更多
2019-08-14
1014 瀏覽
响電氣道食完晚飯,妹子就想去食糖水,話清風街有間名店,係有明星做股東嘅,係唔係就真係唔知,不過門口係有好多明星合照...對我嚟講啲嘢好食先至最重要。糖水舖有小食唔出奇,用鹹蛋黃製作確係未見過,所以我哋除咗甜品之外,都叫咗個魚蛋試試。鹹蛋黃魚蛋 $35滿滿嘅鹹蛋黃醬,好邪惡!魚蛋口感彈牙有魚味,鹹蛋黃醬香味濃郁,微微辣好惹味。台式仙草+手工芋圓 (椰汁底 ) $48材料有:仙草、紫薯圓、芋圓、台式黑珍珠、紫糯米、紅豆、薏米及西米。據說仙草同芋圓都係自家製,芋圓口感煙韌,甜度適中,仙草軟滑味甘,同椰汁最夾,好味。即撞木桶豆腐花$34 (細 )連埋計時器送來,要等3分鐘先至可以掀蓋。夠鐘就打開,豆腐花已經凝固,熱辣辣豆腐花,好香豆味。就咁食清清地都好食,食咗一半先至醒起加啲黃糖,黃糖嘅香甜令豆花更美味。香濃芝麻糊$35在家做芝麻糊好花功夫,要做到香濃幼滑更加難,所以呢35蚊抵俾人賺架,仲可以加埋豆腐花一齊食,正!食埋甜品就非常滿足,要行返幾個街口先至搭車。
妹子就想去食糖水,
話清風街有間名店,
係有明星做股東嘅,
係唔係就真係唔知,
不過門口係有好多明星合照...
對我嚟講啲嘢好食先至最重要。
糖水舖有小食唔出奇,
用鹹蛋黃製作確係未見過,
所以我哋除咗甜品之外,
都叫咗個魚蛋試試。
鹹蛋黃魚蛋 $35
滿滿嘅鹹蛋黃醬,好邪惡!
魚蛋口感彈牙有魚味,
鹹蛋黃醬香味濃郁,
微微辣好惹味。
台式仙草+手工芋圓 (椰汁底 ) $48
材料有:仙草、紫薯圓、芋圓、
台式黑珍珠、紫糯米、紅豆、薏米及西米。
據說仙草同芋圓都係自家製,
芋圓口感煙韌,甜度適中,
仙草軟滑味甘,同椰汁最夾,好味。
即撞木桶豆腐花$34 (細 )
連埋計時器送來,
要等3分鐘先至可以掀蓋。
夠鐘就打開,豆腐花已經凝固,
熱辣辣豆腐花,好香豆味。
就咁食清清地都好食,
食咗一半先至醒起加啲黃糖,
黃糖嘅香甜令豆花更美味。
香濃芝麻糊$35
在家做芝麻糊好花功夫,
要做到香濃幼滑更加難,
所以呢35蚊抵俾人賺架,
仲可以加埋豆腐花一齊食,正!
食埋甜品就非常滿足,
要行返幾個街口先至搭車。
張貼