甜蜜蜜甜品專門店 (已結業)

今個星期衰野接二連三發生, 人去財空, 心情跌到谷底...連下午茶都要人地請...叫左個栗子酥, o係如此惡劣o既心情之下, 出奇地呢個酥好好味, 比記憶中更好味添! 栗子餡香味仲有粒粒栗子, 而且焗得焦香, $38抵食.經一事, 長一智, 希望否極泰來啦...

同兩個朋友share o左兩款甜品食1. 焗酥皮朱古力豆腐花2. 黑芝麻燉蛋兩樣都好味道焗酥皮朱古力豆腐花就內凍外熱, 豆腐花好滑呀, 我朋友好鐘意食酥皮所以好o岩食~黑芝麻燉蛋就外凍內熱~上面o個蛋白cream加o左白芝麻texture好好~黑芝麻燉蛋又整得好滑又夠芝麻味~服務. 不太好, 食完好想我o地快d走咁, 雖然唔駛等位(21:00) 但坐一陣都要望住哂咁..

食完晚飯(大約10:30pm)個fan介紹黎呢度食甜品，去到勁多人，排到出門口，攞完飛等左好耐先有得食，仲要係坐街邊...不過其實冇咩所謂，最緊要好食，我啲朋友(3個)食個啲，佢地就話好，但我覺我個普通，我叫左個芒果汁雜果西米勞，西米同生果分開上，啲西米勞好夠味，但啲生果就麻麻，冇咩味，有啲難食，因為我啲fan話好，所以我比"中"。我都會再黎嘅，但下次就唔會再叫呢個同埋會再早啲黎。

食完飯之後行左黎依度...叫左一個芒果什果撈+朱古力軟心梳乎里加薄荷sobert..個什果西米撈幾好食...有好多生果///有西瓜,芒果,提子,哈密瓜...個西米露有部份脆脆地...好得意...個梳乎里黎到好熱...又唔會好甜...食到個底到有朱古力流出黎...好食呀...我就唔係太鍾意個sobert...個味有少少假//我隔離叫左個湯圓+木槺布甸...佢話個湯圓唔夠熱...跟住個木槺布甸有條頭髮係裡面...可能係佢唔好彩...

TES SET 都抵肥牛米線~ 都OK 既反而佢\地既野飲就麻麻了.... 我叫果杯好淡, 但我男友果杯好酸! 味道扣一分仲有煙三文魚意大利粉, 細細碟, 幾的識!仲有, 食緊果時, 有個韓國記者周度訪問老板, 同試食左好多野影左好多相!

今日食左朱古力火鍋~~好似加左價呀~ $52~~不過都okay抵丫...我之前食過一次要$128~~d朱古力醬都幾好味... 不過濃番少少更好~生果有香蕉，士多啤梨，奇異果，芒果，蜜瓜角四舊~~2個人食都okay~~ 1個人食就會太"漏"!

鮮芒果玉露伴青檸雪芭($38)感覺好清新，最適合炎熱夏天！有鮮芒果同椰果，芒果鮮甜，椰果有咬口；下底係芒果雪冰，上面就係單球青檸雪芭，酸酸哋又冰凍，食完成個人都涼晒！

見到評論講呢間野食朱古力火鍋咁平，尋晚就同左女朋友去左呢度食，之前預左細，因為個個都係度咁講，但入左去都唔係話細逼，可能人唔多，但其實香港好多地方都係坐得咁逼，所以都接受到。我地兩個人ORDER 左一個朱古力火鍋，一個雪糕pancake 同一客湯圓，total$100，未道都過得去，不過真係幾貴，碟湯圓得六粒要成三十幾蚊，個火鍋其實都唔係話好多野食，都係得個濟字，同埋D生果唔夠凍。總括來說，期望唔好太高的話都可接受，仲有個老闆娘(我估係，帶眼鏡的)真係唔太有禮貌。

以lunch來說其實都唔平...但味道真係幾好...煙三文魚意粉(吞拿魚汁): 幾好味, 係略嫌鹹咗dd... (不過我鍾意佢既汁比較特別, 唔會來來去去都係得個d)甜品係四選一, 我叫既雪糕窩夫都唔錯(但個窩夫唔夠熱...)計埋餐飲約$40~

不過不失，價錢就唔算平架啦，但甜品選擇都有心思，純粹食甜品都可以來試試啦。女友食左個芝士木糠布甸，果層蛋白都幾好味，暖暖地一層幾香，不過裡面芝士就好硬啦，係一熱一凍滋味，不過個芝士要用匙羹係咁插先食得。我就揀左黑白朱古力梳乎里，個梳乎里都真係熱辣辣，要食得快如果唔係會溶，呢個做得好過上面果個，黑朱古力漿鍾意落幾多就落幾多落個梳乎里。配埋個白朱古力雪糕，好香同幾濃，但唔會話好「漏」。唔好唸住會飽肚，唔好唸住化算，但當食下ｄ新鮮野試下甜品無妨，但呢個價錢我情願入深井食下揚枝甘露同芒果pancake啦。

一行五人食完大盛再行過黎食，叫左椰果鮮果芒果汁x2、木糠芝士布甸x2，同埋焗香蕉批。我地都覺得椰果鮮果芒果汁麻麻地，許留山仲好食，木糠芝士布甸就麻麻，無乜味，焗香蕉批就幾好。不過，呢間野d甜品個價錢set得幾高，但水準好似同價錢唔相乎，想叫朱古力軟心布甸，亦因為太貴，睇相又見唔係太大個，所以放棄。佢d甜品好似個個都過三十蚊，又唔係好大個，地方又唔係好坐，如果俾呢個價錢，可以有更好0既選擇。

要吃較為特別的甜品，這裡是其中之選。但個人口味覺得這裡偏向甜的，今次吃回這個「迷你撈」，相比之前吃的是「縮水」了，甜度卻是適中；炸芒果雪糕：像是為了她而來，無疑這裡的甜品賣相很漂亮也很創新，是這裡必殺技之一；一刀切的感覺是，冰凍硬硬雪糕在內，薄薄暖暖吉烈皮在外，切開的時候，有些雪糕開始融化了；放在口中，又冷又熱，口感特別；雖說甜品不是我熱切的東西．．．不管了不想錯過。

改左用粉紅色主調, 比黃色柔和很多, 舒服得多.今日去開尖沙咀, 想起很久沒有去呢度開餐, 於是就去呢度食晏.主菜係焗雞扒排骨出前一丁, 配西班牙汁, 小弟由於肚餓非常, 只係用左四分鐘就食完, 唯一要彈的是, 排骨冇肉咁滯, 全部都係骨......甜品係朱古力慕思窩夫(見圖), 塊窩夫幾脆, 唔錯唔錯.由於凍飲加兩蚊, 埋單盛惠三十九.

去過N咁多次…都幾鍾意li度…d位係好逼law…但好在d waitress會自動自覺比chairs你擺野…試過個朱古力火鍋…ok la…$48(唔知有無加價lei??) 算平la…唔expect太高…不過幾漏…同個friend share…(其間仲有d friends都有試d…)都可以2個都飽晒law…唔記得exactly個名…朱古力酥皮豆腐花...(something like that)…幾得意…不過嫌佢太甜…但bf話好正,個甜度o岩佢wor…芒果豆腐花…個人鍾意li個多d…清d…無咁甜…都係記得exactly個名…係暖心朱古力加雪糕…li個唔錯…雖然未到酒店水準…但都ok…$30-40算唔錯…芒果椰汁黑糯米…無乜特別…而且頗細…仲有d cakes/唔知咩雪糕果d已經唔記得d味lu…不過印象中都唔差gei…反而bf就會食芝士焗公仔麵…佢話好正wor…不過我無試過,所以唔知la…

下午食lunch, 叫左一個$37 既lunch set:@煙三文魚帶子墨魚麵: 水準ok. 比較surprise係有幾種汁料可選, 我要左波菜忌廉汁, 真係有好多波菜, 味道不俗又健康~@甜品: 有幾款選擇, 我叫左芒果布甸, 味道一般@餐飲整體都幾好味, 但有少少貴呢...