甜蜜蜜甜品專門店 (已結業)

一行人食過了韓式食物，意猶未盡的繼續下一站，到附近的甜品店來作終結。店內的座位跟滿記一樣的擠迫，不過也沒損各食友的興致。這裡的甜品不算很出色，不過名字卻頗特別。我要的<<荔枝玉露>>，是將煉奶"炒至雪糕般，來個反傳統，甜度是有點過濃的，不過也算是味道較好的一個甜品了。女友的<<香橙味梳乎厘>>，氣味上很香，口感不過不失，在梳乎厘底部原來有一點點的朱古力餡，跟香橙的味道有點不夾。奇怪的是附上的所謂橙汁正是小時候常喝到的"化學物"味道........= ="另一個食友要的<<心太軟>>，只算是一般流心程度，味道還算可以....吃畢了甜品後，各人也帶著心滿意足的心情各自歸家去了.....

同黎明+張曼玉的銀壇經典"甜蜜蜜"同名的甜品店,英文名就叫"Happy Together"?甜蜜蜜同春光乍洩,根本是兩回事.眾人感受完韓風,就來感受"杜可風".十幾個人,差點逼爆.要分兩檯坐.小弟是穩陣派,這天體內的女性荷爾蒙沒有顯著激增,於是要個西瓜西米露.清涼鮮甜,西瓜又多汁,算是消暑佳品.見其他朋友的甜品幾得意,又逐樣試少少,荔枝玉露感覺似份子料理,而友人K兄的心太軟並不軟.學素素豬說:用這個價錢吃fusion甜品,真的不大值.吃中式甜品,才最稱心.

07/08/08 來到甜蜜蜜甜品專門店吃下午茶, 當時剛好三點三, 所以甜蜜蜜都有八成滿, Thxdtsdd 點了心太軟布甸配雪糕, 因為要時間製作, 所以等了十五分鐘先有得吃.首先個心太軟個賣相都唔錯, 朱古力蛋糕外皮加暖暖地流質朱古力, 食落好正, 又唔會太甜, 如果份量可以多點就好了! 雪糕, 忌簾, 士多啤梨等味道都 ok!女友吃 "黑椒肥牛炒烏冬 + 甘桔檸檬" 茶餐, 黑椒味都幾濃, 肥牛都幾大塊, 烏冬點嫌炒得不夠乾身, 但都 ok, 同樣有一個問題, 就係份量略少. 呢餐下午茶, 埋單共 $67, 都算 ok!照片可參考:http://hk.myblog.yahoo.com/thxdtsdd/article?new=1&mid=1462

上星期二同朋友食完飯去呢到食甜品食得唔開心,好耐未去過間食店會用d下三流手段趕客人走,等店舖做多d生意,雖然呢間甜品店在香港都薄有名氣,但是否出名後就可以亂來呢?我們一行4人每人order一客甜品,甜品質素尚算不過不失,但當我們差不多享用完畢打算多聊天幾句時,事情就發生1.侍應生問都不問一聲仲要唔要就收起我們的甜品(當時仍尚餘少量)2.當檯面所有餐具被收起之後,在我們談話時,先後2次走過來抹檯以打斷我們(實際上檯面再第一次清理時已抹得很清潔了)3.在抹檯計劃未能成功趕我們去結賬後又用新招,"砰"一聲掉個餐牌落來最後他們的計劃成功,我們氣結地前往埋單,並決定以後不再光顧比茶餐廳服務質素還要差的甜品店,我們因全部叫了要焗的甜品,連埋等食品上檯的時間只逗留半個多鐘罷了,出到門口發現有一班人在等位,難怪他們出盡招數趕人走啦

以前有經過過這店, 但看見menu的照片並不吸引所以沒吃過也沒記著這家店, 後來看朋友blog 才發現原來這家的甜品很有創意而且很好吃就去試, 第一次去吃過冰火芝士木糠布甸後真的很喜歡！這個很有驚喜喔~ 最上層是焗蛋白, 下面倒是熱熱的芝士汁, 但再吃下去會找到類似雪糕的質感！冷冷的~ 聽起來好像又熱又冷, 但吃起來沒有不協調, 倒是每一口都有驚喜！還會有很多的餅乾碎, 好棒~ 所以第二次來雖然想試其他款式, 還是捨不得這個而再點喔~其他甜品如心太軟和芒果春卷都是比menu 賣相好看10倍味道都比預期好很多！所以很滿足！現在如果到tst 吃晚飯後想有第二場, 去過的朋友全都異口同聲要到這家攻略其他款式呢！而且很多種都是讓人吃過後第二次還是很想再叫的啊！

離開韓館~~原定步行到佐敦搭巴士~途中有胃納才吃碗燉奶的但大夥兒就不知如何的浩浩蕩蕩到了厚福街~麻煩了店內的客人調來調去~終於十多人也分了兩桌勉強坐得下店內主打自創fusion甜品~看似很多選擇~又好像不知如何選是好最後交由大比選了個焗黑白朱古力梳乎里~等上十數分鐘就上桌了~熱朱古力味梳乎里配上凍白朱古力瑧子味梳乎里盤中還附上莫名奇妙的蠔油一碟~~(當然是朱古力漿而已)焗的梳乎里也夠高夠濕潤~也不錯的~但凍的那邊就真的甜得不敢恭維~這還是我們第一次吃這種凍的梳乎里怎看也似是比HD雪糕還要全脂的白朱古力雪糕球~因為它真係歷久不溶~直到最後我們放棄後~都沒有溶過~友人的甜品版荔枝玉露~荔枝汁與奶同打成沙冰狀~第一口是清甜的荔枝味~第二口已覺有點漏~受不了~至於一個西西里式的西瓜+西米就全無難度可言~haha心太軟上桌時都已穿邦了~雖沒有吃~但皮有點厚與硬~不太流心大家早就將話題轉移到灣仔的湧泉心太軟了~漏了單的香橙朱古力梳乎里~配上營光青色的青檸雪葩~沒有膽試~最最最經典的就是那小碟你推我讓的Sunquick 濃縮橙汁~真救命但蛋白也打得細滑的~底底還有朱古力漿~香橙與古力~自不然就聯想到

叫了焗香蕉卷伴雪糕熱了的香蕉味道有點怪而且太林了不知是不是焗的關係香蕉肉有點發黑...............接著便沒有吃朱古力雪糕沒甚麼特別試了朋友的waffle蠻脆的不錯~ 而且分量不少但這裡價錢偏貴, 選擇也不多下次不會再黎啦

一早聽朋友力薦這里的甜品，尤其是心太軟。雖然地理位置對我這個超級大路癡犯難，但誰叫甜品太吸引，揾得辛苦些又算什么呢朱古力心太軟配雲尼拿雪糕 $40：出了名價錢自然不會便宜，但也令我期望過高。優點是朱古力味濃郁真實，可惜是次的心太軟焗得過耐，朱古力流心嚴重不足。焗火山芝士木槺布甸 $38：比起心太軟，這件甜品反而給我驚喜。外層焗過的一層皮味道其實并不討好，但內里的溶溶芝士十分濃郁，配上細膩的餅干粉，熱熱的木槺布甸很具特色。“笑面”是給后者，希望那個“心不軟”只是店家偶爾失準之作。

鼎泰豐晚飯不夠喉，便來這兒繼續攝取營養啦！等了都有十五分鐘，又不算太耐，因我們是等大台的。由於人數不少，大可大條道理點好幾樣甜品Share來吃：Vanilla雪糕WaffleWaffle新鮮熱辣做起，鬆軟但不夠脆，Vanilla雪糕普通不太滑，整體水準一般般。傳統香蕉船有三種口味的雪糕：朱古力碎、雲呢拿、芒果，是不太滑的貨色，但有齊三隻味算幾好喇；香蕉都幾合時，而且賣相幾討好。黑白朱古力梳乎厘梳乎厘新鮮熱辣，做得幾香滑所以水準不俗；雪笆水準麻麻，配上梳乎厘吃就顯得怪怪的，大致是個人口味問題吧？焗酥皮朱古力豆腐花這個中西Fusion作品，味道各有各，即是不太夾，配搭實在怪怪的。豆腐花始終是清清淡淡的，就算本身有豆味都會被其他較濃口味蓋過，尤其是這甜甜的朱古力。所以，對這個Fusion其實是失望的。冰火芝士木糠布甸全晚最好吃，冰火芝士味不太濃，反而更夾奶味甚重的木糠布甸。如果份量可以多一點就好了。環境不太整潔，坐得又逼，絕不是傾計的好地方。絕不會主動來Encore了。

平時好少去甜品舖叫WAFFLE, 今次唔知叫乜好, 就叫左WAFFLE+雪糕, 居然有驚喜.有驚喜的不是雪糕, 其實雪糕真的毫無特別. 不過WAFFLE就又香又脆, 又微溫, 好好食.不過環境真係好迫.

食完鼎泰豐就過左黎哩道食甜品。　心太軟：都幾好食，但我嫌食落去唔得鬆化。相比起師妹，都係師妹好食Ｄ。　黑白朱古力梳乎厘：好普通！唔覺特別好食！下次唔會至叫哩個！相對佢既質數，我覺得價紙都唔算太合理。

睇到呢度食評 ,好多人都鍾意食酥皮豆腐花都橙朱古力梳乎厘 , 但偏偏我同我老婆去過咁多次都無食過 ~原因係我地每次都要留 quota 比炸芒果春卷伴芒果沙巴翁 ,真係好好味 , 有一次想試下另一個焗芒果卷伴雪糕 ,但始終不及芒果春卷 , o個個入面有 d nuts o個 d ,其實都 ok , o個次都有試左心太軟 , 都唔錯 雖然兩個人食兩樣都夠皮 , 仲有心太軟食完都己經好漏 ,但係都真係唔捨得炸芒果春卷 , 都係要再叫返佢 ~~~~ 尋日 , 同老婆兩個去 , 食完一客都唔夠再黎多客 ,$40 , 得三條 ... 開半o既 , 同老婆一人三啖就 ko 一碟 ,其實都幾貴 , 但又真係好鍾意食 ~~炸芒果春卷 , 皮脆且微暖 , 因為即叫即炸 ,但入面o既芒果肉有時會仲係冰凍o既 , 好正 !!o係中間o個碟芒果汁好甜好香芒果味 ,碟上面本身都有 d 汁 , 少少 lone lone 地咁 , 一樣好味道 另一個我地必食o既係黑白朱古力梳乎厘 ,本身個梳乎厘己經好香朱古力味 , 就咁食己經好正 ,所以我就唔鍾意再點朱古力醬o既 , 白色o個個口感似雪糕白朱古力 , 入面有 d 粒

我已不是第一次到甜蜜蜜吃了, 不過每次也會抱著新鮮感到來, 想看看今次會不會有什麼新東西出來~焗香橙朱古力軟心梳乎里伴青檸雪筢, 是一個又長又奇怪的名字吧? 熱騰騰的梳乎里何來件一個凍冰冰的青檸雪筢呢? 不過這就是創意~ 朱古力軟心梳乎里有濃濃的蛋香及陣陣的巧克力味道, 容器的底部也有一層巧克力醬, 吃完後還是有點意猶未盡的感覺, 那時候青檸雪筢正可以大派用場, 酸酸甜甜之感在口中迴旋....一陣清新一陣香甜, 可以說是一次過滿足你2個願望~ 大家到厚福街時, 不防試一試喔~另外recommend的有酥皮巧克力豆腐花~ 也是一個很好的創意~ 也許大家會在其他地方吃過巧克力豆腐花, 不過我想這間的豆花比較特別, 因為外層包著薄薄的酥皮, 故豆花不會因為熱力流失而失去了原有的味道跟口感~ 滑滑的豆花真的很好吃喔~ 這店唯一的缺點就是會趕客, 因為每當你想多坐一會, 聊聊天的時候, 它們都會示意你早點離開, 我想原因是因為店外往往都排著長長的人龍吧!

上瑜珈堂前, 先食D 嘢補充體力. 經過甜蜜蜜, 睇緊MENU之際, 個WAITRESS走咗出嚟: " 下午茶抵食呀,今日(星期一至五下午茶時間) 仲有甜品送, 係芒菓雪 糕加豆腐花 “ 心諗都好耐冇嚟食, 裏面都幾多人, 就是但啦.D 下午茶睇真D都幾HEAVY, 唔係飯就麺, 唔想咁肥, 冇乜選擇之下揀咗士多啤梨拿破侖配芒菓雪糕. 士多啤梨拿破侖配芒菓雪糕:拿破侖係炸咗果雙, 中間夾D CREAM&士多啤梨粒, 上面加個橙色的芒菓雪糕, 再淋上红色的士多啤梨汁和白色糖霜, 五顏六色,賣相不俗,味道唔算太甜, 不過就好ARTIFICAL, 加上我唔食CREAM, 炸的拿破侖亦麻麻地, 所以食完個雪糕之後和D 士多啤梨粒, 仲留下一大 PAT (低入聲) 嘢係碟. 個芒菓雪糕加豆腐花就唔多好, 雪糕溶溶地, 豆腐花係開粉果隻, 只係食咗一口. 總括來說, 無記憶中咁好食, 亦人造咗, 色素多咗,唔係個SALES, 我諗我會行多步, 睇多幾個MENU,諗多陣, 前面似乎有更好的選擇

星期六那天, 同男友特地去這兒食甜品 (因為上次同朋友黎食過幾好味,所以介紹比男友)我地分別點了:荔枝肉露黑白朱古力souffle個荔枝肉露食到我男友唔舒服,肚痛個黑白朱古力souffle等左我成15mins,之後黎到裡面係一pat pat濕到死, 一d都唔似souffle囉.... 同個店員講, 佢好似唔明我講o羊甘... (好彩另外一個明話焗過個比我.....可惜我好rush, 要去睇戲, 所以冇要到.... 不過點都好, 邊有人整souffle整到甘..... 唔係招牌菜黎架o羊????? )仲有呀, d人個個企到唔做野,淨係掛住同某一個客(friend黎既)傾....我叫左好耐都冇人理.. 都唔知o羊服務態度黎架.....