甜姨姨私房甜品 (清風街)

營業中

休息中

今天跟朋友去完維園泳池游水，又唔想食太多野，就跟朋友到天后吃個甜品，清風街一帶非常多餐廳，見到一間甜姨姨私房甜品店內坐滿人，而且店員都非常忙碌，就決定進去試試。此間甜品店有多個皇牌，榴槤豆腐花、即撞木桶豆腐花(熱)、芝麻豆腐花西米露、芒果大合奏，還有燕窩滴雞精，採用萬糊海業頂級燕窩、及鹹蛋黃魚蛋。我們最後點了芒果大合奏$50、芝麻豆腐花西米露配芝麻雪糕$40、鹹蛋黃魚蛋$35。芒果大合奏 – 有芒果乾、鮮芒果塊、芒果茸、芒果布甸、芒果雪糕，芒！全部都係芒！ 芒果布甸已經好濃味，加上芒果乾增加整個甜品口感，味道一流！芝麻豆腐花西米露配芝麻雪糕 - 豆腐花與西米露混一起，口感特別，味道好重豆腐味，加上芝麻雪糕，不錯！鹹蛋黃魚蛋 - 鹹蛋黃近來非常熱，這個鹹蛋黃魚蛋醬是店主自家製，有辣椒油混一起，味道相當惹味！

今日好晏先有得食飯個心好想食糖水但知道唔食啲咸嘢又會好似差緊啲嘢咁左諗右諗，終於諗到呢間甜姨姨佢喺清風街都做左好多年賣既食物既種類都越黎越多由港式甜品到台式芋圓都有咸食有燒賣，牛丸，豬扒包等滿足晒想食飽又想食糖水既我先講咸食叫左招牌既豬扒包（芥末醬）—實而不華，香脆可口燒賣— 應該話係燒燒賣，燒過既燒賣，同平時蒸既燒賣比，多左表皮脆脆地既口感，不過口水醬，同平時食開既辣油好似差唔多😂雞軟骨—同其他地方食到既分別不大，算係今次食既嘢入面比較普通既一樣接落黎既甜品可以話先係戲肉😎芝麻豆腐杯—記得以前甜姨姨未有咁多嘢食之前豆腐花同豆腐杯可以話係佢既特色同主打。呢豆腐杯用料十足，飲落有好香濃既芝麻同豆腐味麻煩大少—呢個名我諗係形容叫呢個甜品既而唔係個甜品本身。因爲佢乜都有少少，啱晒嗰啲乜都想試少少，揸唔到主意既人呢餐一次個滿足晒我兩個願望，緊係俾個like 甜姨姨啦👍🏻

食完飯我們去了一間天後后地鐵站附近的一間糖水店，名字叫做＂甜姨姨私房甜品店＂，地方都10分寬躺，還有樓上閣樓，上下可以同時做到約60人，簡簡單單的裝修，我們點了手工芋圓加椰子汁，裡面有黑珍珠，紫糯米，紅豆，薏米，西米，自家制的仙草，芋丸，地瓜，紫番薯，加上椰奶，食想去不會很甜，有多種的瓜類，多層味道。另外一款是芝麻豆腐花，滑一滑的豆腐花加上自家磨制的芝麻煳，甜味刚刚好，芝麻煳非常香滑，如果不夠甜的話，店内提供黃糖，自由添加，我叫了店裡的王牌咸蛋醬魚蛋，自家制的蛋黃醬味道非常特別，咸咸香香的加上辣椒油的魚蛋，爽口的魚蛋加上美味的辣椒油，真是食過不停。再來order左一客豬扒包，漿料味道好像是叉燒醬，仍然加上兩塊的豬扒，烤制香脆的麵包，圓滿結束了這晩的饭后甜品。

有日同朋友行完山 熱屎辣辣 決定要去食甜品開心下 🤤-芒果大合奏 ($50)有芒果蓉 芒果布甸 芒果雪糕 芒果乾 同 芒果 組成既甜品 係行完山食真係好正😍😍😍😍 第一次食甜品有芒果乾 估唔到咁夾！好有咬口🤤-腐竹薏米白果糖水 ($30) + 湯圓 ($10/3)本身腐竹薏米糖水無咩特別 但加左湯圓真係生色不少！仲有得揀味 好開心 🤤 湯圓個皮好滑 問一問老闆 原來係自家製架！大家有機會一定要再去試下 🤤-炸燒賣 ($38/8) & 雞軟骨 ($38/3)食完甜野就想食咸野 😂 炸燒賣有得揀汁 有口水汁 好似好特別！但怕辣既我地都係叫返豉油😂 炸得好好 唔會有陣油漬味☺️

#糖水#天后美食Skip晚餐直接食甜品 過癮1 ）high 爆小熊冰上樂園 $58影相一流呀！ 一上台 已經成為全場焦點閃閃下 隔離台既姐姐都大讚 小熊冰不止閃 飲落肚都好特別 飲品上面有一堆爆炸糖 邊飲邊食糖 口感特別沙冰之下 當然係飲品啦！ 用檸檬乾調味既檸茶 不失檸味2） 阿姨雞翼尖 $38呀～ 好辣呀！ 阿姨既雞翼尖 熱辣辣份量多 而且味好夠 碟上見到辣椒同埋蒜 辣得黎好過癮想過吓口癮既人 必推3）燒汁雞腿肉 3串 $32啖啖肉 好滋味。好有回憶既感覺而且汁夠甜4） 椰汁涼粉紅豆冰$42 椰汁味濃 消暑解渴 迷你涼粉 份量多 且有咬勁飲完仲可以食大大啖嘅紅豆添啊！埋單：$170

住港島區嘅朋友都知道天后有唔少高質素嘅糖水店，如果又想食糖水又口痕想食小食的話，甜姨姨可以一次過滿足你兩個願望。小店推出左幾款新嘅小食同飲品。推廣期內小食買一送一，非常抵食！炸燒賣配豉油同埋口水汁。燒賣炸得外脆內軟，沾上口水汁一齊食辣得非常過癮。滷水汁黑椒牛丸我好彈牙，黑椒味濃郁。椒鹽雞軟骨香脆可口，上枱時仍是熱辣辣。鹹蛋黃魚蛋鹹蛋黃味十分濃郁，幾欣賞佢個魚蛋十分彈牙同埋有魚肉香味而唔係成粒麵粉嗰種口感。椰汁黑糯米西米露，黑糯米同西米露分量多，西米露粒粒晶凝通透口感煙韌，椰汁味香濃。芒果班cake用咗非常新鮮鮮甜多汁嘅芒果做餡，咬落啖啖肉好滿足。

屋企人近日出左去旅行，晚餐都要自行解決。今晚見食完唔係好飽，就去左附近的甜姨姨食甜品。見到餐牌後，估唔到餐廳新出左一系列的小食同特色飲品，仲要做緊優惠，小食買一送一或者一杯特色飲品送一款新出小食。我點左high爆小熊冰上樂園，即係檸檬梳打配爆炸糖。值得一讚的係梳打唔係太甜之餘，檸檬的酸味都好出，配合埋爆炸糖，每啖口腔內都霹靂啪喇咁，非常過癮。而小食我點左燒汁雞腿肉，燒汁味完全蓋過雞味，但啖啖肉，以送的小食來講不錯。至於甜品我點左香蕉船，值得一提的係雪糕竟然有香蕉同花生味，配合朱古力醬，好好味。

今日一個人去左維園，陪我朋友個仔去借書。朋友打黎求救，番工無時間帶仔仔去圖書館，我放假唯有幫幫手啦！中午去左圖書館，陪仔仔睇完書借完書之後就去食野。小朋友最鐘意去圖書館，好似去左遊樂場咁。借完書都已經4點幾，同佢食個tea輕鬆下。我地去左一間甜品店。我叫左雞軟骨串。雞軟骨3串，入口咸香卜卜脆，入口軟骨位爽口爽脆，加上味粉非常香口。雞肉唔多入口香脆可口。我再叫多左一配豆腐西米露。豆腐味香甜濃厚，豆味突出。雪糕冰凍，小朋友最愛。

好久沒吃甜姨姨，原來新推出了那麼多產品。不算很餓卻又甜的鹹的什麼都想吃一點，於是便每樣點一份。阿姨雞翼尖 $38阿姨雞翼尖煮得入味惹味，微辣。High爆小熊冰上樂園 $58這個吸睛度高的High爆小熊冰上樂園其實是夜光檸檬梳打加爆炸糖，冰冰涼涼，口感過癮。芒果大合奏 $50芒果大合奏有芒果乾、鮮芒果塊、芒果蓉、芒果布丁及芒果雪糕，口感豐富也非常消暑。特別喜歡它的芒果乾，切成一絲絲的，比較特別。

🍴芝麻豆腐西米露40 蚊👍🏻初頭以為佢係類似豆花甘 西米喺 d豆腐上面 原來佢係將豆腐同西米露撈埋 豆腐味香 而且係豆腐冰 所以有沙沙既口感 夠冰凍啱哂夏天飲❄西米大細適中 夠爽口 芝麻雪糕應該係自家製 芝麻味香濃 唔錯 👍🏻🍴山渣檸檬沙冰 34 蚊❄🍋上面有好多山渣碎增加美觀度 檸檬冰酸度適中 甜度正常 勁凍如果拎住喺一個太陽曬住既地方行應該幾正🤣 如果山渣味出 d更好👍🏻#山渣 #檸檬 #甜品 #沙冰 #豆腐 #芝麻 #雪糕 #西米露Score 平均分 <6.9/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#甜姨姨私房甜品天后清風街13 號地下~~~~~~~~~~~~

甜姨姨@天后，有非常多甜品選擇，中式傳統糖水、西式甜品、沙冰、台式芋圓等等，仲有小食供應，非常多選擇！厚厚的餐牌，呢度只係冰山一角：炸燒賣（$38）三種醬汁，我揀左麻辣汁，麻辣味慢慢滲出嚟，非常刺激！雖然辣，但越辣越想食，呢個就係麻辣汁嘅有趣之處。High爆小熊冰上樂園（$58）非常呃like同要相機食先嘅飲品，檸檬梳打加夜光加爆炸糖，賣相好靚，我見隔離枱啲小朋友都忍唔住叫咗幾杯，我估呢杯飲品好吸引到啲細路仔呢。草莓茉莉花茶果凍（$44）草莓沙冰好綿密，加上椰果有咬口，下面係茉莉花茶果凍，好有茶味！

屋企附近嘅甜姨姨一直都好多人，今日見少人少少就走左去食。有新Menu，係新嘅小食同飲品。叫咗個串串雞脾肉，然後仲有兩個甜品，一個係心太軟，一個係豆腐雪糕芝麻西米露。因為本身都好飽，所以冇乜點樣叫小食。佢個心太軟非常之濃嘅朱古力味，佢嘅熔岩程度剛剛好，有少少brownie嘅感覺，但係都唔會太甜，最驚喜嘅係佢係碟上面畫左公仔非常有心思。呢個豆腐雪糕，唔係間間甜品舖都有。好香濃嘅豆腐味夾落芝麻度唔會有任何衝突，不過佢嘅芝麻底非常之杰，食落係真係非常之飽。

夜麻麻係呢頭好多食肆又收咗檔......見呢間糖水舖仲開咁夜，唯有糖水當正餐啦可以開得夜嘅餐廳真係要珍惜😭★★★★★榴槤豆腐花 $52好足料，成pat鮮榴槤肉泥係入面架！榴槤肉非常之熟，離遠都聞到陣榴槤香😛...正丫★★★★★芒果大合奏 $50有芒果乾+新鮮芒果肉+芒果蓉+芒果布甸+芒果雪糕~夠晒足料呀~有芒果乾呢樣野係幾吸引幾創新，出面冇嘛～食落啖啖都係香濃芒果味，夠晒甜，層次夠晒豐富😘甜姨姨私房甜品整體評分★★★★地理環境★★★★普通街坊甜品糖水舖服務★★★一般，除咗落單冇咩招呼食物★★★★★甜品落足料夠香濃價錢＄＄抵食

媽咪係一個好鍾意食甜野嘅人，所以久唔久我都係帶佢去食下啲高質甜品。今日嚟到天后，聽聞有間榴槤做得好出色， 所以就專程嚟試吓喇！媽咪係榴槤控，所以就叫咗個榴槤紫糯米，因為紫糯米係好有益嘅。佢食咗一啖已經話啲榴槤好夠味，配埋啲紫糯米感覺好和諧、好好味！我咁貪靚就梗係叫咗個芒果盛燕，真係啖啖都有芒果肉同埋燕窩，喺夏天整返個芒果盛燕真係冇得頂。由於係下午茶時間，我見到有鹹蛋黃魚蛋，所以亦都叫咗個嚟試吓。啲魚蛋好彈牙，啲蛋黃醬好濃郁，配埋啲甜品嚟食，又係一絕！

天后美食多，離家不遠，平時成日去搵食，食完晚飯，都會一家人去甜姨姨食甜品，覺得甜品款式多，水準又穩定。昨日同女女去玩圖書館看書後，帶她去甜姨姨食甜品開心下。放學時間，店內人不算多，有些穿校服的學生哥開開心心嘆甜品。見到餐廳推出最新的小食-小熊爆炸糖檸檬梳打，女女即刻話要點，等上臺期間，女女十分期待。飲品造型可愛，上面有隻熊仔，原來小朋友飲完仲可以帶熊仔回家，好驚喜。爆炸糖在口腔內爆發，好刺激，飲品有d檸檬🍋味，又有少少汽，解渴清新。另外點了一個尊貴盛燕，是牛奶布丁配燕窩，布丁岩女女，好滑又唔會太甜。燕窩超正，少甜少水，啖啖都是燕窩，密度十分高，唔似平時食燕窩咁，糖水多過燕窩。女女好識貨，爭住食。另外，店員姐姐每位都好友善，令人食得好開心，下次再來!