甜牙牙

營業中

休息中

以前成日都會去甜牙牙食甜品～每次都大排長龍⋯今次相隔好耐無黎，一去到就大把位唔洗等，叫左久違了既朱古力心太軟⋯朋友叫左宇治金時。宇治金時好快就到左～朋友話綠茶味勁苦勁澀，佢食到一半都頂唔順無再食。等左好耐終於到我期待已久既心太軟，首先個心太軟係超微暖，我唔知佢點解焗咁耐都可以係接近凍！仲要唔流心，食左一啖我已經唔想再食！好苦！好酸！我有嘗試用雪糕溝埋一齊食等佢中和下⋯點知都係唔掂！好失望！唔會再黎！唔怪得而家唔洗等位。

放工同事搵我去食tea ，番工果頭有好多甜品鋪 ，中式西式日式都有 今次揀左呢間貪佢有下午茶餐 ，有甜有鹹揀 😺平日下午5點幾到，唔算多人， 有梳化位坐得舒服我唔係太肚餓 ，所以嗌左個綠茶紅豆窩夫 ，都唔算細件 ，跟餐有杯柚子茶，不過無咩味。我同事好肚餓。。所以一個人食兩個餐😰 上面係tiramisu，幾滑幾好味。下面係香草長通粉，兩碟都有d細 好快食哂。P.S 下午茶餐可以加＄10多碗羅宋湯通粉或瑞士汁雞翼兩隻，但可能我地太遲已經賣哂。

每個月好友聚會，食飯、甜品直落是常識👍🏻依家興梳乎厘班㦸，我都唔執輸試一試佢。質地好軟綿綿，但又不帶空氣感，但放左幾分鐘就被中間啲cream 浸淋左，又啲「梅」。建議大家要盡快配埋雪糕一同食用😌食完係超級飽的，但好回味鬆軟綿綿既口感👍🏼我朋友叫左兩極香蕉船，好多材料，多到佢都食唔曬😂

原本都冇諗住寫食評，食左一啖個心太軟，非寫不可，係我食過最難食既心太軟，超苦(餐牌冇特別註明高濃度朱古力)，而且外面一啲都唔脆，好似食緊朱古力蛋糕一樣，加上草莓係酸的，又苦又酸不得了，最正常係雪糕食得出係雀巢呍厘拿味雪糕，出餐時間25分鐘。呢個宇治金時號仲不得了，全部都係超級市場有得買既材料，雪糕係雀巢綠茶味(不是抹茶)，味道正常因爲係雀巢牌子，但宇治金時用綠茶味雪糕？配料小丸子係唯一超級市場未必買到，但一啲都唔好食，唔彈牙，其他: 朱古力早餐脆脆,合桃酥碎,黑白配同窩夫就唔洗講啦，都係平時食戈啲，成杯野非常唔夾，好似格硬設計個甜品出黎，非常冇誠意，但好食過心太軟既，因為都係現成料，但我最後都食唔晒，因為真係唔好食。價錢算普通，但甘既質素食唔食自己諗。我就食到一肚氣

好耐冇泥過油麻地食甜品啦今次同個朋友一齊泥食，不過令我同朋友都有d失望(其實都唔係有d) 呢個朱古力雪山比起個圖少左成一半要差唔多50蚊，真係有d唔抵食仲要等左20分鐘先泥，真係等到有d唔耐煩呢個窩夫我已經叫過幾次，今次係最差等左半個鐘先泥到，好彩之前食緊個朱古力雪山如果淨係等呢碟野，真係係人都燥底呢張相係碟野一泥到時影既size細左好多d雪糕已經溶哂到底碟野其實整好左幾耐同埋個人認為太多cream

生日食完晚餐當然要食返個cake先至圓滿，經過甜牙牙，睇到餐牌幾正就諗住試下！😍首先揀左個朱古力的tiramisu 千層蛋糕，賣相幾吸引，仲有KISS字樣😘 夠哂sweet ! 味道是有淡淡的朱古力同奶油香，比例配合得不錯，甜而不膩，值得一試，不過分量就比預期細份，吾夠喉，CP 值扣左少少分😆黑朱古力心太軟配雲呢拿雪糕無錯，又係朱古力！本身諗住叫得朱古力配心太軟就一定好食，點知有新「驚喜」平時食開的朱古力心太軟都是偏甜的，湧出來的朱古力漿配以淡淡的雲呢拿雪糕，味道剛剛好。但是，呢個朱古力心太軟係特濃嘅口味，如果你係非常鍾意偏苦的黑朱古力，我諗呢個心太軟可能會適合你，但是我越食就越苦，雲呢拿雪糕並未能中和其苦味，而帶出新口感，令我呢個喜歡苦苦地朱古力愛好者到後期都無辦法再食落去，我想我還是比較喜歡甜甜的朱古力心太軟🙈

每次泥油麻地都想去甜牙牙食甜品，因為呢到有我最鍾意食既朱古力窩夫今次第一次泥食下午茶餐我地兩個人叫左一個意大利粉同一個窩夫跟餐有一碗湯同一杯野飲呢個煙肉蘑菇卡邦尼意大利粉份量一般，d 汁亦都唔太入味，不過整體ok窩夫份量比平時既窩夫細一倍(價錢都平一半)食落去都脆，不過都係掛住朱古力窩夫多d下午茶時間冇咁多人， 坐得舒服好多不過下次都係宵夜時間泥，揀番朱古力窩夫，兩個人share食的話價錢同份量都ok

係旺角食個糖水$60走吾甩，坐唔好諗住坐得舒服，隔離台一定痴得好埋，完全好肉同台禁，其實係唔抵食，同覺得賣相一般，味道亦一般，以前覺得好好食，可能附近開左好多唔同的甜品店，有對手比較去啦。有時至在食完飯同朋友有個地方傾多一陣計。禁埋單就一舊水，值唔值得就見仁見智啦！個水果茶好甜呀

好似一次比一次差....?個雪山叫做比較正常....雪糕就唔好食啦～杯楊支金露我似左幾啖就放棄左...淡得黎仲要怪怪地...我朋友杯奶茶仲要零茶味,不過佢地都好好,沖過第2杯換左,但都係ma ma地.....個窩夫比較硬.....整體...好失望仲要個場有蚊，咬到我成腳都係

旺角對我來講，是個交通方便，又很熟悉的購物娛樂集中地，上通太子，下達油麻地，都可以徒步直達。我已經去旺角至少七成以上的地方，只剩下少許較寧靜偏僻的地方未去過。就好像廣華街近京士柏一帶的地方，有個叫「百利達廣場」的商場，我就從未去過逛過。就連在「百利達廣場」的食店，我都幾乎一無所知，從未進入過「百利達廣場」，裡面有甚麼商舖食肆，我是完全不知道的。所以今次光顧「百利達廣場」的甜品店「甜牙牙」，可謂是我人生第一次進入這商場。可能「百利達廣場」原本設計就是這樣，所以現在的「甜牙牙」，竟然餐廳招牌都可以放到這麽高的位置，卻沒有其他招牌可以掛出來，這樣商場的設計，對「甜牙牙」來說，究竟是大有幫助還是絆腳石呢？事先翻查過「甜牙牙」的資料，知道「甜牙牙」主打以濃厚朱古力為材料的甜品，以及「心太軟」和「窩夫」甜品。用優質朱古力作材料，搭配成為甜到入心的心太軟和朱古力窩夫，也難怪會有「甜牙牙」這個餐廳店名啦！憑我第一次試食過「甜牙牙」的食後感來講，「甜牙牙」應該屬於以西式甜品比較好味，單是我當時點了的甜品「脆脆朱古力Oreo號」，已經發現有很多朱古力雪糕，和其他朱古力相關配料，才做「一架」「Oreo號」。

今日同朋友去廣華街睇模型經過門囗見到D食物相幾靚於是行入去試吓！行到入去望行冇人理我地於是自己揾位坐過咗差唔多2分鐘先有個幾老下嘅女人 一路傾住電話攞D menu過唻！睇咗差唔多10分鐘先可以諗到食咩！ 點解睇咁耐？因為佢實在太多menu睇到個人好亂！如果全部野可以放係同1本menu會好D！相就真係影得好靚！ 講返啲食物先我就叫咗個心太軟個賣相都有7分不過味道就得3分真係好難食！個雪榚就好食！不過冇用 都係叫貨返嚟！我個fd就嗌咗個tiramisu千層蛋榚！—見到個實物我個fd嘩咗—聲點解同幅相差咁遠咁核突 ！我都覺得真係好核突同好細件！味道都有6分！ 總括嚟講得D menu相靚( 不過又有啲亂 )其他野就真係

抹茶控又出動去尋覓美味既抹茶冰見甜牙牙啲相 個綿綿冰賣相吾錯 於是放學又一支公走去食抹茶雪山 $55一開始上枱有少少失望 個底已經有啲水...橫睇掂睇都吾見球雪糕 職員話係冰入面 甘好啦繼續食個抹茶綿綿冰吾錯 有純正抹茶味 配料有紅豆 小丸子 爆爆珠紅豆一粒粒 甜甜地配吾太甜既抹茶冰岩岩好爆爆珠一路食都覺得好爽不過太少囉~小丸子10幾粒左右啦 都煙un成個冰甜度吾高 幾好ge唯一失敗既地方 係我一開始搵吾到既雪糕無錯佢真係係中間 但我寧願佢無比我好過 係我食過最難食既抹茶雪糕真係吾知叫咩味好如果個雪糕好食啲 個冰完美真心快啲轉左個雪糕啦！

本人初次幫襯，意粉款式頗多。店員雖然沒有介紹食品種類，套餐內容。選了卡邦尼意粉，白汁三文魚意粉。兩款菜色，除了肉類配料不一樣外，其他東西都是一樣，份量少而淡如水，卡邦尼意粉內，材料配答自創，非傳統。味道不比自己在家下廚好。用餐期間，店員在門外吸煙，店內濔漫著煙味，完全不理會顧客感受。而我們曾經關心過的餐湯，侍應亦曾答應幫忙跟進，但最後由意粉到達桌面直到我們結帳離開都沒有消息。相信也不會再幫襯。完。

而家位於旺角區嘅甜品鋪開到成行成市，競爭其實都幾大。甜牙牙仍然可以生存喺同一位置，都算係幾犀利，感覺上都仍然有好多人鍾意食佢。其實呢間野真係充滿回憶，因為係幾年前年甜牙牙真係好出名出名到不得之了，嗰陣就係正值MK年代。當晚小編同埋友人食完飯大約九點半嚟到呢度，見到入邊都坐滿晒人，甘啱有一張二人枱，所以唔駛等就可以入去啦。每次嚟到都真係有啲選擇困難症，因為好多甜品都好似好好食，但係最後我哋都係揀咗呢兩個。芒果涼粉小丸子： ＄35呢個芒果涼粉小丸子其實味道唔錯，都算係大路嘢，小丸子煙煙un un ，加埋爽口嘅涼粉，真係唔錯。不過佢個芒果汁同埋個芒果都相對比較酸，所以其實比較難入口少少，不過整體都尚算不錯。宇治今時號： ＄42呢個宇治金時號就啱晒鍾意食抹茶嘅朋友仔，我鍾意佢嘅原因係因為佢其實所有野都好夾，首先有小編最鍾意嘅小丸子，竟然仲用咗美祿波波作為有朱古力元素嘅一邊，雪糕下邊其實都分別鋪左紅豆同埋西米。呢一個抹茶雪糕都好好食，都係比較濃味既，大有少少苦添。你小編覺得有少少搞笑嘅係，中間攝咗幾塊好似炸脆煎堆咁嘅嘢，其實有少少唔係好夾同個甜品，不過可能呢個就係宇治金時號嘅特點啦哈哈哈。。

之前都嚟過，覺得佢個tiramisu 好食先再嚟嘅。所以今次encore都有叫。伯爵茶木糠布甸質感雖然軟左的咁多，硬身少少就更好，但味道唔算太甜，係好食嘅，而且用叉吉落去都唔易散。不過最差就係坐得唔安樂，店員（定老闆？）keep住留意我地食完未，一食完就好快比人收野。明明係佢地唔記得左上花茶，通知返佢地上花茶之後，都繼續留意住我地嘅進度，真係食得唔舒服。埋單出去之後，的確係有幾張枱排緊隊，但係咪應該預返時間我地飲返遲上嘅飲品？而且餐牌上亦不乏$50以上嘅甜品，咁急趕人走唔合理。