甜蜜蜜甜品專門店 (已結業)

nov 27, 11.............2人來食飯後甜品.........叫咗 :1) 荔枝玉露 (hk$38)-嘅用鮮奶+荔枝雪糕沙冰底,伴荔枝蒟蒻果粒,開心果碎,水晶珠-試咗友人少少-個荔枝雪糕都有荔枝嘅香同清甜,帶少少起霜-而水晶珠就比到喺口中脆爆嘅口感-仲幾大兜添,好味2) 鮮什果waffle (hk$32)-有新鮮士多啤梨粒,蜜瓜粒同哈蜜瓜粒,底下好多cream,1大片waffle-仲喺暖熱,外都做到微脆-但就下得太多士多啤梨嘅醬,早知-少d/唧開1邊-而且個waflle有些少/好輕微嘅苦味,否則會是1件不錯嘅waffle

是晚約了幾個美女舊同事到iSquare開飯，約7點但要OT，成9點先到，個個都飲飽食醉，整到小妹我都係求其食兩啖就轉場。厚福街既甜蜜蜜係至憎既，因為每次去到都要等成半個鐘先有得入座，重要既係入到去坐得又迫又嘈，講句野都好似嗌交咁，服務員係值得讚既，手腳非常迅速，唔知係知道入得去既客都等得冇一頭半個鐘定係見到出面仲有一大班人等緊，所以快手快腳送走一班又一班。朋友中，十個有八個都話甜蜜蜜好好食，但係小妹就覺得好普通喇，呢個評語可能係同心情有關今晚，幾個美女舊同事都點了雪糕班戟或窩夫，班戟皮係夠薄身，加埋雪糕同朱古力醬，第一次覺得好好食呀另一個舊同事就點了雪糕加西米露，其實我點都諗唔明會有人鍾意呢個食法，如果你唔係幾日都去唔到廁所，想食d野黎刺激一下腸胃，應該都唔會想咁樣食。Anyways，迂腐既我一口都沒有試過，但友人就吃一口讚一口。那天晚上，以pick lady姿態出現既小妹，非常應景地點了一個紅粉佳人，一個字「襯」！小心翼翼地品嚐了第一口，另一個字「絕」！藍莓、草莓加上草莓雪葩，上面有爆炸糖，每吃一口都會「啪、啪、啪」，感覺新鮮又有趣，最好的是雪葩少少酸，夠醒胃。雖然當時的確覺得是次經

同三個朋友去食，排咗好耐隊先有位，舖面好細。不過d甜品真係好有水準，入到去食真係唔會令人失望。個presentation都做得好好。忘記咗我d叫果d甜品叫咩名…其中一個好似係心太軟。新鮮局所以都等咗一輪先有得食~ 外面夠鬆脆，跟住一吉落去d朱古力sauce香味就散發出來~超好食。

影完相,女友話想食甜品,梗係嚟厚福街覓食啦~~麻雀雖小,五臟俱全足以形容呢條街~聽講有間食心太軟好出名,嚟到後發現有矽間食甜品,都唔知邊間,友人話喺街尾嗰間好食,於是就去,正是甜蜜蜜也~~唔知係咪因為禮拜一,人唔算多,好快有位~見到門口有堆凳,我諗如果WEEKEND到會坐到出去,因為入面唔算大唔算多位...服務都算唔錯,起碼要人時有人,唔會叫極唔應...梗係要叫心太軟啦,朱古力我麻麻,女友同友人食,佢地話好正~我要咗個鴛鴦戲水,要芒果味雪糕,又西瓜,又芒果,好食,呢個啱我~每人$25左右,算係咁啦,起碼唔會食完揼心口,可以再encore~~

那天跟朋友往尖沙咀逛街，走到寶勒巷突然下起大雨，狼狼狽狽地走進這間甜品店避雨。看完餐牌點了兩款甜品試試﹒﹒﹒朋友點了黃金夢(忘記拍照)，略嫌普通，雖然夠凍，但芒菓卻帶酸 我要了芒果班戟，賣相不錯，外面有甜甜的芒果汁，切開後有兩大塊芒果，班戟皮算薄，整體滿意。 下次會試試大家推介的心太軟～

http://www.openrice.com/restaurant/sr2.htm?shopid=7751心太軟~$45心太軟似乎係招牌菜幾好味, 蛋糕焗得夠亁同企身一篤開朱古力流出黎, 有微微香味 ( 食心太軟無他都係為呢下 =] )朱古力醬香濃, 唔太甜, 挻好的, 食完唔會好kou 喉不過本人希望用再濃d 帶少少甘既朱古力, 可可味先會更出吧個侍應無問要咩蛋糕, 我呢個係雲尼拿, 見到隔離有cookies and cream..... 有d 唔開心lor = -="anyway 整體唔錯不過如果俾我揀食心太軟, 同一個價錢我會推介 九龍城 既 小店http://www.openrice.com/restaurant/sr2.htm?shopid=8965心太軟 兩個不相伯仲, 不過就鬥 sides 啦小店用既係自製雪芭, 雖然有d 硬, 不過就勝在夠冰夠凍, 一冷一熱更特出同埋碟面裝置靚d荔枝玉露~$38個沙冰都幾滑, 清清甜甜口感上有棷果, 水晶珠, okay la唯獨個幾粒罐頭荔枝, '鯨'亁太耐 有d 柴皮 = 0=""由於第一日去既時候同行友人唔食榴槤, 所以隔日再去造

好耐都冇黎呢間甜品屋, 之前黎過幾次, 每次都令我回味無窮今次叫左個芒果窩夫, 賣相好靚, 芒果好深色, 食落去好甜, 一d都唔酸夾餅夠熱, 加上芒果汁既配合, 食落去超級好食~4塊夾餅加半個芒果, 好夠份量!!

一早收工~ 食完個米線就跟友人去搵甜蜜蜜~好耐冇食過喇一人叫左一個甜品!我叫左一個焗酥皮栗子批伴雪糕等左起碼20 分鐘~ 由間鋪冇人得我地一枱...等到半間鋪坐滿人先有得食....真係有d 嬲嬲地不過有得食時, 又真係好好味~酥皮栗子批真係好熱~ 剛剛焗起就送上黎~ 一啖食落去, 好香栗子味~! 再加上凍冰冰既雪糕, 一熱一凍真係不得了!!!朋友就叫左個焦糖焗蛋布丁配脆皮雪糕焦糖焗蛋同o係出面食既差唔多~冇乜特別~而個脆皮雪糕就真係脆到食唔到! XD唔知佢點整~但友人點都食唔到個雪糕 ( 因為雪糕上面既脆皮太硬)要反轉個雪糕球先食到~!呢個甜品反而冇乜特別~整體上都OK~間鋪既冷氣太強...另外可能係太密封~ 令到間鋪入面太嘈........大大扣分~

一班fd晚飯後又去食甜品了,本身想去寶勒巷果邊睇下食咩,不過行行下見到喱間唔洗點等,就即入了,好耐冇來過喱到食了,有成幾年呀.......!好多榴槤既甜品,好吸引~!雖然只係雪糕同生果.......不過吸引左我呀~!夏日戀人:$48,都真係幾貴,不過太熱好想食雪糕,同個賣相又幾靚之下,於是就叫了~!有三款味既雪糕,芒果,雲喱拿,仲有款好似係椰子,普通味道既雪糕,三款來講係芒果比較好濃味點,海藻珠既口感有點似硬既西米露,食落少少爽口,生果都係芒果,士多啤梨,西瓜之類...整體上係賣相靚,不過味道好普通~!榴槤班戟:$40,4款甜品之中最好味呀~!入面cream佔好少,反而榴槤肉多,好正呀,食落好香好濃郁既榴槤味,主要係d榴槤肉靚,夠晒熟,岩晒鍾意食榴槤既人仕呀~!心太軟伴雪糕:每次去食甜品總會出現的,不過今次唔係我叫,個賣相唔錯呀~!拮開個心太軟,朱古力醬湧出來,好吸引~食落熱熱地,黑朱古力香濃,好滿足,喱間既心太軟蛋糕比較薄,同黑朱古力味重d冇咁甜,同有少少苦,個人覺得都唔錯~!鴛鴦戲水:食落都幾清涼,唔錯呀~!下次要試下個梳乎厘先~~~~~~~~~~~~~~!

到朋友家吃過晚飯, 於是便一齊去尖沙咀吃甜品, 他選擇了"甜蜜蜜"!!我是第一次光顧"甜蜜蜜", 位於尖沙咀的橫街, 比較隱閉。 吃了是否會甜蜜蜜?!當天很多人, 我們等了約15分鐘才有位, 坐位的地方比較窄, 幸好我們都不是太肥...我們order了 - (1) 雪糕西米露(2) 香蕉船(1) 雪糕西米露 - 西米竟然有冰塊出現...感覺麻麻地好吃......幸好雪糕不易熔....否則很可惜。(2) 香蕉船 - 想吃小時候一定要order的指定甜品, 味道好好...雪糕亦不易熔!價錢都比較貴, 可能在尖沙咀區。

i have already been to 甜蜜蜜for so many times and 心太軟is definitely the MUST order item!!the warm chocolate lava is no doubt a perfect couple with the cold vanilia ice-cream....if u like dessert, esp. chocolate.....im sure that this thing can satisfy your sweet-toothbut dun expect the staff there are polite or patient to you....since there are always long queue at night, they would clean up ur dish immediately as soon as you finish the food and get you out of their place...><

一直對甜蜜蜜好感一般, 價錢貴, 份量少, 人多, 趕客 (其實因為人多, 所以趕客呢~ 還抱怨!), 想傾計慢慢享受甜品美點, 甜蜜蜜一定不會是首選!今日再去原因是時間尚早, 九時多襯人龍還未出現時光顧才可以慢慢享受及朋友要求食心太軟~ 我們仨, 一人一心太軟!落單後約十分鐘, 熱辣辣既心太軟便送到! 大家都急不及待舉機拍照~ 心太軟份量比想像中大, 而且蛋糕頂沒有太多的灰色麵粉漬, 感動!因為坊間心太軟上, 或多或少都會留有灰色的麵粉漬, 就算那個心太軟有多好味, 一看到那些麵粉漬, 胃口便全消了~心太軟外面鬆脆, 內部鬆軟並帶有朱古力香, 打開中間部份, 看到中間朱古力漿慢慢流出, 已經食指大動, 要將佢消滅了! 哈~暖暖的心太軟配上冰凍軟滑的雲尼嗱雪糕, 味道配合得天衣無縫! 原本熱熱鬧鬧的對話頓時停止, 因為大家正在享受那個感勳時刻呢! ~吃過心太軟, 內心是甜甜, 暖暖的! 期待下一次的光顧~

其實自己之前都有食過, 事隔多年, 再去食. 依然係咁多人等~!巳經係第一張枱等, 都等左15 分鐘. 中間入面既侍應成日叫我地睇左食乜先, 就快有枱. 仲叫我地落定單時, 因為入面做唔切. 所以要焗既野, 都起碼要等半個中.......你一句半個中..我仲點敢叫?!?!??! 真係好神奇...另一樣就係..又係佢地叫我地叫左先..我地4個人入去叫..叫既時候又好似覺得我地好煩咁..一叫完又趕我地出番店外...其實我都係客, 而且又係你地叫我地落左單先..實在唔明點解要咁樣.......最終我地4人都係叫左d 唔駛焗既甜品~ 朋友叫左雜果涼粉, 豆腐花雲呢拿雪糕, 荔枝雪糕~ 我自己叫左雜果芒果西米露. 老實講, 雜果芒果西米露, $38, 有兩大碗上, 其實幾抵. 但好唔好味呢? 其實好普通~ 生果係新鮮既~ 芒果汁底都夠, 好香好濃. 西米露冇特別~ 加埋就幾好味~朋友既豆腐花雲呢拿雪糕, 自己試左一啖豆腐花~ 一d 都唔滑......完全唔得........荔枝雪糕好nice~ 好重荔枝味~! 再加上有幾粒新鮮既荔枝, 好清新!! 不錯的選擇! 下次再去...冇人的話, 都會食~

同男朋友食完晚飯意猶未盡，見OP咁多好評，於是選擇左甜蜜蜜我地到達時算幾好彩，因為唔係太多人等位。因為當我地入得去時門口已經好多人啦~ 首選係好多食評都推介既心太軟整體都好鍾意，只係中間軟心部份對我黎講甜左D 另外叫左榴槤燉奶嘩!!呢個比想像中既好味，估唔到榴槤同燉奶可以咁夾 好滿意~有機會會再黎幫襯~

食完晚飯行行下去左依間係糖水甜品.叫左4樣野SHARE...- 心太軟 <賣相幾好! 唔太甜.OK>-唔知叫乜. 3個雪糕球 <賣相都係唔錯!不過冇乜特別>-生果加芒果西米露甜品 <麻麻地~生果底好多冰>-生果加涼粉 <冇乜特別!當年B仔好食D>整體上, 生果個D甜品唔係係度食. 來依度食焗甜品就好~~