瑞記咖啡

營業中

休息中

每天都有一個小確幸是謂幸福。 放飯時間追求小確幸可謂不二之選。 瑞記蛋牛包同奶茶咁出名，點都要會一會佢。 蛋牛包比我想像中淡味，我還以為是罐頭咸牛肉，但原來唔係，可是也不像鮮牛肉，到底是甚麼也不深究。 說是很好吃要encore是沒有的事，但風味是很足的，感受老香港不二之選。枝奶茶就要講啦，茶底夠濃，一啖就dep到陣澀澀地既茶味，奶份量岩岩好無搶到啲茶香，而且雪得夠凍，飲落真係好滋味。同枱再叫左個鮮牛米，忘記拍照。 啲牛ok既，米線就唔係我鐘意既質地，太粗身而且好硬，好難消化。 😂 下次都係叫返面，朋友叫個鮮牛面望落都覺得滋味好多。

適逢小弟約左喺上環做嘢嘅大學同學食午飯，於是就上網搵下上環有乜平價美食，一搵就搵到瑞記咖啡啦。嚟到瑞記咖啡，當然不得不試佢嘅招牌菜——煎西多士（港幣23元）啦。佢嘅西多士有別於其他茶餐廳嘅西多士，大多數坊間嘅西多士都係塗滿蛋醬，然後再扔落去油鍋度炸，而佢個西多士就用煎嘅方式去烹調。該店嘅西多士本身塗滿左好多蛋醬先去煎，所以，成件西多士嘅蛋香味非常濃郁，再加埋夾心層嘅花生醬同面層嘅煉奶，食落口個陣時鹹時甜，惹味得嚟不失邪惡。店主亦非常貼心喺上菜之前，就預先將西多士切件，當西多士一上枱，客人就可以即刻享用。順帶一提，該店嘅凍奶茶（港幣13元）係用汽水樽裝，飲落去別有一番風味。

上環市政大廈入面有好幾間食肆，但瑞記咖啡就真係人氣爆燈，雖然個名有咖啡兩個字，但幾乎每一枱客人都係叫奶茶，我都唔執輸，叫翻枝樽仔奶茶，加個鮮牛肉麵。 茶檔無乜裝修可言，係好傳統舊式嘅茶檔，連餐牌都係紅底白油寫嘅，價錢所用嘅字體，真係唔係人人睇得明好彩事頭婆都提供個現代版嘅餐牌俾我....樽仔奶茶其實係好飲，好滑，奶同茶嘅比例都已經好合適，不過我個人鐘意茶味再濃d，甜度亦可以減少d。鮮牛肉麵，麵底係用出前一丁，即叫即煮。牛肉食落嬾滑，無梳打粉/ 鬆肉粉味。不過整體嚟講唔算好有驚喜，因乜解究會有咁多好評呢？後來見到有其他食客叫牛肉包同西多士，睇落好似比牛肉麵吸引，下次再去會試下呢兩種食物。

熟食中心其實有好多好野食架！今次黎試瑞記一坐低就見到好懷舊嘅餐牌，上面嘅數字係花碼，仲有小巴價錢牌用緊架！記得以前讀書有學過，有d都仲認得。環顧四週，見到"咖啡稱皇，奶茶稱霸"字句，當然要試啦！我決定試奶茶！係罇裝架！凍罇裝奶茶，茶味好香，濃滑，甜度恰好，好好飲呀！而且又唔會係加冰，沖淡晒個味。試埋個牛肉麵！牛肉係鮮牛黎架，又林又好味，麵係出前一丁，正！出面茶餐廳都未必係出前一丁呀。個牛肉麵係即叫即整，感覺特別好。好滿足呀！

有幾日假期的時間，所以決定山長水遠去上環搵好野食啦！友人就建議我去試一試瑞記咖啡啦！先睇一睇餐牌一係十分喜愛奶茶的我，就當然要試試佢的奶茶啦！佢的凍奶茶用左玻璃樽裝，沒有冰塊起入面，唔會令奶茶變淡！很有茶葉的香味！另外當然唔可以唔試佢其他的招牌小食！西多士～佢用兩塊麵包夾埋一齊煎香，用左煉奶冇用平時的糖漿！新鮮整起好好味，簡直停唔到口！感覺唔用糖漿冇咁甜！仲有蛋牛治～亦是新鮮煎起，好有咸香！友人叫左熱咖啡～佢話咖啡好香，唔會好似一般餐記咁好大陣酸味！今次搵到好野食，十分感謝友人啦

好耐之前就想試下瑞記，不過上次黎嘅時候咁啱冇開門，今次同同事黎食lunch，終於可以一試！兩個人先叫左一個蛋牛包，兩碗麵同奶茶。芝麻包有略略烘過，邊位有少少脆，內餡正常啦，炒蛋鹹牛肉永遠絕配，值得一提係裡面有幾粒蔥花，加左幾分滋味！至於出名嘅樽仔奶茶我就有啲失望！茶味奶味都唔太夠但勝在唔太甜，價錢相比其他餐廳係抵嘅，但係下次黎就會飲其他嘢啦。其實食埋個麵都飽，但見對面枱件西多幾靚忍唔住加碼，西多唔似平時食開果啲，中間冇花生醬，取而代之嘅係煉奶，麵包食落有陣鹹蛋黃味我覺得幾得意，半煎炸食落好light好輕身，本身飽到上心口都仲可以KO半份，下次可以再食！

約了朋友在上環體育館打羽毛球，打到身水身汗，肚子又有點餓，走落上環街市樓層的瑞記醫肚！我和朋友叫了瑞記馳名的奶茶和蛋牛包。奶茶有很香濃的茶味，入口很滑，啖啖奶香。我怕熱，叫了樽裝奶茶，冰凍可口，是夏天消暑妙品😻😻😻蛋牛麵包外脆內軟，蛋牛份量十足！好想吃多份，但唔想身型再暴漲，唯有忍口😔😔😔

到上環辦點事，約1點45分經過上環市政大厦， 想起呢類地方應該有唔少臥虎藏龍嘅食肆， 去openrice search第一位就係瑞記， 一於試下佢地係最入corner位 ，就到兩點， 有一張大枱剛走， 自己埋位， 但係點解唔見有伙記嘅 ？喺個窗口度見到老闆娘喺度煮麵 (因為後來聽到食客叫佢做老闆娘)， 我就趁佢煮完麵出嚟畀人嗰陣時落柯打， 跟住佢繼續返入去 整嘢食 ，等等下見一個男人拎住一大袋牛肉返入嚟，我諗係老閭呱兩人合力繼續喺廚房煮食， 冇幾耐， 我嘅鮮牛麵到啦 ，牛肉呈現粉紅色 ，時間掌握都剛剛好， 唔似有鬆肉粉醃得好耐嗰隻， 夠淋又唔靭。 出前一丁都煮得啱啱好， 唔會過淋 ，好香麻油味我見每張枱都有人飲樽仔奶茶， 但係我飲咗奶茶夜晚瞓唔著， 都係唔叫啦。人人食完係自己走入廚房俾錢， 佢哋又唔會出嚟睇下啱唔啱數喎， 我諗大家都係講個信字啦 我都照做， 我只係幫襯咗24蚊， 老闆娘都會講聲多謝 ，一啲都唔會嫌你幫襯得少。喺呢度體會到人與人之間嘅互信同人情味鋪頭細細， 要維持相宜嘅價格， 唯有自己做曬唔請伙記， 大家將就下啦。

星期六同男朋友去上環探朋友, 探完要搵野食, 想起很久沒有去食瑞記~ 有D掛住~雖然瑞士的食物選擇不多, 但我覺得水準都係平均地好食GE阿姐幾Nice~ 仲讚我瘦叫我坐入面一定無問題: ) 睇咗陣餐牌就決定好我要了腸蛋麵, 腸仔唔會煎燶, 煎到好平均~ 隻蛋又煎到剛剛好~麵是出前一丁~配埋麻油味~女朋友要了餐蛋麵, 佢都話好食, 無介紹錯~奶茶有特色, 飲落仲唔錯~我另外叫了個西多士~新鮮剛煎好, 四邊煎到好脆~ 有蛋香味~ 加埋練奶又唔會太甜又好match最後上來是蛋牛飽~因為我一向麻麻地食喊牛肉, 但瑞記是出名蛋牛飽, 和男朋友介紹完, 佢就決定食它~我見份量都幾多, 好多蛋同牛肉碎, 但我食完西多士已經好飽, 所以無試食到男朋友食完飽到出唔到聲我估應該都OK好食星期六的上環因為無人返工, 所以會少人好多, 我又2點先去食, 所以完全唔使等位!

相信上環人一定識得位於上環街市的   其實我識左佢好耐， 不過苦無機會試下其享負盛名的 ，熱辣辣的夏天，走上街市搵食絕對不爽，而且此熟食中心比我想像中更污穢。但我今天就是為樽仔而來， 可能因為經過午飯人流過後，看似更亂七八糟。 瑞記咖啡店子小小， 每張枱面也濕立立， 其實我自己又唔係太介意, 反正有圈廁紙係枱面就自己動手抹幾下。 攪掂同老闆點了煎蛋包和樽仔奶茶。無冰樽仔奶茶雪到凍冰冰， 100% 原味奶茶夠香濃，因為無加冰所以唔會放放下變淡。奶和茶比例好，入口滑， 的確係唔錯。麵包入口香脆， 雞蛋煎香小小濃邊，口感較為單薄，不過 $14 幾抵食 支持小店為小市民帶來平靚正美食。加油!  

平日十一點幾到，客唔多，眼見好似只有兩個負責人工作，又煮又收，有少少亂，不過環境尚算整潔。食物方面，我點咗個樽仔凍奶茶、西多士同蛋牛包。算係各有特色。奶茶本身有糖，冇得走，唔算甜。相對傳統港式奶茶而言，茶味唔濃，啱晒唔鍾意濃味嘅人飲。整體上中規中舉，不過不失。此處西多並非炸至金黃，而係烘底再沾上蛋汁後煎，然後再加上大量煉奶。味道而言，基本上係煉奶味，有一定甜度。口感上並無一般西多嘅脆感，取而代之嘅係一種軟性嘅脆，算係有特色，可以一試。包身有烘過，少少脆，幾香。內夾蔥蛋免治牛，算唔錯，但唔算值得大推。結論：平價茶餐廳，有少許特色，經過不妨一試。

上環街市瑞記㗎啡聽過好多次，但第一次同同事去。同事話最出名係奶茶，但宗教關係，我唔飲茶。眼見佢用樽裝奶茶，係好有特式，我叫左蛋牛包$14！同西多士$23！重點推介：入味既蛋牛+鬆軟嘅麵包！好令人回味！

一個人無聊，忽然想食d特別野。就回想起一年多前食過的瑞記。地點方便，上環地鐵站一岀，步行5分鐘就到。我本人覺得。瑞記有三寶。香煎西多士，凍奶茶，鮮牛肉麵。此三寶肯定每個人來都必叫食品。一年過後，水準還是保持。真感動的。西多士係煎，並不是一般餐廳用炸。再加上蛋，煉奶，真的好好味。凍奶茶，香滑，有茶味。又係岀色之作。鮮牛肉麵，真係連湯都飲埋，牛肉好新鮮，沒有味精。雖然係公仔麵，但煮得剛剛好。此三寶肯定是大家必叫的食品。

男友實在太熱氣, 弄得舌頭都腫了, 所以今日要專誠去公利吃龜苓膏, Lunch吃點Light的. 巴士在大舞台對面的港澳碼頭下車, 令我想起人氣高企的瑞記. 沿扶手電梯上到上環街市, 再轉另一條電梯便是一個冷氣開放的大型Food Court, 擠滿了枱櫈但很多都未有人坐, 直到在角落處擠得水泄不通的瑞記, 果然是全個Food Court最旺的小店. 等了大概十多分鐘才坐下. 蛋牛包 ($14) 長身芝麻熱狗包底面也烘得微脆, 內裡是碎牛炒蛋, 炒蛋餡好像不太配合到熱狗包的長度, 勝在新鮮製作. 西多士 ($23) 索滿蛋汁的白麵包煎得恰到好處, 外層充滿蛋香, 咬下去是脆脆的口感, 兩層一起吃, 一口嘗到外脆內Moist的美味, 堆介. 鮮牛麵 ($28) 牛肉咬落腍腍的, 淥麵時間掌握得剛好, 公仔麵很爽口. 奶茶 ($13) 為了一嚐傳說中樽仔奶茶而破戒叫凍飲. 果真不錯喝, 茶味較突出但沒蓋過奶味, 甜度還可以, 始終凍飲和一早預備好的奶茶沒辦法走甜, 但這個奶茶不是"死甜", 很香濃! 其實真的坐得不舒服, 背貼背之餘身邊必有等枱的食客, 在這商業味濃的上環竟可在寶

瑞記咖啡，我細細個就已經食，而家都見唔到個位老人家係舖頭幫手。最為人熟悉，不外乎西多士同樽裝奶茶。雖然我已經唔再住個附近，但偶爾都會過黎食下，因為廚師煮嘅誠意全都在食物裡找到。😊現在位於政府熟食街市內的瑞記咖啡，地方當然冇想當年係街舖咁闊落，我甚至覺得瑞記的枱櫈比其他店少。但人流不斷的反而係呢間老店以親民價錢提供出高質素食物，連外國人都會光顧！必推介-西多士冇錯！唔係普通出面個種炸到兩塊包燶晒，食完覺得-咪又係周街都有的西多士。而係加蛋汁煎香麵包，再倒上大量煉奶的西多。煉奶多少不用講，睇就知好似不計成本咁倒落去，我欣賞對於我這個愛甜的人，煉奶多當然好。且蛋味煎得很香，出食物速度快而準。一開始見西多士咁快上枱， 諗住質素降左。但原來唔係！😃仍保持熱黱黱新鮮上枱，就好似食大牌檔一定要有鑊氣個種感覺。我最喜歡就係呢種西多士，食完唔會覺得上火（俗稱:熱氣）。另外一點係，呢種只加煉奶，不加糖漿，有別於到處都能買到的版本。有人會話，咁樣自己都可以做到，點解要出去食?也許我想懷舊😂亦可能係因為我想支持呢啲有一定歷史的老店舖。價錢貼地的食肆買少見少，高質素的更少，所以就算住得唔近，放假都要過黎探探【它