甜姨姨 (耀華街)

營業中

休息中

甜姨姨 銅鑼灣奶醬多刨冰（＄98）食甜品黎講都唔平，以冰呢個成本唔高嘅甜品黎講，定價係有啲進取。枱面貼左食刨冰小貼士，叫大家唔好掛住打卡影相，令到碗冰融哂。同埋要由上而下食，雖然我都冇跟到哈哈。食冰嘅其中一個唔好處係好快就溶，坐多一陣就會變左望住碗雪水係度傾計，要同時問競賽，以甜品呢個用黎hea時間嘅活動黎講係有啲唔扺。佢都幾還原奶醬多嘅味，佢嘅冰係有甜味同奶味嘅，唔係冇味靠嗰汁嗰種刨冰。面頭有嗰小多士，不過太細塊有啲唔夠喉。醬就咁食都幾香花生醬味，想個味再濃啲就可以加埋花生奶，就咁飲都好好飲。冰入口都綿密唔係成口冰渣，不過整體黎講，對比起都係shari shari好食啲。

喺銅鑼灣食完dinner想搵間可以坐下嘅手調飲品店選擇唔多就算有 都同我哋食dinner嘅地方唔近於是揀咗喺Times Square後面嘅甜姨姨一直以為甜姨姨淨係得綿綿冰同甜品原來佢哋都有嘢飲仲要我哋食完晚飯大約8pm去到唔洗等位即到即入 爽～～～豆腐奶蓋聽落好吸引所以我哋兩個都order咗豆腐奶蓋紅茶 (少甜/少冰) 跟仙草 $38另加$5要奇亞籽加配料係因為每人最低消費要$40😂Oreo豆腐奶蓋紅茶 (少甜/少冰) 跟珍珠 $40奶蓋嘅豆腐味好出不過無咗一般奶蓋嗰種咸香配落茶底有啲dry無咩層次珠珠煙韌嘅但偏硬整體正正常常份量夠哂大杯👍🏻強烈建議大家去甜姨姨叫甜品就好了～

💛極邪惡之巨型刨冰🍧醬爆🥜🍞‼️〰️〰️〰️〰️〰️✨賣相好吸引😍奶醬味好濃郁😆面頭除左有勁多花生醬同煉奶，仲有一塊脆多士同豆腐奶蓋🤩去到中間仲有花生粉同牛奶布甸，好足料❕額外跟咗煉奶俾你，唔使驚食到尾會淡茂茂😂整體味道都幾豐富，不過依款真係有少少膩，份量都唔少，一定要搵人開心𝚜𝚑𝚊𝚛𝚎啦😋😋見仲有好多其他款式選擇，都好吸引😍下次要再黎試下！🍴奶醬脆多刨冰 <醬爆> $𝟿𝟾

炎炎夏日要清暑解熱,在冷氣食肆吃杯刨冰是一個不錯嘅方法。這間甜品店位於銅鑼灣耀華街,推出了和雞仔嘜合作嘅限定刨冰「大叔最愛」,於是點了一杯來品嚐。稍作等候,轉眼一座巨型冰山般嘅刨冰放在桌上,原來是港式奶茶煉乳冰,賣相很吸引,除咗刨冰裝飾,還有標明大叔最愛嘅扇放於刨冰山頂,還有朱古力沙灘人字拖和雞仔嘜白底衫icing cookie,的確是拍照嘅亮點。奶茶煉乳冰冰涼潤喉,淡淡奶茶清香,甜度適中,還有軟滑茶味厥糕,雪糕和香酥芝麻粒,由於刨冰體積高而巨大,必須合力才能將之吃掉,除了好味道,還可體現合作精神。

想試甜姨姨嘅刨冰好耐啦，今次終於試到💛 星期日5pm 左右到，排咗大概15分鐘隊就入坐啦😋 試咗人氣No.1嘅醬爆，即係奶醬多味，其實奶醬多味真係好難唔好食嘅😌 欣賞佢個賣相好靚，食到底都仲夠味，唔會淨返啲好淡嘅冰。另外會再配上一細杯煉奶，所以整體食落都好夠味😋 見到隔離枱叫咗其他口味嘅都好靚好吸引，下次再試試先🤪

🍴甜品糖水time🍴好特別嘅甜品店 menu選擇好多元化～主打刨冰 糖水 但都有賣bagel 三文治🥪*每人最低消費$40！-🍧【奶醬脆多刨冰】$98✨推薦✨係奶醬多味嘅刨冰🧈最頂係一舊脆多士 花生醬 煉奶 豆腐味cream中間仲有啲花生碎 食到一半覺淡味可以倒花生奶~冰底細滑 啲醬好正 完全還原左奶醬多😋 花生味好香!豆腐味cream幾加分✨ 好味～-💜【芋圓八寶紫糯米】$58兩款芋圓甜品 個人比較鍾意呢款～成碗芋圓超級足料✨ 有芋圓 紫米 紅豆 西米 薏米 珍珠糯米有咬口 芋圓煙韌 食到原材料嘅味道~ -🖤【自家仙草手工芋圓(椰汁/黑糖)】$55-✨推薦指數：7.5/10💰人均消費：$42.2 (五人用膳）⏳等候時間：0mins (平日8:15pm)

⭐️迷你豆腐刨冰今次比之前細份 做番一人份量🥰成個賣相白雪雪 表面有層豆腐奶蓋如果唔夠 問店員佢會加俾你豆腐刨冰幾軟滑 豆香味濃不太甜 入口即溶入面仲有豆腐雪糕及曲奇餅碎豆類甜品 感覺唔邪惡 幾健康.⭐️心形紫薯麻糬吐司表面有印左阿祖頭像😋吐司外層真係好脆👍🏻中間夾住好軟綿綿既紫薯鮮奶麻糬 👍🏻做到震下震下 咬落去紫薯蓉有爆出黎.#甜姨姨私房甜品 銅鑼灣分店地址：銅鑼灣耀華街11號地舖.⭐️評分：味道：4.5/5環境：4/5服務：4/5抵食：3.5/5

個日5點幾行銅鑼灣有啲肚餓 突然好想食甜品於是上open rice搵啦 見到呢間甜姨姨咁多好評 心諗應該唔會中伏😬見到刨冰似乎係佢地既主打 不過由於我地都唔太想食冰 所以叫左佢既楊枝甘露同芒果紫糯米 諗住正正常常應該唔會伏得去邊啦 點知😩（一開始食冇諗過會有劣食評 所以所有圖片都係食到一半影既）🔹芒果紫糯米 ($49)呢個價錢呢個質素 好唔抵首先 椰奶好小 攞上黎個時已經成碗都係紫色😵 黑糯米正正常常 冇結塊情況發生 不過有啲糯米偏硬😬 至於個芒果 食得出係買平芒果再浸糖水既味⚠️⚠️⚠️ 搞到成碗野好難食🔹楊枝甘露 ($49)同樣地 呢個價錢呢個質素 好唔抵同平時食開既楊枝甘露兩樣野黎🤢 啲西米痴埋曬 變一大舊🤢🤢 用匙羹都不唔散（最好係半碗冇食到）同樣地 作為底料既芒果汁非常小 成碗野既主角就係啲漿埋一舊既西米😵 芒果質素唔講多次啦 上面講左😳 ...不過香港依家好似變左只要打住黃店旗號 食物質素都不是一樣關注要點加油啦 希望遲啲食你既其他野可以寫番個好評

大叔的愛刨冰🍧《甜姨姨》甜姨姨啲產品成日都好緊貼潮流！佢啲刨冰更加係又靚又出晒名！今次佢又有新搞作就係聯同雞仔嘜合作，推出一款名為「大叔愛叔走」既趣味刨冰！受大叔的愛影響🤣 今次專登同朋友去試下！一入去已經見到好可愛既大叔圖案！🍧「大叔愛茶走」$148個賣相好靚呀！刨冰上插住一把透明大叔扇同埋一對迷你人字拖！好麻甩的感覺🤣仲附送埋刻有雞仔嘜字樣既t-shirt圖案餅乾，好可愛！刨冰一邊係煉奶味，一邊係奶茶味～佢仲有一小杯奶茶，俾你覺得唔夠味既時候倒入去～我就覺得倒晒落去好食啲🤣 食到中間係會有黑提子乾、五殼趣趣同埋黑白芝麻粒！夾埋一齊食好有口感又能提升味道！而食到差唔多底仲會有特濃奶茶味既雪糕！好驚喜！個雪糕好綿密好有奶茶味！整體嚟講真係唔錯！又有gimmack 又食得！如果加雞仔嘜個ig仲會送洗衫袋！好實用呀☺️

味道：⭐️⭐️⭐️⭐️⭐️黃店 💛呢間港式糖水舖 既選擇非常多👻除咗一般中式糖水、西式甜品、刨冰 🥄甚至仲踩過界會賣埋小食🥪總有一款啱你口味🤪Btw 想食刨冰嘅朋友仔留意啦⚠️呢個係銅鑼灣店限定🌃❶大叔愛茶走 $148今次甜姨姨就聯乘雞仔嘜推出呢款嘅刨冰🍧@auntiesweetcwb ✖️ @chickslifestyle一個刨冰就有齊2️⃣款口道一邊白色係煉奶 充滿奶香⚪️一邊啡色係奶茶 茶味濃郁🟤而冰品質感都好綿滑👍🏻最頂層就係豆腐奶蓋同蕨餅🔝食到最底仲有五款唔同既穀物脆脆同黑提子乾👾而最特別嘅莫過於刨冰中藏有有一球特濃奶茶雪糕🍦整體口感好豐富 越食越好食❄️想茶味再濃一d 不妨試吓加少少佢哋嘅奶茶醬🫖順帶一提 follow雞仔嘜嘅社交平台仲有洗衣袋送添🔖Ps:銅鑼灣、天后都有分店

谷氣 第二次黎先食到呢個冰上星期9點15黎等男友落堂一黎到同我講d冰賣哂😱明明我就可以反屋企食飯😭枉我等左1.5小時今次終於比我4點幾黎到食到個冰啦🤩🥳🍧大叔最愛 $148其實係奶茶+煉奶=茶走冰☕️🧊成個set 仲會送埋枝扇同糖霜曲奇但係個2隻拖鞋係唔食得🤷🏻‍♀️味道方面奶茶☕️超濃茶味好正🤩唔會太甜得黎d冰溶左個口會有茶香餘韻🥴煉奶🥛食到少少奶味唔騷而且甜度剛好2種冰溝埋食其實都唔會好甜再落埋跟set 嘅甜茶”汁”可以加多啲甜味同茶味食到中間原來好多nuts南瓜籽，白芝麻，好食緊糯米糍咁🤣最抵玩係最底原來仲有個濃茶雪糕真係好爽😄好冰涼😝🧊食每一層好似尋寶咁都幾過癮🙆🏻‍♀️🍧價錢方面係貴左少少去Shari Shari 應該100鬆d可以埋單但呢個茶走味真係好吸引🤤試試佢又幾ok 🤣佢其他d普通味同Shari 定價差唔多不過有d crossover就特別(貴) d 一次半次 okay la 😂😂😂地點方面又無咁隔zip論方便黎講，呢間可算係快靚正

甜姨姨成日同唔同brand 聯乘，推勁多唔同口味既冰，今次佢地同雞仔嘜推出呢個大叔愛茶走冰，奶茶控表示即刻要試！呢間野成日都勁多人排，今次同朋友專登揀啲下晏時間希望無咁多人，好彩今次等左五分鐘左右就有位喇！📍大叔愛茶走 $148等左一陣，個冰就黎到喇，一黎到嘩勁大舊，店員細心解釋要點解構佢先唔會食到好le hea~~~再同大家講講個冰，佢係奶茶加煉奶味底，個面再加左豆腐奶蓋，再慢慢食落去就有啲芝麻穀物碎同提子乾 同Q彈厥餅～一路食可能會唔夠味，咁你就可以加啲奶茶醬喇；去到中間位就有奶茶雪糕 口感好豐富😍😍 個冰上面仲有對涼鞋仔同白色背心cookies 好搞笑～～期待下次再有其味推出呀呀呀

撞岩時間，可以唔洗等位！係我哋睇緊MENU既時候就開始有人排隊啦～覺得都幾好彩🤣因為一開始就打算食刨冰，所以其他既甜品就無考慮LU～睇岩MENU就去收銀度比左錢先，然後好快就試甜品啦～大概5-10分鐘到都好快！咁係呢個時間睇下張枱有D小TIPS！係教人點樣食法先最好😜不過都係會SUGGEST返要睇，唔係既話應該都會跌哂出黎㗎～佢呢個小TIPS寫得都幾FUNNY，真係不妨睇一睇😚😚朱古力森林刨冰👍🏻👍🏻👍🏻👍🏻👍🏻我地有事先睇左個小TIPS，但係都總會有失手既時候，好睇都唔係跌得好快既！側面有個小兜仔，入邊係朱古力黎，STAFF都有提示到就話食到入邊無未既時候就可以倒落去，咁就唔驚會無未啦！😜覺得有呢個SERVICE真係幾好，平時果D食到裏邊無會無味，呢個就唔同D，感覺有加到分🤣🤣朱古力森林刨冰係有MINT既味道，覺得都幾出既，但係如果當你倒埋側邊既朱古力既話，MINT既味道就會被蓋過啦～如有想叫個朱古力森林刨冰既就要注意啦～最後係張枱就係阿叔，咁就係FOLLOW左IG既話，就可以同職員講返睇下有無份小禮物啦～不過最重要都係要有禮貌詢問啦～

食過一次甜姨姨就返唔到轉頭🤩 成日都好掛住佢哋既刨冰🍧承接❤大叔的愛 潮流熱，甜姨姨聯同雞仔嘜🐤 推出【大叔愛茶走】玩味十足既刨冰🍨 大肚腩大叔😂著住底衫褲滿怖店內每一個角落，so kawaii🤩·🍧大叔愛茶走 HKD$148把大叔扇勁吸睛😍🤩 一邊奶茶一邊煉奶味道刨冰，雙重味道雙重甜蜜💕奶茶味道好濃郁，倒埋奶茶醬味道更加突出😋 個人好鍾意😍 食到中途會有芝麻穀物脆脆同提子乾，夾雜喺刨冰增添口感😚食到底仲有奶茶雪糕😍 濃厚細滑好好味🤤 玩味十足仲點少得趣怪涼鞋仔同白色背心cookies 😂·📍 甜姨姨私房甜品銅鑼灣耀華街11號地舖

星期六晚7點幾左右，唔算好多人，仲有幾多空位。如果大家胃口唔大，可以食甜品做晚餐🤣講返食物先：兩份刨冰 黑極$98 及 奶醬多$98。 黑極為黑芝麻味，冰頂有豆腐忌廉及芝麻脆餅，食到中間有黑芝麻味嘅雪糕，底有豆腐花。整份刨冰嘅芝麻味香濃，充滿芝麻糊嘅味道。 奶醬多花生味重，頂有豆腐忌廉及多士脆粒，有花生醬及煉奶，食到中間有消化餅碎，可惜有花生味雪糕，美中不足。兩份刨冰都幾大份，唯豆腐忌廉可以多返啲，令份冰更加值😊但整體很好