畔溪尚粵館

營業中

休息中

早上在這裡飲茶，不是太多人，但部長和人手缺乏。千叫萬叫才有人落單，女部長態度極差，如果想貼錢買難受，可以考慮。人不多但為什麼態度如此？食物標準，已經沒有期望太多。

廣州有一間出名嘅酒家叫畔溪，香港都有但唔知係唔係一個集團，今日有對小情侶喺外國返嚟話愛國想食中菜，就揀咗東港城嘅畔溪尚粵菜食晚飯。食物味道唔錯而且餐廳職員有笑容亦有禮，我哋一行四人加一個Bb，叫咗一個六人份量嘅魚蝦蟹海鮮餐，再加一樣小食，職員都會驚我哋食唔晒，不過在座有大胃王，無有怕，大家都食到飽飽先走。老黃瓜湯，湯唔重味精，每盅都有唔少湯料。鴻運四式拼盆，海蜇頭夠爽口，燒腩都算新鮮，肥瘦適中，燒鴨同叉燒偏瘦。金牌咪走雞，卟卟卟咁上呢個菜，雞肉嫩滑，個汁幾好味。上湯焗波士頓龍蝦准山麵底，龍蝦唔大隻，肉唔算多，上湯嘅味濃啲會更好。星洲手抓餅，少油，香口。招牌粉絲蟹煲，蟹肉少，粉絲乾身，味道幾好。上湯紀子浸時蔬，清清哋唔錯。清蒸沙巴龍躉仔，魚新鮮嫩滑，但太細條，好似二人套餐咁大條。另加嘅椒鹽豆腐，外脆內軟，豆腐嫩滑。甜品有牛奶布甸，益力多布甸，另一款應該係南瓜布甸。

今日和家人來酒樓吃晚飯。這間酒樓裝水的壺下面會放有蠟燭，可以keep住熱水嘅溫度，設計非常好最先來的是砂鍋雲吞津白。雲吞的皮比較厚，味道沒太大特別，湯很重味精。之後上的是鹽焗雞，幾有雞味，咸咸地幾好食。接著上的是茄子安格斯牛仔骨。牛仔骨唔會韌，茄子好入味，非常好吃。然後上的是蒜蓉蒸聖子，幾入味，不過聖子煮得過火左少少，有點韌，同埋有少少沙，粉絲有點硬。吃完飯後仲送甜品，分別是紅豆沙和杏仁露。紅豆沙沒什麼特別。杏仁露則有驚喜，它有放粟米，而杏仁味不太重，幾滑，不錯。埋單4個人吃要575元，但我們只點了4碟餸，價錢偏貴。總的來說，食物質素勉強說是中上，而價錢則偏貴，不過它服務質素很好，店員很有禮貌，上菜速度也很快。所以整體的去評分，我都給了正評。

飲啖茶食個包，兩公婆飲茶，叫左唔係好多野，整體上都接受到既，小籠包d皮硬左小小，蝦餃就一般般啦，個鹵水掌翼有點驚喜，但一定要點距配備既醬油先得，牛柏業，鳳爪都正常水準，叉燒腸必食架啦，整體都唔錯既，係張台無哂位但無人會幫您收野，不過都係小問題黎既

點心點心點心新年期間，最好就緊係一家人去飲下茶啦。過左4日既假期，今日終於無乜人，吾洗四圍同人迫同人搶同人爭。估吾到既係今日都有下午茶，本以為新春期間都無，但呢間有喎，仲要吾多人排隊。我地1點10去等，2點2左右就入座啦。除左茶錢要12蚊位之外，其他都無乜特別貴，貴1-2蚊啦。我地3個人去，有卡位座，自己一家人一個小空間，雖然較窄，但可以靜靜地吹下水我地叫左以下點心：菜乾豬骨粥：難食，好水好鹹叉燒腸：吾夠熱，皮厚有粉，吾好食芒果三文魚千層酥：凍食，只可以話新奇組合，又甜又酸又鹹🤷‍♀️賽磅蟹餃：其實我覺得咪又係蝦餃🤣上面多左啲蟹肉，但呢個好食既鳯爪：覺得吾夠豉汁味，較淡味排骨陳村粉：好夠熱，略嫌較清淡，味道不太重發財燒賣：新年點心，第一次食，原來燒賣上加左蠔豉。其實都係同普通燒賣既材料一樣😬炸雲吞：不過不失，但個醬汁就無甘好食，好水總括泥講，我覺得呢間點心就一般啦，但勝在環境坐得舒服同員工服務好！連傳點心ee都好有禮貌吾會舉手舉到手軟都無人理，態度好，吾知會吾會因為新年關係啦～笑🤭

平日放假最好就是同屋企人去飲茶。坑口有幾間酒樓、不過大多比較嘈雜。想找間乾淨舒服而又唔太嘈的酒樓、畔溪是其中一個選擇。星期三的早上都差不多坐滿人、不過不用等太久就能入座。义燒腸味道中規中舉。菜乾豬骨粥幾足料、有好多菜乾同排骨、粥底都好有豬骨味。點心拼盤有姜汁雞包仔同粉果。粉果皮唔算厚、餡料都幾足。鹹點肉餅飯是迷你那種、肉餅香滑、一個人食剛好。早上有特價時段、價錢相宜、雖然唔太多點心選擇、不過想靜靜地傾下計都唔錯。

今日去將軍澳東港城附近工作，忙完已經下午一點，走去厚德邨，諗住找間平平地的洒樓，唉！原來厚德商場洒樓全部轉型，全部變成快餐形式，所以去了東港城畔溪尚粵館。今次第一次光顧此洒樓，原來佢有另一間分點叫咪走雞（大埔昌運中心）。一行8人，等了15分鐘枱，個個肚餓叫了大量點分醫肚。叫了香鴨腳扎、蜜味叉燒腸、蘋果叉燒酥、窩燒鮑汁雞粒撈飯丶松露菌帶子粒肉碎炆伊麺。午市有加一，在東港城獨市生意，商場人流多，生意興隆！

今日一共2人去等位，知道好大機會係搭枱，不過都無咩所謂。等左半個鐘，安排搭一張位於牆角既大枱。 枱面上雖然放左新餐具，但佈滿前食客留底既飯粒...就叫女部長幫忙收拾下，佢就一手用張墊枱紙遮住，實行"眼不見為淨"。 算! 我地打算讓位比入面家庭出黎，佢又話:做咩唔坐底! 嫌棄就唔好坐呢度，我執入面俾你坐啦! 最後我地等佢執啦...佢又不停話: 你地嫌棄就唔好坐! 同出面講!快d呀!態度令人髮指，原來食客唔應該"嫌棄"飯枱上有二手飯，我地應該食埋d佢! 最後氣沖沖離開! 唔會有下一次!

將軍澳太少酒樓，人口太多，所以間食肆都塞滿人! 今天光顧這間位於東港城2/F的畔溪酒家，入到去，超迫。因為枱與枱之間好密! 態度是必須重點提的，這班伙計，發生什麼事，部長和侍應個個對客都好似(軍訓)敢! 入到去未搵到自己個枱號，有個黑衫女部長可能覺得我阻住去, 大叫一聲：行入去啦～!坐低後，有人企高叫佢加水，就來一句：坐低啦！ 我地有招呼嫁!食品: 價格一點都不相宜，但與食品質量卻不成正比! 碗具又污糟，匙羹有上手客人的飯結賬的收銀阿姐就仲嚇死人，由頭到尾黑口黑面! ~~~

小編全家都係佢嘅忠實fans，啲雞唔單止嫩滑而且仲好夠味。雖然佢都只不過係類似砂礓雞咁樣，但係某程度上小編覺得佢仲好食過啲海南雞，因為雞整得十分嫩口而且仲超級入味添。另外佢仲有勁多汁喺裏面攞嚟撈飯一流呀。小編發現原來入得去食嘅枱上面都會有一隻咁嘅雞架，大家果然都係識食之人。

服務態度超級差，啲阿姐好似唔憂做咁，完全無人帶位無人招呼，叫我自己入去搵張枱坐，幾個阿姐圍埋一齊唔做嘢，叫個阿姐拎啲點心紙，叫幾次都唔應，繼續喺度圍埋傾計。環境又舊，枱同枱之間又迫。完全唔想幫襯

終於等到佢裝修完啦！今晚試試晚飯先！耳目一新的畔溪，無論在環境、食物、員工都有進步，可以encore! 下次會約多些親戚朋友來吃，因為可以叫多些不同的餸菜呀！😋

今晚我們去咗將軍澳東港城嘅「畔溪尚粵館」食晚飯！我們叫咗個晚飯孖寶：粉絲焗海蝦煲嘅粉絲炒得好乾身，味道好惹味，蝦肉嘅肉蝦好爽甜彈牙，而且都幾大隻同份量都幾多！清蒸沙巴花斑仔係新鮮即叫即劏同蒸嘅火候控制恰到好處，所以肉質相當鮮甜嫩滑！蟲草花燉乳鴿嘅湯底好鮮味清香，湯料相當足料豐富！蒜蓉粉絲蒸蟶子嘅肉質好爽滑彈牙，唔會有過「韌」嘅感覺！籠仔膏蟹蒸糯米飯嘅蟹肉非常鮮甜彈牙，蟹膏嘅味道好甘香，糯米飯嘅質感好煙煙韌韌，而且吸收晒蒜蓉嘅香味同蟹肉嘅鮮甜味，令到味道更加惹味！

今日下午我們去咗將軍澳東港城嘅「畔溪尚粵館」飲下午茶！我們叫咗青芥石斑一口漢堡嘅賣相好趣緻吸引，石斑嘅外層炸得好金黃香脆，入面嘅肉質好嫩滑，配埋清新嘅青芥沙律醬一齊食，唔會有好油膩嘅感覺！蟹籽燒賣皇嘅肉質好爽滑彈牙，而且唔會有太多肥肉！畔溪蝦餃皇嘅餃皮好煙韌薄身，蝦肉相當爽甜彈牙，而且都幾大隻！翡翠豆苗餃嘅豆苗都幾清甜鮮嫩！花旗參湯蝦餃嘅賣相好似迷你版嘅灌湯餃咁，湯底嘅花旗參味都幾甘香，蝦餃皮唔會浸諗咗，都仲幾煙煙韌韌，而且味道都幾夾！蟲草花燉竹絲鷄湯好夠火候，湯料好豐富，湯底嘅味道好清甜！燒鱔拼豆腐嘅燒鱔肉質好爽脆彈牙，味道好香甜！川芎百芷蒸燉魚雲嘅魚雲好新鮮，肉質相當鮮甜嫩滑，湯底嘅味道好甘甜！

每枱客人用饍完，枱布不會更换。服务员態度超差！食物水平一般，每碟份量比其它茶樓小，但價錢亦不平！为例：一籠蝦餃得兩粒，小点算$17.8。環境舊，枱與枱之間很迫！感觉有点似食大排档一样！