甘味讚岐手打烏冬 (已結業)

次次去都起碼一人一烏冬，或一飯一烏冬因她的味道確認不錯，差不多常常都有人潮就算只吃$11(細)或$15(大)冇『食送』的，也絕不馬虎，都不錯的。特別係『 蕃茄鐵板牛柳烏冬』令人回味無窮，不吃不可得閒各位真要試一試，不是賣廣告，是幾好味。當然不能說不試不可，不過去吃是一個不錯的選擇

先講食物:佢標榜係手打烏冬,但我覺得同普通烏冬冇乜分別,D湯,冇誠意,又係味精湯(似公仔麵湯)得炸野係比較好 (起碼唔生)服務態度 :差到頂點一入到去,員工已經冇心招呼我地..(灰氣式)叫野食又催住晒.(0係格離企定,令您有壓迫感,即刻叫)問多句野,服務員轉個頭已經同其他員工唔禮貌咁指指點點(我問既係有關食物既配料-我有食物敏感,所以要問清楚) ;服務員必須改善佢地既服務質素而且,全過過程係針對性咁望住我地 (唔只我地一台客)我認為,我比得錢黎食野,應該開心,而唔係入到去睇人面色,第二,我係消費者,係有權詢問有關食材,完全唔明點解會因此受到唔禮貌既款待第三,三十蚊食個下午茶,加埋咁既服務態度完全唔值得.,PS既然係食普通烏冬,我唔覺得要比咁貴錢

放工同男友去呢度食飯, 週末加食飯時間都遇左一定要等位....果然~未行到去已經有約10人o係門口等位...間野幾大...去過既朋友都知....所以就決定上埋去和民拎埋位...唔駛問~~和民仲多人等緊.....等左陣.....唔對路....決定都係落返去~~~點知見到門口少左成半人....而且等緊位既人都唔同晒樣~~就去問下負責叫位既"小妹妹"....我問佢..."44過左未?"佢望一望我張飛....自己o係個板度圈一圈....然後唔答我任何野我完全唔知係過左定未過....都算....之後....佢叫44, 問我露天搭臺坐唔坐? 我地都唔想....咁佢就叫左我地既下一個number...o個2位就入左去....然後再過左陣...佢叫46,2位! 我問佢:" 又係露天搭臺?!?"佢依舊唔應我....只係忙住接應46 o個2位...佢帶左o個2位入去...因為佢唔答我丫嘛, 我咪睇下究竟係咩位囉?點知...o係舖入面既2人位囉!!!我出返去...即刻問佢....點解46先而唔係44?佢呢個時候先知自己做錯野, 但佢既回應係2個字:"等等!"呢個時候...成個門口都已經冇晒人.....入晒去

今晚無飯開，同女友行完葵芳諗住搵間野食dinner，突然想起一家幾次都好多等位o既店，6點開(番)門就入左去食，呢到d枱都排幾密，正常男人要過都好易撞到他人枱椅，可能坐出面會好一點。點左三樣野食: 鐵板牛柳粒蕃茄湯烏冬、肥牛窩烏冬、炸"煆菜餅"。鐵板牛柳粒蕃茄湯烏冬的賣相幾吸引，一見就點，上枱色香兼備，但唔知為何d湯是暖不是熱的？雖然蕃茄湯咁濃可能會影響煮熱的時間，但無理由d湯唔熱就上菜ga？女友問需唔需要叫人弄熱，我覺得都係免啦，烏冬同牛柳粒試過都係剛熟，如果叫人"番叮"呢碗野一定仲難食.......唔熱o既麵食，味道就算點好碗野總體都係差一大截，抱著唔可以浪費食物o既心態，硬著頭皮將烏冬幹掉！肥牛窩烏冬.....醬油湯加上質素比即食好的烏冬其實應該不會太差，但肥牛入口有渣的.....omg！吉野家肥牛的質素比其還要高得多！最後個餅......唔知係咪傾得太投入的關係，吞左先發現原來食左個餅，可想而知味道會係點一碗成50塊錢的烏冬，唔可以話好貴，但對我來說，飯錢洗在有心想做好食物的人(食店)身上才是值得

尋日(4-4-2009 Sat)同男友去食物嘉年華,但太多人就打退堂鼓行o黎搵o野食,行到o黎,見係烏冬,不如試吓.1:25pm左右,幾多人喇,但又唔使等好耐,我o地叫o左:1. 鐵板牛柳粒蕃茄湯烏冬一o黎到,已經可以嗅到好濃o既蕃茄味,牛肉粒亦唔少,.蕃茄味真係好濃,湯亦濃;牛柳粒好熱,好有牛o既鮮味;烏冬滑但唔係彈牙.3. 咖啡涼粉冰只係咖啡加冇味涼粉,不過涼粉好多,而且增加口感,係一杯有趣之作.2. 素食豆漿湯烏冬好新奇o既配搭,素菜有荷蘭豆,西蘭花,腐竹,冬菇,木耳絲,蘿蔔絲同南瓜.呢個開頭飲啲渺覺得好淡,可能係受蕃茄湯影響o左,但一路飲落去,豆漿味原來好濃郁,唔錯.4. 茶杯蒸蛋呢個熱辣辣,材料有銀杏,蟹柳,冬菇,雞肉,薄切嗚門卷同蝦.蛋有好多氣泡留下o既孔,唔係咁靚,但食落係好滑,蝦又爽,唔錯.服務:好好,冇問題,有禮貌又密密斟茶.環境:新都會商場應該好貴租,呢o度o既枱椅都幾細張,但竟然都坐得舒服,OK.呢餐埋單$132.00

上次去朋!間店拍片,中途我地成組人去左呢間店食日本野..我平時成日去新都會,葵芳都唔知有呢間野既存在 ..餐牌都幾多野食, 價錢唔貴, 佢既招牌菜當然係手打烏冬 !!!我地既座位是露天的,所以呢張相比我既感覺..有點兒似大牌檔最尾叫左 烤豬頸肉手打烏冬,$40 ~烏冬幾彈牙,湯底是醬油味...幾好味~~而且豬頸肉烤得幾香脆,如果包埋飲品就好喇..!加一服務費 ~而且服務幾好呀,落單有笑容,而且不停幫加茶 !!

同朋友去食lunch,有分露天位同室內位,嘩室內D位逼到呢, 張台又細... 朋友大男人一個, 點坐呀?(佢話好似兒童台) 於是坐露天位,set lunch得2種, 煩事諗, 就叫呢2種share啦, 一個唔知咩牛肉飯, 另一個係雞扒撈烏冬,隔離台同一時間叫, 人地個個d野黎晒食緊我地先有野食,黎到, 嘩, 牛肉飯d牛肉得4片仔咋!! 但應該有1個洋蔥囉.....你冇牛肉都唔該俾d配菜丫, 咁樣收$4x唔好去搶...碟野仲要唔係熱既, 暖暖地咋....個雞扒撈烏冬又係, 唔熱嫁囉, 點解等咁內都俾唔到d熱野我食呀??雖然個烏冬係幾好食既, 幾彈牙, 不過唔夠熱都要扣分啦!跟住餐飲凍啡同橙汁, 同野食一齊叫嫁, 唔知佢d咖啡豆同橙係唔係要去摘既呢?幾世都唔識黎, 但人地隔壁飲咩特飲就一早黎左喇喎!!追左一次, 問我地叫左咩飲喎, 答左佢啦, 之後都冇人理, 跟住轉頭有2個人搭我地張台, 落完野食佢地2杯野飲竟然到先過我地!!我地竟然可以仲未有野飲呀!!再搵人追啦, 話人地o岩o岩坐底都飲緊, 我地食完杯野都唔知去左邊,跟住條友仲夠膽再問我地叫左咩飲, 真係火都黎, 你盲既咩唔識睇單呀?大

1.) 墨魚餅 好味,點蛋黃醬好好味.2.) 天婦羅尤魚 完全100%無味!!! 點解之前其中一個人講到勁好味,唔係佢講勁好味我都唔會叫 ...=.=...3.) 炸軟殼蟹 之前有人話唔熱,今次我去食熱喇.4.) 煎餃子 油左d之外都okay既,不過似港式多d.5.) 芝士年糕 差過半年前. 冇咩味,不過軟得黎彈彈下,咬感感覺良好.6.) 鐵板牛柳粒蕃茄烏冬 賣相唔得,睇相就知,個侍應一放上枱已經係甘既賣相. 味道不錯!7.) 熱烏冬 一向都甘好味,我既最愛.

星期6同bf黎食unch,見到幾多人食wo,應該幾好食既所以就等下la,等左15 mins左右就有位坐la發覺出面仲係咁多人等位,咁即係代表佢地d野應該幾好食la揀左出面既露風茶座坐,因為唔係太熱,所以無冷氣都唔驚la我叫左個煙鴨胸烏冬,bf叩左個豬排飯煙鴨胸烏冬比較清d,但覺得都係赤丸既烏冬好食d個豬排飯就幾特別既,因為d米我地揀左係五穀米,食落原來唔係好硬咋wo仲幾有口感,比平時食既白米好食tim呀呢度既飯就比赤丸既好食得多la但最衰先加一,所以先唔抵呀=(

趕著跟友人到馬灣看相, 唯有吃點快的, 於是試了這間. 墨魚餅沙律 : 墨魚餅似乎係交來貨色, 料較多, 當然不要想有粒粒墨魚在裡面啦! 生菜幾新鮮, 沾些沙律汁, ok. 雞軟骨餃子 : ok, 有咬口, 因為雞軟骨成了碎加入肉中, 成為饀料. 吉列豬扒烏冬: 烏冬幾細滑, 原來係呢度的主打菜色, 都算彈口, 不錯. 湯底清甜, 可以. 吉列豬扒, 炸皮跟豬扒已分開, 不知是否番炸之故, 沒有多少肉汁, 麻麻.快快的一餐, 速戰速決. 下次來嚟一餐好的吧!

最近迷上烏冬.....耐唔耐都會特登搭車過黎食 lunch....今日食左個芝麻雞扒烏冬....塊雞扒好入味....略煎過...不油膩....配芝麻汁的烏冬.....好正!!!!食過咁多次 lunch set...呢個最岩我口味....雖然 5:00pm 前埋單有9折...但係加一既...所以哂氣....

琴晚同fan來食晚飯,入到去坐得好唔舒服,因為好迫,叫o左兩個烏冬,一個飯,三個小食,一食落真係好一般,最好食係八瓜魚餅,最難食係炸豆腐,真係冇味,佢d烏冬係好一般,d湯就差o左少少,一人食o左70蚊,都算貴啦!!

星期六o黎o左食個早lunch~一人叫o左一碗烏冬... 滑蛋蟹籽蟹柳手打烏冬o的蟹柳唔係一般貨大條o的, 粗o的, 咬落實o的個質感似真蟹肉, 但... 還是會食得出係麵粉味 (始終係蟹柳ma~)而o的蛋好甜~ 加上洋蔥, o的甜味同個麵豉湯底溶埋一齊~個湯甜o左~ 好飲o左~ 炸軟殼蟹手打烏冬o的軟殼蟹另上, 唔會浸淋咬落雖然仲係脆脆地, 但無咩熱度懷疑係炸定夾上碟的!! 印象麻麻講返個手打烏冬, 又真係幾好食wor~好"煙un"~ 比坊間一般食到o既烏冬為實~而且外表滑滑的~ 一啜就啜到入口lu~幾好幾好~下次可以試o下佢o的飯~

food here was pretty goodrestaurant will not sit you unless full party is there during their rush hours.i ordered a "fat beef with tomato soup" veli veli yummy. tomato soup very tomato taste and the fat beef really fat not much to say but very tasty cost was $40 my friend ordered a chicken teriyaki chicken udon. the udon soup base has a really strong chinese mushroom favor and the teriyaki was nicely done. the skin of the chicken was nice and crispy and the teriyaki sauce did not overpower t

如果你係烏冬迷你就要食佢啦~佢依家有成六間分店啦!Yummy delight 係一間日本料理，入面有有壽司、炸物和飯等既菜式，但其招牌菜式就係"登登登登"→手打烏冬啦~暫時為止，個人認為呢一間是價目呢在日本料理店中差唔多啦，而佢既烏冬比麻布茶坊好好多。當天跟友人叫左個滑蛋蟹籽蟹柳手打烏冬，味道非常好呀，湯底非常鮮甜，滑蛋加上蟹籽同埋多條既蟹柳，口感幾好，食左仲覺得好滿足。而我呢就吉列豬扒蕃茄湯烏冬，蕃茄湯就唔太濃烈的蕃茄味，鮮甜味唔太濃但帶蕃茄的酸味，如果配合埋d烏冬一起吃，感覺都唔太差既！但係吉列豬扒既油質比較重，點都要扣少少分囉。總括黎講都係滑蛋蟹籽蟹柳手打烏冬好味d