甜蜜蜜甜品專門店 (已結業)

之前朋友推介，陸續試過疏乎厘、糯米池、什果涼粉／西米撈、炸芒果．．．無疑佢地o的賣相係幾靚，但味道算一般，本人口味覺得略為甜一點，愈去一次愈甜咁，even連什果涼粉撈，我同朋友都覺得糖水落得勁多，真係甜到有口渴感哩！不過，我幾鍾意食佢個炸芒果，可能我係芒果痴啦，算係幾特別，賣相當然有番咁上下（睇下！）。依家都因太甜少去喇，同埋每次去親都唔坐得耐，都幾多人幫襯，格局算密集，所以坐得都幾唔舒服。另，佢都有其他「餐款」供客人選擇，唔一定幫襯甜品o既，咸野都有，但我就未試過喇！鍾意食甜野o既你，不妨一試丫！