畔溪尚粵館

營業中

休息中

知道呢間所謂酒家夜晚都可以叫點心既然兩個人又唔太餓就去試吓兩個人叫五個點心都唔係少竟然聽到有個女侍應同另一個喺我哋張枱附近講咩「食咁少嘢咋」請問你間餐廳而家有最低消費咩？指定要人食幾多嘢咩？既然夜市可以叫點心點解唔可以只食點心當飲夜茶？呢啲服務態度真係好差大家想貼錢買難受就幫襯啦

炸両好難食，千祈唔好叫腸粉類偏差最OK係個土魷下午茶叫特價點心，計左正價埋單要睇清楚收銀丫伯仲要埋怨我無check 清楚但明明係點心岩，價錢錯叫人點check??????好嬲最搞笑係仲諗住唔退翻錢比我話入錯咗第二個價錢就會貴D我心諗咁你店員入錯關我咩事食呢間真係要睇清楚張單然後個收銀係咁話我麻煩，話取消張單要排好耐搞到後面排晒長龍我真係好想知關我咩事飲過茶飲到咁嬲亦都未見過啲收銀會咁樣同啲客講嘢4個人下午茶358叫咗九個點心四個特價點心仲有幾個小點唔知點解會咁貴最搞笑係諗住唔退返錢比我真係眼都突埋唔會再試

2021元旦第一餐，近近地落樓下商場畔溪飲茶。呢間酒家喺度開咗接近十年，有唔少街坊熟客，今日假期等位大約20分鐘。限聚令二人一枱，點心每樣兩件啱啱好。先嚟花旗參湯蝦餃，鮑魚燒賣，點心拼盤花旗參湯蝦餃雖然係gimmick 嘢，但呷一口花旗參湯醒吓神幾過癮，呢個要快食唔係蝦餃皮浸耐咗易爛鮑魚仔彈牙鮑味濃，好評點心拼盤$60幾抵食，呢度嘅蝦餃燒賣咬落爽口，食得出用料新鮮。素粉果一般正常，黃金糕有椰香，又係要趁熱食，凍咗會韌。牛肉球鬆軟得嚟有彈性，入面撈咗碎芫茜提升鮮香，係做得比較出色嘅點心我嘅必食排骨陳村粉，墊底陳村粉吸收咗蒜蒸排骨嘅肉汁，雖然肥膩但加埋豉油真係好滋味埋單兩人$218 價錢合理。

有時會同屋企人去飲茶🍵細個已經聽過佢地好鐘意去呢間曾經係九龍塘開鋪既酒樓一邊細說舊時嘅點滴-🌟蟹籽燒賣皇 ($14.8)燒賣大大粒 😋
應該用左豬肉+蝦肉 非常足料所以都好彈牙-🌟蘋果叉燒酥 ($14.8)叉燒酥好鬆化不過就食唔到粒粒蘋果可能只係個醬用左蘋果🍎-🌟潮州蒸粉果 ($11.8)粉果既皮腍左d而且餡又唔太夠
下次可以pass🙈-🌟燒鵝湯麵 ($24.8)呢碗麵少少彈牙 非常大碗 有d鹼水味至於燒鵝真係不得了😋😚皮脆肉腍仲要唔肥 係今餐嘅VIP🤩-🌟Q版擔擔麵拼炸雲吞 ($42)呢度嘅擔擔麵比較腍 唔辣 而且好重花生味另外仲配上3隻炸雲吞 炸到好香脆 裏面仲有大大粒蝦🍤-酒樓嘅座位好舒適 有卡位啱晒小家庭而且仲有個燭台暖茶都算飲茶嘅好選擇！🤗

星期日下午茶時段入去 等左一陣搭枱點哂下午茶既優惠點心叉燒酥同想像中有少少出入 雖然份量同叉燒有少少細 但都焗得幾鬆脆 上面有少少似菠蘿包個面 點左個孖寶 有迷你擔擔麵同炸雲吞個炸雲吞好脆好新鮮 唔會太油膩擔擔面都好好食 湯底夠濃！牛肉腸粉就好失望 皮好多 肉好少.... 味道亦都好淡燒賣可以點兩粒幾好 但外表好樣衰 味道無咩特別綿花雞都ok 味道都係偏淡 雞份量都比較少呢間既質素有少少參差 聽人講佢茶市做得幾好 但我又覺得好普通 有機會可以再試下其他點心 可能會做得好d

去完醫院探親戚，搵間酒樓一齊食個晚餐呢個馬友鹹魚生煎肉餅係幾香口，不過一定要送飯，如果唔係就太鹹！瑤柱濃湯什菜煲粉絲好多，岩哂我口味😆😆清清地，幾好，味精感唔重呢個魚塊都好滑，啖啖都肉，而且唔太油，都ok不過呢個雞就真係偏油，雖然佢係好滑，岩岩好，不過d汁搞到太油最後送雪梨糖水，不過都係太甜，有d似糖加水，雪梨味就唔多覺，但係送既，都ok啦服務員態度正常，環境都正常，唔太好，又唔太差，只係係商場入面，幾方便，適合一家人同親戚一齊食個飯。

諗住去飲個茶, 食個飯, 但好失望！七人去食野，上錯菜又落少左單。個招牌砵仔咪走雞係幾好食嘅, 但其他就普普通通。價錢就唔平唔貴, 服務態度唔係幾好。總括而言, 唔會推介入去食

難得7月有一日紅日，早上跟爸媽去飲茶痴飲痴食😝畔溪食物的質素一向都唔錯，所以價錢比區內其他茶樓貴今次3人叫左10籠野食，份量啱啱好，唔會太飽😀值得留意嘅係蝦餃燒賣每籠只係得2粒，其他食物的份量正常個人最鐘意食燒賣、牛柏葉、蝦餃雖然點餐紙寫係即叫即蒸，但上餐時間唔會好耐假日的優惠點餐紙叉燒包拼蝦餃畔溪燒賣 + 特色素翅餃燒賣肉質爽口👍🏻素翅餃正正常常，無乜特色爽滑牛肉腸 + 菜干豬骨粥牛肉腸皮略厚，餡略少梅菜肉餅飯

通常一班朋友想簡簡單單去搵食，都會選擇酒樓比較穩陣，今次也不例外，就去到畔溪尚粵舘，那裡人山人海，等了大概45分鐘才可入座。而進入大廳，座位放得密密麻麻，這就是酒樓的特色。魚湯益菌素菜盆，瑤柱濃湯鮮竹什菜煲，簡單的菜式，清甜可口。 鮑汁魚腐炆豆腐，啫啫枝竹鮮班頭腩，燒汁茄子牛仔骨，味道相對比較濃郁，非常惹味。而最值得推介的鬼馬酸梅骨，酸酸甜甜，非常開胃。另外侍應推介的米走雞，雞肉質素及味道尚算不錯，也可以一試。全晚整體的菜餚，不過不失。

難得今日一家之主放假，咁就去咗將軍澳飲茶，皆因我地最鍾意係飲茶今日第一次去咗畔溪飲茶，地方雖然唔大，但環境尚算舒適，服務員都好有禮貌。食物質素方面屬於中上，我地嗌咗8樣點心，唔係等咗好耐，好快就送到我地檯上1) 綿花雞 🐔 2) 蝦肉燒賣 🦐 3) 奶黃流沙包🍞 4) 蝦餃🦐 5) 蜜糖蛋散🐝 6) 咖哩手抓餅🥞 7) 鮑汁雞肉拌飯🍚🍗 8) 鮑汁鳳爪🐓 9) 蝦春卷 🦐 最好味係個鮑汁雞肉拌飯，煲底有埋飯焦，好好食下次可以再嚟嘆下午茶

想去飲早茶，專登揀平日，唔使等位。入到去，覺得酒樓裝修都幾靚，坐咗係卡位，座位夠闊，好寬敞好舒服。平日做事有優惠孖寶，兩個人食叫咗兩個早餐孖寶，一個鹹水角，北菇雞絲腸，煙三文魚香芒盞，但係寫五樣嘢，最咪落單淨係幫我落咗兩樣野，好唔小心，叫佢攞多一次，都仲係幫我落漏一樣野，喺服務方面雖然好有禮貌，但係咁唔小心真係扣分。嘢食好食，早餐孖寶有飯，有兩個素餃，另外有手抓餅食，夠晒特別。蟹子燒賣王好大粒，而且好好食，不顧雞市場係一個新嘅配搭，冇諗過雞絲同埋菇配落腸粉到咁好食，而且材料豐富，皮薄餡靚，個煙三文魚香芒盞雖然煙三文魚就得好細塊，但係配芒果食落又幾開胃，而且夠香脆，都幾好食。鹹水角迷你，但係啱啱炸起，又係超香脆熱辣辣，總括來講，呢度嘅食物質素真係冇得彈。再加上我好欣賞佢配有蠟燭燒住個水壺，令啲水保持熱度，唔使飲凍茶，呢點我好欣賞。總括來講，呢間雖然侍應有少少甩漏，但係食物質素同埋環境都一流，會再去食過。👍

小妹排4人座位！只有8張飛就應該到我地但我等1小時都只郁左2張飛...佢仲不停將d四人枱拆散入2人1小時後....即離下午茶時段前5-10分鐘位帶位小姐用勁差、勁黑面、勁厭世的態度問我地入唔入！唔入就要我地從新排過下午茶飛入座咁我地4個人、8隻腳！白白企1個鐘....換黎就係受氣！如果唔飲貴茶！就要由頭排過隊！根本就係夠哂黑嘅店舖！！！

平日放假，最佳節目當然係同屋企人飲茶，因為假日將軍澳既酒樓攞飛情況好嚇人，閒閒地等幾十張枱，今日平日唔駛等就有得食。平日飲茶，價錢唔係平好多，不過人少d無咁嘈又坐得舒服d。鮑汁鳳爪:屋企人至愛呢味，必叫的，好入味，夠淋但又唔會淋到爛晒。蘿蔔糕 & 芋頭糕:煎得夠香，外層有少少脆，算足料，蘿蔔、芋頭同粉既比例剛好，好香好軟。可惜份量太少。。椒鹽九肚魚:炸粉厚左少，但尚算炸得不錯，沒有油膩感，外層脆九肚魚滑，點醋好味！葡撻:有3小個，唔夠分，食唔到，不過屋企人話唔夠熱。炸両腸粉：呢個就一般般，因為炸両係淋既，好在腸粉皮做得幾好，滑滑的。加番d分。齋腸粉:正如上面講，呢度既腸粉做得好夠滑，加上甜豉油已經贏晒。呢個用黎整熱清水既煲其實有d怪怪既，唔知作用係咩？因為個火好細好細，根本就加唔到熱，唔夠熱用黎沖茶。有d R頭。。

以前嘅舊香港，每個家庭嘅人口隨隨便便就可以坐到半圍，但隨着時代嘅變遷，每個家庭嘅人數少左，平均都係三四人家庭。為咗適應時代嘅變遷同消費模式嘅變化，畔溪尚粵館同傳統酒家唔同，點心唔再係四件一籠，飯粉面唔再係三四人嘅份量，份量全部減半，即使你只係得一兩個人嚟食飯，你都可以享受到唔同款式嘅點心或者茶餚。今日係星期日，畔溪非常之多人，差唔多要等成半個鐘先有位。坐定定，嗱嗱臨再睇下有啲咩野嘢食。我妹仲係屋企瞓覺，所以我哋就決定帶幾耐同點心再加個炒飯，部份堂食，剩低嘅就帶返返俾我妹返屋企食。叫咗懷舊棉花雞（ $26.8），魚肚同雞肉一齊正，魚肚充分咁呀吸收左雞汁嘅味道，食落口非常之juicy，而且雞肉都仲係好滑，冇因為蒸而變得鞋口。翡翠豆苗餃（ $30.8），佢嘅皮癡筷子，同埋用筷子夾住，就好似就快爛咁嘅款，皮做得唔算太靚， 豆苗同蝦仁嘅調味唔錯，食物還可以。畔溪蝦餃王（$18.8），同豆苗餃嘅情況有啲類似，外皮都係會痴筷子，但係大大粒蝦餃，食落去非常滿足，就放過你啦！班蘭葉千層糕（ $25.8），呢個係我必點嘅點心，因為佢鹹甜適中，而且鬆鬆軟軟，係大人小朋友嘅至愛。叫咗個煙三文魚蟹籽蛋白炒飯（

天口太熱，太座話唔想煑，就在出面晚膳吧，在坑口畔溪尚粵館，裝修和服務都不錯，點了四個小菜：雲耳古法蒸龍躉件、金銀蒜蒸開邊中蝦、梅菜蒸帶子豆付，蒜茸炒莧菜。雲耳古法蒸龍躉件金銀蒜蒸開邊中蝦梅菜帶子蒸豆付蒜蓉炒莧菜龍躉件鮮甜有魚味，雲耳豆卜配搭得宜。蒸開邊蝦做法簡單，但一定要食材新鮮，這個菜做到了水準，蝦很新鮮，唯一可以改善一下就是把蝦腸挑掉吧，令賣相好得多！蒸豆付很滑，但梅菜並非用上等梅菜，沒有香味，但這個菜混白飯一起吃就十分可口。蒜蓉炒莧菜、水準一般，這是普通菜式，但價錢和份量就不對等，其實公司可以慷慨一點令賣相好看些。甜品木瓜雪耳糖水，這個甜品做得不錯，十分滿意！