甜蜜蜜甜品專門店 (已結業)

星期三晚去，去到九點幾喇，一向門口總會很多人，但是夜出奇的有位即入。叫了煙三文魚意粉+西班牙汁。酸酸甜甜好好味。暖暖叫的是雞扒帶子焗飯。飲品有檸蜜。甜品係鮮果雪糕格餅，份量好夠，賣相亦一點都不賴。係環境嘈d,坐位迫d。食物，服務，和上菜速度都幾好。Good,有下次。走的時候門口又是堆滿了人，真係好彩早d黎。

尋日陪男友去聽講座..之後同佢屋企人食飯..食完唔夠飽佢哥哥帶我地去左甜蜜蜜食糖水..我叫左個唔知係黃金屋定黃金夢定唔知咩..其實係芒果水晶珠..我一開始以為會係西米..點知係水晶珠..其實碗野唔錯...不過我好唔鍾意食水晶珠....質感好似咬緊暗倉...隔離檯d心太軟好香...有機會可以試下...如果如果無行開過去而又無特別想食甜品都唔會去啦...價錢算貴啦..

想試這兒的甜品很久很久... 終於有機會一試有許多甜品想試, 最終我選了這個好好味...不膩而有很香的朱古力... 不過要快點食... 否則會"縮水"得很快..白古力疏乎厘有點像雪糕...同樣好好味... ^^.. 不錯不錯... 我會再來的

去完漢城, 再下一城, 去甜蜜蜜.再來的原因只得一個: 文迪想再食這裡的焗朱古力榛子軟心布甸伴雪糕. 來到時都幾多人. 叫了兩個要即做的甜品, 都等了一大輪.焗朱古力榛子軟心布甸伴雪糕$38: 8分, 從相片中可見, 未上臺已開始漏醬. 外層依然質感一般, 勝在朱古力醬很濃郁, 加了榛子又比一般單調的軟心朱古力布甸優勝. 冰凍的雲呢拿雪糕同熱朱古力一齊食, 感覺仍然突出.其實坊間的軟心朱古力布甸真係做到周圍都係, 這裡的算係幾好, 但好像同最好的仲有不短的距離, 未算係小弟的心頭愛. 法式焗香芒卷伴雪糕$35: 7分, 另外要了這芒果甜品, 開正大芒果個範. 這甜品有一球芒果雪糕同兩件焗香芒卷. 焗香芒卷入面有芒果粒, 開心果同花生碎, 個皮都幾脆, 但入面的料未算好匹配, 個味道怪怪的, 開心果同花生碎的比例多了點, 總覺得係又甜又鹹. 芒果雪糕就幾香, 同芒果粒一齊食就不錯.始終係附近來講, 這裡係一個理想的甜品選擇.

2007年5月22日。由於面譜太嘈，去了厚福街甜蜜蜜吃飯後甜品。賣相就靚喇，但唔係樣樣好食。我和另一半的選擇是：焗香橙軟心朱古力疏乎厘伴青檸雪葩：那個香橙汁（另上）太甜了，唔可以落架！疏乎厘底部是軟朱古力，我唔鍾意佢咁整。青檸雪葩唔算好食。焗香芒卷沙巴翁：我呢個好D。個芒果汁淋落D香芒卷，都不太甜。其他朋友選了：朱古力軟心布甸：我都有試，個朱古力軟心太傑，餅本身唔係好滑，而且太甜。冰火芝士木布甸。冷冷熱熱的。木糠布甸好似唔係好凍，試得唔係好真。哈，我還叫了5枝水（@$4）！1. 想坐耐D 2. 食完好口渴。呢餐廳朋友請，唔係好記得幾錢。多謝吳老闆。

酥皮朱古力豆腐花<awful> Tofu doesn't match with chocolate at all and the entire thing became so watery after eating 1/4 of it that I didn't want to finish the remaining 3/4!!朱古力軟心布甸<molten?!!> I've never had a molten chocolate pudding with its cake layer so thick and moisty. There's not much chocolate that's "molten" as expected (but better than none I suppose...) and what was running out was really really thick... made me wonder if was actually un-cooked chocolate cake mix...冰火芝士木布甸

食飽飯來左呢度食糖水最早來係個荔枝玉露，都唔錯，幾香。然後有個芒果底然後有舊青檸雪芭係面既，舊青檸雪芭好難食，唔知點解第一啖擺落口會有陣薑味，好怪。再來心太軟，其實無咩特別，間間d心太軟都差唔多咁。最後來左個酥皮朱古力豆腐花，唔係係咪心太軟甜，食呢個無咩味，其實我覺得d酥皮浸左朱古力超怪。食完就要走，唔好諗住慢慢坐，因為都幾多人來食...都唔知點解咁多人來食.....

食完韓國菜再黎呢度食甜品叫左個個朱古力軟心布甸賣相不俗但一食就知唔係好掂外皮太硬裡面又唔軟喎一d都唔似以前食過個d既真係得個樣比個喊佢\先

食完秀, 過了甜蜜蜜食甜品. 大約一半滿, 不算很多人客.要了兩樣甜品.焗酥皮豆腐花伴朱古力汁$32: 8分, 始終係而度主打的甜品, 酥皮係熱辣辣, 很鬆化, 比很多地方的酥皮湯為佳, 淨食或者沾上豆腐花食都很好. 但豆腐花比較稀少, 朱古力汁相對係濃了點. 若果豆腐花再多一點就更好.焗朱古力榛子軟心布甸伴雪糕$38: 8分, 外層焗得不夠好, 質感一般, 入邊的朱古力醬很濃郁, 中間仲有榛子, 比單單有朱古力多了重口感. 加上雪糕冷熱交錯地食, 依然係很好的享受.比其他甜品店多了份精緻的感覺, 係有點不同的.

琴晚同朋友做完facial, 咪諗住求其去一間餐廳食囉, 點知就出事.......d服務員態度唔好都算(成日掛住傾計), d食物仲要勁難食, 我同個fd分別叫咗1個set dina (鵝肝+帶子+牛油炒飯) & (帶子+軟殼蟹+白飯), 點知, d白飯好似隔夜飯咁, 撈埋時日餐汁, 就好似bb仔食爛飯咁, 根本食唔落口, 至於我個飯, 俾佢好少少, 鵝肝好似未熟咁, 有血出既, 帶子有沙, d飯仍然都係隔夜飯我個飯都未食完, 佢哋竟然出個是日甜品(雪糕)上嚟, 攪到我飯都唔食, 要食個雪糕先, 最後個飯俾人收埋, 呢d服務態度咪叫做好囉...... 總括嚟講, 我真係好後悔入咗呢間鋪頭食囉, 之前係blog喥, 見到好多人都讚好食, 咁啱係附近, 又諗唔到食咩, 咪入去食囉, 點知就出事喇

12 月24 日同朋友因為睇戲唔成, 唯有搵地方食甜品, 因為係零晨1 點多, 唸左好耐突然醒起厚福街有甜品食!於是坐低睇下menue 有咩好食, 款唔算特別多, 有2 版好似比較特別, 於是就叫左其2 款, 不過因為太夜, 買晒, 唯有改食雪糕! 男友就order 左一個mango pancake, 味道一般, 唔算好特別! 而且唔係太抵食!

聖誕節睇完燈飾便到此間店品嚐甜品，好早已經聽聞不過一直無機會試，果然一試難忘！我和老公叫了個朱古力梳乎里，真係好香，不過好快就跌哂，又叫左個焗榛子朱古力布甸，都係無得彈，好香濃朱古力味，又好軟，連個呍呢拿雪糕都好得呀，下次有機會要再黎試埋其他甜品！(可惜今晚要加一服務費，好似貴左少少囉...)

昨晚, 同朋友在這店食甜品.叫左紅豆沙, 豆好大粒, 幾林, 但味道頗甜.見到餐牌介紹全港獨有既"酥皮朱古力豆腐花", 即管一試. 甜品賣相不錯, 酥皮焗得幾好, 但朱古力同豆腐花係完全唔夾, 好怪, 我同朋友食左幾口, 都被迫放棄... 好浪費, 要成$30+

食唔飽後，再食番個甜品填補心靈空虛，叫了三個甜品四個人分。冰火芝士木布甸-上層是焗蛋白，下層是雪到冰的木布甸再焗，所以做到半溶半硬的口感，芝士又滑又香濃，三個中我較喜歡這個。朱古力疏乎里配白朱古力雪榚-朱古力味唔夠，淋了另附上的朱古力醬，味道才好少少，而白朱古力雪榚味道似雪呢拿雪榚。焗香橙軟心朱古力疏乎厘伴青檸雪葩-橙味過濃又過甜，突出唔到朱古力醬的味道，青檸雪葩又是勁甜，仲甜白朱古力雪榚，完全沒有雪葩的清新口感。見到其他有食軟心朱古力蛋榚幾吸引，好後悔冇叫。

與朋友們吃過晚飯又想食點甜品, 但又不想太膩!!咁就來到這一間. 我們坐在店最入的一枱, 看著老板做西式甜品, 與他談上幾句, 實在有料之人. 說多沒用請看相片吧!!1