甜蜜蜜甜品專門店 (已結業)

我已經在甜蜜蜜吃過好幾次飯了~最近一次加了價! 不過還是抵吃的~每次去吃都發覺鄰近的枱的客人都是吃甜品的多!其實吃飯水準我覺得不錯呢, 計埋價錢, 更加是抵!我很喜歡吃XX 什菌汁焗公仔麵, 每次去的MANU 都會有不同選擇~還試過豬仔脾意粉, 煙三文魚墨汁意, 都很好吃啊!!甜品可以加錢吃甜品MANU內的..例如:心太軟等但我多數不會加錢再吃, 因為一來太飽了, 二來餐甜品也很好味餐飲不用加錢也可以轉檸檬菊蜜等等...這家飯店(甜品屋)給我的感覺是很有HEART的~ 我會繼續支持!

放工後, 與大佬&傻b 滿心歡喜來到這間甜品店...主要目的, 是試一下elaine b 推介外脆內軟的心太軟去到竟然不用等位, 餐牌圖片挺吸引...點了四個甜品心太軟 - 翻啅指數3/5賣相ok!, 朱古力甜味適中, 只是外面蛋糕略嚴太厚..黑白梳乎里-翻啅指數1/5之前未曾試過梳乎里, 對於其賣相垂涎欲滴, 吃後極度失望 首先不喜歡梳乎里軟軟的質感;雪糕吃不出什麼味道;朱古力漿太甜, 味道也不好結論: 試過就算了..榴槤飄香-翻啅指數1.5/5榴槤配椰汁.感覺不配..怪怪的..榴槤肉不算多..結論:試過就算了..尚有其他更有水準的甜品店等着我們~~荔枝玉露-翻啅指數2.5/5味道不過不失吧, 也沒有留下深刻印象..吃完甜品, 店員很快的來結賬了..我想這裏應該不是聊天談心的好選擇這間甜品店, 名過於實, 應該不會再來了..絶不是推介之選 !

我地一行七人入左去, 見到佢餐牌d甜品都好吸引入到去, 比我見到佢地執緊隔離枱個時, 竟然將客人(唔知有無用過ge匙羨) 放返落去再用=.=點知人地有無lam過? 無跡象架><不過啲野黎到真係好有「賣相」但味道真係估佢唔到咁甜囉!我地叫左佢地ge是日精選, 係熱ge海底椰雪梨, 嘩~~滋潤還滋潤, 真係甜到無咳死都甜死佢個焗黑白梳乎里, 佢有一兜朱古力醬同埋一個無味ge榛子雪糕球..梳乎里無乜特別, 係個雪糕球面同入面質感唔同, 食到有陣溶左再雪返ge味道...跟住仲有個酥皮豆腐花伴朱古力醬揭開個皮...入面d豆腐花好似水咁...我地係要豆腐花唔係豆漿囉...真係食到嬲嬲地...跟住店員見我地差唔多停晒手, 就問我地仲要唔要...當佢問我地要唔要ge時候已經拎起左我仲食緊個隻碟@o@你都拎起左~~我實係話唔要架~~唔通我拎返隻有匙羨係手ge右手出黎話我要!?跟住收銀個位呀姨就問我地仲有無野未到, 我地話已經齊晒, 就係1分鐘內佢將張單放到我地面前...示意我地快d比錢走...唉~今時今日咁ge服務態度咁架咩><

星期三朋友同慶祝生日,食完飯話要食埋甜品,我地就行返過嚟厚福街搵甜品食,朋友話之前食過呢間都好味,所以就嚟左呢度啦,門口好多人等位呀,同一條街有另一間甜品冇人等位,我就提議不如去果間,朋友話果間選擇好少,唔太吸引,所以我地係度等位呀,等左唔算好耐就有位,差唔多有位既時候,仕應已叫我地點定嘢食先,因焗的甜品要15分鐘左右先嚟.我地一早係門口等位既時候,已經睇晒d圖片,揀定食咩,個樣都好似好靚好吸引咁喎,我地3個人叫左香橙焗疏乎里,一個叫黑朱古力疏乎里,一個叫焗芝士木糠布甸,一個叫炸香蕉配雪糕.都唔係等左好耐就嚟啦,先嚟朱古力疏乎里,個樣都好靚喎,個朱古力醬係分開上的,有一個凍疏乎里球好似雪糕咁的,疏乎里係冇醬係入面的,將d朱古力醬加入去一齊食,朋友話都幾甜,不過都好香好味的.我的香橙疏乎里,有一個青檸雪杷的,一碟香橙汁,疏乎里要趁熱食,仕應都叫我地唔好等要即刻食因為個疏乎里會縮落去的,疏乎里都好香橙味,個底有些朱古力醬的,幾好味呀,不過真係好甜,個青檸雪杷都幾甜,但青檸味好清新呀.另一個朋友的焗芝士木糠布甸用個茶杯裝住,賣相好靚呀.但呢個好漏呀,都有木糠味道,但俾芝士味蓋過左,食晒成杯真

無黎甜蜜蜜都一段時間了，每次經過門口都咁多人，難得今次門口無咩人等位，即刻拎飛，但最終都等了30mins先入到去。一如以往，裡面坐無虛席，迫迫夾夾。可是這裡的甜品賣相不俗，吸引了很多客人幫襯。詰家是以酥皮豆腐花起家的，可是已經很久沒有試了，因為有其他更好的。炸香芒春卷配芒果沙巴翁係每次必叫甜品之一，個賣相都好靚，熱辣辣的芒果春卷點上凍冰冰的芒果汁，倍感美味，而墊底的沙巴翁亦使酸酸的芒果汁帶上了一點甜味，整體配合得宜。法式焦糖燉蛋配脆皮雪糕球個名字好長，味道都一樣咁長久，脆皮雪糕球真係好好食，脆皮個質感好似食緊金莎咁，但係咬開後卻是冰凍的雪糕，法式焦糖燉蛋，味道唔錯，可是感覺唔太滑溜，表面除了焦糖外，還灑上了一層糖霜，給賣相加了分。黑白朱古力梳乎厘即是朱古力梳乎厘配上朱古力醬再加一球杏仁白朱古力雪糕，梳乎厘焗得幾好，好鬆軟一定要趁熱食，而個雪糕球更加得意，味道十分特別，好軟滑。最後上枱的是心太軟配雪糕，呢個甜品基本上去親邊一間都會叫，一來朋友們都喜愛朱古力，二來一見到朱古力漿流出那一下，真係令我垂涎欲滴。這個味道都唔錯，可是都要等好耐。雖然水準比以前差了，但係尖沙咀甜品界都有一定地位，如

呢間野食甜品都唔算貴但其實最抵係佢個set dinner!set dinner有成10款左右選擇我最鍾意係佢既焗出前一丁焗完啲一丁唔會會腍晒啲芝士仲好好味!菜式都好好味~我尋日食果個雞翼同牛仔骨牛仔骨好香甜! 正~我個friend就叫左炒飯好香口! 又好足料~都幾大份! 佢一個女仔都食唔晒佢個set dinner本身有送甜品加$30可以轉餐牌d甜品我就覺得唔太抵因為佢d甜品本身都係三十蚊而且, 佢送既甜品都好有質素架~尋晚就係芒果布甸伴雪糕我食過最好味係窩夫伴雪糕食唔食到就睇好唔好彩喇!

在附近吃過一頓十分愜意的午餐後，再逛了一會，又到了吃甜品下午茶的時間。來到這間甜品店時，正是吃下午茶的時候，店內大部分的顧客都在吃下午茶餐。但自己才剛吃過美味的午餐不久，又怎會來吃下午茶餐呢！之前特地在肚內預留了一點空間，無非都是為了來幫襯這裡的招牌甜品「心太軟」罷了。這裡雖然都有其他較為傳統的甜品供應，不過主打的甜品其實都已印在甜品餐牌的其中一面上。按圖索驥，在圖文並茂的餐紙上點選了招牌「焗朱古力軟心布甸伴雪糕（心太軟）」和另一款甜品「焗香橙朱古力軟心梳乎厘伴青檸雪芭」與老婆仔一起享用。「焗朱古力軟心布甸伴雪糕（心太軟）」質素挺好，焗朱古力軟心布甸朱古力味濃郁，外層的朱古力蛋糕夠鬆軟，把它切開後，裡面的朱古力餡也夠流心，把熱暖的焗朱古力軟心布甸與冰的凍朱古力味雪糕一同放進口中，那冷熱冰火共冶一爐的感覺，確是令人十分滿足，感到甜蜜無窮。至於另一個甜品「焗香橙朱古力軟心梳乎厘伴青檸雪芭」，梳乎厘的份量也不少，橙味雖不算十分濃郁，尚能吃得出來，而且也算鬆軟好吃。味道清新開胃，夾雜著少量青檸外皮在裡面的青檸雪芭，那酸酸的味道正好把味道偏甜，略嫌膩滯的心太軟的甜味中和，好讓其實已經甚為飽足的胃

在區內飯後找甜品吃, 一想便是這小巷內的甜品店, 幸好時間尚早, 不用等位...二話不說, 便點了:朱古力梳乎里 - 一吃便停不了口, 朱古力味足夠, 點很少的朱古力醬便可以(甚至可以不點), 旁邊的雪糕狀球體就有點怪, 所以分數是全給梳乎里的!主角朱古力心太軟 - 水準沒變, 不太甜, 朱古力夠濃夠熱, 非常美味呀!!

來過這裡幾次也覺得他的甜品不錯。 上幾次是夏天所以冰冷的甜品象芒果西米露﹐mixed fruit冰都很好吃﹐ 很甜。 試過這裡出名的心太軟﹐也覺得很好﹐ 很有朱古力味﹐ 很滑﹐ 非常好吃。 最好是跟人share. 今天想吃點熱的﹐ 但是﹐不是很多choice 。 希望下次可以有多點choice, 象芝麻糊﹐ 豆腐花﹐ sweet potato soup, etc.

門口好多人等, 等左十多分鐘入去即叫心太軟!!! 問一下waiter 可否轉ice-cream 的flavor, 不過唔得 , 唔緊要!menu 上寫要等15分鐘, 但10分鐘內就來了我們愚蠢地先吃完ice-cream 才吃心太軟 應該一齊食先好食!! 雪糕夠凍, 同滑心太軟很夠甜味~ 正~Dessert 個presentation 好tidy一個已經夠兩個人食lu下次會黎再試其他

甜蜜蜜 我笑得甜蜜蜜次次黎甜蜜蜜 都可以得到一種滿足感說真的 此店的環境很一般 十分狹窄 位與位之間並沒有太多的空間 出入十分不方便說真的 此店的服務真的很一般 職員沒有什麼笑容 經常交頭接耳 而且態度亦不是太好但 但 這裏的 炸香芒春卷伴芒果沙巴翁 確實不俗是次三人同行 點了 焗冰火芝士木糠布甸,炸香芒春卷伴芒果沙巴翁及黑白朱古力梳乎厘之前其實嘗試過這店的心太軟朱古力溶漿不太夠流心的效果而且表層的蛋糕亦不太夠 朱古力味與 五代同糖 比較起來 是比較遜色的先說黑白朱古力梳乎厘吧白朱古力 是 杏仁芭菲味到很一般 感覺杏仁不像杏仁 亦不覺得白朱古力味不明何解取此名??朱古力梳乎厘與心太較的表層蛋糕一般不太夠朱古力味而且不夠軟 梳乎厘始終是原味的蛋味最迷人吧焗冰火芝士木糠布甸此甜品是焗過的 所以杯子較熱侍應亦會提醒小心杯子熱表層是一層焗過的棉花糖之後是一層冰硬的芝士底層則是木糠布甸此甜品口感非常特別一匙可以嘗試到熱與凍 的冰火兩重天但可惜的是中層的芝士過甜 而且也蠻滯的是此甜品的不足之處但三兩知己分享的話 卻是蠻不錯的最最最美味的則是炸香芒春卷伴芒果沙巴翁以酥脆的春卷包著超甜的芒果已見此店

一班朋友,出黎諗住開開心心食完餐飯食個糖水...等位都唔係好耐唔係好多人,我已經唔想再講食d乜野,講重點,單又冇,乜都冇,叫我地行出櫃面埋單,totally $2xx幾..我地幾個朋友企左o係個櫃台前面準備拎$出黎既時間,櫃面個呀嬸講晒粗口咁樣話我地阻住佢個門口,($^&*&*&*#@,你地唔好阻住個門口得唔得,有人o係出面等緊),我即刻火都黎埋,放低$走人。d野幾好食都好,對住d客講粗口就唔岩,我以後都唔會再去呢野甜蜜蜜度食野,食到一吐火。出到去發覺原來一個人都冇,仲話咩有人等位。

只係想講一句, 就算食物幾好食都好, 服務質素差就算幾好食都係假!, 食完都背瘠骨落話說當日食完野想比$$ 既時侯, 原本以為佢有得拎張單黎埋, 因為我地要夾錢, 所以想睇左總數後再計返每人比幾錢,點知店員同我地講要去收銀台埋單, 係毫無準備下大家就係收銀台個到夾錢, 但係因為佢地方比較窄, 幾個人企係到就唔覺意塞住左佢個門口, 但我地都知道唔係咁好, 所以就留低2個人夾$$, 叫其他人就出去等呢個時侯, 收銀個四眼呀嬸竟然用粗口暗暗地 鬧我地塞住佢門口, (其實佢講得好大聲但以為我地聽唔到)無啦啦比人用粗口問侯真係火都黎埋!!!!!我都知我地係有唔岩既地方, 但係點解唔好聲好氣叫我地出出面等呢??!??!??!?而且佢鋪頭出面係冇人等緊位, 冇人要出入, 請問又阻到你d 乜呢??點解要用粗口問侯人呢??? 真係勁冇禮貌!如果用粗口鬧人係佢做生意既態度, 我諗我唔係好接受到, 一定唔會再去

是日在tst逛街後, 又有點肚子餓, 就想起在openrice看過食評不錯的甜品店--甜蜜蜜!一直想去試一下, 卻苦無機會, 今天終於得嘗所願了!!;我跟友人同樣是朱古力迷, 看到朱古力心太軟, 即時要點, 跟著友人說要嘗一下外貌精緻的焗冰火芝士木糠布甸原來這裡的甜品是即叫即製喔! 等了10分鐘, 香噴噴的木糠布甸便到了, 侍應姐姐還提醒我們要小心熱,不要摸到杯子, 好, 開動了!焗冰火芝士木糠布甸- 第一層的口感很像吃到棉花糖的質感, 甜甜的, 第二層是融化了的芝士, 第三層是木糠, 嘗一口, 三層的味道融化在口腔裡, 暖烘烘的芝士跟木糠一點一點地混合, 真的很正!! 那種口感真的回味無窮朱古力心太軟- 身為朱古力迷當然要嘗嘗喔! 當友人嘗了一口後, 朱古力使像火山熔岩般流出來, 我便把握那一刻,就把那有趣的畫面拍下來了!! 這個心太軟用的朱古力很濃郁, 不會只有甜味, 外層的朱古力蛋糕跟內面熱騰騰的朱古力混和在一起,真的是perfect match!下次要再來, 嘗嘗其他甜點!

同我男朋友二人到尖沙咀食飯,食完行咗陣街,心血來潮好想食甜品,起初諗唔到食咩都係許留山,突然我男朋好勁咁帶咗我黎甜蜜蜜.我第一次黎,入到去睇到MENU有好多選擇,唔知食咩好,跟住我男友就幫我叫咗兩個甜品嗱.第一個黎嘅係軟心梳乎里,外觀做到好靚,見到好開心.食第一啖,外皮好鬆軟,熱朱古力汁起個口裡面迴盪,好好味.配合雪糕一齊食,一凍一熱感覺好特別.跟住黎嘅係朱古力軟心梳乎里,其實起出面都有得食呢類梳乎里,不過第一次食到係咁好味,有酒店級級數.食法我自己喜歡起中間開個燶,將朱古力汁倒落去,咁樣啖啖都有朱古力汁.口感方面好軟熟.不過個雪糕我自己覺得麻麻地.