甘棠燒鵝

營業中

休息中

燒鵝淨係半隻就已經要500幾蚊，真心唔平，味道有啲似鴨肉，因為本身對於燒味呢啲冇乜研究，燒鵝同埋燒鴨真心分唔出，醬汁唔錯，不過量有啲少，個人覺得性價比好低，如果係探店性質嘅話嚟一次就夠啦

搵咗好耐終於搵到，好彩唔洗排隊。味道整體比較一般，叉燒味道還不錯，甜甜哋唔會好鞋。燒鵝睇咗啲點評話上裝好鞋好韌，所以點咗下裝，有啲肥，分量係夠嘅，兩個女仔食完，味道沒有好驚艷。菜心就好大條，唔係好鐘意，檸茶夠原汁原味！

嚟到南華會先知原來甘棠就係保齡球館入面，門口寫住只招待會員，本來以為冇得食，好彩個朋友瀨架步話直接入去就得！環境好好，唔算好大，不過裝修間隔都算骨子，服務都好貼心，但係菜品就不盡人意，由於最近減肥戒緊肥膩所以燒鵝靜係叫咗例牌，夾咗一舊冇乜特別，叉燒好食啲，可惜都係肥肉過多唔敢食太多

雖然店名叫咗甘棠燒鵝，我建議不如改名叫甘棠叉燒好過，叉燒當然唔洗講嘢冇得頂，肥瘦適中，甜味濃郁之餘仲帶有少少炭燒果種香味，入口即溶，不過正常份量其實食一舊已經夠了，燒鵝同埋豉油雞呢啲就太普通啦，唔係好推薦

餐廳工作人員態度欠缺，問佢除咗燒鵝之外有乜好食嘅推薦，一臉唔耐煩咁彈句：“樣樣都好食，你睇下單先”。真係好食就話遮，結果超難食，啲燒鵝鞋到死，對於燒鵝嚟講但凡係“油膩”同“鞋”求其中一樣都已經可以話係死罪，好可惜，兩樣中晒

本來想試嘅係琵琶燒鵝，不過去到先知原來琵琶燒鵝係需要預定，好無奈，有啲可惜。當日點嘅係招牌燒鵝，可以食得出鵝本身選材料係OK嘅，但係唔知係咪火候過咗啲，鵝肉太過幹身唔夠嫩口。脆皮乳豬唔錯，滷鵝腸就好一般，下次有機會一定要嚟試下琵琶燒鵝先得。

環境：去到果陣人唔多，肉眼可見起碼有兩三張空台，因為佢隔離就係保齡球館，所以感覺比較嘈，有啲影響進餐體驗服務：不過不失，態度還算OK食物：叉燒甜度剛剛好，燒腩仔層皮有啲硬唔夠脆口，肉類基本都偏油膩，好容易滯總體嚟講唔算係踩雷嘅，不過性價比唔係好高

今日早上同家人有活動要去銅鑼灣南華會，活動後發現，南華會保齡球場原來有間燒味餐廳，咁就一齊入去試試佢入到去發覺位置係寬敞的，坐得幾舒服, 顧客唔算多，可能因為位置比較偏遠的關係我地總共6個大人，兩個小朋友，所以都叫左唔小野1. 半隻燒鵝燒鵝表皮燒得香脆，鵝肉唔會話太肥，味道不過不失2. 西班牙豚肉叉燒叉燒醃得入味，點埋碟中的蜜糖，味道配合得恰到好處，但略嫌叉燒太瘦，唔夠肥3. 香妃雞依個係咁多碟最好味的，隻雞整得幾香，咬落去隻雞好滑，擺盤亦都好有心機，推薦！4. 燒腩仔表皮燒得香脆，味道不錯5. 蝦子紮蹄依個係比較特別的菜式，其他地方比較小見原來係腐皮中間夾雜著蝦子，腐皮係煮的途中索左蝦子的鮮味，味道鮮甜總括而言，燒味味道尚算不錯，香妃雞最好味，味道香而雞身保持滑溜，推薦！叉燒味道也不錯，推薦而燒鵝反而相對失色，只叫不過不失

難得嚟到唔洗等位，諗都唔諗就坐返低，馬上點個燒鵝加瀨粉做下午茶。燒鵝略微乾咗啲，湯又偏鹹，瀨粉就係普通瀨粉，整體嚟講冇預期咁好味，想試埋傳說中嘅甘一刀叉燒，點知話一早已經賣晒，下次請早，失望加失望

作為燒鵝狂熱愛好者嘅我，今日再次嚟到甘棠燒鵝探店。可能係我太貪心了，諗住一次過可以試多幾味菜，所以點多咗搞到食唔晒，本來人均200左右直接去到700。廢話少講，嚟到呢度必點嘅首選燒鵝，食燒鵝必點下莊，呢間嘅燒鵝出品都唔錯，外皮焦脆，肉都幾香，但係可惜成隻鵝偏瘦，影響口感，綜合水平嚟講稍微差咗啲

一行七人到這裡食晚飯，若然不熟路，真係想像吾到保齢球場入面有間食肆。琵琶鵝$980，首先完隻上枱打咭一流，之後再斬件，初初食微暖皮好脆，凍左真系好肥膩。甘一刀肥叉燒$280，大大件，肥瘦均勻，加上大量麥芽糖，幾好。亞姐推介左個小食，豬心蒂$200，幾爽口，但略貴。一品鵝雜煲$700，鵝腸、鵝掌翼、鵝肝/腎、豆付，雖然份量不少，但價錢又系偏貴。薑汁芥蘭，只可以話系薑粒完全冇薑汁味。上湯豆苗，清清地，吾錯。皮旦酸薑，冇試。旦白杏仁茶，旦白好多，杏仁茶就比較浠。埋單 $2906，試過便算，應該冇下次。

一間隱藏係保齡球館嘅燒鵝店，環境都算乾淨，不過隔離係球館，有時會好嘈，不過呢啲都係無傷大雅。雖然賣點係燒鵝，不過呢度嘅叉燒真係幾唔錯，唔會好肥膩，綜合嚟講係幾好食，不過一人一舊夠晒。燒鵝我哋點嘅係下莊，冇叉燒咁驚艷law，如果係路過求其食就冇所謂，但係專程過去食就冇乜必要

之前係網上睇咗幾個美食KOL嘅推薦，基本個個都話呢度嘅燒鵝好好食，今日專程嚟南華會試下係咪真係咁把炮。可能係預期有些少過高，味道唔會話好差，幾好食但係就絕對就唔係話十分驚艷果種，叉燒都好食過佢燒鵝。好在今日人唔多唔洗點排隊，不過埋單就有啲貴

大部分菜式都唔錯，但係燒鵝就真係麻麻，食落去嗰種乾嘅程度，有啲似鴨唔多似鵝，鵝應該係偏肥美，味道得返一個評價：太平凡！作為以為燒鵝做招牌菜嘅粵菜餐廳，咁嘅出品有啲接受唔到，服務同埋環境整體都係OK嘅

店鋪位置真係好特別，就係南華保齡球館裡面，第一次差啲以為自己行錯路，好彩問咗人指路先知冇行錯地方！問路人話呢度燒鵝好食不過價錢就偏貴。肥叉第一啖入口唔錯，不過食多兩啖就好滯，燒鵝就同其他燒臘店差唔多，皮蛋就麻麻哋