甜牙牙

營業中

休息中

之前幫趁過尖沙咀甜牙牙幾次，而家尖沙咀店執左，想食甜牙牙就得返旺角店，今日出開旺角就黎幫趁下。旺角甜牙牙唔似之前尖沙咀店有賣埋咸食，哩度主要賣窩夫、心太軟、沙冰同港式糖水，價錢公道唔算特別貴。抹茶窩夫Party($98)客夫都係即叫即焗，所以都要啲時間先有。窩夫上面除左中間有一球抹茶雪糕，四邊都各有四小球雪糕，比出面同類形嘅窩夫多雪糕。除左抹茶雪糕，窩夫上面仲有忌廉、紅豆蓉、杏仁同朱古力脆球，非常足料。窩夫口感鬆軟，抹茶味都算濃，因為雪糕比人多，所以幾乎每一啖窩夫都可以搭雪糕食，都幾飽肚，建議可以兩三個人分一個。經典心太軟配雲呢拿雪糕及水果($50)心太軟蛋糕質地鬆軟，朱古力醬味道超濃郁，食多兩啖可能會覺得有啲濟，一啖心太軟一啖雲呢拿雪糕就啱啱好。總結，甜品定價唔貴，味道亦冇令人失望，難怪成日都咁旺場。

自從無喺旺角區返工後，都少左去哩間充滿著舊日回憶既甜品店食嘢🤔 仲記得以前好鐘意同閏蜜嚟食下甜品傾下心事❤ 近排同朋友講起就好想再嚟做返少女緬懷下😆😄·☆ 抹茶窩夫配雪糕抹茶系列永遠係甜品大熱之列，抹茶紅豆哩個配搭更加係一個永恆既定律。一啖抹茶紅豆窩夫、一啖抹茶雪糕，一冷一熱撞得剛剛好，味道好夾呢💓·☆ 冰火焦糖燉蛋焦糖吸引之處就係火灼既效果，焦糖變為脆卜卜又甜甜既一層薄片，加上滑滑溜既燉蛋🥚 真的讓人感覺很甜蜜幸福❤·☆ 抹茶綿綿冰配小丸子綿綿冰係少女時期最愛既大熱甜品之一🤩🤩 綿綿冰延綿冰涼既口感真的十分吸引，加上煙韌既小丸子一起吃，不期然有一種非常日系既感覺🍡🍧🍨

食完晚飯口痕想搵啲甜品食下，一諗到甜品，莫過於旺角最廣華街，去到門口已經大排長龍🚶‍♂️🚶‍♀️🚶‍♂️🚶‍♀️🚶‍♀️🚶‍♂️🚶‍♀️🚶‍♂️🚶‍♀️🚶‍♂️🚶‍♀️。等咗一陣終於都到我哋啦😋😋，食咩好呢，好多樣都想食😍😍...心太軟、pancake🥞、糖水、綿綿冰...最後揀咗食窩夫。而窩夫都好多隻味，有抹茶、蜂蜜玉桂🍯、朱古力🍫、Tiramisu，最後我哋揀咗芒果，因為即叫即製，加上好多人，所以都等左一段時間，但相信你見到個賣相都值得嘅。厚厚嘅窩夫，咬落去脆得嚟帶點鬆軟，上面有忌廉同芒果雪糕🍦，有朱古力漿🍫、芒果粒🥭、杏仁片，賣相又靚又吸引。口感亦都夠晒豐富，食完有種幸福嘅感覺！一邊食甜食，飲番壺洋甘菊🌼水果茶🍓🥝暖下胃認真唔錯，有德國洋甘菊、水果粒同綠茶🍵mix埋，可以隨自己口味加番糖漿，飲落去微微甜味，亦有淡淡嘅洋甘菊同果香香味🌼🌼。

食完飯行下有咩糖水食就見到呢間，平時人龍好長咁岩今日唔使排，就入去試下!我地叫咗一個朱古力窩夫party同埋心太軟，因為太鍾意朱古力既關係所以離唔開都係食呢類甜品。不過始終都怕肥所以窩夫走cream，心理上好似冇咁肥!! 窩夫焗得好脆同埋內裡鬆軟，朱古力雪糕好軟滑而且唔會好快溶，gelato既口感配埋熱辣辣既窩夫好出色! 另外仲有會幾球雲呢拿味雪糕，基本上每食一件窩夫都一定會有雪糕配埋一齊食!心太軟都幾大個而且係極度流心，朱古力味超濃郁加埋士多啤梨一齊食真係絕配! 心太軟流心既範圍好大，基本上除咗少少外層外全部都係流心，手勢一流!

今日同朋友去旺角行完街食完晚飯，想吹多陣水又想食下甜野，於是行行下搵到依間甜品店，坐得又舒服、野食又好食，而且職員有禮貌又唔趕人走😛我地兩個人叫左兩個甜品，兩個都好有驚喜！真係好好食，大大碟，性價比極高！抺茶窩夫🧇估唔到可以整得咁好食🥳窩夫外脆內軟，焗到岩岩好，上面仲有好多cream、紅豆、抺茶雪糕，抺茶雪糕凍冰冰，窩夫熱辣辣，兩種口感享受❤️熔岩火焰雪山呢個甜品一上嚟嘅時候職員會閂晒燈，再係甜品上面點火，食咗個感覺已經好正！有外貌仲要有內涵，食落口超好食🤯 雪山外層有小小酒味，仲唔會太濃，岩岩好，熱熱既蛋白內面包住凍凍既忌廉雪糕🍦再裡層有個勁勁勁勁好食既朱古力流心心太軟！超驚喜，一熱一凍一熱咁，係味覺享受😍依間甜品店意外地好食！真心推薦！

食完晚飯想食甜品，見到Menu朱古力雪糕窩夫party咁過癮，等左一陣位，就入去獨食一個。叫完又要再等，因為係即整嘅，甜品舖裏面充斥着香焗嘅氣味，未食已經引到我口水流。等左五至10分鐘左右，我個窩夫終於都到手，嘩！好大份，好香同埋個樣都幾精彩。由於係即整，都等左五至10分鐘左右，我個窩夫終於都到手，嘩！好大份，好香同埋個樣都幾精彩。為咗冇咁肥，我係咁以叫咗走cream，都好食呀。由於係即整，熱辣辣碰上凍冰冰嘅雪糕，又冷又熱嘅感覺幾過癮。價錢貴咗啲，食個甜品要90幾蚊，不過放假就放肆一下啦。

同朋友食個簡單晚飯, 唔夠喉, 諗住食個甜品~附近見到呢間甜牙牙, 見有位就入去lu~餐廳入面已經有好多聖誕裝飾, 好有氣氛!我同朋友都係鍾意食朱古力之人, 所以叫左2款都係朱古力既甜品~但呢度都有好多唔同系列既甜品選擇架!朱古力窩夫賣相好吸引, 仲有4球雪糕, 好足料!窩夫食落口有好香濃朱古力味, 而且外脆內軟的~!除左雪糕同cream, 仲有其他配料. 有oreo, 可可球同埋D酥餅碎, 口感一流!心太軟切開佢, 入面既朱古力漿慢慢流出, 我地都流哂口水了!~ 雖然入面有滿滿既朱古力漿, 但食落唔會覺得好甜膩~配埋雪糕食, 正!好滿足!同朋友預早過個甜蜜聖誕~

呢間野我會用okay黎形容，因為味道的確唔錯，不過未至於好食到一定要再番黎咁。我同朋友六點幾就過左黎，晚飯時間無咩人食甜品，成間野得我地幾個。我地叫左幾樣大路野，包括芒果芋圓涼粉，流心芒果布丁，抹茶心太軟，經典心太軟。由於味道不是特別出眾，搞到我都唔知點形容好哈哈。芒果涼粉還不錯，芋圓煙煙韌韌，幾有口感，不過唔重芋頭味。芒果布丁食唔到流心，被騙了，不過芒果都算幾新鮮，幾甜，唔酸。心太軟不過不失，中間都有流心既，熱辣辣，同旁邊既雪糕都幾夾，不過稍嫌綠茶味有D假。整體黎講，食物賣相都okay，價錢公道，選擇繁多，不過款式太普通，周街都有。可能要落多D心思係味道方面，最好整幾碟signature dish，咁先可以贏人幾條街，令人想再番黎食。

今晚同朋友食完晚飯咁我哋就覺得應該搵間甜品試下。 就見到登打士街呢一頭有間叫做甜牙牙，見到有人等位咁抱住試下新嘢嘅心態去試下。我地叫左抹茶窩夫: 佢包括有紅豆、杏仁忌廉、同埋綠茶雪糕，都幾抵食， 因為我覺得都幾大份而且佢個甜度都適合香港人食。經典心太軟伴雲呢拿雪糕及水果:裏面包咗自家製流心蛋糕有水果啦有餅碎雪糕同忌廉， 心太軟我覺得比出面嗰啲甜品舖好食，因為佢個蛋糕都實正，佢結實亦都鬆軟，同埋一打開個缺口啲朱古力流曬出嚟，好漂亮，仲有佢個朱古力嘅甜度真係適中，真係啱香港人口味同埋入面係熱辣辣嘅!非常滋味!最後大家行過呢一頭，可以試下呢間甜品舖，我食以上兩款甜品我覺得都係大部分人會叫嘅甜品。 不錯唷!

店鋪：甜牙牙 (旺角)地址：旺角廣華街3號百利達廣場地下4號舖夜晚係旺角跳完舞，去左廣華街果邊食甜品🍮，11點左右呢頭間間甜品店都有好多人排隊，甜牙牙咁岩有人走左有位😆，就入左去坐低甜品店坐滿哂人，非常熱鬧😚，香港人真係好鍾意食糖水😂。由於對上一餐係跳舞之前4點幾食，所以都幾肚餓🙈，所以都真係唔客氣，一口氣叫左3️⃣個甜品芒果窩夫Party $98成塊窩夫有8格，每格都有cream同香甜嘅芒果粒🥭，中間仲有芒果雪糕🍨，難怪叫做芒果窩夫party啦😍，除左芒果仲有抹茶🍵同朱古力味🍫，咩都想試下嘅話仲有四重窩夫層層堡可以揀法式焦糖燉蛋配時令水果 $42法式焦糖燉蛋以藍莓、芒果同cream點綴🤤燉蛋非常軟綿，蛋香好濃🥰，加上甜甜脆脆嘅焦糖面，零舍好食南北杏雪耳燉木瓜 $32最後叫多左個養生雪耳木瓜，糖水唔會過甜👍🏾，木瓜腍而出味，糖水充滿木瓜香😋，雪耳仲好爽滑，冬天飲夠哂滋補

**甜牙牙**呢晚老公黎接我放工去拍下拖食個甜品先黎屋企諗起廣華呢邊甜多店多不勝數.就過黎試下見到間間都要等,但呢間係最多人,應該無伏 就一於等埋一份拎完飛 等左大約10分鐘就有,店鋪好細 , 的確好多食客都坐得好逼但每個人都食得好滋味 , 我地都好放心我地要左份大既 抹茶紅豆窩夫SHARE HKD98 等左大約10分鐘就有大又唔算超大, 2個人食有少少唔夠喉 , 1個人食又多左少少咁窩夫上面落足料 , 每一啖都唔會孤單, 有抹茶雪糕 ..大量紅豆 同CREAM超級正 即刻覺得 $98 係物超所值!我仲點左個水果茶 , 又係海量既水果 逼爆成個杯 !!下次要再黎食埋其他窩夫

出開旺角食飯，食完飯一定要整番個甜品度度都要排隊，唔爭在搵間有名氣D的甜品鋪，起不質素有保證嘛<四重窩夫層層堡$128>朋友睇左陣menu 就決定要叫呢個超大份四重窩夫，貪佢有整四種味道的雪榚，可以試曬勻曬咁多種味道wor 四重窩夫仲有好多其他配料咖，例如士多啤梨、杏仁、朱古力脆球、紅豆，滿足曬多心的我<芒果棉棉冰配椰果$55>食完個窩夫已經飽左七成，由於餐廳有最低清費每人一份甜品，唯有叫多個light d 的棉棉冰食下芒果棉棉冰同平時的刨冰唔同，系打個陣已經落足芒果汁去打，所以本身冰品已經系芒果味配料仲有椰果、脆果珠、雜果啫喱，夾埋食好滋味

同朋友食完夜晚嗰餐，周圍行左陣。經過見到呢間甜品舖，朋友話想食，於是就入左黎！呢間舖有D多人，所以喺出面等左陣先有位！不過好食既話就抵返哂！我叫左個朱古力棉花糖窩夫配雪糕！個窩夫係幾脆，唔錯！加埋朱古力醬同埋朱古力雪糕，D朱古力味濃得黎又唔太甜，都真係幾難得！好多時D朱古力太甜唔太好食，呢度就冇呢個問題！我朋友叫左個提拉米蘇窩夫配雪糕！個窩夫都一樣咁脆口，同埋Tiramisu味好濃！加埋個雲呢拿雪糕，兩種味道一齊都幾夾！總括黎講兩個都正！

晚餐前肚子餓了就找間甜品店吃點東西，和朋友坐下聊聊天餐牌選擇非常多，琳瑯滿目無論燉品、涼粉、沙冰、心太軟都有all day breakfast 都有提供價錢仲好公道性價比非常高！榴槤西米露小丸子 $48大大舊榴槤肉！非常滿足榴槤鮮甜幼滑，綿密口感配上椰奶，更滿足小丸子是一小粒，方便女孩子咬份量也頗多，共有十幾粒楊枝甘露 $38經典配搭的港式糖水，每次都是必點item芒果肉很鮮甜，柚子有回甘感覺還有西米露幾種配搭令口感非常豐富，每一口都有不同層次

本身想食對面嚐糖，但行咗成日真係好攰，唔係好想等位。結果去咗對面呢間甜牙牙，點知就出事，叫咗一個提拉米蘇窩夫配雪糕同埋三色芋圓涼粉西米露，兩個都好難食！先講窩夫，收我$52，質素完全唔值依個價，淡而無味，完全冇蛋漿味，又冇甜味，入面乜都冇，直頭好似食緊空氣咁。仲要凍冰冰，得個脆字。冇得揀雪糕，上枱出咗個雲呢嗱味俾我，但就唔好食。而個西米露涼粉，得幾粒涼粉，仲要水狀似仙草，西米露想搵粒都冇，用曬爆珠代替。芋圓得嗰幾粒，幾夠味不過就好硬。個底就隊咗罐椰漿落去，漿糊咁款，請我都唔會再食！！