瑞記咖啡

營業中

休息中

早前上環街市裝飾，熟食中心休業了一段時間。曾經擔心裝飾後原本熟食中心的風味會失，變成乾淨企理的food court，尤如領展翻新屋村街市一樣，舊香港味道盡失。但原來整個熟食中心依舊，仍然保留所有嘈、亂的風味。記得第一次到瑞記，起碼排了40分鐘，一小時的午膳時間，很是奢侈。瑞記是完全沒有管理模式，是日午市再去，連隊也沒有了。全店只有一個阿姐，廚房另一位叔叔。來瑞記，要不趕不急，因為阿姐根本應付不了所有食客，只能見到乜就做乜，完全沒系統。等位只是依靠依食客的自律性、阿姐是不會安排位置給你。食客追單的聲音此起彼落，甚至連有沒有落單基本上都不知。食客會直接計好總數，到廚房找阿姐付款。如此老牌的食店既亂亦無序，但卻深受歡迎，食客彷佛都習慣了這種模式。當然店主有萬種方法令混亂的瑞記最大化其利潤，至少午膳多添一人手已經令食客、阿姐、廚房舒服得多。但店主仍保留這種風格，所以有心有耐性的知音人才會吃到。如果瑞記系統化，三分鐘便吃到的西多，卻會失去了了名為「期待」的味道。阿姐絕對沒有怠慢客人的意思，因為每次放下食物都伴隨一聲「唔好意思」。腸蛋麵只有大火烹調的一丁麵才會有這種風味。湯滾而濃郁，麵是全熟但仍保

熟食市場永遠都是尋寶的地方，上環這個熟食市場內要數的話大概就是這間瑞記了！今日來到這間大名鼎鼎的瑞記，招牌用了白底紅字來寫，有點舊香港的味道。在招牌下的位置，就是瑞記的廚房和收銀了，在這裡落完單就在店外面找個位置坐下。可以跟著牆上的meun來下單叫了這裡最有名的西多士($23)和樽仔奶茶($15)，大約10分鐘就到齊了先說說西多士，西多士呈奶白色，上方落了煉奶，而非大路的蜂蜜我是有點失望，因為在網上看其他人拍西多士都是炸至金黃色的，我這個沒有什麼蛋香味，顏色也較淡內層夾雜住少少花生醬，塗得非不均，說實話，這樣賣成$23不免就有點太貴。而樽仔奶茶($15)也是這裡另一樣有人氣的東西，利用樽來盛著奶茶其實真的挺有風味，但是凍的奶茶一般已經調好了內裡糖的份量，這個樽仔奶茶也一樣，甜味比較重，個人認為不需要為了試試「香港味道」而去叫，倒不如去飲一些好飲的奶茶更好哈哈

上環瑞記咖啡 奶茶咖啡玻璃樽就是他們的標記中上環市民一定不會陌生但對於我呢啲新界仔女要出來吃就要巧合遇上 （一）去開中上環（二）茶餐時段；才會吃到老實說原來店很細小的，野食種類都不多當然要點玻璃樽飲品 涷奶茶$15味道其實一般 茶偏淡奶味重這個西多 就超好吃！$23來到要試呀！如果不是就枉到此店～

上次星期日黎度冇開，今日行完山同幾個朋友黎呢度食，4點幾凍奶茶同鮮牛麵都賣哂，叫左西多士，蛋牛包同熱奶茶，好好味！同埋好抵蛋牛包14蚊！西多士23蚊，熱奶茶10零蚊正常價～下次要早d 去試下鮮牛麫

樽仔奶茶- 夠凍，但味道略甜冇茶香。西多士-唔同平時既炸西多，中間亦唔會有花生醬夾心，唔花巧。用蛋汁煎香面包，大量練奶，熱辣辣確係唔錯。店主好細心，上碟時已經切好哂，唔使自己慢慢切。食哂食件都唔會比平時既炸西多咁滯~餐蛋面-餐肉一早煎定，唔熱唔夠香脆，質感好一般；雞蛋亦都係煎定，蛋黃唔係太陽蛋；面質淋身，慶幸自己喜歡食淋身既公仔面~

來簡單食個午餐其實到這種熟食中心食飯除了方便快同平平地另外吸引人是平凡的麻甩感覺😎最欣賞這個蛋牛包暖暖軟軟不太咸又有葱蛋香麵就是普通的牛肉麵牛肉份量ok 友人飲了奶茶( 我怕會訓唔著🙊) 香濃的期後會有心跳加速那種感覺證明是有料到的😂西多士由於不是炸那種，所以不是脆脆的叉落去會分開兩層會有煎蛋香和醬料甜味襯熱食會好一點

凍凍地 好想食d有湯又暖粒粒既野！好想食常餐一諗就諗起瑞記⋯⋯但呢成日都勁多人！不過 近年尾勁多人放假擇日不如撞日 衝去瑞記有得食！(跳起～yeah!)牛肉麵加熱奶茶奶茶唔會太苦澀 奶唔會太厚 但會預先幫你落糖 走甜既朋友要留意返牛麵 麻油味好香 (我永遠唔識分係公仔定一丁 )凍就想食多d 叫多份蛋牛包 (瑞記必食)鹹左少少 最正係有葱呀！年尾對自己好d係好合理既事食咁多都只係50蚊真係巧開心呀And上環街市真係好多好野食架！

星期六 去左上環貢下 就去試 #瑞記咖啡聽到好多人都話好食 就去試下😂點知 點知 點知？😰 這個西多士$23 同平時食既好唔同 金黃色不見了 花生醬不見了 變了煉奶 煎多士🙄沾了蛋漿 不用油炸 平鑊煎兩煎 同樣都香脆 但似食奶醬多😆而樽裝奶茶$15 就係用樽裝住奶茶😅.偽文青還是喜歡普通花生醬西多士 係肥就係肥d 但食西多士 花生醬就是皇道🙆🏼🙋🏼.三個90後吃貨不斷開心share美食💓📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies #三個90後吃貨_上環美食推介.瑞記咖啡 (上環)上環皇后大道中345號上環市政大廈2樓熟食中心17號舖

星期六 去左上環貢下 就去試 #瑞記咖啡聽到好多人都話好食 就去試下😂點知 點知 點知？😰 這個西多士$23 同平時食既好唔同 金黃色不見了 花生醬不見了 變了煉奶 煎多士🙄沾了蛋漿 不用油炸 平鑊煎兩煎 同樣都香脆 但似食奶醬多😆而樽裝奶茶$15 就係用樽裝住奶茶😅.偽文青還是喜歡普通花生醬西多士 係肥就係肥d 但食西多士 花生醬就是皇道🙆🏼🙋🏼.三個90後吃貨不斷開心share美食💓大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies #三個90後吃貨_上環美食推介.瑞記咖啡 (上環)上環皇后大道中345號上環市政大廈2樓熟食中心17號舖

瑞記位於上環熟食中心內，聞說早年有雜誌介紹過 所以小店都有名了(?) 週六早上人不多 所以沒有說要等很久或漏單的情況。餐蛋鮮牛麵 $28由於怕單吃包會不夠飽，所以大家都點了粉麵，公仔麵還能有什麼特別，就是個麵，不過友人點的米粉份量好多，牛肉不會過韌，亦沒有被鬆肉粉腌壞的感覺。蛋牛包 $14當麵包店一個腸仔都賣$8之際，這個價位的蛋牛包沒有挑剔之處。麵包烘過，微暖、外脆內軟，包挺大，但裡面的蛋牛有點少。相對之下，華嫂的咸牛蛋包認真出色！西多士 $23有別一般茶餐廳的西多做法，要形容的話，就是呀媽都會這樣煮的。先用蛋漿沾滿麵包，再輕煎至微脆，保持麵包軟熟，最後加上煉奶而非糖漿。個人喜歡這種媽媽煮法，唯這件西多蛋漿有點少，貴得來不太值得。 沒有特別之處，出色而用煉奶的西多要數漢發！玻璃樽奶茶 $13凍檸茶 $13玻璃樽奶茶第一次見，賣點是懷舊的味道，連樽冷藏，一定夠凍，可惜有點過甜，茶味不足。凍檸茶基本上是fail，缺少茶味，甜度拿捏不好。食物沒有驚為天人，並非非試不可。

老店一遊同同事到上環街市食lunch, 其他地方都未滿齊人，依間野已經full晒。 坐低左一陣，望望周圍嘅人都係食緊個好似奶醬多嘅多士，好彩望一望個有圖嘅雜誌（入面寫住西多士奶茶都係好出名） ，原來佢哋食緊嘅係西多士。食緊當中，有日本旅客慕名而來。今日午餐：1） 西多士超好味，完全唔同平時食嘅，唔係成塊西多士攞去炸， 佢係用蛋加多士再攞去煎， 唔會好似平時咁食到一口油。加上煉奶，感覺冇咁邪惡。2） 餐蛋麵太陽蛋同麵都冇乜特別。 最正係塊餐肉，佢煎到果邊博博趣，油係多，不過好香。3） 奶茶奶茶好滑，不過糖味重過茶味。 依然值得一試。食完好覺得好邪惡，不過真係幾好食。

約左朋友晚飯，預早太多時間到達，那就不如找個地方坐坐，順便休息一下，忽然想起這裡。上環的熟食中心，環境清潔真是幾好，有冷氣又夠光猛，中心內還有很多食店可供選擇。門前還有之前介紹的雜誌報導。到達這裡已接近收工時間，老闆娘說只有飲料和麵包；因還要留肚晚飯，食件西多士及茶走就剛剛好子。😋西多士（$23）～ 用煎的方式製造，麵包內沒有餡料，面層加上大量的煉奶，但可能因趕時間收工，煎得未夠時間，唔夠爽脆及香口，尤幸味道幾好；下次如早一點來，煎夠時間，應該會更出色。茶走（$13）～ 茶味香濃，煉奶落的分量偏少，因茶的比例偏多而帶有一點嚡口的感覺。因時間還早，問準老闆可繼續坐至夠鐘。順便可清清未寫的食評，感激。

瑞記就喺無咩特別 但總喺行過上環就會自動自覺行去食嘅鋪頭～ 特別喺本身打算試下海安 點知一行到去就收鋪 十級灰 都喺食返comfort food 算😌-唔洗我多講有咩出名啦😂 每次嚟都喺例牌 即喺西多士 同 樽仔奶茶 -西多士 ($23)其實只喺將麵包浸落蛋漿 再拎去煎到燶邊 唔會喺平時你食到有花生醬啊又炸過嘅西多士🍞呢到嘅西多士表面煎得香脆 但內裡食落依然軟糯 每食一啖就喺個口到散發陣陣蛋香🍳仲有呢到落煉奶絕對唔留手 夠哂我點哂每件嚟食都仲有餘💓就喺咁 簡簡單單無咩特別 有時平淡都有平淡嘅好👅-樽仔奶茶 ($15)茶味香濃 而且用原樽玻璃樽上 溫度keep 到❄飲到尾都仲喺凍冰冰的❤不過奶味略嫌淡咗啲 啊姐我比較喜歡奶味重啲😂-

西多係用蛋煎，煎到四邊鬆脆。多士中央吸左蛋汁嘅味，同出面炸嘅西多好唔同。感覺上無咁油膩，加上外脆內軟，口感豐富。西多分兩層，下面嗰層嘅多士配上底部薄薄嘅煎蛋，風味獨特而又好食。呢度嘅西多唔同外面普通茶餐廳落糖漿，呢度配嘅係煉奶。香甜嘅煉乳滲入煎至金黃嘅多士，鍾意甜食嘅人絕對唔可以錯過。順帶一提，呢間瑞記冰室仲有好出名嘅蛋牛包同埋樽仔咖啡/奶茶，去嘅時候記住試埋

忌廉樽的冻奶茶的确很特别，很滑，也不会太甜！味道刚好！西多士开始吃还蛮好吃的，片包煎的松脆！不会太油…但是，一个人吃完这一份满满都是炼奶的面包片，会腻死…建议还是两个人分享吧