甜蜜蜜甜品專門店 (已結業)

同細妹、表妹行完街，好想坐低飲杯o野，點知樓上cafe唔係close晒、就唔靚、一係就full晒，好無奈。所以行左去厚福街搵食。第一次來甜蜜蜜，覺得d甜品都幾特別，我叫了木槺布甸，細妹叫了多士，表妹叫了拿破侖，大家都覺得幾好味，木槺布甸有芝士味，加上蛋白焗，又熱又凍都幾特別。不過我叫o左杯齋啡，就唔係幾ok，係咖啡粉開的，又大杯，成晚都訓唔著。接住就要去holiday inn參加朋友的婚宴。

我都覺得最近係呢間野食果D甜品唔掂, 果日點左個乜鬼荔枝雪巴....E.......難食到呢, 果幾粒荔枝係超級罐頭味....雪巴得個甜字完全無荔枝味...大佬個野都成三十皮一D都唔平, 整D咁野食比人真係無良心....好想比十個喊佢.....

今日行到好累，又唔知周圍有咩地方好坐，男朋友就提議去食碗糖水順便可以坐0下~~ ^^"我地叫左"椰果鮮果芒果汁"同"迷你大堆頭"。首先，我想講0下服務員0係同我寫緊單既時候，竟然係一邊寫單，一邊0係度玩，好唔尊重作為顧客既我!! ><"冇幾耐，兩樣野都0黎到喇~ 我同男朋友都有咁既感想....(1) 原來所謂既"椰果鮮果芒果汁"裏面既"鮮果"，係唔大得去邊既蜜瓜粒+ 哈蜜瓜粒再加細到差D 見唔到既兩"大"粒士多啤梨粒。我覺得好搵笨囉~ 又好難飲! 好反胃!(2) 而"迷你大堆頭"就係用晒一D 罐頭製成品既水果囉~以呢個價錢去supermarket 買D 罐頭水果既話，食到痾都得喇! 呢個"迷你大堆頭"最大問題係好難食!!SUPER 搵笨!!!!!!!!!!!!(3) 今次係我地第一次去，以後都唔會再去!!!(4) 又貴又唔好食，差! 差! 差! (如果10個差代表滿分既話，我一定會比足十個!)

同友人於tst逛街，到甜蜜蜜食野…佢有好多好特別既野，like: 疏乎理、chocolate火鍋…however, 食到飽哂，都食唔落le d野囉﹗於是點左d無咁healthy既like(not so sure the name)迷你大推頭(生果涼粉)、有d好似mango加大菜縈既野同埋mango加青檸ice-cream…可能都唔係d 咁special既野…我又唔覺特別好食啦﹗而且都成$30/dish，幾貴﹗

之前都有嚟開呢度食，但係家陣真係差咗好多，態度又差，食品又差。叫咗兩個甜品，期中一個係法式杧果卷，啲杧果肉不知所謂。另一個係芝麻梳乎厘芝麻糊伴雪糕，梳乎厘好難食，芝麻糊又凍冰冰，真係．．．．．．．

晚上與友人遻了此店食dinner, 叫了$38 set dinner, 有2款, 分別是焗pizza 或粉麵,各跟熱飲一杯及是日甜品, 我要了pizza, 友人則要了米線pizza 等了都有成15分鐘, 有6寸, 薄脆底, 味道不錯, 幾多cheese, 友人的米線則有腸仔, 蟹柳, 餃子及雞翼, d餸全部都係2件份量, 但感覺上有d似車仔麵, 因為好快就有, 似整定....餐飲我地分別要了金桔檸檬及檸蜜, 味道,,講真冇咩檸檬味, 甜甜地lor, 但個杯"黏立立"是日甜品係雪糕窩夫, 幾好, 雖然雪糕係牛奶公司貨色, 但ok, 個窩夫幾脆, 同埋好靚服務幾好

好多款式，疏乎里都幾好，夠軟，連埋雪糕一冷一熱夾得好好，侍應仲會提示大家要快ｄ食，夠細心。脆炸春卷皮系列夠新意，一冷一熱好口感，只是嫌春卷皮會油左少少。以前試過夏日festa，成個蜜瓜加雪糕球加百力枝加朱古力漿，好誇張但食得好開心。

木糠布甸~雖然唔夠澳門出產好食,不過都GOOD~黑白梳乎里~個雪糕球好好味~熱辣辣o既梳乎里都正~朱古力軟心~勁濃朱古力味~外層少少脆,入面就漏出o黎~好甜,好好味!*其他好似炸消化餅就麻麻,同埋栗子酥好似麵包鋪買o個D栗子包咁~好普通~*整體都好GOOD ~我食o左五六次~

前日同朋友0黎呢度食TEA，我點左焗酥皮豆腐花，朋友就叫左煙三文魚法包。開頭食焗酥皮豆腐花覺得幾得意，初時仲以為得酥皮面頭有朱故力汁，篤穿左酥皮先知道豆腐花係浸住朱故力。整體黎講都OK 嫁，係就係有特色，味道方面我就覺得平平無奇。朋友話個tea set唔錯，有沙律伴碟，咬落去麵包好鬆脆，三文魚幾香。

拆禮物晚，吃完意大利餐，就到尖咀join埋同朋友shopping 緊的太座。佢話想食甜品，咁就行入厚福街搵食，最後見呢度好似幾對辦，就來了這裡。除左傳統的糖水豆腐花，仲有好幾款創新的甜品，名字幾得意，就叫了焗酥皮豆腐花伴朱古力汁，太座要了焗香蕉拼芝麻雪糕，兩個都楝明要等十分鐘至有得食的。焗酥皮豆腐花是平時酥皮湯的酥皮，入面不是湯而換了豆腐花，再佐以朱古力汁，賣相不錯。頭幾啖吃來也覺得不錯，但多吃不免有點「漏」，可能我不是甜牙齒的關係，大半都由太座包辦了；焗香蕉是酥皮包香蕉去焗，呢味無咁「漏」，芝麻雪糕雖是普通貨色，但相比起前者，我會投這個一票。埋單62蚊，聖誕及新年假期期間要收加一，平時免收，喜歡特色甜品的可以一試，我就試一次就可以了。見隔離班靚妹吃朱古力窩，都好似唔錯又幾得意。

評語：蠻不錯　（說穿了，就是一貫的水準啊）又是下午茶時段，又是甜蜜蜜，好像尖沙咀只有一個餐廳供應下午茶似的．（這次差點走進旁邊的金太郎，但還是被甜蜜蜜吸進去．．．）老實說，走進甜蜜蜜不吃甜品是有點可惜。但小弟實在肚餓，還是來一客焗飯吧。友人點了白汁海鮮焗飯，我則選了葡汁雞扒焗飯。焗的時間掌握得不錯，上面的芝士剛好有點燶，香氣四溢。白汁海鮮焗飯是不錯的選擇，因為汁的味道不錯，二來海鮮的質感也實在，絕非人造蟹柳或人造帶子可比。葡汁雞扒焗飯嘛，芝士+葡汁+薑絲+蜜汁雞扒+飯，各位自行想像吧！餐飲推介百花蜜，就千萬別選咖啡，除非閣下對咖啡毫非要求，或是覺得那些用即溶咖啡粉沖出來，並且加了很多水的咖啡才是上品．還是大大杯的百花蜜好，大大杯的熱咖啡就．．．免了．最後竟然送上每人一碗的雜果豆腐花，下午茶餐的”抵食度”即時上升一點！

今日心情唔靚, 無胃口食午飯, 四點幾黎左甜蜜蜜食tea. 要左個芝麻三式梳乎里, 包括焗芝麻梳乎里, 芝麻雪糕同一個芝麻sauce淋落個梳乎里上. menu上話等15分鐘, 但係結果我足足等左25分鐘先至有得食.梳乎里個賣相幾靚仔, 漲卜卜而且表面焗得金黃色. 急不及待就淋上芝麻sauce, 畢左一大羮送入口中!...但係...點解個梳乎里無味o既? 無蛋香, 無芝麻味, 亦無甜味! 好彩個sauce都有少少芝麻味(不過都係無甜味)!再食埋個雪糕, 呢個有甜味啦, 但係就係來貨(雀巢)...而且好細球, 兩啖就食完!雖然話焗梳乎里好考師傅功夫, 而呢度o既師傅論"焗功"就好了得, 但係咁o既味道, 我唔會再幫趁囉!

本來想去cafe la kristal食芝士餅,點知吃閉門羹!!多得一位路過送外賣哥哥搭訕至知,呢間cafe星期日好少開門,所以行過隔離甜蜜蜜吃甜品補數。自己叫左酥皮焗豆腐花,朋友叫左炸雪糕。兩款造型都幾靚,比一般甜品店來得精緻。試左少少炸雪糕。芒果雪糕好硬淨,加埋個皮吃口感都幾特別,我反而鐘意吃佢個炸雲吞皮(?)座,脆卜卜嘛。酥皮焗豆腐花個酥皮好吃,豆腐花好滑,可能朱古力甜湯影響,所以唔覺有乜豆味,只係覺得好滑。如果有齋豆腐花的話,應該可以試真d,不過好似唔見有得叫。有一樣服務真係唔錯,店員好樂意解釋甜品入面有乜材料同製法,有位戴眼鏡既女店員仲提醒我,酥皮分開食會好味好多,所以我都無將吃酥皮湯既方法黎吃呢個甜品。

一個pizza 餐又有甜品送<---勁大呀又有野飲抵食又大件,非佢莫熟

我食過木糠布甸, 我覺得幾好食, 果d木糠係好似消化餅味~~ 可能我鐘意消化餅d 味, 所以我鐘意食啦~~~我都試過佢地既朱古力火鍋, 幾好食~~~~~ 至於佢地既賣相, 對於呢d鋪頭仔黎講, 算幾好~~ 但對於甜品黎講就唔算一流喇...大把甜品靚過佢啦~~但都值得一試既~~