甜姨姨 (耀華街)

營業中

休息中

炎炎夏日就最啱食冰啦🧊幾年前就興韓式雪花冰，近年又吹番日式刨冰陣風🍧，終於‼️輪到小編我講甜姨姨啦😤。其實係香港 日式刨冰選擇唔少 價位都大同小異🧐甜姨姨吸引人嘅地方相信係佢味道、造型嘅多變，同埋甜品名同宣傳夠貼地。🌟黃到金 - 楊枝甘露 ($108)上面有塊金箔同芒果肉，中間有啲花生碎同椰絲🥭食到底係楊枝甘露，裡面有西米、布甸(無咩味)。啲冰嘅芒果味都重，隔離有杯濃縮芒果醬俾你再加😗🌟初心 - 草莓乳酪 ($98)面頭係粒士多啤梨乾 下面係豆腐cream， 冰入面都有啲士多啤梨乾碎🍓食到底會有啲椰果、抹茶啫喱🍵(抹茶味唔濃)。整體味道ok嘅但唔係話好驚艷😄比起草莓更加似山楂冰糖葫蘆，酸酸甜甜好解暑🤣個士多啤梨醬好甜 唔好一次加曬。味道：🌕🌕🌕🌗🌑環境：🌕🌕🌕🌕🌑價錢：🌕🌕🌕🌘🌑

《甜姨姨》/夏の氷日本直送𖠳ᐝ 𝒔𝒕𝒖𝒏𝒏𝒊𝒏𝒈 *̣̩近期爆紅既甜品一定吃氷莫屬𓍯試過另一間極高人氣既店舖後 想試埋呢間做一個比拼 🐾————————————ˆ𝔹𝕖𝕤𝕥 𝕤𝕖𝕝𝕝𝕖𝕣 𝕥𝕠𝕡 𝟛ˆ 醬爆 $⁹⁸｡:*定期推限定口味 ⚘ 它們的氷簡單地說 夠綿滑! 甜度適中但奶醬味又勁出! 另配邪惡的練奶氷面加左豆腐奶蓋、花生醬、煉奶，奶醬西多，脆卜卜。豐富極致。不愧為𝘵𝘰𝘱 𝘴𝘦𝘭𝘭𝘦𝘳♡.°雖然價錢有點肉赤(•̥ ̫ •̥)但味道黎講是出色的。記得冰溶化X度快，唔好影相影太耐要試多幾款口味比拼————————————ˆ 即撞木桶豆腐花 $⁴⁰經典甜品想當年係天后總店 大時大節都會去食食法比較講究，店員會有計時器幫你計時吃起上來比想像中滑溜，豆香重，熱辣辣食最有feel有食到童年回憶既味道....*—₊—*—₊—*—₊—*—₊—*𝗥𝗘𝗖𝗢𝗠𝗠𝗘𝗡𝗗 ᵤₚ❀ 醬爆❀ 即撞木桶豆腐花𝗥𝗲𝘃𝗶𝘀𝗶𝘁 : 𝗬𝗘𝗦*—₊—*—₊—*—₊—*—₊—*

捉緊夏天的尾巴 食冰唔洗排隊享受高質香港味道😋😋去銅鑼灣一定會冧起sharishari 可惜呢間長期要排隊，其實可以簡去甜姨姨食冰，仲有各式甜品，啱晒成班朋友一齊去試晒唔同口味有奶醬多味、楊枝甘露、黑芝麻、榴連味，好貼地🥰好多香港口味✨奶醬脆多 🍞Mr. HongKong $98 勁澎湃嘅花生醬煉奶同麵包，望落肥死但認真好好食，冇冧過花生醬🥜做甜品同冰都好夾,內饀仲有花生芝麻碎好似食湯圓咁😋😋 有啲可惜佢唔係好似sharishari甘可以keep住有味食到底但好彩仲有一個醬係for你食到一半再加入去🥳 冰方面都綿密但間中都會有小小冰粒，鐘意食冰嘅表示小問題😂😂

甜姨姨大家一定唔陌生😌啱啱銅鑼灣開分店嘅時候仲好hit 好多人捧場添！但我就一直都未食過，朋友食完係鬧佢多過讚佢🤡有晚見冇乜人，咁就試下啦～要排隊等嘅話，就真係不了🙈__________一望餐牌見到有榴槤甜品，對眼發哂光，仲要係刨冰。 因為之前係銅鑼灣都食過間Shari Shari Kakigori House 氷屋， 所以對依類刨冰都好有好感。__________🧊留戀 $108即係榴槤刨冰豆腐花，一個幾特別嘅配搭～分量係好足夠，刨冰頂部有一堆榴槤蓉同豆腐醬👍🏻味道原來係好夾😮冰嘅中間都係一大堆榴槤蓉啊🤩❎雖然佢啲冰好綿，但溶嘅速度實在太快，食左唔夠兩分鐘佢宜家開始大溶化....__________環境方面就真係比較逼，枱與枱之間太近。亦都唔係太乾淨，櫈係"痴立立"，食緊嘢個陣不停有烏蠅仔飛🤢

之前已經食過一次港式口味嘅醬爆（奶醬多）諗唔到會咁夾刨冰🤩所以今次又再返兜呢間港式甜品店。留戀（榴槤配豆腐花）$118今年夏天都唔係食咗好多榴槤，所以心郁郁想試吓呢個刨冰😆刨冰表面有一大嚿榴槤，另外仲有少少豆腐漿。榴槤嘅濃味配搭豆腐淡淡地咁，兩邊嘅味道都唔會太搶。好正既係就算係食刨冰表面都有榴槤味！另外食到中間又會有超大舊榴槤肉，我同朋友都好驚訝究竟佢點為到本🤣足料到咁，食到底層仲有豆腐花。另外有配煉奶，不過我哋覺得成個刨冰都已經好夠味所以冇落到。芋圓八寶紫糯米 $58我哋仲嗌咗一個港式甜品。份量都幾多，甜度適中。芋圓有Q彈嘅感覺，紫糯米同其他配料都好煙韌👍🏻

次次星期六日係銅鑼灣經過都見到排長龍 今日去見到冇人即刻試試 叫左個薄荷朱古力😍-✨薄荷朱古力 ($108)冰好棉 入口即溶❄️平時食棉花冰都好少見到有呢個味 多數都係水果/茶味🤔個人平時都幾鍾意食薄荷朱古力雪糕🤣所以對呢個味都幾大期望 好彩最後都冇失望而歸 都幾重薄荷味 同吾會太甜 最高果層係朱古力味 中間係薄荷味 中間仲有好多Oreo餅碎 咬感十足💛

有幾次食完飯想黎食都好多人，今次4點經過見有位，當然係捉住夏天既尾巴冰一冰佢😈餐廳裝修幾舒服，又有花花牆可以打卡，餐廳仲好貼心每張枱都有消毒噴霧方便大家使用🥰仲有埋食刨冰小貼士，最主要都係打卡唔好打太耐😝兩個人一人一個冰好似有d多，所以我地就叫左一個冰同埋一碗芋圓八寶紫糯米share食😋😋🎈留戀(榴槤豆腐花刨冰) $118刨冰入口即溶，冇硬冰粒，食落舒服🥰榴槤味都幾夠，但係又唔會冚晒豆腐既味，如果食食下覺得唔味仲有醬可以加👍🏻👍🏻我覺得最開心既係食食下發現刨冰入面全部都係榴槤肉🤤🤤🤤🎈芋圓八寶紫糯米 $58呢碗糖水超足料，食完真係會飽晒😜 芋圓煙煙韌韌超正，仲可以揀凍食或者熱食😆

偶爾平日下晝經過銅鑼灣耀華街，見到呢間出名既打卡小店冇乜人，所以就入去睇下有咩好食。大部分餐點望落都幾大份幾飽肚，所以我最後叫左個oreo麻糬bagel一個人食。個bagel嚟到既時候我都有d震撼，因為中間個麻糬都幾大舊😂真係陣騰騰 開心心🤣店員介紹可以隔住紙黎撕開個bagel，本身我冇諗過要撕開…就咁咬，但係佢咁講，無理由唔試下😆bagel加麻糬嘅手感好奇妙，揸落好軟綿綿。一啖咬落去好滿足，好多麻糬😋其實我唔係特別鍾意食bagel，我相信呢間小店都應該唔係bagel出名，不過個麻糬真心好食，我會為左哩個麻糬再嚟食😍

香港天氣實在太糟糕👎🏼又熱又焗🥵今次就同大家分享一間黃店在銅鑼灣食冰的地方啦！食完飯去到8點10分都暫時啱啱好，咁啱可以直接入座。遲少少門口已經排曬隊了～✨初心 $98叫咗初心，是士多啤梨乳酪🍓味，好粉紅成舊嘢好少女。份量好足，無冰屋咁綿滑同埋望落會比較多啲白色嘅冰🧊。上面有豆腐味嘅醬，可以淋啲士多啤梨🍓乳酪食，啖啖都有味甜度剛好。呢座山要從上到下外到內食，不然會好容易塌掉。中間有士多啤梨乾，脆脆的再加冰食唔驚無味，但去到底就有啲椰果同汁浸住啲冰了，小甜得濟。但是清底都是容易的！✨黑糖自家仙草手工芋圓 $55聲稱人氣第一，但哇，一路食一路彈😂，呢個手工芋圓同珍珠完全唔得，唔夠軟熟，啲珍珠又癡埋一舊。比較底下，我會話鮮芋仙係真點抵食大份好食😂除咗甜品，仲有得食Oreo麻薯貝果🥯三文治等等～推薦：🌕🌕🌕🌗🌑

上次經過銅鑼灣試咗甜姨姨嘅刨冰🍧 適逢甜姨姨店最新推出咗「潮文字E」🥪 同「貝果系列」🥯 (午市都有供應，堂食或外賣都可以)👍🏻 更推出左 Chewy Bagel，今次去吃試🤤每份Bagel 包括咗隨機字句或加$28 寫你專屬心情。.《拉芝 Bagel》$68🧀🧀 對於好鍾意食芝士嘅我係🤩 平時食 Pizza 都要加 cheesy, 食意粉都要加芝士粉，飲廢水都要加芝士奶蓋🤫🤫 呢個 Bagel 嘅非常澎湃同邪惡😈 bagel 好 chewy，個面亦好脆，《阿華田 Bagel》$63好有髒髒包 feel, 不過大部分係阿華田粉、脆脆同醬，加埋 bagel 係幾個層次～啲阿華田粉係海量咁多！食之前最好用紙巾鋪下條褲🤣🤣 《爆檸茶》$33好 refreshing, 又酸又甜，幾清新 🍃

唔知點解已經9月天氣都仲係好熱，係銅鑼灣行街行到成身汗，就同左朋友入左呢間甜姨姨試下佢地既刨冰！係門口見到餐牌都有幾款打卡一流的甜品，當中因為太多選擇所以掙扎究竟叫邊款好，後來因為我同朋友都唔想食咁濟嘅關係，就叫左以下兩款share黎食！🍡即撞木桶豆腐花 HK$40呢碗豆腐花比我想像中更為正，豆腐花暖暖地，面層比較有彈性，但內裏嘅豆腐花則好滑，而且都好友豆味，終於唔使山長水遠入大澳食馳名豆腐花啦！🍡黃到金 HK$108呢個因為口味嘅選擇太多，最後終於揀咗呢個黃到金嘅炮兵！其實佢係楊枝甘露味！一嚟到果然係打卡之選，勁高勁大碗刨冰，打卡影相一流，面層係黃色，其實係芒果汁，而上邊都有豆腐味嘅奶，而且仲有一大舊芒果加少少金箔添！食咗啖有好香嘅椰子味，當然都有芒果味啦！越挖越深嘅時候，先發現原來入邊係烘乾左嘅芒果乾，呢樣真係好surprise ！本身以為入邊只是刨冰，但係估唔到有好多嘅芒果乾，變咗食落唔會太齋，而最底層嘅即係普通中式糖水嘅楊枝甘露，但內裏其實有好大舊嘅芒果布甸，真係處處都係surprise ！

喺銅鑼灣開咗咁耐已經想試好耐🥺但每每經過都長長人龍，可想而知人氣keep住高企呀🆙定期佢哋又會推出限定、聯乘口味，保持新鮮感，滿足唔同好味嘅朋友仔‼️▫️大叔愛茶走 $148非一般奶茶口味，由頭食到尾都係濃濃奶茶味道，而且口感層次好豐富🤤🤤冰感綿滑，由頂層🔝開始係豆腐打成奶蓋及蕨餅接落嚟就係煉奶味⚪️奶茶味🟤嘅刨冰🍧以為就係茶走味冰，咁你太低估喇😉😉內裡藏住多款穀物同提子乾，提高層次口感仲有一球濃濃奶茶味雪糕，可以話愈食愈好食😋提供嘅奶茶醬亦以備唔夠味時可以加👍🏻▫️甜姨姨以木桶豆腐花出哂名，當然亦唔少得叫返個，真係好滑溜充滿豆香👏🏻👏🏻抓住夏天尾巴，呢排天氣都仲係咁熱呀，不妨都去食返個刨冰燒吓暑🍧🍧🍧

炎炎夏日吃杯刨冰🍧🍧真係天大既享受呀~🥰但呢間甜品店長期爆滿~ 食好西 真係要比d耐性🤨Menu選擇都好多~ 好多唔同口味花多眼亂 選舉困難性既朋友仔 真係要d時間啦佢地主打嘅甜品 除左regular 刨冰 每月定期都有新款式但我都係鐘情士多啤梨味🍓~ 先order後入坐既 坐左陣 一座巨型冰山般嘅刨冰放在桌上相很吸引呀~到底都仲夠味呀 唔會好淡 會配一個細細地既煉奶 整體食落都好夠味😋 隔離枱叫咗其他口味都好靚 好吸引 下次再試試先🤪

我和好友前幾日去完銅鑼灣shopping後，有d肚餓，加上我知「甜姨姨」最近新推出左「潮文字E」🥪 及「貝果系列」🥯 ，所以我地兩個貝果控，已忍唔住去左位於耀華街人氣甜品店「甜姨姨」Auntie Sweet Desert 食我地至愛嘅Bagels🥯🥯！我地order 兩個貝果🥯🥯,午市都有供應，堂食或外賣都可以。👍👍1.拉芝貝果⭐️⭐️⭐️⭐️（$68）呢個拉芝貝果🥯🧀，簡直係邪惡之選，店員遞上熱辣辣充滿濃郁澎湃嘅芝士🧀bagel,我地已經急不及待要食啦😅，好熱下😅，不過要趁芝士仲融融地就最好食👍😋2.Ovaltine Bagel（全新限定貝果$68）⭐️⭐️⭐️⭐️⭐️這個喺bagel 上鋪滿晒阿華田粉😍😍😍，比拉芝貝果更邪惡😈😈😈，好鬼好食呀🥰🥰🥰⋯⋯，不過要好小心食，因為好容易變左「骯髒嘴」🤣🤣，但真係好好食，所以我建議可以外賣🥡，店員會提供專屬裝貝果的半透明袋你，好週到👍👍👍，拎返屋企一樣咁好食😉3.爆檸茶🍹🍹（買貝果可另加$28紅茶系列）食咁邪惡嘅貝果，又點少得一杯冰凍飲品，今次我地嗌左杯爆檸茶🍹🍹，係用青檸沖製，酸酸甜甜，配埋bagels 食，又好夾喎👍👍👍👍

9月尾嘅夏天仲係好熱呢啲時刻食翻個冰涼刨冰真係超幸福(๑ ᷇ 𖥦 ᷆๑)♡‎仲要難得地又係黃店味道又唔錯真係好想試唒咁多款口味⸝⸝> ̫ <⸝⸝———————————————#黑極 PoPo ($98)味道: 9.5/10 今次試嘅係黑芝麻豆腐刨冰🍧本身冇睇清楚menu 仲以為係得冰食落先知有咁多層次特別驚喜ෆ  ̫ ෆ見到有幾個小朋友都一人一個刨冰🤣不過我覺得兩個人一個作為飯後甜品已經好夠刨冰最頂有塊黑芝麻脆餅非常香口！下面有層豆腐cream味道清新而不膩如果多啲就好啦！中間開始有芝麻粉同黑芝麻雪糕配搭之下令到口感更豐富而且黑芝麻味都好濃郁！去到底開始溶溶地有豆腐花配住咁食幾正另外亦有一小杯額外嘅黑芝麻醬唔夠味時可以加整體嚟講係一款好滿意嘅刨冰(*˘︶˘*)———————————————環境: 8/10 服務: 9/10會想再食：10/10———————————————店家資訊✎ 店名: 甜姨姨私房甜品 ✎ 地址: 銅鑼灣耀華街11號地舖——————————————— ( ´﹃｀)