生記鮮魚湯米線 (已結業)

係魚湯米綫專家? 牛腩或牛肉丸麵專家? 定係粥最是強項? 或全報我也是? 照牌雜錦魚湯米線 -有順德魚腐, 金牌豬腩肉, 鮮鯪魚滑, 魚片頭, 鹵水雞翼, 菜, etc. 鮮鯪魚滑唔錯, 彈力夠, 但絕不是像市面上靠那些化學劑做出來的假. 不知是誰開始說肉丸是要彈牙才是皇道. 其實大多也是依賴外援的, 食得多無益. 但以鯪魚來說魚味很一般, 輕易給果皮搶過了. 但算是真才實料. 豬腩又肥又唔入味, 難吃. 其他餸算有良心, 但唔特別. 湯底很淡, 不夠濃郁, 但至少唔怕北角修哥那間咁腥. 豬腩隨外, 勉強地也很肯收貨! 唔多覺有味精嘅味, 至少唔怕拿衣住條脷, 但食到一半也有點口渴. 有點 Spice/herb/pepper 味作慫.*********************************$37, OK la. 我自己會再繼續去食 lunch, 但一定唔會介紹人去. 太普通了.

3pm 入到去坐低比完餐牌D大嬸侍應圍埋一堆吹水無招呼 叫左好多聲''唔該寫野''都唔應過左成5分鐘先好唔情願咁同我地落單叫左兩個袖珍米線: 魚腐 $20 & 豬腩肉, 鯪魚滑 $26我朋友個魚腐黎先, 我碗好慢想問佢攞隻碗仔其中個大嬸侍應唔願做咁話: ''冇碗仔架喎 得大湯碗咋''都未睇我地反應就走埋後來聽到後面枱位女士都問佢 佢又係同樣反應都算啦..等所有野到齊我地開餐D野食係合格囉 得個大字 魚湯腥腥地謝記好食過佢我地食食下有個侍應汁枱個客用完既紙巾佢唔丟仲攞黎抹野之後攞左條污糟布將張枱同調味座係咁抹重覆左四五次 抹到我地食完為止..大佬呀 有冇禮貌同衛生架 而家擺明趕客後面仲有幾張枱未汁 佢掛住大聲吹水+抹我地張枱 個客用完比佢攞黎抹野既紙巾放左係枱面勁耐都唔丟個老板請著班咁既人認真失敗+趕客地方又坐得唔舒服 服務態度負分收銀都冇禮貌多謝都冇聲食左46蚊成肚氣 唔洗指意有下次 送比我都唔食

生記的粥麵我成日食，但係生記魚湯米線就未試過，一於試下。一碗大豬腩肉魚湯米線($26)，一碗大酒香雞肉魚湯米線($26)，細碗的賣$20。魚湯魚味夠濃，愛魚湯的一定鍾意。米線就偏腍，如果彈牙就合我脾胃。配菜有少量黑木耳及椰菜。特別一提係個滷水豬腩肉，半肥瘦，滷水味濃及偏甜，好好味！個雞肉有酒香，但係味道就麻麻！再來的誘因會係個豬腩肉！

生記的粥一直是我的最愛，後來才發現，原來幾間舖頭旁，有開一家店賣魚湯米線。本來點了順德魚腐魚湯米線，不過賣晒啦，改成魚滑來試試。湯頭好香好濃，魚滑超多片的，非常抵食。

之前都睇過蔡生介紹,講到佢日日用好多新鮮魚去煲個湯底,好正咁..見尋日同阿媽去上環行下海味街睇下有冇平野執之外,順便緊係幫襯下佢啦 都唔算難搵丫,當時都下午3點喇,好采都唔洗等位,我地嗌左:-鮮鯪魚滑魚湯米線,原價:$28 (14:00-18:00 時段$25) ,-魚腐魚湯米線(袖珍版$19),唔錯呀,袖珍版份量都ok大碗,而且d魚肉都好滑,好新鮮,一食就知係0岩0岩新鮮煮0既,絕對底食,下次經過一定再幫親 !!

好少去上環食野~~因為今次睇音樂劇先黎lee邊~特登上網search睇邊度有好野食見lee間米線都ok!!一出mtr行幾條街就見到啦...當晚係平日6點幾到...全間野已經坐滿人!!好難先搵到個空位~~menu清楚易明... 係我地唔知揀咩好je...知道有mini米線~但唔知份量...所以叫左正常份量!!!點知黎到...嘩...真係好多呀!!人地食豬腩肉米線.... 啖啖肉bor~~我果個魚腐魚湯米線....個湯好清甜....魚腐有7粒tim~~~2碗埋單$50~~ 超抵!!下次過開lee邊再食先~~哈哈

我記得第一次幫襯生記鮮魚湯米線，係食招牌豬腩肉魚湯米線。食完我基乎飽到行唔郁！第二次食魚腐米線，同樣好味兼吸引！今次，買外賣，睇吓會唔會因為減收 $3 而縮小份量！招牌豬腩肉魚湯米線 $28 ( 外賣 -$3 ) 一開蓋，魚湯好滿，差唔多倒潟！仲有 8 大塊豬腩肉， 問你怕未！豬腩肉嘅肥瘦比例均勻：肉佔3份之2，肥佔3份之1，切得薄一薄，俾人感覺唔會太餾！食落肉汁豐富、鹵水味夠入味、皮爽肉香，令人無法抗拒！我仲要成塊擺落口，滋味無窮！我記得堂食嘅魚湯米線上面有大量配菜，反而，外賣米線配菜喺底，只有些少椰菜、芽菜及木耳絲。食米線時，有魚蓉痴住，真係真材實料！米線係腍身，又未至於一夾就斷！不過，份量同樣唔少！魚湯加上肉汁鮮美，更加惹味！飲埋 9 成湯，太飽嘞！原來外賣及堂食，份量一樣咁多！實在好飽肚！

午飯專程到這裡試一下很多人讚好的魚湯米線, 因為未必會成日經過的關係, order 了一碗雜錦魚湯米線, 可以一次過試多幾樣嘛! 雜錦餸包括豬腩肉,魚腐,雞翼,鯪魚滑,魚蛋五個餸, ~ 哎, 想找碴也不知可以從何說起, 因為每樣餸都各有各的好味, 我很喜歡碗米線會搭幾絛絲瓜, 加上一些芽菜絲及木耳絲, 不用時時被迫做食肉獸嘛! 那個魚湯十分好味, 鮮味濃郁! 早知那麼好味就不要可樂啦, 一邊食一邊忍不住飲欴飲, 好想飲晒啲魚湯, 個胃都裝不下可樂了!$36 一碗加 $7 一支可樂, 扺~

八月二十日 (星期五)老公仔轉了公司,多了到上環吃午餐其中一個好選擇就是生記很早來到,只等了約十分鐘就有位了!我點了魚腐魚湯米線老公仔點了雜錦魚湯米線魚腐有七粒咁多!炸得甘香,又鬆軟,又不油膩魚湯鮮甜美味米線份量很多,女仔可能吃不下整碗呢雜錦魚湯米線,材料包括腩肉,魚腐,雞翼,魚角,絲瓜等等老公仔喜歡吃雞翼,腩肉亦真的很不錯份量很大!$36一碗,超值!真是無敵的米線!!!

因媽咪極力介紹下，所以就去生記開餐。點知我地一坐低冇耐，媽咪突然有事要走先，最後得番我同細佬二人。但我媽咪臨走前已經代我地叫咗兩個『什錦米線』佢話可以樣樣都試到喎！之後佢細細聲響我耳邊話︰一定要飲啲魚湯呀，好好味，冇味精咖... 真係俾佢個行為笑死！等咗一陣，見到兩大碗嘅米線放響我地面前... WoO... 啲湯真係好似奶咁白囉！即刻急不及待飲一啖試吓... Hey, 個湯真係得喎！唔怪之得我媽咪極力推介啦！之後就開始食喇，因為我細佬唔鍾意食鮮鯪魚肉嘅關係，所以佢夾哂俾我，咁我第一樣就係食鯪魚肉喇！我覺得啲鯪魚肉好好味，仲食到少少果皮添... 好正！反而其他餸我就覺得普普通通... 雞中翼︰好一般，唔食都唔覺可惜魯肉︰都可以，不過個人覺得啲味用嚟與米線同吃有啲怪怪地魚付︰呢個真係食完都唔知係魚付，我仲以為係煎爙三寶果啲炸鯪魚球添，係之後我媽咪話番俾我聽至知係魚付... 我覺得唔好食，同我以前食果啲都唔同，而且真係太似炸鯪魚球喇！魚片頭︰一般街市買到嘅貨色，唔特出絲瓜︰雖然夏天瓜係靚過菜，但係... 俾啲瓜落去唔係咁好睇囉！就算有下次，我都只係會叫『鮮鯪魚肉米線』食囉！

今次係第2次幫襯.一次係平日夜晚一次係平日下午4點到..兩次都無乜人 唔洗等位基本上入到去都唔洗點諗.因為係得幾樣野簡,叫左兩個袖珍米線(2:00後先有袖珍揀，普通$28一碗)單拼$19 雙拼都只係$25 讚雖然叫袖珍, 但份量十足 我都淨少少 食唔哂-3-.

唔知大家會唔會經常幫襯食過嘅餐廳？其實！我之前都幫襯過呢間！呢度得7張枱，我專登坐在最後張枱，可以睇到全店情況！今次，我叫咗招牌魚腐米線(袖珍)！午餐有 6 粒魚腐，2:00後，袖珍版有 4 粒魚腐！份量都唔少！夠哂飽！魚腐大粒好味之餘，又可以飲埋魚湯！一舉兩得！食米線時，有魚蓉痴住，真係真材實料！全場食客叫袖珍米線！多數人食魚腐米線(袖珍)，其餘叫雞翼米線、豬潤米線、鯪魚滑米線。不論 2:00 抑或 6:00 後，都有特價米線(袖珍)！呢點係佢成功之處！好多餐廳係 Fix 咗下午茶時間 2:00~ 6:00 不等！我食完經過附近(往德輔道中)嘅餐廳，最多得5位食客！但係呢度，一到 6:30 之後，好多時全場爆滿！仲有，兩位靚姐幾 Nice！連熟客想食咩都記得！犀利！

五月十八日(星期二)假期後第一日返工,不想虧待自己,一於同老公仔吃個好味的午餐近來的確日子難捱!加油呀~放假回來的第一日,不算是太忙,但是辛苦的不是在肉體上,不知何時才有假期呢今日到了上環的生記去旅行前我都自己吃過一次,一個人比較易搵位!今日等一會,就有位了!我點了魚腐魚湯米線老公仔點了雜錦魚湯米線魚腐魚湯米線魚腐有五粒,味道好!是炸過的.但是不算油魚湯美味有益,米線份量多,女仕應該叫小米呢雜錦魚湯米線材料包括腩肉,魚腐,魚清,雞奕,魚角,瓜等等老公仔喜歡吃雞奕,魚滑亦新鮮份量很大!$36-抵吃!不愧為我最喜歡吃的米線每次都沒有令我失望呢

四月十九日(星期一)原來和老公仔已經近三個月沒來過生記了當然,其間我自己來的也不少生記是隔離粥店的分枝,所以它的魚湯特別有保證,每個午飯時間都總是擠滿人今日剛好,去到不用等便有位了老公仔點了雜錦米線,而我則點了魚腐米線雜錦米線真的很雜錦有肥肥的腩肉,雞翼,魚肉,魚腐,魚片等等,應有盡有魚腐當然保持水準,很香的魚鮮味加上大大碗的魚湯米線,很滿足!份量真的非常多!想像不到米線也可以吃得如此的飽有心有保證,我們推介生記!

男友今天帶我遊永利街, 同時, 嘗盡中上環美食, Honey 謝謝你! 一踏入上環, 即時到生記鮮魚湯米線叉叉電。這兒的米線勁大碗, 好飽, 如果大家想試多d 中上環美食, 建議大家叫細碗, 以免太飽。湯底是濃濃的魚湯, 不加味精, 很有鮮魚香味。我們點了:順德魚腐魚湯米線($25)我未食過正宗的順德魚腐, 唔知佢正唔正宗, 但真係好好食, 魚腐很大粒, 魚腐皮夠薄, 炸得又脆, 內裡又軟, 彈牙, 又有魚味, 咬落有口感。金牌豬腩肉魚湯米線($25)賣相好吸引, 但真係少食多滋味, 因為豬腩肉既肥瘦比例係73, 應該都幾肥, 但就係因為佢夠肥, 所以很香很入味, 久不久吃一次也不錯, 令人回味無窮。