影片
招牌菜
同個FRIEND行去食糖水, 見佢個新出既" 台式什麼雪花砲冰" 真的超吸引, 不過成30蚊, 始終無叫到, 覺得貴。最後, 叫左我最喜歡的木糠布甸($18), 朋友仔叫左個芝麻豆腐花, 原本想叫埋個炸魚蛋, 點知賣晒, 朋友叫左個炸魷魚蘇($18)......木糠布甸份量不是多, 幾啖可以食晒, 不過賣相好OK, 一吃一口, OPPS.........又幾得喎, 好味~!!!!! 夠CREAMY, 木糠 (即係餅碎) 同CREAM一樣一半, 一層一層, 有口感, 木糠香口, 成個都好新鮮, 唔會好似有D地方咁, 食落似放左兩三日咁, 木糠又無味道。想比佢一個好佢地之際...........點知..........黎個炸魷魚蘇.............嘩, $18得個幾條, 賣相超衰, 無咩炸粉, D魷魚蘇又燶又幼, 食左幾條, 仲嘔心, 原來D魷魚蘇 D肉係"梅"架!!!!!! 即係D肉係淋到唔似魷魚, 炸~梅肉!~~~!!! 我個FRIEND停晒口, 而我亦忍不住嘔返出黎.........未食過咁難食既魷魚蘇!!!!!!!仲話推介........同個FRIEND離開左間野, 不停咁叫陡錢.............................
繼續閱讀
有日在商場見到廣告牌介紹有雪花冰食，於是昨天去試吓， 由於之前無留意地址， 找到很耐才找到。款式唔多, 只有八款味道 : 花生 / 綠茶 / 石榴 / 藍莓 / 榴槤 / 士多啤梨 / 朱古力 / 杧果，均一價 $30，每碟都有三款生果, 水晶珠, 彩針糖, 果凍拌碟，雪花冰俾 "糖 x 府"少d，但整體份量嚟講係差不多，尤其係榴槤，上枱已聞到味，入口味更濃。這裡服務態度滿意，上枱快，店鋪細d， 坐下陸陸續續有客到， 坐滿九成，相信其他食品應該唔差。
繼續閱讀
嗰日同朋友吃完生日飯, 再來呢度食甜品....睇到啲相有介紹木糠布甸, 有多種新口味, 咪order 個來食下, 我要最愛的士多啤利味, 朋友要香竽味.原來除咗原味, 重有 咖啡, 芒果, 朱古力, 蜜瓜, 甚至三色添, 都係多$2.我嗰杯面重有咗cream 寫住: LOVE ME MUCH ~ 嘩, 好開心!!! 唔捨得食咗佢!!! 朋友嗰杯就無, 好羨慕我. 同佢對換啦...朋友生日, 等佢開心下.我咪多口問下嗰waitor, 佢話唔係杯杯都有, 睇下係咪好彩! 啲字成日都唔同, 用忌簾咀唧上去都幾難寫. ...ヌ幾有創意同心思喎, 有驚喜!而且味道又好特別, 口感幾似芝士餅同雪糕. 值得去碰下運氣!
繼續閱讀
果日訓到黃朝八晏，無食Lunch，起身由藍田坐車去馬鞍山老爺奶奶度。行到老爺樓下見到呢間糖水鋪，好肚餓，又懶行，就走入去叫外賣。見到入面其實都亂七八糟，枱凳亂甘擺，有幾個人坐口係度，見到我入黎，完全無反應，我以爲自己去錯地方，起碼過咗二三十秒，先至有人睬我。我Order咗個核桃露加湯丸，竟然要21蚊，個老闆娘仲好唔好面口甘，好似嫌我俾得少？？又無叫我坐低等，之後又完全無人再理我，我呆企咗10幾分鐘，佢地幾個繼續傾計，好施施然，等到我腳軟，先有得攞。我發誓，我呢世都唔會再幫襯呢間野！
繼續閱讀
星期日那天去郊遊，都很久沒有做這樣的活動了。很開心的一天。我們沿西貢一路行到馬鞍山，慢慢走的，大約是用了三小時罷了，到了新港城附近便急著要找點吃的。由於我突然很想吃香蕉船的關係，於是決定到這裡找。餐牌上有不少甜品選擇，也不便宜，而且原來是無香蕉船，不禁有點失望。轉而找其他有雪糕的配搭，最後選定要豆腐雪糕豆腐花$18，味道ok，不過不失，只是豆花的糖水調較得太甜了。朋友要的是甚麼明珠$20(忘記了確實名字，但好像是此店的推介之一)，上檯後，真的頗失望，賣相很寡，只有數粒生果，明珠好像是比較大粒的西米，很滑的，但口感很怪，個人不是太喜歡。以如此價錢，跟松記，石磨坊等的甜品比較，這裡真的是遜色了一點。
繼續閱讀