甜牙牙

營業中

休息中

食完飯就去食個甜品去左旺角甜牙牙士多啤梨 Crepes👍🏻個皮都幾薄幾好食，士多啤梨雪糕好正又叫左呢個蛋糕吾會太甜幾好🙆🏻朋友叫左呢個芒果好普通 吾係話好好食佢d西式甜點好食d👍🏻

一見呢間甜品店幾靚，又幾多人排隊，諗住嚟試一下。點知真係中伏，食左一個酸既心太軟既蛋糕，完全食唔到，同個店員講，仲話係正常味道，我真係從來未食過既酸既心太軟，仲要收$92，有無攪錯！一定無下次！

和友人一行4人晚飯後來此吃甜品大家都不想吃得太滯而沒吃窩夫我點了宇治金時號配抹茶丸子朋友們則點了桂花荔枝雪糕號及冰火焦糖燉蛋宇治金時號,,有抹茶雪糕,,,紅豆,,小丸子,,可可球等抹茶雪糕的抹茶味不太濃！味道略淡紅豆煮得不綿密味道上的配合一般桂花荔枝雪糕號,,有荔枝沙冰,,內裡裹著雪糕,,還有幾粒桂花啫喱荔枝沙冰有著淡淡的荔枝香味,,不錯相反,,桂花啫喱的桂花香味不突出,,啫喱很淡口！冰火焦糖燉蛋,,最差的一款焦糖燉蛋上佈滿的是忌廉而不是蛋白忌廉還要是很甜很甜的那一種吃到覺得很膩！所以大家最後都放棄了忌廉！焦糖燉蛋部份分量很少也沒有冰火的感覺～整體來說,,幾個甜品都算不上好吃

在旺角食飽飽晚餐～是時候食一食甜品喇！今次來到甜牙牙！自己係朱古力迷！所以一定要叫個。。朱古力果仁可麗餅！好宏偉~似城堡一樣！食啖雪糕先~好冰涼好濃味呀！再加點果仁，oreo和可麗餅一起食。。wow~少少熱的餅，加上果仁，oreo香脆的口感~朱古力迷至高享受！接著。。夏洛特伯爵紅茶提拉米蘇！名字好吸引~上到檯不賴！似裝飾一樣~拿點 shortbread, 果仁，tiramisu試試！mmm~好香甜入心！軟軟的shortbread~配上淋淋的tiramisu好味道！有咬口的果仁，一啖好有滿足感！最後來杯~士多啤梨特飲！好靚呢~朗住幾粒士多啤梨！即飲啖。。甜甜酸酸的香味~裡面是有點沙冰，好解渴~唔會膩！

之前夜晚經過都要等好耐位先食到 今次早少少去可以慢慢嘆－朱古力窩夫層層疊雪雪堡 （$98）有個超級窩夫層層疊 成九層咁多 限時45分鐘內食曬可以唔洗錢 但港🐷就唔敢挑戰喇😂 就試下個三層嘅先😛朱古力窩夫 味道都濃 暖暖地 不過因為加左奶同雪糕 要食快啲先唔會淋🤔 雪糕有三大球 窩夫中間夾住好多士多啤梨 而且唔酸🍓 兩三個人share都好飽 一人一層好快食哂 (宜家尖沙咀、旺角同葵芳店仲做緊優惠 $88😋)-抹茶雪山 ( $55 )其實係抹茶雪花冰 仲有綠茶雪糕 紅豆蓉 小丸子同爆珠😁 雪花冰嘅抹茶味夠濃 帶點微苦亦唔會好甜☺ 小丸子煙韌 紅豆蓉夠淋 不過綠茶雪糕味就冇雪花冰咁濃🤔-荔枝特飲( $30杯/ $58一渣 )有西瓜 荔枝 士多啤梨三款揀 味道比較甜 有啲似smoothie嘅感覺😂

我地嗌左個士多啤梨窩夫，一切開已經伏伏地，點知一入口，係又濕又難食，個雪糕球唔似雪糕囉，一切即散開。講真，唔知係平日或是咩緣故啦，但真係未食過咁難以入口既甜品。之後有位男職員由廚房行出黎，係咁多客面前同呢個女侍應講野，照道理員工傾計係ok，但我地係聽到針對我地reject左個難食窩夫有不滿，內容係話緊啲客話取消就取消！男人老狗真係企係度啤啤貢，仲要驚死啲客聽唔到佢講野咁！當我地望住佢既時候就扮哂野唔講，跟住再細細聲講！終於忍唔住叫左男店員過黎，扮哂野講唔好意思，講咩「我地都想知係邊方面問題咁」真係唔該哂你，要客人忍唔住見你係咁講客人是非先想識問客人意見，咁點解唔一開始直接行埋黎問個明白？ 最智障既係係一班食客面前講食客百態，就算你更唔鋸，入廚房點鬧都無人知，至少食客唔會知先啦！一個窩夫幾十蚊好平，無錯，呢間既甜品唔係差，但服務態度一樣重要！

放工同朋友出左旺角揾糖水食果日特別想食窩夫 最後選擇左 甜牙牙見到menu已經覺得好吸引了哈哈朋友叫左但可麗餅試左小小覺得一般但我叫既棉花糖朱古力窩失好好味如果棉花糖可以再溶啲就好

今日獨自一人行經旺角，見到外面水牌介紹甜品幾正，所以禁不住入內點了個甜品 - 雜莓伴movenpick 士多啤梨雪糕Mixed berries with movenpick strawberry ice cream HKD62賣相好吸引好有心思，有冇留意係朵花？有忌廉，雪糕，鮮雜莓同可麗餅🍓🍓🍦😋😋 個人認為都幾特別的配搭，由於有鮮味果的點綴，令其味道不會過甜，酸中帶甜，可麗餅口感煙韌，一款不錯的甜品選擇

飯後太早，行左下就又揾野食。一人叫waffle一人叫火焰雪山。waffle很可愛又大份既，軟而無一口麵粉既感覺，而且又有士多啤梨係中間，好飽4種雪糕也沒有一口小冰朱古力味濃，綠茶都正火焰雪山有點酒精感太濃，麻麻地。

廣華街聚集左不少餐廳,甜品小店同朋友食完晚飯,行完街黎呢度再打開第2個胃食甜品,就最岩~桂花荔枝雪糕號喜歡荔枝既朋友,食呢個就岩哂~下面係荔枝冰沙,還有雪糕,配有幾垃桂花Jelly.雜莓可麗餅平時食可麗餅都係餅皮包住餡料,呢個同其他有點不同,要用刀叉食~XDXDMENU上標明選用movenpick雪糕.附上價錢~

平時我都有食開甜牙牙，但發現愈來愈差，咁o岩見到有團購，未食過佢地既千層蛋糕，所以買左兩張諗住做飯後甜品。買團購我通常都會睇清楚條款免得買完先後悔，第一次我去兌換是平日的夜晚7點幾，特登去到，我拿著張coupon，個女侍應開頭好似唔知自己公司有做到團購咁，之後話無貨，一件都無，叫我過兩日再黎睇下有無貨，心諗如果咁缺貨就唔應該做團購吧！而且條款上無提過要book定先，咁唔緊要啦！下次再去吧！（如果大家有買到就記住要留意！）跟住過兩日weekend 係開附近，今次就醒d, 打去問左先，男侍應聽就話而家仲有，遲d就唔知架啦！咁就即刻過去啦！見到無人排隊有空位太好了！但去到佢就話有貨，但你地要拎走食！唔可以堂食？我強調團購條款無講播！佢就好似施捨我咁話咁你地咪坐低食lo, 個下有點hard feeling, 算吧！就攞走食，但公司規則混亂，服務態度欠佳，其實真係無下次了！講返蛋糕味道，團購價錢$30一件，其實都唔係好平，但諗住咁無去就試下啦，平心而論，真心唔太抵，綠茶味仲偏苦，不過食甜品係求開心，一肚氣食咩都無味啦！寧願去附近的甜品店再食啦！

今天去油麻地 YMCA看看冬季的節目表, 之後步入廣華街逛逛, 看看手錶已是下午三点, 找個地方 Tea 一 Tea.剛好看見 甜牙牙 (旺角分店),  門面及內部裝潢不錯, 於是鎖定目標, 入內光顧.新式的甜品店始終給人 Fresh 感覺, 牆上圖案很有心思和創意, 枱上小型摩天輪, I like !也掛了很多特別的裝飾, 令人視覺享受爆棚.餐牌印製七彩, 有很多食品, 飲品選擇, 如窩夫, 有意粉, 不難找到心头好, 細看餐牌介紹.....可挑戰 45 分鐘內吃完 : 超級窩夫層層疊,  完成者免費, 並有證書. 我要先鍊習才可参加.今午我点了...士多啤梨特飲玻璃高脚杯,  滿載粉紅色的沙冰, 好像 Pink Lady look, sweet…..  味道簡單清新, 清甜解渴！我心儀的主角來了..........公司窩夫三文治配香蕉脆脆新地車店員送來黄色的開篷跑車, 很精彩的一個甜品 !!    前座位放了焦糖香蕉及3色雪糕球, 有抹茶雪糕, 云尼拿, 後座滿載窩夫, 因為我不喜愛朱古力味, 已請店員全改單味窩夫,每塊窩夫, 焗得香脆, 內夾有鮮忌廉, 及切片多士啤梨, 仍熱辣辣

一直以為甜品店的選擇不多，下班肚子餓餓的，跟同事經過甜牙牙，發現小店的menu厚厚的，除了有超多選擇的甜品，還有all day breakfast和意粉等正餐。點了窩夫經典早餐，太陽蛋煎得perfect，像是egg benedict的高質感覺，加了cream cheese、火腿的鹹食窩夫，帶點香脆外表的窩夫，內心鬆鬆軟軟，味道超乎想像的搭配。公司鬆餅單是豐富的賣相令人食指大動，pancake配了滿滿的新鮮水果包括士多啤梨、藍莓、雜莓、香蕉等等，還有焦糖脆脆，伴以朱加醬和甜牙牙自家製野莓醬，雪糕是高品質的Movenpick雪糕，難以抗拒的引誘，還是食完先減吧!原來甜牙牙很多元化，不止賣西式甜品，還有中式糖水呢! 桂花燉雙雪的雙雪是指雪耳和雪梨，加上桂花清香，最適合秋意漸濃的季節，滋潤暖心，要是糖水可以減甜一點，女生會更受落 (怕胖嘛...) 餐廳牆上掛了貓貓畫，輕鬆悠閒

旺角煙廠街都有甜牙牙的踪影，大熱天時最想搵個落腳點...於是即刻衝左入去。好耐之前聽過甜牙牙的「超級窩夫層層疊」大挑戰，參加者在限時內一人吃光九層的窩夫就可以贏得這客窩夫和獎狀，心思思但一直不敢來挑戰...因為我應該吃不完。今次終於...找到有大吃同伴結伴來吃，九層窩夫的配料豐富，要逐層數先得！等大約15mins，窩夫就出場！即叫即整，所以窩夫都好脆身！忌廉混上威化餅碎，塔頂上有兩球黑白軟雪糕，旁邊有又士多啤梨粒粒點綴，賣相誘人消暑又清新！由第二層開始便不斷在留意中間會夾住什麼東西，第三層的杏仁片香脆感十足，第四層的栗子蓉好軟綿綿又細膩，最愛的都是這一層！第五層夾住粒粒哈密瓜，富新鮮感又多汁，甜而不膩的味道第六層有脆棒，是我最鐘意的飯後小食。雖然開始有點飽，但為食既的都想繼續下去，幸好第七層終於出現了Oreo，餅乾鬆化，朱古力口味甜而不膩。第八層是西瓜，想不到還有層水果，西瓜清甜消膩。第九層還有粒粒都好軟腍的紅豆蓉，還有微溫的紅豆配上雪糕和窩夫都十分好吃！

呢晚同朋友食完泰廚, 就直落下場食甜品, 經過甜牙牙, 二話不說入去一試。甜牙牙既心太軟其實唔錯, 除左比一般心太軟大份之外, 朱古力濃度夠高, 帶微甘, 唔會好甜, 蛋糕層鬆軟, 朱古力漿唔會太稀, 配埋又香又滑既movenpick既雪糕, 正!伯爵茶焦糖燉蛋茶味好濃好清香, 滑滑既燉蛋配埋脆脆既焦糖面, 唔錯!荔枝流心奶凍流心度高, 奶凍混入左唔少荔枝肉, 啖啖果肉, 不過奶凍實左啲, 軟滑啲就好啦。綠茶窩夫茶味唔太濃, 不過外脆內軟, 有蛋香, 幾好食。雪糕質素就一般。呢間甜品店環境食物都唔錯, 款式夠多, 價格又合理, 絕對值得一試再試!