甜入心 (好運中心) (已結業)

我足足排了半小時，店員說有單丁位就給我入，我全程見佢有好多單丁位，但佢都唔俾我入，其實佢似乎係想等到全部2人3人5人都無晒先俾我入，這間店不要叫甜入心，叫火都黎埋好過啦

先說出品 我和朋友兩個人分別點了① 榴蓮飄香椰皇子② 桃寶燕窩椰皇子榴蓮的我沒吃 朋友也沒給我反饋 pass桃寶的我覺得桃膠沒什麼 椰皇子是真的nice我就不說我連椰子裡面的白色椰肉都挖著吃了再說位置 （繞了一圈 印象深刻）地址系 香港沙田好運中心下邊中間條街嘅街鋪招牌對近視的人不怎麼友好我跟朋友明明經過那條街（惠康對面）愣是沒看到 盯著導航繞了一個大圈才找到最後總結 感覺沒有之前吃的聰嫂這麼驚艷 但也還是很OK的~

我成日鍾意食香口嘢， 但係又好容易熱氣上火，所以我會食碗綠豆沙嚟清吓熱氣。 早排就去咗呢間"甜入心"， 佢喺沙田新城市廣場旁邊嘅好運中心， 第一次去，唔係咁易搵到。佢鋪面唔算大，但係門口竟然有部電子派籌機， 幾有系統喎，唔通生意好到派唔切籌?我入去嗰陣仲好早， 但都坐咗八成客。睇吓個餐牌，有好多唔同款式嘅甜品， 例如椰皇系列，冰糖系列等等…… 我冇畀佢地動搖到呀，一心一意就係食綠豆沙！個綠豆沙好啱我心水: 唔太甜，起沙！有海帶 同埋臭草，火喉夠， 用料足! 好好味! 食完急急腳埋單， 細鋪最緊要轉枱快! 吓，一陣間咋喎，外面已經一堆人等緊， 唔怪得知要用呢個電子派籌機啦！見到門口呢張海報，原來呢間小店都幾關愛長者同傷殘人士，食糖水有優惠價!

之前吃過甜入心的窩夫, 好味程度令我念念不忘。是日想吃窩夫, 自不然想起甜入心。窩夫選擇不多, 全部都配有鮮忌廉伴楓糖, 味道有焦糖香蕉朱古力, 鮮草莓朱古力, 香芒和特選蜜瓜。除了特選蜜瓜售$68, 其餘的售$58。相差只有$10, 便選了期間限定和多汁的蜜瓜。特選蜜瓜比利時窩夫配鮮忌廉伴楓糖 (期間限定) $68窩夫本身烘得香脆, 沾上楓糖, 增添美味。蜜瓜味雪糕蜜瓜味濃, 連同開心果碎與窩夫同吃, 有另一翻滋味。蜜瓜有兩大件, 又甜又多汁。如果事前可以為蜜瓜去皮, 更為貼心。

同朋友新城市食完飯之後一般都會來呢間糖水舖食碗糖水潤下喉再傾多陣飯後時間多數都要排隊有得㩒飛舖細細地方唔大呢間糖水舖以椰王為招牌其實糖水的選擇唔算多見佢咁多椰王的選擇加上我又想食芋圓所以我揀左戀上椰王子椰王子連殼上點了熱的溫度足夠熱食比較顯甜味這個椰王子的甜度個人認為剛好芋圓有點芋頭味但要細嚐椰王子的下半是燉奶我對燉奶的興趣一般反而是嚐了朋友點的焦糖布甸椰王子下層的椰王啫喱有令我驚喜下次再來一定點啫喱底

食完飯行下行下又會想食甜品醫下口痕🤤唔想太heavy呢間都有好多選擇🤰🏻#紫許有你 $38入邊有紫薯球🤤 三色芋圓 豆腐花 小丸子同椰汁個紫薯球好有口感👍🏻真係用紫薯粒磨成紫薯溶🥰食落唔會有假嘅甜味 應該唔係落咗太多糖 芋圓係冇餡既 但食落都好煙韌🤔 而且豆腐花都幾滑 呢個價錢算係高質😎.#龍顏大怒 $36有龍眼 西米 Q珠 椰皇啫喱 雲呢拿雪糕🍦同埋椰汁其實西米Q珠同埋椰皇啫喱 一齊食個口感好爽口好正🤣 .#海底椰燉鮮奶 $32雖然賣相麻麻 但係又幾潤幾好食😋啱哂冬天乾燥天氣啊佢話呢個有美白養顏同潤腸功效 唔知真定假啦但係食落都好滑 同埋好香鮮奶味 唔通係3.6牛奶🤭👍🏻

心太軟一上到嚟未開始食就流曬啲心成隻碟都係職員見到咁都冇任何反應心太軟個皮太薄變左喺個碟到撩朱古力醬嚟食之前食過幾次都幾好食今次搞到咁都幾失望希望可以控制下啲品質

係沙田嘅甜品鋪唔多，成日見到呢間排哂長龍，今日收工有小小餓，就嚟左呢度試下究竟係咪真係咁吸引。入到去見到好多人叫左waffle，加上自己中意食芒果就叫左，waffle係即叫即整，食落好脆好香，配上佢地嘅芒果同雪糕真係好夾，難怪咁多人嚟食，之後會再想試下佢椰子系列甜品。

今晚點咗焦糖香蕉朱古力比利時窩夫配鮮忌廉伴楓糖。初初以為係配朱古力味雪糕,點知來到係雲尼拿味~傷心地問staff可唔可換過, staff解釋了士多啤梨窩夫才是配朱古力味雪糕。事到最後都可以吃到朱古力味雪糕, 多得這裡的staff,令我今晚甜品時間有甜入心的感覺。一百個讚👍窩夫又熱又脆味道岩岩好。擺盤又精美。好有heart一定會再幫襯

過沙田分店，決定去幫襯!我見到出浴椰皇子雖然沒有椰子 殼但價格平一點而且材料一樣，所以我最後選了出浴椰皇子。出浴椰皇子一樣係焦糖布甸，自家製椰汁加果凍! 可能是用杯裝著的關係，感覺多左椰子水雞蛋布丁蕉糖脆面，加了玫瑰花碎，蛋又滑又Q，有圖有真相，凍食的，滑溜甜香。整體上，出浴椰皇子同雞蛋布丁都同樣好味，但價錢相對便宜，當然想刮多d椰子肉食，最好都係食返有椰子殻的椰皇子。

上個禮拜四OT收工晏左，但係又唔太餓，就決定join埋班fd去沙田食宵夜，其實我不太好甜品，但佢哋話呢度有間店啲甜品好正就跟埋去試下。本身諗住平日夜晚應該唔係好多人，但係點知去到都要等成6-7張枱。好好彩突然有好幾枱人一齊走，就變咗可以好快入到去。fd就話推薦一定要黎試下佢地啲椰皇子類，咁我就揀咗個最基本款既出浴椰皇子，即係除左個外殻既椰子，幾搞鬼。等左幾分鐘就到左，一食落口感覺驚為天人（冇誇大）！因為一時間有好多種唔同嘅口感，有又滑又甜雞蛋布丁，仲有爽口嘅椰肉同埋椰青啫喱，中間有一層椰汁糕，最後仲有畫龍點睛既椰奶，成個感覺非常之椰! 絕對係一個非常有誠意嘅甜品，雖然自己真係非常不好甜，但都好期待下一次再嚟試食下其他款。不過要提定大家一定要早啲嚟排隊，如果唔係夜晚分分鐘要等成一個鐘。

第一次用速遞幫襯，完全係嚇左一跳，熱野盒同雪糕盒一齊放，雪糕溶曬，原以為會有冰墊放係底，叫壽司都有幾塊冰墊，冇心做，吾識做外賣就吾好學人做外賣，明呃錢。椰皇啲料倒曬出黎，得個好細外賣盒，又冇保護包裝，完全包吾到個椰皇，用個膠袋打個結就算，東西東歪西倒，倒曬出黎叫人點食，吾好做外賣速遞𠱓人錢啦！有負分我比負分

今日係沙田食完飯好想食甜品，沙田甜品冇咩好揀，就去左甜入心😋😋😋可能時間都算早啦，唔係好多人，我地有8個人都唔駛等好耐😝😝哈哈！食物就叫左呢個雪糕配麵包(唔記得左個名)😂😂味道就ok la！對我黎講就大份左啲，可能係食完飯😂😂食唔曬！最搞笑係佢有個試飲， 我地攞左一杯之後試左，冇人敢再攞， 哈哈😂😂我冇試到，可能not so good haha 😂 住係沙田附近嘅朋友可以去試呀，幾岩一班人傾下計架😝😝

食完飯想食甜品 去左甜入心 好多甜品名都改得好有心思 食左荔枝冰 唔似其他地方咁無乜味 芝麻糊都值得一讚 好香好滑 我個friend食左薑汁小丸子 略嫌單調 下次行過都會再試下其他

沙田嘅市中心嘅糖水舖得好少，通常都係得啲cake shop，一係就係連鎖。呢度就有啲平靚正嘅糖水，款式仲有好多！今日超想食芋圓，沙田其實得哩到有🙈好彩8pm就嚟食，陸陸續續都有好多人，走嘅時候仲要排隊🙈呢度其實椰皇甜品較出名，有超多款式之前黎食過覺得好好食！今日就揀咗一個芋圓，一個椰皇加芋圓嘅甜品。紫許有你 ($38) 其實入邊材料好豐富，有豆腐花，紫薯蓉，小丸子同埋芋圓！！真係好足料，每款都好多，特別有埋紫薯蓉食完其實好飽肚。芋圓都好有味道，十分煙韌。豆腐花差啲，但整體來講都唔錯，而且就算係椰汁底都唔會太甜，唔會太膩。戀上椰皇子 ($53) （熱)有少少貴🙈不過有齊我最想食嘅兩樣野芋圓同埋椰皇😄材料真係超級豐富仲有湯圓同埋小丸子！芋圓唔再多講，下面係用椰子水煮嘅燉奶，好滑同埋好有椰子味，而且仲係熱辣辣，好好食！而佢嘅椰殼仲有一層嘅肉可以刮來食，啲椰肉好新鮮，嫩身！ 我會比較推介椰皇甜品，我覺得呢度嘅椰皇燉奶係做得相對比較出色🤤