甘味讚岐手打烏冬 (已結業)

話說同老婆行街行到肚都餓，睇完新都會廣場果部商場指南，就去呢間鋪食晚餐當時室內位滿座，咁就坐室外位，好熱 +_+拎起個餐牌一睇，好吸引！頁頁都有野鍾意﹗苦惱左一陣就決定點菜......唔知係因為室外熱所以冇侍應，定係我個位偏得滯，我居然係揾唔到侍應 +_+當時有個女侍應，見到我，應左我之後......居然忘記左我 +_+ 唯有搵另一個落單.......當晚叫左︰岩海苔牛肉麵豉湯烏冬，燒汁豬頸肉飯，(朱古力)雪糕涼粉冰，士多啤梨鮮牛奶=====================================================================首先講個烏冬︰海苔不太多(可能我鍾意食覺得少)，牛肉好香烏冬好滑而且有咬口，比超市買到果d正好多湯ge麵豉味唔太濃跟住講個飯︰豬頸肉可能燒耐左少少，有點兒''堅韌''飯係叫做，飯好香，比白飯多一種獨立ge甜味跟飯有個粟米沙律同麵豉湯，還可以 最後講飲品︰雪糕涼粉冰 - 雪糕有得揀(朱古力,雲呢拿,綠茶,同埋有隻味我唔記得) + 涼粉 + 奶茶士多啤梨鮮牛奶 - 士多啤梨(榨汁同有少少士多啤梨渣証明係鮮榨) + 牛奶我個人對

呢間野我都食過幾次,烏冬真係幾好味我最中意食薄砌肥牛蕃茄湯烏冬 ,不過我同朋友都覺得份量太小喇,食完都唔夠飽 = =''同埋D位好迫...唔係咁舒服 ..

琴晚同個同事去左葵芳,佢就話帶我去呢間試下佢既手打烏冬_____去到拎飛等左一陣就入到去,不過我舥得個位坐得唔夠舒服,張枱唔係好夠大囉..我地睇左好耐都唔知食烏冬好定穀飯好,後來我都同同事都一人叫左一碗穀飯,一個係牛肉飯,一個係滑蛋豬扒,其實食落又唔係太差,而且以為咁細碗應該唔會飽,點知原本佢勁多飯,仲搞到我地食唔哂...有埋個湯同沙律,後來仲叫左個小食,埋單都係$50/人...都算抵食既=]

住開哩頭,成日都會去食既..哩度d坐位細細幾舒適,員工既服務態度就要改善下了,下午茶會比較抵食,又唔洗等位,可以坐耐d..下午茶餐全部2x蚊又有野飲送,d抄烏冬,咖哩烏冬都好好食,但份量比較少,本人食量較少,剛岩夠食,又唔會食淨浪費食物...所以幾鍾意黎哩度架!

1. 職員經常漠視顧客揮動的手,自顧自的,讓人有種完 全被漠視、不被予以尊重的難受感覺;2. 點菜時,雙手插袋的侍應聽著顧客"落單",即使你的 記性有多好,但別忘記你所工作的地方不是大排檔, 別忘記你們是收取額外10%的服務費用,請你尊重自 己的工作,給予顧客一個專業的、謙卑熱誠的服務;3. 正在吃東西時,下一碟的食物不知從哪個方向忽然插 入,侍應隨意的把食物放在一旁,猶如一盆冷水倒頭 淋下來,感覺非常惡劣;4. 食物味道不過不失,份量偏精巧

見今日早放工, 又唔知去邊度食, 上Openrice 度再望望青衣城赤丸製麵所既食評, 係一致劣評, 又係唔知邊個劣評中找到「甘味」這2 隻字~ 於是就放工去葵芳新都會廣場食烏冬~o向甘味食左2 樣野, 豬軟骨烏冬和芝士年糕~豬軟骨烏冬：湯OK, 烏冬和想像中一樣, 豬軟骨最出色, 好夠"林", 炆得好入味~芝士年糕：好夠熱, 但年糕裡面既芝士好明顯係卡夫, 當然俾廿幾錢都唔要求係好一點既貨色, 但唔知點解食芝士既時候應該咬出一條長長的絲, 但今次無, 會唔會係芝士不是純正的, 會溝了其他物質呢? 其實總括來說, 芝士年糕下次不會再點, 因為年糕整得太"林", 芝士味太淡, 一點也帶不起整夠食物的味道~整體來說, 烏冬係好好食, 小食就一般, 價錢上烏冬較抵食, 平均$38 左右就可以找數, 小食偏貴, 至少起碼$20 元, 不值得花算~ 我見烏冬選擇上還有可以選蕃茄湯底, 下次都要試下~味道：烏冬比上次在青衣城赤丸食更好環境：有點迫, 若果多人的話會更迫服務：班侍應成人自顧自傾計, 想叫野食都係等候時機衛生：OK, 唔見Dirty抵食：烏冬抵食, 但其他小食比和民貴了一點整體：烏冬最

只能說非常失望,眼見lee到既食評都唔差所以先山長水遠去試下,點知... 要一個烏冬都要等左40分鐘,睇黎真係即場手打wor...以為等錦耐味道應該唔錯,點知... 一試,同屋企煮既有咩分別?又林又冇味...真係冇下次lor。

今日同老公食晚飯,睇見li間唔係太貴,就揀左唔駛點等位...好快!老公叫左二十穀飯($36),我就叫左個大手打烏冬($15)同兩個小食,炸尤魚($10)同雞軟骨餃子棒($25)。等食物的時間都算係耐架!不過可接受啦!個二十穀飯黎到,以為好少咁,點知老公食到最尾發現原來份量都OK,飽架!d肉好好味,我試左!個餐個有沙拉同湯,個湯d味好怪,唔好飲><烏冬不錯,煙煙UnUn,炸尤魚份量好少,十蚊得三條仔!另外雞軟骨餃子棒ok啦!普通但都係叫好味ge!---唔好ge就係d台太細,有點迫的感覺好ge係,個侍應很好,很快手!計埋加一,埋單總共$94.6

第一次黎食, 叫左個牛肉飯食, o的飯係佢地既招牌貨, 二十穀飯, 可以轉日本珍珠米, 不過我想試下二十穀飯多o的. 都幾好味呀, 幾咬口, 不過o的牛肉就tough 左o的, 吉野家o個o的tender o的. 個飯睇落唔係好大個, 但係食落原來好多o架, 食唔晒呢. 個飯有salad and miso soup 送, 不過都食唔落lu, salad 係corn, 冇乜味, 唔好食.整體上都okay 既, 價錢唔貴.

琴晚同呀爸去食6點幾去到有位幸好早點去否則要等位*v*叫黑豚肉二十穀飯同埋咖哩豬扒飯黑豚肉甜甜地幾好味*v*d豬扒幾香口不過d抬就細左d-0-

上次食過牛肩飯，佢地既牛肩比較貴，卻很"un"，唔好食既！今次食滑蛋蟹籽大蟹柳烏冬，就麻麻地，不過烏冬好好味，好滑幾彈牙，而且感覺較清，可以再黎。

每次經過都見好多人排隊，所以每一次都打消左我幫襯既念頭。今日睇完早場經過，只係十一點半左右，見冇乜人終於可以試下。既然出名係手打烏冬，一定要試試，點左咖喱海鮮烏冬。烏冬端上，香，真的很香，烏冬非常有咬口，夠彈牙，咖喱湯咖喱味濃郁，蔥花也很能帶出香味。配料有蟹柳、魚片、帶子、魷魚須、蝦，數量還可以，但味道只一般，尤其那魚片根本就沒有味道。不能佢Ｄ烏冬真係值得一試。另外，雖然客人唔多，但居然一碗湯烏冬等左15-20分鐘，上菜真係太慢了。

呢間千祈咪去!!本來見門口有人排隊, 羊群效應咪又出事law講真d烏冬的確唔錯, 有咬口. 但出事的卻是我在烏冬餐廳搵飯o黎食!出菜慢都無特別出聲, 反而要讚坐收銀(我估係經理?)主動幫我摧單, 服務值得一讚. 但是否這個動作激親個廚師? 所以食到一半個咖哩雞扒飯, 才由朋友發現d飯中間有條毛! 無錯! 唔係頭髮, 係條毛!! 咩毛都唔想再諗, 即刻叫人埋單走頭暨blacklisted咗呢間餐廳!!!

來到葵芳行街，我地好多時都會來甘味食烏冬。其實講起上來，我都係睇openrice的介紹先至來認識這間餐廳。講返烏冬，我同大家口味差唔多，我最中意食薄砌肥牛蕃茄湯烏冬，好開胃，酸酸地，好醒神，d烏冬好"煙un"，好有口感。以青檸先生，就中意美國牛肩烏冬，我都試過，好有牛味，但我嫌太貴，要成$58，實在不值。另外，我地都試過咖哩海鮮烏冬，都不錯，不是太creamy，個湯底算係幾清。雖有讚之處，但也做得碼碼地的地方。下午茶時間的不是手打烏冬，唔係太好食，我建議你們加$8轉手打烏冬，真係唔同食法的。下次，我想試下個抄烏冬。多謝青檸先生常常陪我來吃烏冬!!!

自從上次試過屯門店後，今次行開葵芳，一於再食過．要一個最貴既二十穀飯同一個最貴既烏冬．就係頂級牛肩二十穀飯同讚岐咖哩海鮮烏冬，加多個軟骨餃子棒同燒八爪魚餅．但原來呢間冇刺身同壽司食．頂級牛肩二十穀飯，超正！黑椒牛肩肉，好有牛味，好鮮，唔太韌．讚岐咖哩海鮮烏冬，咖哩湯底好香唔太辣，好多海鮮，有兩隻蝦，帶子，青口，蟹柳，魚柳及粟米，菜．軟骨餃子棒，係雞軟骨煎餃子．燒八爪魚餅，淋咗啲，但有八爪魚味．總括嚟講都OK，會再幫襯．埋單＄１６０．６０．