甜蜜蜜甜品專門店 (已結業)

果黃金夢好似楊枝金露既????木糠?? 布甸好難食!反而荔枝XX冰OK !不過講真, 佢地D 甜品賣相一流, 而且佢地開到好夜!

今次係我第一次去食，之前未試過，係個fd帶我去試既!佢話呢度既焗酥被豆腐花好食，就諗住試下啦!叫左個焗丁麵加$22蚊食到朱古力豆腐花，原價要$28蚊，焗丁麵d味略咸，食完好口乾，要水既話又要加6蚊買枝水，我覺得吾係咁合理lor,入得去都係食野ga啦，連水都要錢，過份左lor,另外佢個desert又幾好味既，環境就一d都吾好啦!好逼，無空間，價錢仲吾平喎，咁既價錢，我會寧願坐得舒服d 既地方食啦!仲駛去o個度咩!應該吾會再去啦~^^

本人通常經過TST, 都一定會想度"甜蜜蜜"這間餐廳的, 因除款式多, D野都好好食, 但價錢亦一般, 因一個甜品都要廿幾, 三十幾蚊, 但我都無所謂, 野食OK咪得囉....而且SERVICE都OK.......昨日, 我和朋友再到該餐廳時, 真的令我好失望, 有個四眼的員工(看似是BOSS), 真的十分不禮貌, 因本人有一個習慣是進食時和食甜品前, 都要渴水的, 所以叫該店員拿水給我, 但該員工的態度, 是好不禮貌地表明:佢地只提供WATSON水,HK$6枝!! 仲不斷叫我ORDER甜品, 我雖早已打算ORDER甜品, 但我覺得, 如果該餐廳的政策是不提供水的, 我覺得不是問題, 但問題是該員工的態度勁差...其實她可以講句:唔好意思! 起碼客人聽到都好D呀! 佢咁講, 好似是看不起人咁, 好似講到個客連杯水都無錢買咁, 希望佢真的要反省呀! 今時今日咁既態度, 點得架??所以到最後, 我連HK$1 TIP都無俾, 日後都唔會再去!!

the desserts are very special....and the taste is pretty nice! but the seats are not too comfortable..

之前同男朋友去左呢度食甜品.兩個人叫左兩款甜品share食.一個係芒果春卷.春卷皮包住芒果,幾好味.仲有個芒果sauce點d春卷.個decoration幾靚.另一個唔記得個名,係一個凍食甜品.芒果汁裏面有d生果,椰纖果...上面仲有一個青檸sorbet.幾好味呀.好夠凍.sorbet好好味,酸微微,好醒胃.不過呢度真係好逼,好有壓迫感.總比以前紅磡店大d.服務ok,但係老闆娘就冇咩禮貌啦.價錢就ok啦.

我叫左炸香蕉伴雪糕. 香蕉被薄薄一片肉桂味酥皮包著炸, 不過不失, 不過份量細, 唔抵食. 朋友的一份份量較大. 是類似一件炸過的麵包載著芒果雪糕. 偷吃過炸過那東西, 感覺有點油, 麻麻地.可能因為呢排學得多左甜品, 我會好想試多d 有特式或好味甜品. 見佢門口貼咁多報導, 所以有d期望, 不過食完之後覺得佢地的甜品係有創意, 但既然佢地以甜品作招來, 我就會嫌呢度的甜品少左個"心", 有少少失望.

朋友未食過甜蜜蜜, 要我帶佢黎試. 我都有好耐無食過呢間甜品店, 所以就立即付諸行動. 黎到唔係好多人, 眼見個個都係食緊焗丁, 焗意粉...無人食緊甜品, 令我地有少少猶豫,但係既來之則安之, 就坐低左.我地兩個都鍾意食栗子, 所以叫左佢個夏日推介, 焗栗子批伴雪糕. 等左大約20分鐘個甜品先上檯. 個栗子批好好食呀! 批用酥皮做, 裡面o既除左栗子蓉之外仲有粒粒栗子, 味道唔會過甜, 熱辣辣新鮮即製, 正! 個雪糕係典型dairy farm貨色, 無乜特別!雖然座位唔舒服, 不過值得翻炒!

士多啤梨雪山---甜到漏黃金夢---無甚特別....都幾多芒果....價錢略貴...而且坐得好逼....係咁多.....

D 野食賣相真係幾靚,又幾好味,又唔係好貴,有機會我會再去食

上次都諗住同朋友食，點知多人到爆，今次星期一來，不用等便有得坐。甜品几特別，唔似普通糖水店咁生果撈乜珠乜果。有熱食的朱古力豆腐花凍食的雪糕，但好甜。最好都係普通糖水店提供的食品，所以好似唔洗特別去呢度，又不是有特別氣氛。熱食的朱古力野去strawberry forever 好過。

今日見幾得閒,所以決定出尖沙咀行下...想起呢間既食評唔錯...就諗住同男朋友去食個lunch!!幾經辛苦搵到間野啦...但原來要十二點先開門...但我又好想食喔...咁我地唯有去HMV兜下,先返來食!!十二點半度返到去食,成間舖除左stuff之外就得一個客(而果個客都好快走左)...我地好似包晒成個場咁.....哈哈!!講返的野食先!我地order左兩個set lunch 1).XO醬猪頸肉炒意大利粉;(2)雜扒焗公仔面(1)真係好好食...雖然食唔出XO醤0的味,但猪頸肉肥瘦適中...Yummy...意大利粉炒得都好出色,乾身但好入味...好食!!!!!(2)相對來講,就吾係好得!!個名就好似好吸引,但點都諗吾到,焗左的公仔面,竟然係濕既(in stead of 乾身)!這個是敗筆呢!每個餐都有跟野飲同埋甜品....我揀左鮮雜果芒果汁豆腐花(凍食),而男友果個椰汁黑糯米(熱食)....我覺得我果個好好食....都幾甜....不過啱我的口味^^男友説他那個很普通...埋單$74(都OK啦)我地已經講定下次去試下晚市...嘻嘻!!

有次去食午餐,叫左個焗飯餐~~味道都唔錯~~但係食到一半都未夠,已經有人拎左個甜品俾我...個甜品仲要係雪糕紅豆沙...我食完個飯先食個甜品...D 雪糕已經溶晒...變左食紅豆沙...個雪糕唔知去左邊...我覺得下次應該等我差唔多食完先上甜品會好D 囉~~好似叫我快D食完快D走咁~~~

今日試左佢d午餐, 三十幾蚊有飯、飲品同甜品算ok啦~叫左一個焗日式咖哩雞排出前一丁, d咖哩幾好味, 不過d出前一丁有d黏,另外叫左個pizza,用料多都幾好味,食完好飽~甜品得4款揀,揀左芒果豆腐花,略嫌味淡~另外叫左芒果布甸但很甜, size又細~

今日同個朋友去咗食甜品,佢叫咗個梳乎厘... 佢話都幾ok ... 不過就食唔出熱嗰邊係咩味喎... 凍嗰邊就好榛子味...我就叫咗個椰汁黑白珍珠... 好... 椰汁囉... 都ok 嘅 .. 不過如果以$12 呢個價錢食碗咁嘅甜品,我不如去x 記食碗馬蹄露黑珍珠加海底椰,都係$14 ...

之前朋友推介，陸續試過疏乎厘、糯米池、什果涼粉／西米撈、炸芒果．．．無疑佢地o的賣相係幾靚，但味道算一般，本人口味覺得略為甜一點，愈去一次愈甜咁，even連什果涼粉撈，我同朋友都覺得糖水落得勁多，真係甜到有口渴感哩！不過，我幾鍾意食佢個炸芒果，可能我係芒果痴啦，算係幾特別，賣相當然有番咁上下（睇下！）。依家都因太甜少去喇，同埋每次去親都唔坐得耐，都幾多人幫襯，格局算密集，所以坐得都幾唔舒服。另，佢都有其他「餐款」供客人選擇，唔一定幫襯甜品o既，咸野都有，但我就未試過喇！鍾意食甜野o既你，不妨一試丫！