甜姨姨私房甜品 (清風街)

營業中

休息中

媽咪係一個好鍾意食甜嘅人，本身佢就好鍾意煮糖水，但係就唔識得整一啲有特色嘅甜品。所以周不時我都會去搜羅特色甜品同佢去食。今晚我哋喺大坑食完飯，心血來潮就想去天后嗰頭試吓呢間好多人食嘅糖水舖。每次經過都見到有好多人，所以一直都想試吓。我好鍾意食芒果，所以叫咗個芒果大合奏。而媽咪係勁勁勁勁鍾意食榴槤，所以佢就叫咗勁吸引嘅榴槤雪沙！個芒果大合奏好好味，芒果汁底加上芒果肉、芒果乾、芒果布甸同埋雪糕，一次過係滿足到五種願望。食落亦都好有層次感，簡直係甜品界別嘅八二年拉菲。而媽咪叫嘅榴槤雪沙更加係不得了，層次極豐富：有榴槤雪葩，榴槤忌廉汁，鮮榴槤肉，榴槤乾，自製榴槤雪糕，同埋榴槤威化餅。最值得太讚嘅係啲榴槤肉係苦苦地嘅榴槤味啊，超好味，令媽咪嘅味蕾完全打開，食到停唔到口！

夜麻麻食甜品，安慰下辛苦工作才收工既自己。哈哈😄。女人想食一樣野仲會有諸多藉口卑自己，就算在此之前說左好耐减肥，都早已忘得一干二淨。雖然我地到左已經接近午夜，但店舖內客人仍然絡繹不絕。開到咁夜真係對於我地需要oT既客人一大福利。甜姨姨既誠意推介。一睇就知十分足料，而且仙草同芋圓都是自家製。仙草味帶甘，十分適合現時六月天公自帶消暑功能。而芋圓係我至愛，多種顏色為多種口味，煙韌得黎又甜度岩岩好。味道唔會過又唔會寡。再加上點睛之筆椰汁，簡直完美，只不過個份量並不大，但咁既價錢同質素，又覺得非常值得回票價。確實值得推介。一直喜歡黑糯米以及豆腐花。呢個係1+1>2既組合。給你味覺上既雙重享受。黑糯米煮得軟熟香糯以及十分香豆味既香滑豆腐花定令你欲罷不能。點左唔食後悔既鹹蛋黃魚蛋。嗯。確實十分有創意。哈哈，本身你會以為呢兩樣野八竿子打唔到一起。但味道卻意外既好。鹹蛋黃並不油，包裹住一粒粒Q彈既魚蛋。會令你一啖接一啖。

係銅鑼灣食完晚飯散步過嚟天后食甜品🍮感覺有甜品落肚先滿足😂見呢間咁高人氣，就梗係要試下啦！.芒果二重奏豆腐花 $44 豆腐花食落口感幼滑，芒果二重奏除咗芒果肉之外仲有芒果乾🤩芒果肉大舊得黎仲好新鮮好甜，而加左芒果乾之後，令口感豐富左，有啲咬口👍🏻.蛋白杏汁豆腐花 $40 本身都好鍾意杏仁嘅香味，所以今次都點咗個蛋白杏汁豆腐花，有齊哂我鐘意既野🥰不過因爲食完芒果再食呢個，搞到味道淡左😣但聞落杏汁味係香既😜.睇餐牌見到有鹹蛋黃魚蛋，好似好正咁😍但因為飽所以最後都冇叫到，下次黎要試翻先😆

We came over in a group of 4 for desserts around 5p.m. on Sunday. It was so easy to get seats at this time of the day.There were so many different choices and it took us quite a while to make up our minds.It seemed safest to pick those you shouldn't miss. We tried Black Sesame Bean Curd Puree with Sago at a price of $40 and Mango Orchestra at a price of $50.Black Sesame Bean Curd Puree with Sago ended up to be the best among all. It earned the award of being one of the best desserts in the world

夏日炎炎，特別愛吃點鮮果甜品解下暑，前陣子來到天后一間私房甜品店，該店位於清風街橋底，在天后2006年開業至今已有十多年，近年才遷移到現時位置。小店在該區頗有名氣，很多名星都有來過惠顧捧場，也是迷你木桶豆腐花的始祖，而其他足料甜品如芒果大合奏等都是人氣長期高企的名物。店內裝潢光鮮整潔，座位還算舒適；餐牌內選擇頗多，由傳統糖水湯丸到新派鮮果芋圓均有供應，讓人花多眼亂。芒果大合奏，有齊芒果布甸、雪糕、新鮮芒果肉和蓉，最特別還加入了芒果乾，真的好「芒果」啊！芒果布甸軟滑帶Q彈，芒果雪糕的奶香加上芒果肉的酸甜，還有芒果乾的煙韌濃香，一次過在味蕾間爆發開來，口感豐富過癮，啖啖都是濃郁的芒果味，創意十足，清新甜美。除了甜品之外，小店還最近推出了鹹蛋黃魚蛋。近年鹹蛋黃風頭一時無兩，就像鹹蛋黃魚皮、鹹蛋黃薯片等等，只要加上鹹蛋黃這三個字，身價便立即暴賬倍增！小店以香港地道小食魚蛋加上自家製鹹蛋黃醬，魚蛋的Size頗為大粒，綿密爽彈，味道帶點微辣，配上海量的鹹蛋黃醬，鹹蛋黃味極為濃厚，就連筆者這個重口味人士也覺得過份地濃郁，證明用料十足，十分邪惡，溫馨提示一下大家享用時不要太貪心用太多鹹蛋黃醬佐食，還是

喺銅鑼灣行完街就去咗天后搵甜品食。呢間甜品鋪除咗有甜品食，仲有主打自家製鹹蛋黃醬嘅魚蛋，見幾特別，就叫咗碟試吓。魚蛋唔算彈牙，表面淋上大量嘅鹹蛋黃醬，食落有點流沙口感。味道除咗鹹香仲有少少辣味，好特別好有新鮮感。個鹹蛋黃醬仲可以買返屋企整野食。我點咗杯西瓜涼粉爽，涼粉切到細細粒，而西瓜都幾清甜，清涼解渴消暑良品！友人點咗椰芒西米露，芒果好鮮甜唔酸，椰汁味又香濃。西米露煮得粒粒分明無痴埋一舊，成碗味道都唔錯。

週末有鋪落樓下食甜品癮，甜姨姨總是好多人排隊，價錢不平，以為會有咩驚喜，不過最大驚喜就係無驚喜Order 了一碗「芒果大雜會」（不好意思我忘了個名）芒果乾有點太錦上添花，芒果雪糕味道又有點太假⋯芒果汁又太多，唯一布甸味道正常！另一碗是榴連豆花，榴連甜品味道較重，蓋過了豆腐花的豆味⋯期望挺高，但由於味道太普通，價錢又收得貴，加上對比附近其他糖水店都是無驚喜，所以食完小兒一出門就說：「下次我地唔好再黎呢間」

第二次到訪這間位於天后的人氣甜品店，草根姐妹選擇早一點去，避免了輪候的時間和人流。.🍴恩愛湯圓六粒 ($30)Peanut Butter And Dark Chocolate Rice Ball with Ginger Soup 這款湯圓是甜品店獨家推出的口味，湯圓內餡包的是花生醬加黑朱古力🥜🍫，味道相當有趣，花生味尤其突出，湯圓外皮亦夠軟糯，草根姐妹再加+$3轉為香濃豆漿底，不會過甜還嚐到有豆香，令人吃得舒服😌。.🍴芒果糯米糍四粒+粟米脆脆 ($38)Mango Mochi Cake糯米糍椰絲味比芒果味突出🥥，中間包有芒果肉🥭，芒果夠甜，但糯米糍皮未夠煙韌，粟米脆脆其實有點多餘，與糯米糍不太合配，整體上這個甜品價格過於進取😣。.🍴尋榴敢 ($59)A Bold Durian Lover這款榴槤甜品相當吸引😋，當中有榴槤肉、榴槤汁、豆腐花、涼粉、綠茶果凍、椰果和珍珠籽。材料非常豐富，可以為甜品帶來有層次的口感和味道，榴槤肉濃郁甘香，椰果和綠茶果凍口感爽滑，最底伴上嫰滑的豆腐花，一級棒👍🏻！.餐牌如下

晚飯後甜品癮起，又走到甜姨姨去吃甜品。點了一個店內皇牌，另一個點了賣相吸引的多士盒。朱古力香蕉城堡 ($98)Castle Toast with Chocolate Sauce and Banana這個多士盒賣相吸引🤤，引來全店食客回頭觀望。🍞整個多士焗至非常乾脆，配有三球雪糕、香蕉🍌和朱古力醬。多士淋上大量濃郁的朱古力醬，再配上雪糕，十分美味🍦🤩。唯一就是雪糕融得較快，份量之大，起碼要2個人分享才能吃清呢！.芒果大合奏 ($50)Mango Orchestra這款芒果甜品是店內王牌🥭🃏，一碗有齊多款芒果配料，有芒果雪糕🍦、芒果布丁🍮、芒果粒🥭、芒果乾和芒果汁做底。富有濃厚芒果味，味道和口感都不會單調，應該很多人都會喜歡💕。

甜姨姨係天后好多年，除左出名榴槤甜品，芒果甜品亦係唔少人既選擇，我最鍾意佢個芒果大合奏豆花，芒果汁，芒果乾，芒果肉再加芒果雪糕，對於芒果迷黎講，基本就係大滿足，不過是晚芒果肉酸左少少，如果甜d仲好，個人黎講算係百吃不厭既甜品。

同朋友嚟到天后天氣炎炎忍唔住都要食返啲甜甜啲嘢解下渴最後同朋友來到印象中非常好嘅甜姨姨師房甜品店非常之有特色出邊呢應該食唔到獨特嘅風味芒果二重奏豆腐花完全係驚喜之作無諗過食豆腐花都可以咁有口感豆腐花幼滑芒果勁甜勁新鮮加上勁濃既芒果汁最精粹嘅係有一堆芒果乾令到成碗豆腐花有嚼勁芒果控必叫鹹蛋黃魚蛋一共有六粒$35絕對係抵食每粒都比鹹蛋黃醬滿滿包住小小辣好惹味翻食必選朋友叫左杯芒果益力多冰整杯都涼冰冰的濃濃嘅芒果味芒果控又係絕對是必叫加上益力多兩者完全非常之匹配我叫左杯超級解渴西瓜涼粉爽好過去飲咩珠咩珠茶又健康又解渴消暑涼粉切到細細粒好容易吸到上來加上冰凍既西瓜汁飲得出無溝水所以都好西瓜🍉呢兩杯野簡直齋睇都覺得解渴完全係真材實料整體而言很好👍🏻朋友都大讚

今晚同朋友係天后食完飯之後見唔係好飽就去食埋糖水。係揀左一陣之後，最後都係揀返甜姨姨這間食過的甜品店。（其他之前食過都唔夠甜姨姨好）因為友人正值生理期，所以冇得叫涷野，於是佢就叫左雙色湯丸，總共有6粒，3粒芝麻湯圓、3粒花生黑朱古力湯圓，而湯底係薑汁。基本上芝麻湯圓的芝麻味都濃的，但唔算好特別，比較特別的係花生黑朱古力湯圓，一入口係薑味、花生味、朱古力味融為一體，有啲奇怪，但當冇左個薑味後，花生味同朱古力味好濃烈，係濃到隔離枱都聞到，真係幾誇張。而我點的草莓乳酪西米露，個人覺得兩種食物係夾的，酸酸甜甜咁。

甜姨姨甜水今日放工同朋友係天后食完飯，行陣維園之後，又想食埋甜水做個happy ending😂甘我地就去反天后果邊既甜姨姨甜水店。地點幾方便，係正青峰街橋底😂環境亦都好光鮮同裝潢很新淨👍🏼👍🏼特別係夏熱天時，有冷氣又有坐得舒服的甜水店，真係好吸引！我地叫左2個甜品🍮和一個小食😃😃芝麻豆腐西米露這個賣相不錯，在滿滿的西米露上有一粒雪白的豆腐雪糕🍦豆腐雪糕🍦清新帶微甜，而且重豆腐味，令人食唔停口👍🏼而西米靈煮得剛好，不會太硬或太林。同時配上芝麻和豆腐味的雪沙，再混合來食，正👍🏼👍🏼👍🏼😻😻😻青瓜青蘋果🍏雪沙一開頭，真的很好奇這2種食物混來一起，可以的嗎？但係配搭後真的是十分之讚，味道清香，又不會太甜，冰冰涼涼的，真係令人樂翻天👍🏼👍🏼🤓最正既係真係同時食到青瓜和青蘋果🍏2種味道，而不會有任何違和感👍🏼👍🏼反之，有清涼解渴的感覺！夏天食好爽丫😻😻仲有大量芒果🥭粒和芒果味雪糕，正到飛起👍🏼👍🏼抵食之選😻咸蛋黃魚旦🤤🤤這個咸蛋黃醬真係不得了！濃到不得，蛋黃味十分突出。對比咩黃金魚皮，完全拋離十條街😂😂而配上魚味都幾濃和彈牙的魚旦，真係幾正。開頭覺得35蚊6粒都幾貴！但係食完，就知道係好抵食👍🏼個

唔講真係唔知，原來甜姨姨係由電視製作人戚其義和藝人陳豪開設，人氣排隊港式甜品店，亦是迷你木桶豆腐花的始祖，還有超人氣的足料甜品例如芝麻豆腐西米露配芝麻雪糕。原來鋪由2006年開鋪，至今已經有十幾年既時間時間尚早，人唔算多，但鋪頭都幾大，岩哂成班人黎食糖水炎炎夏日，我呢個芒果迷緊係要叫返個芒果甜品降下溫，呢碗就岩哂我，芒果布甸、芒果肉、芒果雪糕、芒果汁，竟然連芒果乾都俾我食到，一次過滿足我多個願望呢款小食非常少有，糖水鋪竟然食到咸蛋黃既產品食落真係啖啖起沙，魚蛋好入味個豬扒包真係脆到冇朋友，而家唔使過大海都食到鍾意食咸蛋黃既朋友真係要買返樽返屋企

甜品之所以吸引除了因為甜味叫人有幸福的感覺外，精美的外型也是其中的一個原因。這一杯青蛙王子芭菲就是其中一個例子。可愛的頭型，用雪糕球及小曲奇組成，雖不似青蛙（相信這造型給人的另一隻小動物，但礙於品牌名字衝突，改變另一動物也不錯，至少綠色與青蛙也相配），但也是可愛的。加上綠茶味雪糕也是自己喜愛的味道，因此很吸引。更重要當然是真材實料，每一層都有不同的滋味。除了軟軟的忌廉，也有煙韌蒟蒻，加上脆粒，一次過享受不同的口感，很是滿足。更厲害的地方是這裡除了甜品，也有咸點，其實應該是咸辣點。這個咸蛋醬除了咸香，也有辛辣味，絕對是與魚蛋的最佳配搭。甜咸辣一次過享有，真的非常難得，也很滿足。