甘味讚岐手打烏冬 (已結業)

跟同事出去食個Lunch食左個蕃茄湯烏冬都幾好味下次Lunch再食過

今晚同老公一齊食飯...上次一個人無入黎試烏冬...今日有老公陪...不過, 六點幾入到去都幾多人...一坐低唔多舒服, 好迫, 住位又細..等一陣有人走, 就搬入去坐卡位...稍為好, 侍應亦好nice!我叫蒜香蕃茄雞絲湯烏冬, $39, 蕃茄湯底一般, 鹹少少, 雞絲好硬, 粗粗既烏冬幾彈牙, 不過, 我都係鍾意食幼身既烏冬多!老公叫燒牛肉十二穀米飯, $37, 都唔少, 我無食, 老公話唔錯!呢度無咩話好差既...但係亦無咩可以吸引我再黎!

為了將千二靚位送給龍的生日食評，也寫寫一些平日生活、禁食花絮啦!　推介過這裡彈牙的手打烏冬，今次講講十二穀米飯。好老實講，十二穀米飯本身是沒有甚麼味道，口感較粗亦是它的特點，有人喜歡覺得有咬口，有人認為粗糙難吞，基本上最大賣點是健康。想一讚的是配菜的牛肉片，燒得香噴噴，肉質又彈牙，最緊要夠肥美，除了本身吃下去口感豐腴，還有餘油香流至十二穀飯。　不健康?吃了再算吧!在禁食期內，居然養成了愛吃肥牛的習慣，看來是積習難返了...

記得第一次黎既時候真係好surprise,估唔到葵芳會有間咁好食既餐\廳~但今日再食已經唔同左lu,3個人叫左燒牛肉飯,2個咖喱牛肉冬,雞軟骨捧餃子~燒牛肉飯★★★★★★☆☆☆☆牛肉都唔錯~但d飯好油...咖喱牛肉冬★★★★★☆☆☆☆☆咖喱味比以前淡左好多and超多油...雞軟骨捧餃子冇食~唔知得唔得~

有時候和同學到新都會食飯,很多時都會揀這店,因為這店的烏冬水準唔差,而且菜式又唔選貴.上次我係點了湯烏冬類,今次想試其他野,就試下撈烏冬.叫左"滑蛋雞肉撈烏冬",烏冬一如以往,煙韌彈牙，感覺良好。碗底有少少像"吉野家牛肉汁"的芡汁,令不太乾口,而且撈上來也很香的,滑蛋不多但雞肉很多,整體不錯.下次試下淨叫烏冬,再散叫小菜,會平點,彈性點~

好一排沒來過新都會廣場，未知什麼原因竟會約朋友在這裡食飯，好在今次朋友有好的推介。甘味手打烏冬，鋪面沒什麼起眼，要不是朋友介紹自己經過也未必會來。約七點半既時間，基本上爆滿，只有露天位。由於當時太累，也不理會太多，先坐低才算。再看看餐牌，價錢幾合理的，瞄一瞄我便選了牛肉撈手打烏冬，朋友吃什麼已不太清楚。烏冬是煙煙韌韌的，口感不錯。牛肉淋而入味，還有椰菜絲和洋蔥，挺開胃的。唯一不好是洋蔥唔夠淋唔得入味，吃落與整個烏冬感覺上有點格格不入。不過以這個價錢吃到這樣水準的食物，怎計也是抵食。順口一問朋友的那碗湯烏冬如何，評價亦是頗正面的。下次再來新都會，呢間一定會列入選擇範圍內。

今次食豆漿烏冬,幾清淡,不過我都係鍾意上次食既蕃茄雞絲烏冬多d,好開胃,佢有個waitress態度極差,好鍾意串d客,其他既人都無問題

一直覺得新都會廣場除連鎖餐廳外就是連鎖餐廳，沒甚特色，同事說這兒的番茄烏冬好吃，本人是番茄痴，不得不試。本以為番茄是重點，原來烏冬才是鎮店之寶，失敬失敬。烏冬的確好吃，幼身，彈身，與真正的日式烏冬十分相似，並非一般與上海粗面無異的港式烏冬，雖然番茄湯底偏咸和沒有茄蓉教人有點失望（本還以為是「星座」的那種），但烏冬的水準絕對能挽回失分。掛八號風球的那天，本想回到此店回味一下，誰知下午茶時段的烏冬（套餐20多元）並非手打烏冬，要吃手打的，加錢。

一家食店最怕毫無特色，反之如若他有一鎮店之寶，則就算如何亦能客似雲來。此店的烏冬便是一例。這類的烏冬，是真正的與眾不同，煙韌而不膩，是真正的美饌。這一來，就算服務普通份量偏少牛肉味唔夾蕃茄湯仍嚐得出味精味，也都算了，如果價錢能再合理一點的話，這裡是那種一週能去兩三次的飯堂。

一直未為意，小店由前身甘味茶屋，改成了甘味手打烏冬，且打出了名堂；多得同事提點，才想起要前來一試!　於黑色星期五的中午時段拜訪，到達時間較早也要等10分鐘，若遲於一點後就「下次請早」吧，因為小店坐位很少，那條長龍有排等。　聽從同事介紹，要了薄切肥牛蕃茄手打烏冬($39)，一試，牛肉片肥瘦適中，蕃茄湯底亦鮮甜美味，而主角烏冬的確彈牙出色。其實要認真比較起來，富久保的烏冬也許更彈牙，但此處的湯底鮮美許多，吃來真的忍不住yummy一聲讚了出來!　加$5要多杯凍檸水，好飽足了。好味又不貴，值得一試呀!

除左烏冬之外, 無一樣掂. 份量又少, 包你食唔飽. 最難頂既係杯清水好大陣水喉水味, 一啖都飲唔落呀! lunch 時間經常漏單. 到個個遲過你來既人都有晒野食, 你仲要繼續等. 咩service都無, 但要收加一. 座位又好迫, 尤其係入面果d. 應該都唔會再去.

First Day to eat lunch with my colleagues together.I ordered a Pork soft bone Udon, not that bad!

本來唸住食下午荼餐，點知原來要三點先開始。唯有叫小食啦。個仕應推介手打烏冬$10 (湯味好好飲，烏冬好彈牙)隻炸蝦就好貴啦！($10 只得一隻)煎餃子(唔夠熱!)總結論: 只得手打烏冬好食...

前兩日與朋友經過,被手打烏冬招牌attract之下決定入去一試. 入座時大約6時多, 店內只有1-2個客人. 但店員也沒有招呼只是自己選位置. 各自點了番茄牛肉粒湯烏冬. 牛肉粒都幾腍,而番茄湯底都可以. 期間從未加過茶(但當時人流並可多) service 認真麻麻價錢係HK$ 45 + 10% 座位偏細,格局係預客人食完即走而論覺價錢偏貴相信不會再幫親

lunch 同幾個同事去食大家都說唔抵食錦就講下我自己食左d咩野滑旦雞柳撈鳥冬加$5 凍咖啡$40滑旦雞柳撈鳥冬仲有好多水味道好淡雞柳很小烏冬是不錯但份量太小凍咖啡好淡仲點是一間錦大間既食肆居然冇得碌卡