甜蜜蜜甜品專門店 (已結業)

平時活動於cwb區, 真係差不多咩甜品都試過, 難得去尖沙咀行街更係要食盡去.食完晚飯無耐就忍不住去食甜品, 最後選擇來此店, 我地叫左個焗香蕉+雪糕, 另一個係香橙梳乎里+青檸雪"巴".2樣都好有特色, 不過我比較喜歡食焗香蕉帶少少暖配上雪糕真係好好既配合, 反而梳乎里就一般啦好似偏濕唔算太好味又或者我唔係太喜歡橙味, 個雪巴就唔錯幾香青檸味.這店d特色甜品都ok, 原來此店都有d set dinner睇個份量都幾多加上價錢又唔貴, 下次都可以一試.

吃過辣辣的韓國菜，要甜品中和一下，最方便快手的選擇自是甜蜜蜜。芒果玉露(還是椰果?)配青檸雪葩。落筆前經多番討論，仍不敢肯定是否這個名稱，認住佢個樣就是了。只記得餐牌上強調此品令人「一試傾心」。結果呢?外表和這裡其他產品一樣，的確是靠得住的。味道方面，很多椰果芒果士多啤梨撐起酸酸的青檸雪葩，其實如果分開食的話，各自也不錯的，不過兩者配合起來就只有酸而沒有甜。 另外的酥皮香蕉卷配芒果雪糕，糊仔狀卻熱騰騰的香蕉加花生醬的組合也不討好，而且有點膩，即使企圖用雪糕平衡，效果也不太好。似乎一試傾心並不成功，看來我們應是細水長流的一派。

前2晚1班弟兄姊妹去dinner, 有幾位冇嘢做既決定追加甜品, 故選擇近近哋又具人氣既甜蜜蜜.小弟叫了焗栗子批配荔枝雪糕. 味道不錯的, 但卻沒有令我'嘩'的感覺, 價錢為40蚊弟兄'真蕉'叫了焗香蕉批配雪糕, 佢話只屬普通, 無驚喜, 好似35蚊姊妹'茄人'叫了梳夫厘配青檸雪皅, 佢話太淡, 冇乜味喎, 好似40蚊姊妹''肥佬多拿'叫了湯圓5粒,佢話好味, 但要20蚊, 我諗比正常既貴咗差不多有5蚊姊妹''餅拿'叫了心太軟配雪糕, 我諗呢個應幾好味, 因有份試既弟兄姊妹都, 讚好似38蚊總括嚟講, 我覺得佢收呢個價錢, 地方應要舒服d, 冇乜理由要喺街邊坐圓櫈搭木枱. 就食物質素及環境而言, 好似欠缺說服力. 所以專程再嚟既機會不大, 但經過開又想食甜品既話, 話唔定我又會再光顧.

叫左個黃金夢食朋友果個好似個菠蘿包都幾有新意GOOD

晚飯過後，想和朋友再聊聊天，於是選了這兒吃甜品。真是太擠了，我們給安排坐在門口位置，友人的頭髮和衣服真的會隨時給門夾到，十分危險。這天十分炎熱，街上的熱風從她背後的門縫穿過來，真的有點辛苦。店內嘈吵非常，幾乎聽不到對面的朋友在說什麼，完全不是聊天的地方。環境不太衛生。上甜品時，把我們要的給了另一檯，見到人家幾乎開始吃才轉遞給我們，嗯.....我們都叫了"鴛鴦戲水"(鮮果x蒟篛x西米糖水混合體)($34) 用顏色膠碗盛著，賣相已絕不吸引，說是鮮果 - 其實只有西瓜和一兩粒荔枝，甚至不太新鮮。西米糖水味道很怪。

好久之前已幫襯過呢間,當時仲係紅磡個條日本街到現在先知搬左來呢度,經過咪來試下叫了黑白梳乎里--- okay, 但唔夠鬆化脆皮蘋果批 --- okay, 脆皮可以再鬆化d以小型甜品屋來說, 整呢d食物已又入得口都算係咁

上月去了甜蜜蜜試 "黑白朱古力梳乎里"唔知係咪期望過高...只係覺得一般....昨天和朋友經過....我叫了下午茶的 "雜果雪糕窩夫".....窩夫十分難食...只吃了幾淡...朱古力雪糕入面係有朱古力碎片的....都算ok....朋友點了..."焗朱古力棒子心太軟"試了啖...幾好味....但朋友嫌太甜, 太 "溜" 了...其實....甜品款式選擇不多....而且以這樣的環境....略嫌價錢貴了點....總括....應該不會再去了.....

前日晚上友人說想吃疏乎梨，就想起甜蜜蜜，點了朱古力疏乎梨和古堡，疏要診熱吃先好味，古堡就第一次叫，雪糕要了朱古力和芒果，好味，每次來都吃得好滿足。

6:15pm 一個人0係尖沙咀搵地方食early dinner, 遊0下遊0下0黎到厚福街, 一見到呢間甜品屋, 心太軟癮立即又起, 0拿0拿臨入0黎叫個($40 一客) 止口痕=P唔使等好耐就有得食... 賣相好靚, 個蛋糕勁熱, 將佢切開兩半, 即刻有勁多一樣勁熱的朱古力漿流晒出0黎, 100 個吸引! 朱古力蛋糕質感好有彈性, 表面少少乾, 朱古力味香濃, 好食; 朱古力漿幾甜0下, 不過朱古力味一樣濃, 勁正! 咁先係似樣的心太軟嘛!另外因為個甜品本身叫「焗朱古力榛子軟心布甸」, 搞笑地有兩粒果仁「混」了d 朱古力漿入面, 味道係無乜大影響, 不過我都係6意齋朱古力漿多d. 旁邊的0云呢拿雪糕就勁凍, 雖然淪為配角又味道麻麻, 不過配上熱辣辣朱古力漿, 一凍一熱又幾正. 士多啤梨亦出奇地唔酸, 不過本身唔太鍾意食士多啤梨, 結果都係放棄了; 條朱古力蛋卷就無乜味, 仲要唔脆, 唔係好得.鋪內感覺十足茶餐廳, d 檯/ 食具濕立立的, 環境衛生認真麻麻; 招呼更麻麻, 女店員被我yaap 了埋0黎落單, 佢俾我0既反應係一個好唔耐煩的「食咩?」, 加上我逗留0個20 分鐘

夜晚同老婆食完飯行左陣街去左甜蜜蜜度食甜品，叫左一個黑白朱古力梳乎里($38)share梳乎里焗得幾軟"術"，口感特別，但朱古力不太夠，要配合旁邊的朱古力糖漿才夠味。白色的像雪糕，食落感覺比較充實，亦非常美味，但沒黑色的有特式。其實兩個人share有點意猶未盡(相信老婆都係)，但因為價錢不平和月尾關係沒有再加一個，下次再去一定會食個痛快!

@東京的一餐令人極不滿足，兩個人又到了甜蜜蜜食甜品。　此店的心太暖($40)可可味夠濃，不會加以大量糖漿濫竽充數；熱暖的流心朱古力蛋糕，拌以香甜雪糕誠然是人間美味。可惜是今次焗得有點過火，朱古力流心程度不足，扣了一些分。　我們又另外點了一客雪糕窩夫($27)，新鮮即製關係，窩夫水準差極有譜，加上朱古力味雪糕及雜果，又是一個令人滿足的甜品。　最後一杯金桔檸檬，順了心又再滋潤多一分，心情就轉好了。要逗自己開心，其實不太難呀，cheers!

復活節假期夜晚9:00去呢度食...唔使等位, 仲記得以前黎親都一定要等.叫左3樣野, 西瓜涼粉:我冇食, 但係賣相都一般, 分量多囉.黑白朱古力梳乎里: 賣相好靚, 開頭以為係雪糕, 點知食落原來係雪芭, 好清....我一睇個朱古力汁時以為係豉油, 哈哈~焗酥皮朱古力豆腐花: 我黎親都會食, 不過今次我覺得水左少少, d豆腐花食落冇咁滑.價錢我覺得係貴左d, 同埋好似附近都開左間新既甜品舖, 可以搶左d客掛.總括黎講...ok啦, TST少甜品舖嘛, 佢都有佢既存在價值既.

恨o左食好耐，上網search到就去試侍應姐姐話就話要我o地等15分鐘左右，其實都唔係等o左好耐就有得食。個樣真係幾靚，用匙羹切開蛋糕，哇真係有朱古力漿流出o黎!不過可能唔夠熱，入面有d朱古力未溶哂，而且有兩粒相信係榛子o既物體，其實有d突兀，冇會更好。個朱古力蛋糕真係好正，外層微脆，點一d朱古力漿食真係又香又濃。食o左一大半已經有d膩，成口都係濃濃o既朱古力味，放o係旁邊o既雲呢拿雪糕真係非常好。食一啖淡淡涼涼o既雪糕剛好中和朱古力o既濃同膩，中間夾雜o左少許冰屑，我覺得冇乜所謂，有少少口感又唔錯。成碟個賣相真係幾靚，我會畀4/5分至於個心太軟，真係見仁見智，我本身唔係非常鐘意食朱古力，所以滯o左成日，短期內都唔會掂有關朱古力o既o野XDD而且剛好40大元，荷包感到有d壓力......不過一次半次都ok o既

13/3/2008 星期四去完草苑食韓國野，反正都晌尖沙咀，去埋甜蜜蜜lu~我食炸芒果雪糕班戟(個名未必exactly岩)表妹食黑白疏乎厘表姐食古堡傾情(定"城"? anyway~)，其實即係酥皮加兩舊雪糕豪父食黃金夢，咪即係楊枝甘露lor...我其實無問佢地好唔好食，不過佢地無話難食，咁即係無問題啦哈哈! 我食個o個就炸芒果雪糕班戟就好好食喇~又大份~地方就好迫架喇~今次到我請!!TOTAL $148~食到我地好飽~~

食完烏冬, 跟住再去食甜品, 係厚福街搵到呢間食甜品鋪....睇到MENU除左有西米露, 涼粉.....等...仲有d平時無得食既特別甜品, 於是叫左個: 焗朱古力棒子軟心布甸- 有驚喜, 雖然無"酒池肉林"既咁好味, 但都真係唔錯bor...$38.0食得過ar, 唯一覺得佢個朱古力外層唔夠厚同脆, 軟心多得滯...但味道賣相都好好 焗酥皮豆腐花拌朱古力汁- 唔係好得><, 除左豆腐花係滑溜有豆腐味外, 佢個酥皮仲唔好食過pizzahut既, 朱古力汁唔濃, 稀dede...同豆腐花唔夾, 同酥皮又唔夾...唔知點好....$32, 唔好食又唔抵食SERVICE就唔係好得..落ORDER同埋單都等左好耐先有人跟....