甜姨姨私房甜品 (清風街)

營業中

休息中

放左學想食啲甜野就周圍遊盪下，發現原來天后有條食街，清風街呢到好多唔同既餐廳，我以前完全唔知！發現新大陸既第一次就試下呢間甜品鋪，叫左杯新品飲叫做high爆小熊冰上樂園，佢係杯檸檬梳打加爆炸糖！口感超特別，一路飲一路係個口滋滋聲咁爆，除左檸檬梳打既味道，再加埋爆炸糖既甜甜地，配合得宜，再叫左個新出小食鹹蛋黃魚蛋，魚蛋6粒，夠大粒彈牙，鹹蛋黃醬超級多，好好味！！效果意想不到，大力推介大家試！😋😋

天后甜品店有好多，唯獨呢間甜品特別精神佢既皇牌有呢幾款，上次就食左榴蓮豆花，所以今次就試左No.1既芒果大合奏芒果大合奏（$50）食落去口感非常豐富，有冰凍既雪糕，配上煙銀既芒果乾絲，好味！ 個布丁都出奇地滑同香，唔怪得做到no.1榴連西米露（$52）呢一款就好似平常既西米露，但突點係榴連蓉，朋友每畢一下就湧好香既榴連味，下次必試楊枝甘露滑嘟嘟（$48）夏天高推呢個飲品，有楊枝甘露、西米同埋苣蒻，唔肥唔膩，清爽講到呢到又想去食了

甜姨姨私房甜品-食完飯通常都會食個糖水Hea下傾陣計👫天后附近其實有好多正野食👍係銅鑼灣行去都好近🚶‍♂-🥭芒果大合奏 $50好驚喜從來未食過糖水會有芒果乾😂佢入面有5款芒果材料 (芒果雪糕/芒果布甸/芒果蓉/芒果肉/芒果乾) 芒果汁食到啖啖果蓉係芒果既甜唔係糖水死甜😋加左芒果乾個口感好特別！一次過滿足5個願望好滿足💯-榴連西米露 $52呢個不得了❗榴連愛好者必點‼️榴連肉好足料👍碗野黎度陣味已經飄緊埋黎😌佢係用榴連蓉做底唔係普通椰漿好好味😍一碗唔夠喉呀！-咸蛋黃醬魚蛋 $35 (6粒)咸蛋黃醬係自家製❗個醬有少少辣👍咖哩魚蛋同咸蛋黃魚皮就食得多😂魚蛋呢個組合真係第一次😍毫不嗇色咸蛋黃蓉😌好食好惹味值得一試👍

放工約咗朋友喺天后聚舊， 因為大家今日都放早 ，我們都不太肚餓，所以選擇咗滿足一下心靈😚😚😚。 我哋揀左朋友公司附近的甜姨姨 食甜品😋😋😋。 可能因為真係太早嘅關係，五點都未夠😂😂， 平時要排隊的甜品店，今日都唔使排隊lu😎😎榴槤班戟， 我自己本身唔食榴槤嘅，呢個係朋友嗌ga。 朋友表示：班戟個皮好煙韌， 又夠濕潤， 榴槤餡夠creamy。椰香芒果西米露， 超級足料，大大件芒果絕不吝嗇😍😍， 西米彈牙 椰汁味香濃。西瓜涼粉， 比起其餘三樣嘢，呢個就遜色咗少少， 西瓜唔夠甜 味道比較淡。芒果糯米糍即叫即包， 所以都要等返10分鐘, 糯米外皮煙煙靭靭, 但唔會黏牙😁, 芒果清甜 多汁😎😎😎

同老公食完飯出去拍下拖散步食糖水，行到清風街就入去呢間甜姨姨食，食完飯都好多人黎個飯後甜品。見到個試意推薦就試下佢，台式仙草+手工芋圓 $48，材料超級豐富，有仙草，芋圓，台式黑珍珠，紫糯米，紅豆，薏米，西米，汁底有三款揀，黑糖/椰汁/淡奶，我自己揀左黑糖，黑糖甜度適中，自家製仙草有甘甘地，唔似出面仙草d咁甜，芋圓都係自家製，好煙un，好香芋頭同蕃薯味芒果三重奏 $48有芒果乾，鮮芒果，芒果布甸，呢個簡直係芒果愛好者必點，鮮芒果好甜，芒果汁做底，芒果布甸好滑，芒果乾一絲絲好煙un

今日去左天后食tea，朋友帶過我黎食甜姨姨，我今日經過見到好有興趣，就入去食啲野。腐竹薏米+黑麻蓉湯丸。入口幼滑腐竹糖水，甜度唔高入口好滋潤，腐竹好補好養顏，豆類對身體好好。加左黑麻蓉湯丸，入口皮薄湯丸，中間黑麻蓉夠哂香濃。咸蛋黃魚蛋必食！香濃咸蛋黃，入口咸香突出，入口粉粉的。魚蛋粒粒好彈牙掛滿咸蛋黃醬，非常滋味。魚蛋唔係普通街邊貨，好大粒好爽口。滷水牛丸。牛丸滷水完之後好入味，粒粒有肉汁，好滿意。

响電氣道食完晚飯，妹子就想去食糖水，話清風街有間名店，係有明星做股東嘅，係唔係就真係唔知，不過門口係有好多明星合照...對我嚟講啲嘢好食先至最重要。糖水舖有小食唔出奇，用鹹蛋黃製作確係未見過，所以我哋除咗甜品之外，都叫咗個魚蛋試試。鹹蛋黃魚蛋 $35滿滿嘅鹹蛋黃醬，好邪惡！魚蛋口感彈牙有魚味，鹹蛋黃醬香味濃郁，微微辣好惹味。台式仙草+手工芋圓 (椰汁底 ) $48材料有：仙草、紫薯圓、芋圓、台式黑珍珠、紫糯米、紅豆、薏米及西米。據說仙草同芋圓都係自家製，芋圓口感煙韌，甜度適中，仙草軟滑味甘，同椰汁最夾，好味。即撞木桶豆腐花$34 (細 )連埋計時器送來，要等3分鐘先至可以掀蓋。夠鐘就打開，豆腐花已經凝固，熱辣辣豆腐花，好香豆味。就咁食清清地都好食，食咗一半先至醒起加啲黃糖，黃糖嘅香甜令豆花更美味。香濃芝麻糊$35在家做芝麻糊好花功夫，要做到香濃幼滑更加難，所以呢35蚊抵俾人賺架，仲可以加埋豆腐花一齊食，正！食埋甜品就非常滿足，要行返幾個街口先至搭車。

是晚在銅鑼灣晚餐完後行行下就去到了天后，又忍不住誘惑吃個糖水🤓 眼花撩亂的餐牌，選擇多到我每款都想試，奈何我只得一個胃😳心太軟配豆腐雪糕為了豆腐雪糕而叫的心太軟。豆腐味好濃郁，每一啖就好像在吃豆腐花💕 好想多吃幾球🍨 心太軟都不錯，很流心。手繪甜品畫很有心思，視覺效果一流，好吃又食得開心。綠野仙蹤有齊豆腐花、芒果肉、椰汁、椰果、 綠茶果凍、 珍珠仔和香蕉粒，食落口感非常豐富😍 而且豆腐花幼滑、芒果超級鮮甜，綠茶果凍又滑溜，很適合三心兩意的我😛鹹蛋黃魚蛋 魚蛋食落鹹中帶辣，鹹蛋黃醬很濃，連同魚蛋一起吃超級邪惡😈 覺得鹹蛋黃醬好吃的朋友可以向餐廳購買。 這間糖水店非常高質，選擇又多，下次一定要再來吃☺️

今日同朋友食完飯，行去坐車期間，竟然感覺到餓意。朋友話飽各自各番屋企，我就去左天后搵食。天后美食太多，甜品店特別吸引，我經過一間甜姨姨既甜品店。人客唔算多，入去悠閒感覺好舒服。天氣非常熱，我先叫一碗芝麻豆腐西米露，冰凍西米露，入口濃郁芝麻味，甜品唔高非常清熱架！見到人地食咸點小食，我都叫左兩款試下。咸蛋黃魚蛋，粒粒彈牙，咸蛋黃味濃好香口，醬汁非常多。我仲叫左麻辣牛丸、辣味剛剛好，辛辣又唔會太嗆，牛丸大大粒好多汁。

本局長是日黃昏與副局長於天后一帶巡視，由於天氣翳焗，未幾已大汗淋漓，遙見一甜品舖「甜姨姨」，二話不說即進內拜訪。只見門外貼着天與地poster，本局長腦海霎時響起天與地配樂，及林保怡與佘詩曼食豆腐花之場景。遙想當年，本局長也是該劇fan屎，擁有一顆年輕熱情的心。如果~命運能選擇……入內，店內僅幾名年輕有為店員，未見姨姨之影踪。本局長與副局長隨即點餐。是日有遊行示威影響，人客不算多，據隔離檯食客所言，平時此店時常爆滿。先來芝麻豆腐西米露，配芝麻雪糕。芝麻味香，西米露豆腐甜而不膩，雪糕則香甜美味，一解當日暑氣。再來咸蛋黃魚蛋。濃厚的咸蛋漿鋪滿魚蛋表面，食落咸香味濃，魚蛋彈牙好吃。再來豬扒包配介辣。包香脆可口，豬扒肉質鮮嫩，介辣是為錦上添花之作，將豬扒的美味推向極致。最後來一心太軟作結。廚師用心在碟上畫圖，賣相一流，局長倆讚不絕口。心太軟朱古力味濃郁，溫熱的朱古力漿如錢塘潮夜澎湃，不絕湧出。選配的香蕉雪糕蕉味甚濃，吃後蕉氣勃勃。總括而言，局長倆大快朵頤，盡興而歸。

芒果特飲 ($44)熱到不得了，飲杯凍飲啱晒！入面有鮮芒果、芒果汁、布甸、西米及椰汁。啲芒果勁大塊，要拎開個蓋先飲到，但係啖啖肉真係超甜！鹹蛋黃魚蛋 ($35)鍾意鹹蛋黃嘅朋友話幾熱都要試吓喎~ 呢個的確係一個好特別嘅配搭！鹹蛋黃好杰身，可以沾滿晒逐粒魚蛋！食落有啲辣，係好惹味，不過我就投降嘞~台式仙草及手工鮮芋圓 ($48)揀咗薑汁黑糖，不過薑汁味可以再濃啲！入面有地瓜圓及芋圓、黑珍珠、紫糯米、紅豆、薏米及西米，非常足料。芋圓都好煙韌，愈咬愈有味道

甜姨姨一間位於天后，我經常都來的甜品店。這店出名的特濃朱古力心太軟，我嘅小契女好喜歡食。今次我食咗以下甜品：榴蓮豆腐花，$52，榴蓮肉係極之濃味，一到枱已經帶有超濃烈的榴連香，唔係人人食到㗎！哈哈！榴連肉鬆軟，勁榴連甜味，好正！加上豆腐花的清淡味，兩樣加起來，非常美味。芒果大合奏，$50，此甜品包含了芒果乾，新鮮芒果塊，冰凍嘅芒果蓉，芒果布丁及芒果雪糕，一次過滿足曬芒果迷的需要。芒果乾，雖然細細條，但芒果味充足，似我喜歡的7D芒果乾。鮮芒果，味甜又新鮮，肉質滑雪雪。芒果布丁及芒果雪糕，以真芒果來造，充滿了芒果味，又甜又滑。芒果特飲，$44，用鮮芒果，芒果汁，布丁，西米及椰汁制造。飲品香味美味，加上滑溜嘅椰汁，產生特飲的美味，其他地方未能嘗試到啊。總推介指數：9/10

第一個胃填飽了， 第二個胃對我說我要吃甜品。 天后有很多甜品店，這間已是第2次幫襯了，價錢公道甜品有特色又好味。今次我們叫了 台式仙草+手工鮮芋圓， 芒果乳酪西米露 ，雜果涼粉 & 鹹蛋黃魚蛋。台式仙草+手工鮮芋圓~ 可選擇黑糖，淡奶， 椰汁做底~ 餡料有雙色芋圓， 薏米，紅豆，紫米，西米十分足料。 我們選了淡奶做底十分香滑。芒果乳酪西米露~芒果迷之首選，芒果香甜配上乳酪很夾。雜果涼粉~經典之作，芒果汁底加埋生果新鮮滿足曬十個願望。 鹹蛋黃魚蛋~ 起沙的咸蛋配上魚蛋很特別，咸蛋味突出，必食推介。

為了要達成每天的目標步數，決定從灣仔步行到北角，途中經過天后，忍不住走進甜姨姨吃一個下午茶幸好時間尚早，店內還有位置，離開時很多一家大小陸陸續續坐滿小店先來一份該店最受歡迎甜品第一位，甜姨姨四大皇牌甜品之一，芒果大合奏！有芒果乾、鮮芒果塊、芒果蓉、芒果布丁及芒果雪糕！現正是芒果成熟的時間，十分香甜，一次過食到幾種質感炎熱的夏日，最好就是來一道經典港式甜品 ，楊枝甘露！用料十足，芒果份量不吝嗇，柚子肉，西米多不勝數！再加上甜姨姨的最愛，豆腐花看到餐牌的驚世、唔食後悔、超濃厚鹹蛋黃魚蛋！決定一試！鹹蛋黃醬選用最想食鹹蛋黃，100%香港製造！由該店獨家代理及親自監製！口感新穎

天后清風街天橋底果間甜姨姨私房甜品出哂名有人氣，今日食完晚飯又好想食飯後甜點，一於過去幫襯吓先、去到都幾多人吓，好在人流都好快，等一陣有位，兩人各點一個榴連豆腐花，$52）一個椰芒荳腐花（$42）再點咗一個榴連班戟（$46）呢個榴連豆腐花係甜姨姨四大甜品皇牌之一，豆腐花上面嘅榴連果蓉份量唔少，香味濃郁，食落更加滋味，豆腐花夠幼滑，甜度適中，皇牌即係皇牌！另外果個揶芒豆腐花亦好有水準，鮮芒果肉成熟夠甜而且份量唔少，好抵食！叫咗兩件榴連班戟，入面果D忌廉混和榴連果蓉，又係滋味十足， 呢個甜品真係食得滿足又開心！