甘棠燒鵝

營業中

休息中

雖然門口寫住唔係member唔入得，但係其實係隨意進入，大家唔需要擔心。松花皮蛋配酸姜，皮蛋就係同我平時食皮蛋瘦肉粥果啲皮蛋差唔多，酸姜味道濃郁，不過切得唔夠薄琵琶燒鵝，啲夥計會提前問你對花生會唔會過敏先淋啲花生汁上去，但係其實燒鵝本來已經好漏，再加埋啲汁水會更加油膩上火，味道一般般叉燒，出名果種肥叉沽清，剩低瘦叉燒，味道都可以

咁啱約咗F嚟銅鑼灣呢頭，諗住試下好出名嘅甘棠燒鵝。叉燒佢哋話係一定要試，佢口感同傳統果啲叉燒唔同，比較軟糯，有啲類似東坡肉果種口感，無奈我唔多鐘意食肥叉，我覺得叉燒肉質都係要硬少少先好食。燒鵝都係招牌，下邊有啲唔知係乜豆墊住。有碗綠色嘅菜湯，味道怪怪哋飲唔慣。皮蛋，價錢有啲貴，冇乜特別。另外呢度可以一邊食嘢一邊睇人地打保齡，都幾過癮，大部分選手都幾pro，應該有唔少高手

天時暑熱，唔知去哪裡消遣玩樂，有時連食慾、胃口亦都麻麻地。晚飯時段，真係想法不多，但T先生諗到南華會內既<甘棠燒鵝>，飯後亦可以打場保齡球，咁就過來啦。來到南華會時大概晚上7:30多啲，2人座得返一張corner枱，否則要等⋯我和T先生覺得可以就入座了。餐牌主打都以燒味為主，由其係燒鵝，一場黎到，點都要試吓燒鵝質素係點嘛。📍燒鵝下庄 $220燒鵝下庄，堆成一個小山丘咁，賣相不俗。而味道，皮唔太夠脆，似放耐左；由於是下庄，即係髀既位置，會有些嫩肉，但我地食唔到最嫩最滑部份。成個庄感覺唔完整，似砌出來😢 好在唔太咸，味道合格only，但賣呢個價錢，都幾搵笨，唔太推薦。📍南乳炆粗齋 $168比想像中大碟！味道上亦很有驚喜！食材上有白菜，粉絲，幾款菇類，枝竹⋯好多時南乳會偏咸，但這裡調味適中剛剛好，而菇類亦煮得腍身和入味，將咁多款食材一齊煮時好夾，一定配白飯食，令你扒多幾口😋📍鹵水鵝紅 $38細細碗而份量較少。而味道上，對T先生來說，非常有驚喜😆 好滑口感似豆腐花，好入味，但價錢稍貴。📍豉椒粉鵝腸 $180呢款我係嘩一聲，好大碟而且會smell 到豉椒味。食材有鵝腸和其他配料，

叉燒味道可以，不過太肥膩，同埋分量唔多，基本一人夾一舊就冇；酸姜皮蛋作為招牌前菜一定要試，唔錯。鵝掌扎因為太遲先到，一早就賣晒，可惜。琵琶燒鵝，因為我哋人唔多，所以先點咗半只，同叉燒一樣偏肥膩，食唔出有乜特別

去開南華會既波友話唔定都試過呢間餐廳，小弟去玩桌球間唔中都會和朋友一齊食下。✨燒鵝半隻（$320）燒鵝肉質好飽滿，鵝肉味好重，燒鵝調味夠入味而且不鹹，份量比足。✨燒鵝叉燒飯（$75）燒味雙拼飯價錢可能算中上，叉燒半肥瘦幾好，燒鵝有水準味道好食，飯量食得飽。✨西班牙豚肉叉燒（$150）因為好奇菜式名而點咗呢道菜，賣相比較特別，口感及味道食落似臘肉，但又不是完全乾身不會很硬。上菜速度都頗快，如果去打波諗唔到食咩，可以一試。

環境：位置有限，基本每圍都係搭台，好逼夾，點多幾味餸真係張台擺唔落服務：中規中矩，有部分夥計反應有啲鈍，一啲都唔醒目，不過收銀果位姐姐人就幾nice琵琶燒鵝：賣相OK，不過呢隻鵝就開頭果幾啖食得落，到後邊完全食唔落，太滯了薑汁炒芥蘭：薑汁味太重啦，芥藍冇乜味

個個都話嚟到甘棠就必點燒鵝瀨，食好嘢當然係要跟大隊試下呢度嘅燒鵝瀨燒鵝汁唔知係咪落得太多，感覺成碗湯溝埋啲燒鵝汁有啲鹹，唔知佢湯底係乜嘢成分，完全已經鹹到飲唔出湯底本身嘅味道燒鵝皮幾脆，睇得出基本功夠扎實，但係唔知係咪火候過咗，肉質有少少鞋，好韌

座位唔算好多，不過整體感覺都幾乾淨，坐落去又唔會覺得逼夾，啱啱好上菜速度都OK，不過服務態度感覺參差不齊囖，有部分店員態度唔錯，有幾個就好懶散，唔知係咪新嚟嘅菜式主要都係燒味為主，燒鵝賣相可以，味道就比較普通冇乜特色，叉燒肥瘦啱啱好，送飯一流

甘一刀叉燒，呢個係朋友同啲KOL都極力推薦嘅一味菜，調味唔錯，可惜太肥膩，同埋分量有啲少，其實唔需要斬太大舊，細舊啲可能仲啱我燒鵝，冇乜話特別好食，就好普通嘅一味燒鵝金錢雞，口感唔錯，偏鹹咗少少蜜汁燒雞潤，比較驚喜，值得一試

同朋友去打保齡球，第一次幫襯呢間餐廳，平時都係落返銅鑼灣食。同朋友叫咗兩碗燒鵝瀨，食咗半個鐘左右，就走嚟至少三次問食完未幫我哋收咗啲碗。而當時我哋碗入邊仲有差唔多半碗未食完。眼見舖頭入面都有空枱又冇人等緊位，使唔使咁急收我哋啲碗？過咗嚟收幾次碗，已經覺得有啲煩，幾乎係滋擾嘅程度。食個飯傾吓計，你走來係咁收人啲碗，仲要我隻手仲攞住對筷子，真係好冇禮貌。講返食物質素，燒鵝係比出邊一般嘅燒味店好食少少，價錢貴過出邊都算合理，但未去到會專登去幫襯嘅水平。位置來講，對鍾意打保齡球嘅人嚟講係幾好，可以一路食一路睇人打保齡球，玩完即刻有得食叫做就腳。不過希望啲服務員能夠做到對所有客人都一視同仁。

金錢雞、燒鵝、甘一刀肥差燒、大班差燒、涼瓜炒苦瓜、西洋菜煲生魚、湯瀨一碗，這個菜單，真正我的口胃。是的，是膩了一點，但襯健康還可以，多點運動懺悔便是。甘棠燒鵝開在南華會，據聞「甘」是中環鏞記家族的其中一位，「棠」是曾經主理鏞記的「棠哥」。一般我對故事背景興趣不大，好吃的誰煮誰理根本不重要。以前去鏞記，甚麼都好吃，除了燒鵝。想當年我經常不明白，馳名燒鵝的鏞記燒鵝最不好食，這是甚麼道理？還是因為我不是富豪大款所以好吃的我沒份？知道甘棠是鏞記的人出來開的，起初其實有點卻步，但朋友說不去便走寶，所以就去試一試。嘩！上面寫的幾味，每一樣都頂級好味，如果與鏞記是同出一脈，絕對可以替鏞記「洗底」！燒鵝好食，不用形容。差燒呢，「大班差」是正常做法的那種，好味，但不是未吃過的味道。「甘一刀」較肥，我就非常喜歡。夠肥美，差燒頂層刻意燒燶，肉味香味滿瀉，極品！涼瓜炒苦瓜原來是生炒熟炒兩種炒法放在一碟，喜歡吃苦瓜的朋友一定要試。這餐廳枱不多，晚上walk-in應該不用試，有心便預早訂座。反而中午比較疏落，午餐來一碗燒鵝瀨粉加兩件差燒一碗靚湯，一生何求！強烈推薦。

資深同事突然間想食叉燒，佢本身都係一個叉燒控，食過好多唔同餐廳既叉燒，佢最推介呢一間，要訂先有既”甘一刀”，仲要吩咐我一定要訂兩一碟。我地一行4人去食過富貴lunch ! 前菜店經理推介左皮旦同蛋卷。皮蛋一般般，無雪花同流心效果。腐皮蛋卷係凍食，有紫菜，食到有蝦籽，都幾特別。燒鵝一上碟就好香，個皮好脆，肉嫩，現場食好正，我覺得好好食😋同事話一樂定甘牌好食啲。我覺得都幾撞手神，要睇天時地理人和，隻鵝靚唔靚，同師傅手勢😏上次我食甘牌同鏞記就一般般，可能外賣返屋企有關。甘一刀隆重登場，資深同事話一定要食！係梅頭肉，好食，彈牙，入味，雖然係因為有舊肥肓先好食，食左先再算！但食幾舊就會漏，都好厚切下！一隻手指甘厚！西洋菜湯另一招牌菜，佢唔似吖媽煲個種，係有少少西式湯甘打碎矖啲兩洋菜去處理，先有甘綠既湯，再加上店經理話係五十年以上既陳皮煲既，所以有甘既價錢。可以一試。湯渣另上，係好大條骨去淆有肉梗要食啲菜，炒咗個蒜蓉豆苗。ok覺得燒鵝一定要配瀨粉所以叫左一碗。ok呢餐食得好飽，多謝同事請食飯。下次同屋企人黎先

位於跑馬地南華會內的甘棠燒鵝, 主打是港式燒味，好耐之前食過一次都唔記得咩味道了。終於決定再試一試，不過今次體驗真係麻麻，甘一刀叉燒又肥又燶太肥膩，食兩舊就好膩滯，唔夠甘香，不過送飯就冇乜問題嘅燒鵝比較一般，撈麵啲麵有啲霖，食落口感麻麻，啲湯偏鹹

鏞記分支的名字, 都是以主理家族甘姓作開頭, 分別是甘牌, 甘棠和甘饕, 當中的甘棠並不是開設在大街大巷之中, 而是在銅鑼灣山頭的南華會內, 好友是南華會會員, 可以一路在隔離的保齡球場碌保齡球, 一路吃其最出名的燒鵝和甘一刀叉燒, 可不快哉?相比起燒鵝, 我更加喜歡甘一刀叉燒, 取材自梅頭第一刀的豬肉, 比腩美更肥美, 完全沒有筋, 烤起來油香澎湃, 燶邊焦香十足, 沒有花巧的技巧和昂貴的食材, 就是單純的美味和邪惡. 燒鵝今日次做得不錯, 剛剛烤起身夠燙口, 肉汁豐富而肉質平衡, 醬汁甘甜鹹香, 鏞記燒鵝就是淋醬型, 外皮浸過汁醬, 偏向腍身也是正常. 鵝油撈麵沒有苦澀的鹼水味, 鵝油令麵食更香更亮身, 水準同樣不錯.Kam Centre Roost Goose is one of the restaurants rooted from Yung Kee so you can expect the roasted goose is the most famous dish. The best dish is the roasted pork collar meat and the

燒鵝成日食，今次嚟本來想試下甘棠啲叉燒，不過夥計話我哋嚟遲咗已經賣晒，下次要提早預訂，好唔開心。冇辦法，人地話嚟嚟去去食飯幾味真係冇講錯，最尾都係食返燒鵝，試唔到佢地叉燒真係好遺憾臨食完老豆話想食豉油雞，所以特登埋單果時打包咗一例走，有啲小貴