甘味讚岐手打烏冬 (已結業)

早兩日陪老婆去葵涌廣場Shopping,之後當然去醫肚啦,本來我想食和民架,但老婆話想去Yummy,咁我當然就決定左.........Yummy啦你地知嘛,其實我地過食幾次架啦,因為每次陪老婆Shopping完都係呢度,,冇變過!!咁講真..佢地水準一路都保持得好好,今次我地點左......大碗湯烏冬$15...湯底好味,烏冬彈牙...爽呀炸蝦併蚧柳天婦羅$3?..OK啦雞軟骨餃子棒..老婆至愛炒野菜...Good惡夢啦,,,,就係有個"NEW"字<鰻魚飯>$56...鰻魚超細.....細...細條,一小啖便吃完整條魚......毛!!最大鑊係點解條魚兩旁"魚翅"完全冇走一句講晒,個<鰻魚毛飯>色`香`味都係等於"零",我冇吹大架,因為個飯連最基本鰻魚汁都冇,咁何來"色"呢ps.本人自問寫食評係由心而發,況且Yummy亦是我跟老婆至愛之一,希望它們可以多加留意出品,否則只會"新不如舊"本餐多謝$150

烏東夠彈牙 食完唔蛀牙朋友介紹....所以專登來試一試叫了 炸蝦餅 + 滑蛋蟹子蟹柳烏冬 + 豬頸肉烏冬 + 涼粉咖啡 + 可樂炸蝦餅 貌似 午餐肉食落質感十足 但係蝦味不足烏冬 的確好彈牙彈到差d 震傷我咁滯而且個湯底 濃而不油 雖是味精....但係好飲就夠了豬頸肉大大舊....而且分量足三十幾蚊碗算係超值而且豬頸肉嚼頭十足嫩軟剛好的情況下.....叫人想一試再試滑蛋過於爛....一pat pat 的...而且容易散開....感覺似縷縷香煙....消失得無踪蟹柳亦都太少喇....一條開二開心樂園餐麼?涼粉咖啡....不錯....個人比較喜歡這種奶味重而且沒苦澀的咖啡總括....食得過!!

今次係第2次去食，上一次食左咩跟手打烏冬都唔記得喇..今次叫左個一口牛肉手打湯烏冬($4x)...要左普通湯底~朋友叫左淨手打湯烏冬($16)加南瓜天婦羅.......再叫多個雜菇牛油鮑片.............一口牛肉手打湯烏冬 - 湯正常, 牛肉ok, 入味,但鹹了一點, 烏冬好好好好味!!!!!比與一般烏冬更有口感雜菇牛油鮑片 - 普通...只有牛油味...服務一般....侍應要叫好幾次先聽到...even要食物counter入面嘅同事提佢...佢先知...店面細細...人手亦足夠..應該唔會發先lee d事至係.............至於坐位之間都安排得比較近...香港食市大多都有的問題吧~吃完之後朋友先講話佢食過lee間手打烏冬好多次....不過次次都唔記得只有手打烏冬好食...哈哈...下次去食我都會記住....一碗淨手打湯烏冬加埋一都係$18...低食~

在葵芳區, 很少店舖的賣點是手打烏冬. 自從這店開了之後, 我與男友多左到葵芳搵食 ! 昨晚又再去捧場, 我叫左我最喜愛的豬軟骨烏冬, 上次男友食五殼飯唔好食, 今次就叫左海苔牛肉烏冬 (加大), 再點左每次必食的炸薯餅 + 煎餃子.. 味道唔係話好好好好食, 但心癮起時不失為一個不錯的選擇 ~~ 店舖很小, 但地點在新都會內, 就算坐室外都只係一 D 園林景, 不是 30 幾度的日子, 在室外坐都 OK.

平日夜晚6:30到呢間餐廳, 等左5分鐘便有位, 一坐低, 環境麻麻, 好大油煙炸野味, 好似坐係廚房入面食野咁叫左碗海苔麵豉湯牛肉烏冬, 麵豉湯湯底味偏淡, 牛肉唔知點解變左肥牛肉, 好肥, 每片都有一半肥到食唔到, 有d比人呃的感覺, d烏冬話係手打, 雖然煙韌但我覺得似日本超市買的made in japan乾手打烏冬麵, 應該唔係師傅新鮮手打另外叫一個淨熱烏冬($10)加炸蕃薯同天婦羅七味粉魷魚, 蕃薯無甜味, 而炸魷魚亦完全無七味粉的味道, 唔通要自己灑七味粉係面??仲有原粒紅豆冰, 只係奶水+紅豆, 奶水無咩味, 紅豆又唔甜, 麻麻地…早知唔叫啦!!埋單大約$120左右, 食物飲品都係水準之下, 7點後仲要排長唔龍, 完全唔值得試!!

好1陣子沒來葵涌了開了很多新食店今次選擇這裡來個午食點了燒牛肉十二穀米飯($37)跟沙律,麵豉湯先試牛肉,很靱及乾,肥了點飯又太油了....1點也不健康的飯.....

時間: 8pm等左大約20分鐘其實唔係好多人等不過餐廳入面得三十幾個座位patio around 十幾個位諗住食得舒服d唔坐patio點知咁就"lar"野啦...我唔知係成間餐廳壞冷氣定係點但係我坐係入門口右手邊果個area係一d冷氣都無坐低已經覺得好焗, d野食黎埋之後就直情食到出哂汗...個情況係熱到都唔想食所以前後我地2個人由點菜到埋單都唔洗廿分鐘講返食物方面叫左2個烏冬同咖喱薯餅我食果個係蝦tempura烏冬烏冬都可以, ok滑, 都有口感但係d tempura真係唔得太粉...同埋我食開tempura都係sauce架嘛, 但呢度無...另外一個係好多蟹柳同蛋o既烏冬男朋友話都幾好食...個咖喱薯餅就無乜特別不過18蚊得2小舊就好有唔得啦...烏冬都係三十幾蚊咋嘛!!呢餐飯教識我, 去食熱野之前尤其是係夏天, 最好問清楚冷氣有無壞先好去食除非唔想舒服地食一餐飯啦!!

其實這間食店已於葵芳多時, 但一直都冇去過食, 但原來係有驚喜ga~~~~叫了兩個熱烏冬, yummy, "煙煙unun" , 水準同赤丸差唔多, 而且佢重要平赤丸, only $10一碗, 多到我要比d Mami.比較特別係用了麵鼓湯底, 我覺得ok ga, 但麵鼓湯唔係人人鍾意, Mami就麻麻la.另叫了兩個小食. 天婦羅尤魚, 天婦羅炸漿好薄, 熱辣辣脆卜卜, 尤魚都好大條, 好粗, 口感好好呢. dim埋沙律漿重正但天婦羅蕃薯就令人失望, 雖炸漿都係好好, 但係蕃薯好硬, 又唔甜.但好平ar, 星期一至五lunch time 5:00前結帳重有9折tim, 一定再encore~~

在葵芳搵野食.在萬無目的.估唔都搵到間..几好食烏冬料理叫左個豬軟骨烏冬同鐵板牛柳粒蕃茄烏冬...d烏冬几彈牙...豬軟骨烏冬個湯低清清地..好野味...好合我口味..之後再叫左個豬頸肉試吓.....好似燒耐左少少，有d''堅韌''味道就一般...

同朋友去食,幾好味叫左個豬軟骨烏冬同一個牛肉烏冬. d 烏冬幾煙韌, 我同朋友都好滿意. 豬軟幾入味, 牛肉就一般. 烏冬比較少, 我們叫多左個淨烏冬share 先飽

甘味近期好似幾 hit 下... 無啦啦又約左朋友去葵芳 ~ 兜兜轉轉就黎左呢間。六點九開始要攞飛，叫左號碼但個 fd 未到.... 佢因為地方淺窄而唔比我入去住，都明白既。我個 fd 十分後黎到，佢都即刻安排返下一張枱比我地.. 咁又 ok 喎﹗試左佢兩隻烏冬 ~ 鐵板牛柳粒蕃茄烏冬: 烏冬名符其實的彈牙，好有趙頭 ~ 個蕃茄湯都幾濃，同埋好用有茄味 (有時食蕃茄湯拉麵，會覺得 d 麵既梘水味會蓋左 d 蕃茄味) ... 但 d 牛柳粒比較少，同埋洋蔥太稔... 另外試左個無骨雞翼烏冬: 同個朋友一致認為，冇乜特色.. 似係一般炸雞粒，但佢都幾「鞋」，KFC 仲好食過佢。而個清湯烏冬都唔係我地杯茶，個湯底太甜，陣味比較怪，還是喜歡一般的豉油湯底。食完後阿姐拿拿臨收野，仲成日走埋黎做小動作，趕我地走。不過，果度地方淺窄，阿姐仲咁行黎行去，劃多劃少都會影響到食客既情緒。

上星期跟女友去試下新都會甘味，座位狹窄都不打緊，最緊要食物好味 !我女友叫了烏冬，的確唔錯，可惜d湯唔夠熱，另外還有一碟小食。我就叫了豬扒飯，唔錯 ，還有杯凍咖啡，沖得味道恰如其分 ~最差反而係服務員，她們態度沒問題，只係她們不斷來來回回收取我們吃完既碗碟，為何不能一次過待我們完成所有食物後才收拾呢 ? (當時並不是滿座也沒有其他客人等入座的)那有趕客埋單的感覺，使到我和女友食得好唔舒服，好騷擾

尋晚同朋友去呢間餐廳吃晚餐，因為室內冇位，所以選擇了戶外的枱(都要等位)。與朋友叫左：冷烏冬、無骨雞翼烏冬、胡麻冷豆腐和醬燒牛肋骨食物味道ok可以，但$22元既胡麻冷豆腐只有1細塊同$32元既醬燒牛肋體只有3小塊 略嫌被搵笨~~~最離譜係我地食完一樣佢收一樣，連派比我地share食物用既碟仔都照收，不停咁黎打擾我地講嘢，想催我地走。我先啱啱食完個湯烏冬，連無骨雞翼都未食完，佢就即刻收碗；我朋友仲離譜，個冷烏冬啱啱夾埋尾二個條，佢就即刻收走左，收晒嘢之後，坐多唔夠2分鐘，佢仲攞個牌走埋黎，問我地需唔需要叫d甜品同飲品，有冇搞錯呀，嗰陣我地只係食左45分鐘嘢咋﹗服務態度咁差，我同朋友都發誓下一次一定唔會再去呀﹗

食過幾次~~都幾好味~~好滑~~~平時都幾多人~~推介蕃茄湯烏冬!!! 真係好好味~~不過繁忙時間就比較多人...服務方面都係standard果d~~ 無咩特別~~平日有下午茶時會抵食d~

首嚐甘味，因成日都先到排長龍，所以今日見冇咩人就試下！！企係店門口已經感覺到，入面好熱好似冇冷氣咁～～入到去坐，慢慢適應室溫，但最慘架時刻到啦．．．就係一路食，一路感覺好熱．．．咁就問下個樓面，有冇得較大D個冷氣，個答案竟然係．．．冇，因中央冷氣。唔係呀嘛，熱到好似屋企冇開風扇、冷氣咁食飯．．連隔離枱都覺得熱到要食完，啦啦聲走人．．．真係想坐耐少少都唔得。同一個商場內架其他餐廳，都冇佢咁熱～～如果係咁，旺市架時候，都可以加把風扇吹下，令客人唔會越食越"興"食物方面，一般水準，冇咩特別．．．賣點烏冬：都只係冷藏烏冬架口感。今次食架lunch set是一碗"冇餸麵"．．．少餸到．．喊～～位與位之間好近，有D迫～～可能食烏冬架關係，好多上班族女士們去食．．．set lunch天天不同．．．而家5:00pm前結帳有九折，但有加一。