭烏冬的口感，絕對不是超市十多元幾包的貨色。龍蝦有肉煮得不老，我家的花師奶也能輕易咬

年初三，去了將軍澳跟家姐拜年，約好在畔溪見面來個早茶先。糯米茶，得幾啖，但又好好味，糯米軟又唔油。早市特價雙拼，估唔到只得一個叉燒包同一隻蝦餃。叉燒包鬆化，蝦餃大粒，內裡既蝦都大粒爽口。鳳爪排骨飯，又係細細碗，排骨入味，飯夠軟。蘋果叉燒酥，叉燒酥加上蘋果，好特別，又鹹又甜，裡面真係有蘋果粒，好味。燒賣 - 一籠得兩粒，太少了。腸粉 - 差，腸粉皮厚和不夠軟。家姐請飲茶，新年快樂。