甜牙牙

營業中

休息中

夜媽媽接朋友仔收工，收工後去咗食糖水，呢間糖水舖位於旺角廣華街3號百利達廣場地下4號舖，舖頭名仲好特別，叫做：甜牙牙🤤 🦷🦷冬冰冰既天氣想食熱既糖水，但又想食凍冰冰既雪糕，所以最後叫咗兩份甜品＋一杯熱飲，滿足哂我地既願望。🍫朱古力棉花糖窩夫配雪糕🍦 $52即焗外脆內軟既窩夫，窩夫好脆口，有2條脆朱古力條，有3粒輕微烤過又軟棉棉既棉花糖，白雪雪既忌廉，仲有我最愛既朱古力味雪糕，加上甜甜既朱古力醬。因為窩夫係即叫即焗，所以制作時間需要等約8分鐘。🥥椰汁燉桃膠 $36熱辣辣既糖水，用咗好香濃既椰汁，加上有大大粒又養顏既桃膠，再有好多好滑好爽口既雪耳制作而成。食完個胃即刻暖哂。🍋檸檬水果茶 $38熱辣辣又清甜既檸檬水果茶，水果茶既材料有綠茶茶包、好足料既水果，切粒既士多啤梨🍓，切粒既奇異果🥝，3片檸檬🍋，切半既藍莓，又有水果食，又可以暖胃。水果茶伴上糖漿，如果想甜啲就可以加少許。

飯後甜品🍮當然唔少得啦！ 早有聽聞「甜牙牙」，地點十分方便，係甜品林立既旺角廣華街，無論揸車/步行都好近。 拿拿，女生論甜品都係賣相行先，為食貓就必試窩夫咁話。蜂蜜玉桂窩夫配雪糕🍦原來係香蕉🍌，好和諧，宵夜談心最佳。若晚飯🥣意猶未盡，宵夜更添滿足。抹茶窩夫🍵配雪糕窩夫餅底都加入抹茶，紅豆絕配，甜度balance剛好，賣相夠吸引✨ 環境舒服乾淨😌，適合情侶💑 同一家大細，淺色糖果系🍬裝修，啱我心水。

旺角鬧市地區甜品店平時成日喺旺角食飯唔少得嘅就係晚飯之後食個糖水啦 有時想食下一啲特別小小嘅糖水店唔使成日芝麻糊紅豆沙豆腐花咁樣今日經過見到一間比較有特色嘅甜品店就入去試吓啦芒果綿綿冰配椰果$55一睇落去色彩繽紛食落去芒果味好濃同一時間芒果嘅肉都幾甜唔會話好酸 食落去芒果味好重唔似有啲甜品店咁啲冰係水嚟嘅呢度嘅冰真係用咗芒果汁嚟整熔岩火焰雪山$88一聽個名都覺得好霸氣 一開始以為入邊剩係得雪糕嚟到嘅時候侍應幫我地熄燈點火場面都幾得意 食落去嘅時候外邊係溶溶地 亦都有少少酒精嘅味道 二個餡入面分別係雲呢拿雪糕同埋心太軟 一次過食晒兩種甜品滿足兩個願望總括嚟講呢間甜品舖價錢唔算太貴同一時間都幾有特色有時喺旺角食完晚飯都可以試吓一啲特別小小嘅甜品例如係班戟火焰雪山等等唔使成日都食連鎖甜品店 幾有新意同特色

晚上食飽未捨得返屋企住，去煙廠街睇下有咩甜品食，見到甜牙牙就入左去試～環境幾好，位唔會好逼，食得舒服。我叫左個大既waffle，一份有四隻味既雪糕～哇好大件，覺得四個食飽飯既人黎食可以分成4份😂不過呢度每人最低消費一份甜品。特別想highlight 朱古力味雪糕幾高質，係dark chocolate，唔會太甜，幾香，仲有我最鐘意既美綠粒。Waffle好大份好足料，不過如果係熱辣辣出爐就好啦，咁樣一凍一熱咁食就perfect。呢份係口感偏脆既waffle。足料既waffle~

侍應服務態度非常惡劣野食煮勁耐都未黎到叫同一樣野食 後叫既兩個人果份黎先都算侍應又再大力發揮 態度差到 無達到客人要求野食黎到一野撻落張枱到 野食入面仲有D唔知乜野係入面

今日又去呢間食朱古力甜品，又濃又重朱古力味，鍾意朱古力既唔好錯過!朱古力派對為減低罪惡感決定走cream，有朱古力同雲呢啦雪糕，朱古力脆脆再加朱古力粒! waffle層次好豐富而且口感煙韌，朱古力味好突出又唔會太漏，呢個真係每次都必嗌!朱古力心太軟另一個必食甜品，心太軟好大份而流心既程度一流，朱古力味好濃郁，完全做到外軟內流心既效果，配合埋士多啤梨同藍莓一齊食真係冇得輸! 佢地要大約10-15分鐘去整，所以要有心理準備等一等呀！

食飽飯又去揾下甜品食下~唔想排隊所以行左個圈入左去甜牙牙今次由朋友發版選叫咩食~最後就選左3 樣。。。。。。焦糖燉蛋﹑蜂蜜香蕉窩夫同埋中式的紅豆沙焦糖燉蛋都系表面焦糖胞，燉蛋軟滑咁咯，甜度適中，不過表面火燒既cream就甜咗少少。。。如果淡返dd咁就perfect...可能我地唔鐘意太甜窩夫即叫即烘，外趣內軟，又唔太甜，都ok，雪糕中有冰碎，可能係雪得太凍紅豆沙甜度適中，入面仲有芋圓，食完真係好飽~

琴晚和同事去了油麻地食飯，之後去了甜牙牙食甜品吹陣水。甜牙牙甜品價錢為中至高，而且地方幾大，可以約埋三五知己聚一聚。環境方面，好多大枱可共同share，可以約埋三五知己一同慶祝或者一邊食一邊傾計！芒果西米露 $38：芒果顏色為鮮黃色，味道很甜，絕不帶酸。西米露大大粒，口感比平時所食的較脆口，食落仲有卜卜聲。榴連西米露配小丸子 $48：榴連香口又濃郁，小丸子煙煙unun。西米露同樣是大大粒。整碗有多重口感啊！

講到近年我最鍾意食既甜品，pancake 同waffle 都算係top 3 之內今日同friend 喺旺角食甜品，就搵左間又有pancake , 又有waffle 既甜品店！蜂蜜玉桂窩夫配雪糕除左有蜂蜜同玉桂之外，仲有香蕉！窩夫只有半份，但一個人食就岩岩好。窩夫外脆內軟，配埋雪糕冷熱交融，口感一流，推薦！！棉花糖朱古力鬆餅層層兩層既鬆餅夠哂鬆化，估唔到夾埋棉花糖食原來又唔會好甜，而且口感更好！一試難忘！呢度既甜品價錢合理，但都算幾高質，下次去旺角一定會encore

甜牙牙應該好多人都食個依間甜品店， 我就好耐都無食過， 所以今日難得係旺角當然就去食下啦。 菜單已更新了士多啤梨鬆餅士多啤梨配鬆餅勁吸引，由於即叫即整所以牌都要等一陣。兩層鬆餅中間仲有一層士多啤梨，面頭有Cream 士多啤梨同埋果jam，仲有雲尼拿味雪糕 ，配上朱古力醬同餅碎口感好豐富，超推介。鬆餅上枱暖暖地配埋雪糕好正心太軟尚算有水準，熱熱濃濃既流心朱古力醬加上冰凍既雪糕，口感一流, 切開個心太軟果陣，啲朱古力流出黎，試一啖朱古力味勁掂！細心品嘗下, 朱古力居然有唔同層次感。店內環境尚算簡潔寬敞。

過左晚飯時間，所以今晚又用甜品代替晚餐😂見呢間甜品鋪有好多款式，有咸有甜，又有窩夫、鬆餅可以填肚，就試下啦~芋圓西米露唔只平常既番薯同芋頭，仲有黑芝麻同埋綠茶。每一款都真材實料，食得出唔同既味道，唔係只係甜。蜂蜜肉桂香蕉鬆餅，兩件鬆餅中間夾住香蕉，都幾大份仲有球雪糕鬆餅好軟綿綿，肉桂味很濃，岩哂鐘意食肉桂甜品既人。朱古力棉花糖窩夫，見個樣好吸引，忍唔住叫埋。窩夫脆得黎唔硬，配埋朱古力雪糕，雙重滋味

今日難得同老公一齊收工，兩口子拍下拖 食下飯 行下街，我哋決定出旺角，好耐無一齊去街加上就黎新年決定去買衫褲，買定過新年，行到8點幾，好累，行到廣華街附近想搵地方坐一坐，見到有一間甜品店，就入去坐，地方都好舒服，選擇都好多，有心太軟，鬆餅，中式糖水，岩哂大人細路心太軟 係我哋兩個最愛要叫黎食，黎到心太軟一整開啲朱古力溶哂出黎 好正 食到外熱內軟 益力多芒果冰 我好口渴所以想叫杯野飲，飲落好重芒果 隱隱有益多味 朱古力窩夫 一黎到見到勁大份量，嚇左一跳 中間係朱古力雪糕 旁邊有4個細波波係雲哩拿雪糕，上面凍 下面朱古力窩夫是熱 仲要好濃濃朱古力味

人有兩個胃 一個食正餐 一個食甜品🍮喺旺角食完晚飯 再食甜品 滿足第二個胃😆-🧇🍨#蜂蜜肉桂窩夫配雪糕 ($52) 我對肉桂有種莫名嘅好感 食麥皮會用 飲咖啡都會落窩夫烘到想脆 蛋香豐富 內邊濕潤軟熟配埋蜂蜜同雪糕一齊食 話咁快就清左-🍨🧇#四重窩夫層層堡 ($128)平時食窩夫 多數跟一款或兩款雪糕 最多俾啲生果咁呢個窩夫層層堡 非常重量級 好有誠意🤓除左原味同朱古力味窩夫之外 雪糕口味有四款咁多綠茶 芒果 朱古力 同埋雲呢拿 緊有一款啱你食咁大堆頭嘅甜品 建議開心share🤪雖然我一個人係絕對食得晒嘅🙈-🍋 🍃 #檸檬水果茶 ($38）水果茶之前飲唔少 呢個檸檬🍋口味 都係第一次試以為杯茶只得酸味 點知有驚喜 有大量士多啤梨粒奇異果粒 同埋藍莓 士多啤梨味道清新味覺同嗅覺 雙重享受🤪

旺角廣華街附近一帶一向勁多美食，行街行到少少攰同肚餓，打算揾個位落腳坐下，朋友提議不如去食個甜品啦！於是乎揾左間甜品店食下，甜品一向都係女仔最愛，見到甜牙牙，裝修都好有現代化特式，成間店舖用淺藍色佈置，一行入去感覺已經好舒服。我地兩個都偏好西式同比較特別既甜品。兩個又未食飯，個肚大把位，所以我哋嗌左一個超具份量嘅四重窩夫層層堡。一上枱，賣相好吸引，即刻相機食先。我都嘩左一聲。窩夫分量超多，佢既形狀係心型，見到都好開心🥳。最抵果層有四個心心窩夫，變成四葉草🍀，上面個層都仲有二個心心窩夫。佢嘅窩夫係即叫即製，超新鮮。而且有不同味道，底層的是朱古力味，佢朱古力味好濃。上面的原味則全是蛋香味。除咗窩夫之外，點解話佢賣相吸引？就係因為佢上面放左四種不同顏色的雪糕球。白色雲呢拿，啡色朱古力，綠色綠茶同黃色芒果。仲有伴碟既士多啤梨、朱古力脆脆球同杏仁片，豐富到不得了！朋友仲話想叫一個熔岩火焰雪山🏔️。入邊有佢最鍾意嘅心太軟同雪糕，外面嘅雪山就係用忌廉包圍。火焰雪山上枱時由店員點燃一小杯酒，再淋上雪山上面。淨係睇呢個畫面已經贏晒。忌廉燒過之後有少少微焦，又滲透一點酒味。心太軟一切開就流出濃濃既朱古力，朋

Fatbrown 前嗰排去旺角食過甜牙牙甜品，覺得幾好食，今日同女朋友仔經過旺角決定再encore上次去到嘅時候可能尚早所以唔係好洗排隊，今日去到嘅時候都有人排緊隊，等左一陣先入到去<抹茶窩夫$98>記得上次叫個四色好好味，今次一定要encore 喇抹茶配紅豆真係冇得輸，紅豆起沙軟綿綿好好食，綠茶雪榚有成五大球，綠茶味夠濃郁，少少苦澀味唔太甜，綠茶控必食<益力多綿綿冰配芋圓$55>益力多綿綿冰勁程益力多味，好似隊緊支益力多咁配料方面Fatbrown 鐘意芋圓多D，煙煙unun 好咬，仲有特別口味芝麻味