甜姨姨 (耀華街)

營業中

休息中

一講到良心甜品店，甜姨姨不嬲都係人氣之選，尤其係入面嘅日式刨冰。咁小弟就抱住好大嘅期待拉埋我個女神一齊去食，點知唔太啱我哋嘅口味。咁當晚時間尚早，所以鋪面冇乜人，同埋個感覺好光猛乾淨，仲有一啲貴啲嘅消毒用品，環境感好唔錯。女神好鐘意食士多啤梨，所以就叫左嘅士多啤梨味刨冰。刨冰一上到黎好大份靚仔。因為佢係日式刨冰而唔係港式/台式，所以啲冰會大粒少少，但整體冰嘅狀態好幼滑，呢方面都唔錯嘅。但問題佢個調味真係甜左少少，再加埋啲士多啤梨乾脆脆，就顯得更甜。可能因為我哋嘅口味比較鐘意啲啱啱好嘅甜，亦都可能我哋唔好彩食到份比較甜。下次有機會的話想試多次睇下係咪當日我哋唔好彩

不斷推陳出新既甜姨姨私房甜品🍧次次喺銅鑼灣食完晚飯之後就想食甜品諗黎諗去銅鑼灣都係得三間揀Shari Shari/甜姨姨/鮮芋仙/人和今日就去左甜姨姨雖然外面都好多人排隊但係都幾快我諗差唔多等咗20分鐘就有位入到去就梗係食黃到金啦首先因為楊枝甘露味中伏機率較低同埋我都鍾意食楊枝甘露店員會解釋咗點樣食個刨冰先食到一半無味嘅時候仲有個汁加落去整體來講食落真係幾好食覺得個豆腐cream有驚喜好香豆腐味好滑然後食到中間入邊仲有啲類似芒果乾感覺一邊食一邊發掘唔同嘅味道層次食到個底嗰度仲有個芒果布甸個味係我地自己喺屋企用羅拔臣啫喱粉整嗰個芒果布甸味😂同埋真係有好大舊芒果肉 啖啖肉呀

呢親呢到嘅人通常都係食刨冰多🍧今次嘅我竟然唔係黎食冰走左去試下佢地「潮文治E」同「貝果系列」*❣️爆餡極上肉鬆芝士 $68肉鬆餡好多下真係好似個名咁 爆餡☄️當你met開嘅話 啲肉鬆係會散開曬*❣️厚餐日本流心蛋 $68係流心蛋呀！雖然個名話係厚餐 好吸引下但來到又好似唔太厚餐咁🥺*❣️Oreo麻糬貝果 $68麻糬幾時都係最吸引嘅野食oreo再配上牛奶味嘅麻糬呢個組合都幾好食 啲麻糬煙煙韌韌 好嫩滑下好少見到啲咁滑身嘅麻糬麻糬嘅出現變得成個bagel外脆內煙韌*❣️拉芝貝果 $68芝士控要試試 又係邪惡嘅時候好好心幫你切開左一小件件件都有拉絲嘅效果一拉絲好治癒下外皮啲芝士整到脆卜卜芝士味再濃厚啲更加吸引*⭐️每份Bagel 三文治都附上隨機字句 如果你有想寫字語俾朋友或者另一半可以加$28(限一個中文字或三個英文字母 不過就需額外15分鐘)

呢間見人成日去！位於銅鑼灣，簡約裝修仲配咗花花打卡牆，真係好靚！今日我都嚟同朋友試下先！下午嚟嘅時候都幾多人嚟食，我都等咗一陣！銅鑼灣店限定多款刨冰🤩融入港式口味，連楊枝甘露、奶醬多都有！有主打芒果系列及豆腐系列甜品！榴連刨冰真係超大份！仲有好多榴連肉食落仲加左煉奶，甜甜地，正呀😝🤩好抵食呀！！下次仲想食芒果味！即撞木桶豆腐花叫咗份熱嘅甜品中和下！熱辣辣，仲有埋黃糖好滑！好香濃嘅豆味，值得試！！

/甜姨姨私房甜品🇭🇰💛/<二訪•同一時間食晒中西式甜品✨>➖➖➖之前都食過一次佢地嘅刨冰 x 中式甜品🍧今次再訪 順便食下其他口味😗其實佢地嘅刨冰大部分都融入左港式口味見都唔少人揀奶醬多、楊枝甘露等等～而中式糖水就以芒果同豆腐作為主打✨➖➖➖1️⃣400 次髒髒冰 $138 🌟如果揀呢隻味會另外送一條Kitkat 朱古力🍫面頭會有層coffee foam +可可粉會似食梗tiramisu☺️☺️咖啡味都幾出內裏分別有美祿粉同kit kat 脆脆🤘🏻味道口感都幾豐富！➖➖➖2️⃣木桶豆腐花 $40 豆腐花用木桶裝住😍新鮮暖笠笠 岩晒依家入秋食！而且頗有豆香～加左紅糖會酸少少個人會比較鍾意唔加糖 /有糖漿揀就更好😛➖➖➖📍甜姨姨私房甜品

十月中天氣仍然炎熱，食番個刨冰消下暑就最好不過🥰@auntiesweetcwb 刨冰款式破格新穎，口味選擇多元化除了刨冰之外，更有台式、日式 和 中式經典糖水選擇 🍫400次髒髒冰 x kitkat朱古力＄138· 內有2條kitkat朱古力、400次咖啡泡沫、85％朱古力醬、85％朱古力粉 和 朱古力脆脆店員上甜品時濃濃朱古力香味隨之湧進鼻𕚃🤩每一口都有超濃郁朱古力味；咖啡泡沫細滑creamy；朱古力醬、粉 和 脆脆 令味道和口感層次提升😇 💜芋圓八寶紫糯米＄58有八款不同配料在其中，芋圓和珍珠口感煙韌彈牙；紅豆和薏米香口又健康；紫糯米飽腹得來又帶點咬口，一碗糖水充滿住幾種元素，甜而不膩，吃著真有滿足感😋

早就聽聞呢個糖水店嘅特色刨冰口味，全部都富有香港特色，名稱仲好盞鬼。另外當然仲保留佢地品牌嘅傳統甜品。今次就揀咗黃到金刨冰，即係楊枝甘露味，一上枱映入眼簾嘅就係飄曳嘅金箔，好重手呢！成個刨冰超黃，配合埋頂頂嘅金箔個名真係無改錯。芒果味好香甜刨冰幼滑，基本上一抿即化，再食落去就有果乾碎增加口感，望落去仲以為係餅碎，其實食落係水果乾嘅碎呢！咁樣搭配整體感覺更新鮮同特別！食到中段覺得仲差咁啲野先算係楊枝甘露啊，原來食到底下再倒埋附上嘅芒果汁先至完滿。底部有芒果布丁、柚子肉、芒果肉，店員更貼心遞上大嘅匙羹比我地舀糖水。一個甜品兩種食法真係夠晒過癮。食完刨冰唔少得食埋佢地嘅傳統甜品，我就點咗榴槤豆腐花，佢地嘅榴槤產品都係必食㗎！榴槤汁鋪滿糖水面，當然中間有主角榴槤肉，下面豆腐花都十分滑溜，整體榴槤味好突出，真係滿足到榴槤控啊！

食完晚飯行陣街，落左格之後最岩就係去食甜品。見到甜姨姨既大叔的愛，又點可以抗拒到....🍧🥄大叔愛茶走刨冰綿滑入口即溶，煉奶甜度剛剛好，如果食得甜，嫌唔夠未，仲有奶茶可以畀你淋落去.... 雜糧，南瓜籽，提子乾，再加雪糕，口感層次一流。食完仲可以拎走把扇....

晚飯後想在銅鑼灣找甜品店，打開openrice app找到了甜姨姨，於是隨地圖足跡走過去，走到耀華街街角。店鋪不算起眼，也不在當旺位置，還好時間尚早，才晚上九點左右，不用排隊，立即入座。見周遭情侶點的都是刨冰類甜品，份量大，跟大隊應該唔會伏，我同女友點了一個名為"白雪"的椰子味刨冰。嚐了第一口刨冰，雪花綿綿，甜度適中，感受到椰子的清新，奶的鮮甜，頂上有一條威化餅，使口感更為豐富，有硬有軟，有綿有碎。吃到一大半，還以為呢個頂多都只係一個椰子味刨冰，原來內裡卻是混了薄荷糖漿的刨冰，口感更新清新不膩。然而，這個甜品定價比一般台式甜品刨冰高。但係，喜歡食刨冰的朋友，一定要試呢間店，相信會有驚喜。

其實啡熊小編同啡熊爸爸都超級鐘意食甜品 可以話我地口味都相當一致😂 話說今日介紹呢間就正正係啡熊爸爸提供情報話要去試食的🤣 當然本身甜姨姨就超出名啦😛 我地去嘅耀華街分店唔算大 但因為係晏晝去唔算多人 所以坐得都算ok舒服🧘🏻 跟住周圍都有好多公仔 幾得意幾有趣👍🏻 服務都相當唔錯 staff手腳超快 都好肯幫手😆醬爆 $98啡熊小編同啡熊爸爸超鐘意西多士同埋花生醬 所以一眼就睇中咗呢個😛 佢個size同附近嘅ShXri ShXri 有得比 都超級大超級足料🤩 塊西多士烘得好脆好香 面頭層花生醬同埋煉奶都俾得好足 口感超thick❤️ 配埋綿密嘅沙冰真係好夾🥺 但真係好甜 食到後面都真係幾膩🥲紅豆抹茶蕨餅 $48煙韌控父女係絕對唔會miss蕨餅的🤣😤 抹茶味好重 茶味好香 但係！點解有幾舊蕨餅咬落有冰粒咁嘅⋯⋯即係個texture好似未融曬雪咁😢 呢個真係一大敗筆🤦🏻‍♀️ 但其他保持返正常口感嗰啲確實幾好食的😌 紅豆唔算甜 而且粒粒分明 啡熊小編超鐘意！-🌟-性價比嚟講個人覺得係幾高嘅 但有少少甩轆位可以執翻好就更好了🥺 其實之前啡熊小編同友人已經試過一次 嗰次食嘅bagel係真係好食👅

有無人話我知點解10月仲咁熱嘅🥲呢d天氣推住bb車真系身水身汗 我今次去甜姨姨系特登想搵麻甩女子祖‧美食插畫提案入邊插畫師阿祖嘅插畫 🎨🎨佢寫d內容真系好抵死 仲有教學到底點食棉花冰🍧🍧配埋雞仔嘜大叔個樣😂我心大心細左好耐 到底食Kitkat棉花冰🍫🍧定系黃到金芒果🥭棉花冰 最終都係揀咗芒果棉花冰嚟到真系嘩嘩聲 🎉第一時間打左卡先有金箔成件事好奢華😍😛刨冰質感好棉好輕柔 愈食愈多料入邊有埋楊枝甘露/芒果布甸/tofu cream/椰奶仲on top比多左芒果汁 系for如果食到個底嘅時候唔夠味就加上去 不過我無用到 因為真系好多料已經好夠味 老公就食芋圓八寶紫糯米 好結實好足料 每一羹都好滿 膳食纖維很豐富可以促進腸胃蠕動而且有咬口配搭芋圓煙煙韌韌

係香港出名嘅甜品店一定有甜姨姨，今日係銅鑼灣行街，食完飯之後就好想食甜品，就走左去食，真心令人好幸福。黎到甜姨姨一定要點刨冰食，又好味又可以打卡。黃到金依個口味係楊枝甘露味，最頂有舊甜甜嘅芒果，然後黃色嘅刨冰係芒果味，芒果味非常濃，但唔會係人工芒果味。愈食愈落就開始食到椰子同豆腐味，味道非常正。除左刨冰，佢仲有芒果乾，成口都係芒果味，令人好驚喜。最後為平時食嘅楊枝甘露糖水，佢仲有沙田柚粒同芒果布甸。芋圓八寶紫糯米可以揀凍同熱，食左咁凍嘅刨冰，所以就揀左個熱甜品，佢都好好味。佢嘅材料都非常足同健康，佢有薏米、紅豆、小珍珠等。佢嘅芋圓都幾彈牙，味道都唔錯。

【甜姨姨】夏天好熱有時都想食下刨冰🍧 呢到仲有花花打卡牆添😳 係大叔的愛打卡點😂🤣400次髒髒冰 $138呢個髒髒冰真係落足料，食落口真係超濃朱古力味🍫 面頭嘅粉直頭多到飛到周圍都係😂🤣🤣入面仲有啲脆脆增加個口感，而且佢哋都好貼心咁比咗d朱古力你等你食到一半淡咗可以再加翻啲味🥸 不過佢真係好大份，建議兩至三個人分先食得曬😆芋圓八寶紫糯米 $58個人係勁鍾意食紫糯米，呢個都有勁多餡而且可以暖胃，整體不錯👍🏻

🍫400次髒髒冰今次揀左呢款係KitKat x 朱古力嘅刨冰試下佢🤤🍧食落層次好豐富頂層除左有KitKat朱古力之外仲有經過400次打發嘅咖啡cream，味道好似tiramisu咁😋中間都有好多KitKat碎同一球朱古力雪糕，仲有好多嘅可可粉😂不過食到一半嘅時候啲冰都會開始無乜味，佢仲會有個朱古力醬可以俾你淋上去配住刨冰食，成個感覺唔會好甜👍🏻

今日係耀華街食完飯落樓就見到甜姨姨，見到又有好多新奇嘅味道，又好耐冇食就入去食甜品！我哋叫左個即撞木桶豆腐花同埋醬爆冰即係奶醬脆多味，個豆腐花黎到都係成個木桶上，又係暖嘅，佢嘅黃糖仲係另外跟上的，想落幾多自己就可以落幾多👍🏻👍🏻個爆漿冰都好快嚟到😍😍見到真實個冰同圖嘅樣都係差唔多樣，真係好有驚喜，尤其是喺面頭有幾舊脆多士真係超級脆🤭佢仲加多左一啲奶醬多嘅醬汁俾我哋食到底唔夠味可以自己加👍🏻❤️個冰真係好多花生醬同埋煉奶，食落真係好似食緊奶醬多咁樣🥰見到佢哋除咗奶醬多味道之外都仲有好多有香港特色嘅味道，好似楊枝甘露咁樣，下次都想試埋佢哋嘅其他味❤️