甜入心 (好運中心) (已結業)

沙田人頭湧湧，想搵個位靜靜地食下野都唔係咁容易！今日行到黎好運中心諗住小人啲！揀左呢間甜入心！見佢除左甜品之外，仲有啲咸食，所以入去試下！榴連飄香椰皇子（凍） $56榴連味好香，食落去好棉！仲有啲爽口既水晶粒粒，椰汁味好濃，椰皇下面係佢地自家制既椰汁啫喱凍！第一次見呢個整法！唔錯！值得推介！☺️☺️戀上椰皇子（熱）$53入面超多料！有湯丸，三色芋圓，小丸子，鮮奶椰皇！最值得讚既係個鮮奶椰皇，其實即係燉蛋白，超超超滑！再加上暖暖地食，如果食完啲皮膚有咁滑就好！湯丸係黑芝麻，最後當然連啲椰子肉都挖埋出黎食！正！💜💜牛肉吐司 $32呢個吐司制作需時，最後先上，但係出乎預料之外！賣相普通，但係一切開！佢啲芝士係拉曬絲！照足料！食落去好似食緊pizza咁！但又冇pizza咁「濟」！😋😋碗仔翅+長洲大魚蛋 $28碗仔翅都好足料！熱騰騰！粉絲，冬菇，黑木耳！味道就正常普通，如果有埋胡椒粉或者醋就更加好！魚蛋好大粒，成粒golf咁大粒！味道同長洲相若！彈牙！👍🏻👍🏻雪糕香蕉船 $38食完全部野再叫左個香蕉船！雪糕球大大舊x3！有朱古力味，vanilla 同埋芒果！唔知佢雪糕係邊個牌子架呢？！都唔錯喎！不過