甜牙牙

營業中

休息中

天氣又凍番好鬼多，最好就約埋成班朋友去打邊爐或者食個麻辣雞煲聚會嘆下，但通常次次打完都會想食啲清新糖水中和下，咁啱附近又有間甜品店，可以去食啲生果甜品潤一下，今次我一人食兩款，仲要兩款都係我最愛嘅荔枝味，而且價錢都算ok荔枝沙冰 $30夠哂冰凍透心涼。而且好濃郁又香甜，荔枝好新鮮，年紀大咗就最愛清新甜度荔枝豆腐花$38呢款最得我嘅歡心，荔枝一樣夠新鮮鮮甜，好重果香荔枝味，而豆腐花甜度適中，亦夠順滑

今曰情人節收到老公一份好有心意的禮物，就係一個食得的花花蛋糕，收到時好驚喜，因為好似收花一樣咁靚，cream 花好靚好真，花顏色好warm, 有d吾捨得食落肚，收到時已經好開心，食落肚仲驚喜，好好味，d cream 好滑好滑，甜度適中，我本身最怕甜，但呢個蛋糕調較得啱啱好，蛋糕裏面有絲絲伯爵茶香味，好特別，好正！吾同一般街餅舖蛋糕，食完突然覺得老公好有品味，所以問老公邊度買呢個蛋糕，原來係甜牙牙，估吾到甜品舖做蛋糕咁出色咁靚咁好味，好窩心！要讃！打開盒，好驚喜！

食完飯有個朋友黎join食甜品，黎到煙廠街搵食，好幾間甜品，排左大約10分鐘就有得入座香蕉船，普通，香蕉勁生，雪糕雀x貨色朱古力木槺布甸，半價21蚊，其實都唔平，質感乾散，似oreo味，味道無驚喜，但唔難食，唔太甜類似提拉米蘇，出面既手指餅無浸油，濕潤蛋糕仔，入面既cream係正常意大利芝士餅味，無乜特別，不過賣相幾靚，最攪笑係本新想叫earl grey味，個店員話無，得原味，點知佢話唔緊要，其實差唔多味😅姐係earl grey味同原味一樣無咩味？相片清晰可見，都燶得幾離譜下，一食已經好苦，唔係朱古力苦，係燶到苦，雪糕係movenpick,但一上到黎已經溶到一pat野咁，哩個60蚊既甜品都相當失敗

入到去全場爆滿，以為咁好生意，坐低先發現大部分枱都無人食緊野，心諗。。攪錯呀。。個個食完都唔走！我地2個人，點左一個心太軟，一個朱古力窩夫！等左大約15分鐘開始發現周圍d人原來都等緊食，等到燥，有2枱人已經頂唔順唔食走左！45分鐘後，到我地問仲有幾耐，既然咁耐都未黎就諗住唔食走，點知個待應又話等一等，等左無5分鐘，心太軟黎左！哇。。。我第一次見成個底都燶晒既心太軟，燶到好似獲底燶咁，都好意思拎出黎比人食，！10分鐘後個窩夫黎埋！原來低處未見低，個窩夫簡直難食到想死，完全唔熱，一d朱古力味都無，仲要勁硬！果刻真係後悔無好似其他人咁唔等就走！最後硬食左2舊。。。真係頂唔順唔食！第一次會食淨超過一半就起身走人！

返工總是忙都透唔到氣， 食完晚飯好朋友就帶我黎食番個甜品，等我開心下雖然頭先餐晚飯都已經好飽好滿足，但女人對甜品係好難抵抗首先點了焦糖脆脆窩夫焦糖唔係醬咁簡單原來係一塊塊焦糖塊，沒我想像中那般甜，而窩夫係新鮮整，所以係暖同脆，同埋好鬆化唔會係好硬第二個甜品我地就叫左金寶蘋果批因為新鮮焗，所以都等左陣，為左食好野，呢d少少時間算不上什麼熱辣辣既蘋果批底，加上凍冰冰既雪糕，呢個對比，令味蕾去到極限，而且食到係粒粒新鮮蘋果所制作而不屬太甜，滿足感大增呢度除係食甜品外，其實還有熱食例如all day breakfast, 下次可以空著肚來試一試

1. 心太軟：係流心嘅，但焗到外層燶到黑炭咁，啲燶味入晒啲流心朱古力度2. Tiramisu 窩夫：個窩夫漿完全冇味，懷疑係用超市現成窩夫整，又乾，Tiramisu 兩條手指餅，一條吸到濕晒，但另一條乾爭爭，借問聲點做到？3. 抹茶號：團餅入唔切貨但客人落單時冇提醒，到上碟時用白丸子代替，到客人問時又可以答到因爲返唔切貨而用其他嘢代替....其實落單前講俾客知有嘢唔同咗咪唔會出嚟件事違反商品說明條例囉～4. 人多食食下叫客移位俾佢做張大台其實係ok，但唔好未問晒成句就邊問邊搬走我食緊果碟，仲要整跌隻叉之後兜嘢放返入碟食物度，衞生常識嚟㗎好冇？仲要係食落肚嘅嘢.....

第一次食呢間，本來興趣不大，不過適逢農曆新年，附近好多甜品店都唔開，所以行咗入嚟食，結果都幾失望我叫咗個雪地芒果船，可能係季節問題，啲芒果酸到盲佬都開眼！配兩球雪糕，雲呢拿嗰球味道都叫ok，不過完全唔滑，好多碎冰；至於芒果味雪糕就好難食，陣味好假，完全無芒果味底下墊咗啲碎嘅芒果啫喱，味道正常，椰果就得個甜字，尚可接受。唯一值得稱讚嘅係嗰幾塊waffles餅，好香而且夠脆。順帶一提，員工態度亦都唔係太好。

年初二晚想食甜品同朋友去左登打士街個頭睇下有咩食啦成條街得一間甜品店開就係得佢呢間 甜牙牙以前係其他分店食過都唔錯 咁就入去都食啦點知食完一肚氣 未到赤口都差d想同佢開年侍應態度其差首先 問佢地拎menu 遲遲拎黎拎去 都唔拎黎未叫食物已經黎左個有雪糕既甜品 黎到已經溶溶地 成張台搭左3張單 都冇人叫左呢個 話返俾佢知 睇住佢拎返入廚房 個個位兜個圈扮出菜周圍問人有冇叫 個雪糕溶曬既成張台搭左3張單 3張單都有野落錯 我地同個後生女落單 後來發現落完竟然係冇落到既叫左個楊枝金露黎左個冇楊枝既芒果西米露我問個阿姐 我個楊枝金露差緊d野喎 （因為係搭台 我對面個個人都係食緊楊枝金露）好明顯我個碗差緊d野啦 話完俾個阿姐聽 佢轉身走左跟住搵第個問 佢拎碗野入廚房 出返黎話碗野冇問題 佢話佢做樓面 廚房既野佢唔識 依家都唔係個幾條西柚既問題 係佢地態度超差 知你新年忙 都唔駛咁樣趕客既甜牙牙呢間野真係唔會再食 離曬大譜

食甜品本來係整日節目完美既收尾，但幫襯左呢間垃圾就十分掃興!話說我地叫左碗楊枝甘露，等左成半個鐘，佢竟然比左碗無楊枝既芒果西米露黎! 於是叫樓面換過第二碗，但佢番黎竟然同我地講，廚房話楊枝甘露就係咁! 但明明隔黎位碗楊枝甘露就係有西柚!我表達不滿，話要影低做證。樓面竟然話:“你咪影囉，我做樓面唔關我事。”只可以話甜品舖太好賺，根本唔駛理食物質素同服務態度，依然客似雲來。我就已經將呢間舖列入黑名單，永不光顧。

今晚在這甜品店遇到以下情況:1) 個menu要果樣冇果樣2) 上錯嘢食，想話俾個店員知，佢要我等，仲要以為我埋單3) 其中一個店員D態度 @#*4) 等咗30分鐘先有嘢食，遲過我來的人仲走先過我各位入去前要想清楚!

年初二唸住食個甜品先返屋企、之前食過覺得OK，難得開門咪入嚟囉，點知中伏叫3樣嘢有2樣話冇貨喎😑😑結果叫咗伯爵茶☕️、紅豆沙及主打oreo瘋狂朱古力窩夫伯爵茶☕️是茶包，冇特別乃正常;紅豆沙則好容易分開水同豆；至於窩夫。。。等左20分鐘都未上，果刻只見遲過我地入坐嘅已食完咁滯，最後上咗個錯嘅❌😤😤😤一發現即刻叫人啦，個妹妹問我係咪埋單😓, 唉！你啱啱先擺落嚟，通常都冇咁快埋單囉。。。知錯之後sorry 都冇拎走咗去第二枱遲過我們入坐的（拎走是正常，遲嚟先上岸都算，但都應該講聲唔好意思）我望住個「出菜位」等。。。此時同一個妹妹對住𥚃面個「大廚」嗌：「又望住我喇，嗱佢望我、我都係望返你咋」我心唸：「鬼得閒望你、你又唔係靚仔，我望我碟嘢嚟未之嘛，人嗌窩夫我嗌窩夫，應該我問點解我個窩夫望極都唔出😤😤😤」最後問個阿姐啦～結果再等兩分鐘就有（其實唔吹都應該等咁耐）窩夫個雪糕同塊oreo餅都ok, 唯獨塊唯一需要廚藝的窩夫是凍的😓😓😓總括來說甜牙牙無論食品還是服務已經不復以前的質素，而往事就只能回味。

今天新血來潮，看到menu的食物，每樣都想吃。印刷的很漂亮。最後點了straberry waffle 來吃。結果味道很不okay. waffle是冷的。吃起來口感是硬的。價錢跟食物不成正比。

甜品控😳😌😎————————————————————#伯爵茶焦糖燉蛋🍮(HKD42)✔️👅：6/10✏️ 估吾到伯爵茶同燉蛋都幾夾 伯爵茶清香同焦糖燉蛋既焦甜配合得幾好 而且面層都好焦脆 但敗筆在於焦糖燉蛋內裡太鬆散 如圖所見好似糊咁 唔太雅觀啦 仲點左壺水果花茶 估唔到清香得黎帶點微甜 非常解膩 唔錯！

放學後同朋友經過廣華街，覺得有啲肚餓，正直是下午茶。walk in進入餐廳前睇過下啲水牌，下午茶set選擇好多，望落都幾好食！！羅宋湯味道不錯，酸酸甜甜的，茄紅素十足。而且雜菜量亦頗多，只是湯的分量較少。加錢可以要飲品同埋水果沙律，味道中規中矩，沒有加入任何調味。但水果粒十分新鮮和清爽，唯奇異果味特別酸。這是朋友的大蝦焗長通粉，她說味道不錯，焗得熱辣辣。我淺嘗了一口，也有同感。這個吞拿魚意粉有點伏。。。味道主要以吞拿魚為主，個汁亦有好多吞拿魚碎，如果係吞拿魚愛好者應該會幾鍾意。但係我嫌個味太濃，淡淡都係吞拿魚肉，吞拿魚與白汁不能取得平衡，而且意粉口感欠缺彈性，太過林身。隨即奉上熱辣辣的紅茶茶，紅茶有茶香，而且口感都幾唔錯，夠滑。服務只是一般般，下午茶的時段只有一個店員負責落單、收錢和上菜，效率有點慢，進入餐廳的時候沒有serve我們，不過整體係幾平。

甜牙牙除左甜品，仲有鹹食架~ 原來有d套餐超抵食估唔到有平tea食 如果經過可以試下^^  麵餐/全日早餐/常餐 $24起 (8pm前供應)真係好平早排同朋友去甜牙牙食左好多野 有叫套餐都有散叫^^~美式全日早餐 $56PANCAKE食落好香~整體味道唔錯~瑞士雞翼 $38瑞士汁幾入味~士多啤梨可麗餅 $60呢個賣相超靚~睇見都開心呀~><士多啤梨同雪糕好好味~雪糕唔會太甜~宇治綠茶梳乎厘 $64梳乎厘食落鬆軟，綠茶味幾香不過個雪糕唔夠濃~反而係奶味重~香蕉雪糕多士 $34呢個見人地食, 覺得好正咁~我地又跟住叫~食完真係超滿足!