瑞記咖啡

營業中

休息中

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！因工作關係，一個月總會去上環一兩次，做完野就一定上街市食個TEA蛇下皇！我係屋村仔，呢D地痞野硬係有份情懷吸引我黎，而瑞記就莫過於個西多同凍奶茶！唔知幾時開始會興起樽裝，係幾有特色，而且無用冰唔會減淡味道，加上玻璃樽有少少保冷效果，講咁多其實單單UPLOAD上FACEBOOK呃LIKE都夠啦！蛇皇當然要整個港色餐蛋麵啦！但蛋過熟失敗！西多士又係香港特色美食，不過我個人唔太偏好甜，通常幫襯一兩舊就停手。呢度西多無得挑剔，上蛋均渾，火喉夠煎到金黃香口，唯獨我個人覺得煉奶有點OVER街市熟食檔嘅情懷真係勾起好多回憶，下次再黎坐過！

食過好多次，最近一次係我最失望既..見唔見到個包係扁既...以前唔係咁咖。個包咬落去唔脆，完全無以前一口接一口既感覺。個蛋炒得太耐，唔滑，失準。西多士都仲okay，但係做得有啲求其。蛋漿唔平均，有啲好香有啲好普通，完全靠煉奶cover。

講到鮮牛麵，你未必會諗起佢！講到西多士，你可能會諗到佢！講到樽仔奶茶，你一定知系佢！佢就系位於上環熟食市場既瑞記啦。你地又試過未呀(=ﾟωﾟ)ﾉ對於熟食市場黎講，呢到環境已經算好好。地方吾系話好大，放左好幾張圓枱，都足夠應付日常客流。為左應付不少外國遊客慕名而來，設有中英對照既餐牌。而價錢系上環區都尚算合理。西多士(hkd$25) 黎到一定要試試佢。佢系小編食過數一數二好味既西多士，煉奶滲透系麵包與蛋之間，甜度恰到好處，沒有膩口感覺，而且多士既口感鬆軟，令人無法抗拒，不禁一口口地把它吃光٩(˃̶͈̀௰˂̶͈́)و樽仔奶茶(hkd$16) 呢到既招牌飲品。用冰凍既樽仔裝住奶茶作賣點。系無加冰既狀態下，可以令奶茶吾會被冰水沖淡，保持香滑。如果吾夠飽，可以叫埋個 鮮牛米(hkd$28) 牛肉新鮮夠嫩口。除此之外，米粉同湯底都無乜特別。系飽肚之選呀(˶‾᷄ ⁻̫ ‾᷅˵)！Btw, 熟食市場已經買少見少，食既吾止系味道，仲有一份情懷。你，能感受到嗎？

好耐之前食過一之瑞記 今日再舊地重食發現只有西多士依然好食 確實有少少失望首先講下碗鮮牛麵($28) 普通過普通正常茶餐廳放完個麵落去兩秒拎番上黎嘅感覺再來蛋牛飽($16) 上枱嘅賣相已經相當唔吸引不過味道都仲係位於「唔錯」嘅位置樽仔奶茶($16) 一早已預計到會好甜 卻發現 係超甜幸好茶香依然存在 未至於俾甜味迫到無掟企！可幸嘅係 西多士($25)好味依然食落較似法式西多士 外皮香脆的 加上淋上面嘅煉奶啖啖都係罪惡同幸福感！

路經上環一帶工作，由於遲了食lunch , 來到已差不多2 點，鮮牛肉已賣光光了。這個熟食中心有冷氣，在炎熱的夏天不會吃得太辛苦，抵讚由於到達時鮮牛肉已賣完，店員建議可改用罐頭牛肉，一場來到就試試吧😊。我們點了鮮牛肉蛋米，2 樣東西好夾，份量亦滿滿的，$30 好抵食。西多士是必點的，好多煉奶，好香口，好好食。另外，餐蛋包好大份，店只會先烘一烘麵包，吃下時變得外軟，內脆。另外我們亦點了冰鎮奶茶，我覺得有點過甜，夠凍，喜歡奶茶的朋友，可以試試。整體店鋪比我感覺是食物質素高，埋單2 位才$100，吃得非常飽，希望有機會再試試鮮牛米！

幾年前去過瑞記食下午茶，沒記錯應是食那個蛋牛治和樽仔奶茶幾年後的今日，剛巧在附近工作到這裡食午餐，再別重逢。星期六午餐時段，尚易找個位置，惜人多要等姐姐落單，值得等待午餐要吃飽點，所以點了一碗鮮牛公仔麵配樽仔奶茶奶茶先來，一飲就知道有否退步。結果依然濃濃奶香夾雜茶味，仍是多年前的味道至於鮮牛麵，質素普通。剛剛煮熟的牛肉，不會太韌公仔麵質也不太硬身，正正常常。始終蛋牛治好食，下次有機會食下午茶，再上瑞記試下。

聽朋友介紹上環街市入面有好值得食幫襯嘅食店， 今日搵咗個同事陪我去試食。 呢間食肆嘅枱唔係太多，我哋等咗一陣，好好彩有人走，順利搵到一張枱坐。參考咗現場其他食客所選嘅食物，同埋openrice嘅食評，我地order左 :蛋牛包~ 好好食，飽內烘脆左，蛋牛好滑、好香。鮮牛麵~ 出前一丁麻牛麵底，牛肉香滑樽仔奶茶~ 好似冰鎮奶茶咁，冇加冰溝淡，令奶奶保持原味，又唔會太凍。香、濃、滑。呢度係用汽水樽裝嘅，睇起黎更有特色。熱奶茶~ 香、濃、滑。

千里迢迢由九龍過海來到上環這邊，總要打打咭開埋餐先。正係午餐時間，敏捷地和朋友佔據左張細枱，見到店員即刻找著她下單，不能片刻猶疑，否則有排無得食了。樽仔奶茶無加冰，原支冰涷，勝在不會越來越淡，如果茶味香少少會更佳，成支飲哂，玻璃樽好靚仔。鮮牛麵普通吧，湯底麻油公仔麵甘。蛋牛包朋友很喜歡，葱香蛋嫩，咸牛肉又炒香左。我個人就略嫌葱太香蓋過蛋香，適合配白飯多D。西多士是我最最喜歡，似煎多過炸，邊位香脆，但朋友嫌佢蛋漿少，沒全包住麵包。真係各有喜好⋯食哂飲哂所有名物，港島遊歷半天交左功課。

今日午飯時間陪朋友去上環政府熟食中心呢間餐廳試食， 我個朋友古靈精怪，成日周圍搵嘢食 。其實我麻麻地鍾意去街市食嘢架咋，我覺得街市環境唔係咁好，又迫、又舊、又dirty、坐得又唔舒服 。不過佢話聽人哋講好好食， 即管陪佢去睇下啦。去到首先研究餐廳嘅覆蓋版圖，睇吓邊d枱係屬於呢間餐廳，再睇吓邊度有人就食完，都花左10分鐘。見大家都飲樽仔奶茶，我地當然要試吓啦。樽仔奶茶果然名不虛傳，香濃、滑。飲一樽唔係好夠。蛋牛包都好食，新鮮又香。牛麵ok啦，唔係非常特別。

黎到呢間人氣既港式茶記－瑞記咖啡。平時日頭時間都好少係中上環，呢間野五點就收檔，好少機會食到🤧今日遇著個岩岩係度，三點就去左食😎人唔算多，可能星期五既三點未到三點三，仲未下午茶，大家都仲返緊工掛🤔我同男朋友唔太餓，只係嗌左：樽仔奶茶，西多士，蛋牛包😇樽仔奶茶💁🏻‍♀️茶味濃，同奶味配合得好好。入口好滑，亦都唔會太甜，好飲🤨用玻璃樽裝好有港式情懷。雖然入面無冰，但都夠凍，咁亦唔會溝淡左杯奶茶！西多士💁🏻‍♀️唔係厚式炸既西多士，唔會好油，麵包中間好鬆軟，四邊煎到金黃色脆脆的！加埋煉奶好好味，男朋友好開心😇蛋牛包💁🏻‍♀️佢地既蛋牛包係咸牛肉，蔥花蛋同包。麵包有烘過，夾住咸牛肉同蔥花蛋，咸牛肉唔會太咸，蔥花蛋好香好好食🤤 -下次想再來食，同試試鮮牛麵🙂

My favourite French toast and Hong Kong style milk tea👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

這天人在上環，逛完PMQ後，就鑽進熟食中心尋找口碑不絕的瑞記咖啡，經驗告訴我，越是樸素的小店，越有驚喜，瑞記也不例外。在熟食中心繞了一圈，終於找到瑞記的招牌，周圍有桌椅數張，上班族、年輕人、家庭主婦各據一方，悠閒的吃著下午茶，談笑風生。常常在想，怎樣才算用心經營?這些小店又將心思花在哪些地方呢?瑞記的細心，花在食物上。用心，是你下了單，老闆娘立刻轉身打蛋煎火腿切麵包；用心，是凍奶茶整枝放雪櫃冷凍，不讓冰塊沖淡味道；用心，是老闆娘記得你的樣貌，一眼就找出你坐在何處。腿蛋治凍奶茶，簡單的組合，上桌時還冒著絲絲蒸氣，半熟炒蛋中間一點點流心蛋白，火腿煎得香脆的黃金邊，恰到好處，就是最美味的腿蛋治凍奶茶口味屬茶味較突出的類型，顏色較深，先嚐到濃茶的香氣，再來是奶的香滑，雖然個人較喜歡奶味重一點的奶茶，不過這杯也深得我心，因為炎炎夏日，難得喝到最後還能保持冰凍，口味也沒有變淡，始終如一以誠待客，默默耕耘，簡單美味，總能換來懂得欣賞的有心人。

之前在openrice找上環有甚麼好吃，看到有關上環瑞記咖啡的蛋牛包和奶茶很有名，環境很懷舊，於是我和朋友今天早上特意到上環熟食中心的瑞記咖啡，我點了蛋牛包和奶茶。 早上不是太多人，等了一會，老闆就把奶茶送上來了，老闆告訴我們奶茶加了糖，我喝了一口覺得甜度不會太甜，奶茶也很滑，是很清新的味道呢!之後蔥花蛋牛包也送上來了。麵包是特意烘過的，咬下去脆脆的，很好吃!至於蔥花，蛋和牛肉餡料，蛋很滑，牛肉很香，味道剛剛好，不會咸咸的，餡加了蔥十分爽口，十分好吃。每吃一口都讓我讚不絕口!有機會去上環一定會再吃

每次都會係瑞記飲返枝樽仔奶茶，因為最出名嘅奶茶，用上玻璃樽，係有種港式情懷嘅，奶茶最重要係做到到濃醇同滑，入口唔滑就真係差好多，好在佢係夠香滑同濃郁醇厚，個種冰涼嘅感覺真係好唔同嫁。鮮牛麵，鮮牛嫩口，公仔麵係冇死嘅，都係個湯底夠味。其實係上環真係好多舊式的港式餐廳，所以瑞記真係可以做到咁大係有道理嘅，咁就，可以坐返個幾鐘，如果你開怕熱真係可以再坐耐添，係街市來說都已經算比較乾淨同企理，真係價錢合理食物又唔差。

一間香港人和遊客都會推薦的老店～牆上就貼著「咖啡稱王 奶茶稱霸」的標語，老闆對自己的出品看來充滿信心！老店最馳名的就是西多士，跟一般的西多士不同，比較像法式吐司。麵包的兩邊沾滿蛋漿，煎至金黃色，再淋上邪惡的煉奶，真的不自覺就一口一口吃下去。加上帶一點點煎焦的味道，的確很加分，是必吃啊！本來還衝著蔥花蛋牛包而來，可是已經一早賣完，小失望😟另外就是無冰的樽仔奶茶，奶茶很滑，不錯的，就差在沒有很濃的茶味，還是記憶中的蘭芳園好😛 下次就試一下咖啡有多厲害。順道一提，在店內聽到另一位客人也有點樽仔奶茶，不過是「茶走」。原來，樽仔奶茶也可以茶走呢，還以爲一早已經調好了。哈哈，長知識了！