甘棠燒鵝

營業中

休息中

嚟到甘棠最想食嘅當然係燒鵝同埋甘一刀叉燒，不過嚟到話叉燒已經冇晒，烧鹅刚好得返一份上庄，店員推薦我哋試下酸姜皮蛋，話呢個都係好出名好多人點嘅。酸姜皮蛋果然如其名，就係酸姜+皮蛋，食唔出有乜特別，燒鵝選料應該都係靚嘢嚟，不過醬汁太鹹，應該係有花生醬係入面，肉質幾嫩，但係啲皮就肥咗啲

我哋揀咗周中嘅中午去食，人都幾多下，不過好彩唔洗等位，餐廳就係保齡球場隔離，都比較隱蔽，冷氣都幾夠力！最多人推薦就係叉燒同燒鵝，叉燒兩個人食一份有啲多，肥瘦相間，偏肥，同之前食嘅叉燒好唔一樣！燒鵝就選下莊，比較偏瘦，下面鋪咗蜜豆，味道過得去！

呢間之前朋友已經極力推薦，今日就南華會嚟試下，位置就係南華會嘅保齡球館隔離！燒鵝味道一般，皮脆，不過就偏肥咗啲，叉燒好少見有好大舊，簡直同厚切豬扒一樣。黃喉就好普通，餐廳冷氣有啲大，啲夥計唔知係咪見我第一次嚟，係咁sell我其他菜式，個人覺得呢度似做熟客生意多！

慕名來到南華會保齡球場甘棠燒鵝。一場來到當然要叫他的燒鵝髀飯啦，收費188絕對唔平，但鵝肶非常之嚡，好像隻鵝剛剛跑完馬拉松一樣，令我非常失望！燒鵝下面啲白飯好似浸喺油裏面咁，非常油膩，見到已經唔係好想食，加上酸梅醬太過酸，絕對唔享受呢一頓飯！我食過不少出名的燒鵝餐廳，這間真的令我非常失望！自從走塑之後飲食習慣也要改變了，以前一路吃一路飲，現在已經不敢把只飲管一早放在凍飲品裏了，只好忍忍忍到最後吃完飯才一次過把飲管放入飲品裏，如果唔係就會溶晒。講返這家餐廳，以他們收這樣高的價錢，絕對不是一個好的選擇！可以慳返！

環境：就係保齡球館入面，同一個大門入，冷氣好足！甘一刀叉燒：肥而不漏，外圍好似焦糖包住咁，個人覺得太甜了燒鵝：下莊已經沽清，得返上莊，皮係夠脆嘅，不過肉有啲鞋，可能下莊會好啲

燒鵝醬汁唔錯嘅，但係肉質有啲鞋，皮下果層脂肪太多了，好影響口感，而且有啲碎骨，感覺其實一般！叉燒唔肥唔瘦，入口即溶，一人一舊啱啱好，麵嘅湯底就偏鹹,本嚟想試埋個金錢雞，不過驚食唔晒，唯有下次啦

燒鵝淨係半隻就已經要500幾蚊，真心唔平，味道有啲似鴨肉，因為本身對於燒味呢啲冇乜研究，燒鵝同埋燒鴨真心分唔出，醬汁唔錯，不過量有啲少，個人覺得性價比好低，如果係探店性質嘅話嚟一次就夠啦

搵咗好耐終於搵到，好彩唔洗排隊。味道整體比較一般，叉燒味道還不錯，甜甜哋唔會好鞋。燒鵝睇咗啲點評話上裝好鞋好韌，所以點咗下裝，有啲肥，分量係夠嘅，兩個女仔食完，味道沒有好驚艷。菜心就好大條，唔係好鐘意，檸茶夠原汁原味！

嚟到南華會先知原來甘棠就係保齡球館入面，門口寫住只招待會員，本來以為冇得食，好彩個朋友瀨架步話直接入去就得！環境好好，唔算好大，不過裝修間隔都算骨子，服務都好貼心，但係菜品就不盡人意，由於最近減肥戒緊肥膩所以燒鵝靜係叫咗例牌，夾咗一舊冇乜特別，叉燒好食啲，可惜都係肥肉過多唔敢食太多

雖然店名叫咗甘棠燒鵝，我建議不如改名叫甘棠叉燒好過，叉燒當然唔洗講嘢冇得頂，肥瘦適中，甜味濃郁之餘仲帶有少少炭燒果種香味，入口即溶，不過正常份量其實食一舊已經夠了，燒鵝同埋豉油雞呢啲就太普通啦，唔係好推薦

餐廳工作人員態度欠缺，問佢除咗燒鵝之外有乜好食嘅推薦，一臉唔耐煩咁彈句：“樣樣都好食，你睇下單先”。真係好食就話遮，結果超難食，啲燒鵝鞋到死，對於燒鵝嚟講但凡係“油膩”同“鞋”求其中一樣都已經可以話係死罪，好可惜，兩樣中晒

本來想試嘅係琵琶燒鵝，不過去到先知原來琵琶燒鵝係需要預定，好無奈，有啲可惜。當日點嘅係招牌燒鵝，可以食得出鵝本身選材料係OK嘅，但係唔知係咪火候過咗啲，鵝肉太過幹身唔夠嫩口。脆皮乳豬唔錯，滷鵝腸就好一般，下次有機會一定要嚟試下琵琶燒鵝先得。

環境：去到果陣人唔多，肉眼可見起碼有兩三張空台，因為佢隔離就係保齡球館，所以感覺比較嘈，有啲影響進餐體驗服務：不過不失，態度還算OK食物：叉燒甜度剛剛好，燒腩仔層皮有啲硬唔夠脆口，肉類基本都偏油膩，好容易滯總體嚟講唔算係踩雷嘅，不過性價比唔係好高

今日早上同家人有活動要去銅鑼灣南華會，活動後發現，南華會保齡球場原來有間燒味餐廳，咁就一齊入去試試佢入到去發覺位置係寬敞的，坐得幾舒服, 顧客唔算多，可能因為位置比較偏遠的關係我地總共6個大人，兩個小朋友，所以都叫左唔小野1. 半隻燒鵝燒鵝表皮燒得香脆，鵝肉唔會話太肥，味道不過不失2. 西班牙豚肉叉燒叉燒醃得入味，點埋碟中的蜜糖，味道配合得恰到好處，但略嫌叉燒太瘦，唔夠肥3. 香妃雞依個係咁多碟最好味的，隻雞整得幾香，咬落去隻雞好滑，擺盤亦都好有心機，推薦！4. 燒腩仔表皮燒得香脆，味道不錯5. 蝦子紮蹄依個係比較特別的菜式，其他地方比較小見原來係腐皮中間夾雜著蝦子，腐皮係煮的途中索左蝦子的鮮味，味道鮮甜總括而言，燒味味道尚算不錯，香妃雞最好味，味道香而雞身保持滑溜，推薦！叉燒味道也不錯，推薦而燒鵝反而相對失色，只叫不過不失

難得嚟到唔洗等位，諗都唔諗就坐返低，馬上點個燒鵝加瀨粉做下午茶。燒鵝略微乾咗啲，湯又偏鹹，瀨粉就係普通瀨粉，整體嚟講冇預期咁好味，想試埋傳說中嘅甘一刀叉燒，點知話一早已經賣晒，下次請早，失望加失望