甜蜜蜜甜品專門店 (已結業)

黎過呢度食甜品幾次, 味道幾好, 而且款式有新意, 唔係好似其他cafe咁永遠只係得cheesecake, ice-cream同埋mousse.我去時覺得佢地最唔好o既地方就係坐得唔舒服,好似大排檔咁. 我地幾個女仔去食甜品通常就係想搵個坐得舒舒服服o既餐廳, 一路食美味o既甜品一路談心...佢咁樣o既環境,令到我同我d friends幾次都係o係附近都無選擇黎呢度...不過近排已經無經過過...唔知佢有無重新裝修過呢?

o依間去過好多次, d甜品樣樣都好特別, 好似酒店d甜品咁, 好多都好好味, 價錢大約廿幾三十蚊啦, 雖然唔係好平, 但係絕對值得一試~~~1.荔枝玉露- 有d似沙冰, 好似係d荔枝雪糕加冰攪碎, 荔枝味好足, 唔太甜~~~2.鴛鴦梳乎厘- 唔係奶茶+咖啡呀, 而係一凍一熱o既梳乎厘, 熱o個個係水蜜桃味, 好香, 好好食, 而凍o個個係白朱古力, 凍o個個好似雪糕咁, 冇乜特別, 梳乎厘都係熱好食d~~~~~

一班朋友食完飯, 都幾鍾意0黎呢度食甜品佢d野唔係話好出色, 不過一班女仔share咁食, 嘻嘻哈哈咁都食得好開心!不過真係成日好多人架夜晚, d位又逼...所以通常唔會坐好耐; 亦因為咁, 等位都好快上次去食, 發覺佢好似愈來愈少選擇...唔知係咪因為冬天呢?!

果日同男友飠完飯諗住去食甜品, 啱啱行過厚福街, 一諗就諗起"甜蜜蜜"!點知未行到門口,經已睇到有成ニ十人圍住間鋪,見到噤情形,我就即刻話想走,不過男友話既然嚟到不如攞張飛仔排一陣隊......起碼叫盡過力!果然唔使十分鐘,又真係有二人位,我叫咗一盆"好多水果十刨冰"(七彩仙子????)佢就食咗"焗西米布甸".....果味就真係幾好, 不過好似Ｄ位唔多舒服& 好迫!野食上得比較幔(人多啦或者),同價錢都唔平!!!!

幾年前,甜蜜蜜岩岩開時食過,覺得麻麻地,冇咩食物揀,同埋以當時0既食物質素,我會覺得几貴,一個刨冰要三十几蚊.<br /><br />唔知有冇轉老細,而家d野食好左好多,款式多左好多,d質素都高左,飲品,雪糕或者熱食甜品都几好食,最緊要價錢低番好多!!想食唔貴0既西式甜品可以試下甜蜜蜜~

以前o黎食過幾次，都係食甜品，今次第一次食lunch，有五、六款選擇雖然都係$35，有主菜、飲品、湯/甜品，不過似快餐店質素，始終甜品舖食番甜品好D。

鴛鴦梳乎厘係水蜜桃味梳乎厘鋪上朱古力榛子味糖霜同berries, 不過味道一般, 口感亦不十分過癮. 焗草莓雪糕溝左忌廉, 有個雪糕球係底, 比較有味道. 兩個都係食左好似冇食咁, 幾好呀, 唔會滯. 等野食要有d耐性, 同埋坐得唔舒服.

上次考試考夜晚七點半, 同女朋友響尖咀找野食, 誤打誤撞入左去, 兩人同時叫左薄餅果個餐, 個薄餅好鬼香口, 好正, 之後再來個雪糕窩夫, 簡直yummy, 就係有d咁美味的食物, 我果晚考試就合格了.之後同女朋友響旺角行街找唔到好野食, 又搭車走去食, 同樣叫薄餅餐, 個甜品今次係雪糕班戟,仲好食呀......見到鄰檯甜品的賣相都唔差, 就知冇揀錯, 加上$30一個有咁水準的薄餅餐(尖沙咀的茶餐廳叫個午餐都要$30), 簡直唔試唔得.唯一美中不足的是它們只做下午茶及晚市.

第一次去係因為響尖沙咀考試考晚上七點半, 同女朋友找野食時亂打亂撞入左去, 每人叫左個同尖沙咀區茶餐廳的午餐一樣價錢($30)的薄餅餐, 個薄餅好香口, 正合我口味, 之後來個甜品, 原先俾左只係$30, 諗住個甜品冇咩特別啦, 點知原來係個極之精美的雪糕窩夫, 塊窩夫仲好脆, 我當晚考試就係有d咁美味的食物鼓勵之下, 就咁就合格了.第二次係因為同女朋友響旺角行街, 找唔到好野食就專登搭車去尖沙咀食, 叫同一個餐, 今次個甜品換上雪糕班戟, 舊雪糕好大舊再睇下鄰檯食客所點甜品的賣相, 簡直令人垂涎.

平均$30 零蚊,甜品賣相幾靚,D 款都特別,絕對唔係普通中式甜品舖或賣普通西米露等糖水的店舖,個炸雪糕同芒果卷唔錯,想食下特色的西式甜品都是個不俗的選擇,女孩子實鍾意<br />除了甜品,lunch都ok, 薄餅果個餐幾掂,值得推介。

今日食左酥皮豆腐花,炸芒果^^ <br>好食!!!!!!!!! <br>而且好特別,唔係道道食得到^^ <br>服務都算過得去^^ <br>有機會會再去^^

今日諗唔到食咩好, 於是求其搵間鋪頭入去食o野, 食o左一個set lunch, 個lunch都幾豐富下, 我order o左一碟燒豬柳闊條麵, 一杯凍檸蜜和一碗芒果味什果豆腐花, 個闊條麵幾香, 充滿牛油味, 豬柳不會太硬, 都幾好味, 豆腐花有幾多什果, 唔會落太多糖水, 都好好味, 但係杯凍蜜落o左太多糖水, 勁甜, 略為美中不足, 個lunch要$37, 價錢ok啦!

上星期同幾個朋友黎下午茶,環境幾舒服～焗香芒卷～好好味,又香又脆,又吾會太甜.熱辣辣芒果加埋凍冰冰雪糕<--- 似吾似賣廣告呢？不過真係好好昧嫁～！一定要試下！仲叫左個沙冰～賣相幾好,但冇乜特別.我地仲叫左Ｄ下午茶,不過吾好味的.所以記住淨係食甜品好了！

上星期五試了香芒卷和水蜜桃撻, 香芒卷沒想像中好, 因為椰絲和開心果的味道太濃, 把芒果的味道改過了, 水蜜桃卷則不俗.價錢不太便宜呢!

最愛佢地o既法式焗香芒卷呀！芒果加上碎開心果仁，賣相極靚呀，實在太好味啦！