甜牙牙

營業中

休息中

又到甜品時間啦，旺角有好多間甜品鋪，今晚就去左甜牙牙。以前行旺角時成日都經過，但都冇入過去食，今晚就係機會啦。餐牌都有好多款甜品揀，有心太軟，窩夫，鬆餅，火焰雪山，綿綿冰，雪糕船，西米露，紅豆沙，中式糖水，仲有飲品添。最終揀左火焰雪山，提拉米蘇鬆餅層層同紅豆冰。火焰雪山會係你面前加酒點火，所以綿花糖面會好濃酒味，入面有窩夫同雲尼拿雪糕，好多層次。提拉米蘇鬆餅層層有兩塊鬆餅，面頭有兩塊手指餅，配一球雲尼拿雪糕。鬆餅有蛋味，偏向蛋糕既鬆餅。紅豆冰好多紅豆，紅豆好甜，撈埋奶就岩岩好。

Green tea molten Lava cake😋😋😋Matcha green tea is mixed with white chocolate to create delicate cakes with a molten lava center but this cake is slightly sweet. It combined with green tea ice cream and red bean paste.Durian and sago with coconut milk😋😋😋I love durian so it suits my taste. Although the sago was not perfect cooked but the taste was intense.Creme Brulee😋😋😋😋It was really good, thick pudding with a glassy, caramelized sugar top. On the top was cream and a few mangoes and blueberries.

同朋友食完飯,港女mode上身話要食甜品~好啦,咁就揀間坐得舒服的食啦~我 叫左個"冰火焦糖燉蛋", 朋友叫"三色芋圓涼粉西米露"我絕對係因為個圖好靚~我本住應該差唔多樣的心情叫左~好好彩, 實物同圖幾乎一樣燉蛋上面既cream有輕輕燒過, 焦糖同生果好夾, 因為生果唔算係當造的生果,所以有少少酸, 配焦糖食岩岩好~燉蛋有少少扣分, 因為唔係幾夠凍,有少少室溫,唔知係咪因為燒個焦糖整熱左~朋友個"三色芋圓涼粉西米露", 裡面的"三色芋圓"除左芋圓同蕃薯圓仲有綠茶圓; 裡面的好似唔係椰汁, 有少少似椰奶, 所以食到朋友話好膩~所以...又叫左杯花茶解膩洋甘水果茶個樣真係幾靚, 不過有少少澀, 可能係個茶包啦~店員已經好好咁送上糖漿,唔落真係會覺得好苦~不過解膩就一流既~可能我地去到個時有少少晏, 所以店入面無乜人,可以坐得舒服D

天寒地凍，真係會食極都唔飽，特別係甜品！旺角／油麻地煙廠街，廣華醫院附近有不少食肆，是搵食好地方，地鋪「甜牙牙」算是這一帶的「老店」，周圍執完又開佢都仲係到！雪糕和脆脆窩夫本身就是天生一對，但「Tiramisu窩夫配雪糕」的手指餅卻有一點搶了風頭，陣陣甜酒香，加上那份令人又愛又恨的香滑cream，如果唔係要同友人分享，真係好想一個人食晒兩條。當晚全店滿座，偷看旁邊的客人，很多人都點了鬆餅，兔子都跟風試下，點了「士多啤梨鬆餅層層」，果然是必吃之一。鬆餅又厚又軟，想要一啖食到晒士多啤梨＋Cream+雪糕+鬆餅四大甜點殺手鐧，絕對有難道，但當你一啖食到晒，四種不同的「甜」係口入面融化真係大滿足！有一種朋友叫「食甜品都要養生」，當大家大啖大啖雪糕之時，佢哋總係要叫熱嘢。同行友人點了別樹一格的紫米露，同枱為之側目，但大家最後都「俾我試下」，又香又煙韌，試下試下，成碗無晒！甜牙牙雖以西式甜點為主，幾款中式甜點也算是可以滿足到「唔食凍嘢」嘅朋友，獨食難肥，天寒地凍，啱晒一班朋友飯後嚟填埋第二個胃。

讀書時成日都會來甜牙牙🦷,而家從遊舊地，menu都變左好多，同以前好唔同選左個以前好鐘意來到都必食的窩夫🧇,而家有全份/半份的選擇。。。如一次過試多幾種口味的話，可以選半份，等自己有足夠空間食©今次我地叫左🍯蜂蜜玉桂口窩夫🧇配雪糕🍨👅,窩夫仍然保持係好脆口🧇同選左個西式甜品必有的🍫朱古力心太軟🍮配雪糕🍨。。。好快就上台了心太軟唔會太甜，入面有朱古力漿流出另外都有綠茶口味可以選~

旺角街頭吃完晚飯跟兩位朋友想吃點甜品，今次來到旺角百利達廣場的甜牙牙食，又有一番新的滋味。這裡的甜品款式特別多，也特別吸引，我們三人總共點了四樣，一份芒果涼粉，一份法式焦糖燉奶配時令水果，一杯檸檬水果茶，一份桂花雙雪燉桃膠，大家都吃得津津有味。水果都特別新鮮，不論是涼粉上的芒果，還是燉奶的時令水果。而燉奶也做得好好吃，焦糖做得特別好。其中一位朋友因為生病感冒喝水果茶，他居然喝完覺得不鼻塞了，這個真的好棒。這裡的甜品都好好吃，下次一定再來。

夜晚難得同朋友出旺角食 緊係要食埋甜品先走☺️行到好景商場附近 諗起一直比好多人推薦既甜牙牙 於是決定去試下🤓大概10點都仲係好多人 到我有位食既時候 出面都仲好多人等緊位..見到Menu啲野食好吸引 最後同朋友每人叫左兩樣野食🤤益力多奇異果沙冰個人超推薦！本身試伏咁嗌下黎飲 點知奇異果既酸同益力多味好夾🥰酸酸地既感覺令我覺得好開胃 飲到上癮而益力多西瓜沙冰比較重西瓜味 益力多味比較後期先出到 如果平時比較鍾意食西瓜既人 值得嗌黎試下！另外仲叫左豆腐船同益力多棉棉冰配芋圓😚芋圓有好多種口味由於我未食過既關係 覺得幾新鮮😂豆腐船係個人覺得好特別既甜品 香蕉船就聽得多 但豆腐船真係第一次見 仲要好好味❤️但冬天食雪糕真係有啲凍 食完棉棉冰行返屋企 都覺得低左幾度咁

食完個晚飯就緊係要食番個甜品滿足埋另一個胃仔嫁啦, 所以就去左附近嘅甜牙牙🦷☺️ 可能8點幾都仲未係甜品時間, 所以唔洗等就可以入去食🤗 我地叫左一個凍🍨一個熱🍮嘅甜品, 大約等左10分鐘到就有得食啦😋益力多綿綿冰配芋圓🍨益力多味綿綿冰味道幾濃郁, 仲有爆爆珠, 椰果同芋圓等配料, 特別要介紹一下佢嘅🖐🏻色芋圓, 有芋頭圓, 紫薯圓, 地瓜圓, 綠茶圓同芝麻圓, 芋圓口感軟糯, 煙煙韌韌, 每款芋圓嘅味道都十分濃郁, 而芝麻圓更有粒粒芝麻係入面, 口感更好!😊經典心太軟伴雲呢拿雪糕及水果🍮🍦🍓心太軟一上枱已經好新鮮熱辣辣, 仲有好香濃嘅朱古力味🍫, 外皮硬脆, 一🔪落去d朱古力岩漿已經開始嘔出嚟🌋, 望住都覺得好邪惡😈🤭, 食落口朱古力味好濃但唔算好甜, 所以唔會好膩, 熱辣辣嘅蛋糕加埋凍冰冰嘅雲呢拿雪糕🍦令人非常滿足😋🤭🤗☺️

最近比較平靜了，難得出旺角拍拖緊要糖水直落啦。突然好想食心太軟就諗起呢間性價比高既甜牙牙。我地兩個人點左一個宇治抹茶心太軟伴雪糕及水果同埋一個朱古力窩夫party。個窩夫份量夠兩個人開心share,配上cream同雪糕，仲有啲脆脆同朱古力漿，多重口感，熱熱既窩夫配上冰凍雪糕真係好正，兩個人係佢未溶晒就清晒啦！之後心太軟就到左，時間剛剛好呢，配料好豐富，出面好多呢個價錢都無配料的，有雪糕，紅豆蓉，藍莓，士多啤梨（好甜，唔係cheap野，不過得一粒呢），最初以為做錯左，綠茶應該是綠色吧，切開一睇，真係綠色，只是外層焗到啡左：），啲綠茶漿好多，真係好正，再配埋啲配料，非常夾。但食到尾覺得有啲甜到漏，如果有杯水清一清就最好了。其實呢度仲有好多選擇呀，下次可以諗諗

今天晚飯過後就是想要甜一下，左思右想下搵到呢間甜品天堂「甜牙牙」，留意到餐單上既甜品款式都偏向新派同西式，岩哂年輕一族係旺角行到攰去又得，食飽飯去再傾下計亦得，得左。🔷抹茶窩夫Party 💰98 💙80/100(即焗窩夫、紅豆、杏仁、忌廉、雪糕)窩夫係即叫即焗，食得出外皮脆，裡邊亦厚厚的有微微既抹茶香。窩夫面毫不吝嗇地放左紅豆粒同紅豆溶，很甜很甜。另外亦有吉士味既cream，食得出好滑，可以連埋窩夫底一拼食。再黎就系仲有幾個球既雪糕，成個窩夫最頂層怖滿左抹茶雪糕，光是外形賣相都吸引到不能不order。🔷益力多棉棉冰配芋圓 💰55 💙78/100(益力多棉棉冰、芋圓、什果啫喱、脆果珠)芋圓有少少意外地十分Q彈煙韌，有三隻色但口感都是相同。益力多味都算十分明顯，會比平時飲開既益力多個酸性淡翻少少，換句話說即係個甜度會較強。雖然天氣涼左但係食棉棉冰既意慾依舊吾會減少。🔷洋甘菊水果茶 💰46 💙68/100(德國洋甘菊、水果粒、綠茶)水果粒以蜜瓜以及奇異果為主，呢到果茶既好在於糖漿係分開上， 可以按個人喜好去調節甜度。外觀上可以睇得出果粒份量一D都吾少，味道上有少少特別，感覺蜜瓜吸到洋甘菊既甘

喺旺角食完飯口痕痕想食埋甜品就去咗呢間甜牙牙食士多啤梨鬆餅層層 $55喺門口見到士多啤梨鬆餅勁吸引不過鬆餅係即叫即整要等一陣有兩層鬆餅中間仲有一層士多啤梨面頭有Cream 士多啤梨同埋果jam仲有雲尼拿味雪糕 朱古力醬同餅碎口感好豐富鬆餅上枱暖暖地配埋雪糕好正榴蓮布甸 $48有一大Pat馬來西亞榴蓮好香濃嘅榴蓮味自制榴蓮布甸好Creamy 榴蓮味啱啱好仲有Cream 同埋雲尼拿味雪糕益力多芒果沙冰 $36芒果沙冰飲落好香甜芒果味一啲都唔假益力多味同芒果味兩隻味Balance得好好同埋勁大杯可以兩個人Share飲

 是日同朋友們食完晚飯，我們建議去食一下甜品， 在旺角的廣華街，好多不同的甜品店，朋友建議去到甜牙牙食，幸好等了一會有位坐﹐我地點了抹茶窩夫配雪糕，火焰雪山，芒果竽圓涼粉，竽圓西米露，另外點了益力多芒果沙冰，益力多芒果沙冰益力多芒果沙冰真的好正，唔會太甜，竽圓西米露竽圓西米露，竽圓好足料，加埋椰汁西米露真的好好味，芒果竽圓涼粉芒果竽圓涼粉好多芒果同埋涼粉，入面有埋竽圓，真的見到我同朋友都系咁食哈哈抹茶窩夫配雪糕抹茶窩夫配雪糕真的好驚喜抹茶窩夫抹茶味重，加上好多的紅豆餡同埋抹茶雪榚，真的好唔夠食，火焰雪山火焰雪山真的好驚喜的一個甜品，職員在上來時會關曬所有燈，會在你面前加酒，做成一個火焰的效果，同朋友真的嘩嘩聲，火焰雪山入面會有埋雪榚同埋心太軟，一個甜品兩個食法，真的食得出有心機的甜品。

今晚同朋友去旺角食完飯後，見，仲有啲肚餓，於是就去左附近的這間甜品店，好彩去的時候為時尚早，因為我地入去之後就有人開始排隊。朋友點左芒果棉棉冰配椰果，基本上食得出個芒果應該好新鮮，因為芒果味好濃，亦都食得出個味唔假。至於我點左熔岩火焰雪山，點火的時候餐廳熄左全場的燈，所以全場望住我都有少少尷尬。味道方面，其實個雪山入面係心太軟同雪糕來的，咁當然點火之後已經冇左流心效果，但你當係朱古力蛋糕其實係極好食，個人認為值得一試。

估唔到「甜牙牙」除了甜品，還有喊食。不過食完晚飯，一心一意諗住食甜品，下次可以試吓。見到這個「熔岩🔥火焰雪山」好吸引！未燒的雪山🏔️已經覺得好靚！😍店員在各人有心理準備之下關燈，隨即造出火焰，視覺效果滿分！💯真係好靚！Wow...火燒後的雪山條紋鮮明可見，令人未食先興奮！😂蛋白霜輕盈幼滑，微甜中帶點苦澀，與心太軟好夾！這座火山，一邊是熔岩，另一邊是雪山，雲呢拿雪糕的冰凍🥶與心太軟的暖和☀️，營造出冰火交融！🌤🥤益力多芒果沙冰🥭芒果味出色，與益力多攪拌後甜甜酸酸，是不錯的解暑飲品！

吃完晚飯，幾個朋友都想吃點甜的，很久之前吃過這間甜品店，點了幾款西式甜品一起分享。雖然餐牌有中西式類別的甜品，但是綠茶控的我們見綠就眼睛發亮。點了個抹茶心太軟，慢慢切開心太軟，新鮮焗起的蛋糕外皮軟軟的，流心綠茶巧克力漿湧出，流至最後，把握時間拍下這湧出的一刻，便起動了。趁熱吃才有流心效果；溫熱的蛋糕烘焙過後，外層微脆，上面灑了糖霜，而且熱的時候吃會更顯甜，流心餡有濃濃的綠茶清香，不過吃至後期有點膩。一口綠茶雪糕，一口蛋糕，為味蕾帶來冰火的沖擊。三色芋圓西米露西米露濃稠綿密，椰汁味重，粒粒西米露仙草，芋圓蠻多的，細嚼之下發現不只一般的甜薯或芋頭味，還有帶苦澀的綠茶及黑芝麻味，有驚喜！抹茶窩夫茶味苦澀，很喜歡那帶苦的味道，熱力漸漸溶掉雪糕，流在窩夫上，中和本身不甜的窩夫。反之淨吃紅豆就太甜，應該是那些日式罐頭裡長期浸在糖水裡的那些。