玖子茶 (如心廣場二期)

營業中

休息中

今日叫了二人晚餐$188，先來一個藥善豬軟骨湯麵，成個麵無味再來一個湯菜，D菜少得恐怖跟住來一個海南雞飯雞無味油飯要加$3吾係問題，但又係無味仲要硬到食吾落，最後來幾條串燒叫做可以，整體係難食無下次!服務又係差，我都未食完店員就問要吾要，未答已經收走左

荃灣如心廣場新開左一間食馬來西亞菜的餐廳，環境好懷舊，似唐人街，別有特色。👍🏻晚市時段，叫左豬軟骨豬油太陽蛋飯+馬來咖喱炸雞排飯。😋😋😋豬油飯好正！！！😋👍🏻👍🏻👍🏻👍🏻先助落單仲可以叫多汁，撈埋飯食一流，必試！勁香！😋撈埋啲蛋黃汁更加正👍🏻👍🏻豬軟骨肉質就稍為硬左少少！馬來咖喱好香咖太辣，撈飯幾好！雞排炸得香脆，唔錯！👍🏻👍🏻飲品正常，多選擇！👍🏻

星馬菜位於荃灣如心廣場好多食鋪我地去左一間入面好靚既餐廳,入面有好多用霓虹燈店鋪既名同燈籠既佈置好似去左第2個世界咁,我地坐低之後叫左一碟蟹籽豬頸肉粒炒飯,蟹籽好多,豬頸肉切粒,炒飯大碟口感分明,呢度好多位座,午市套餐都好抵食,同埋叫左一煲藥膳牛肋條,牛肉好厚身,藥膳湯底味濃,健康入味,熱辣辣好好飲,小食叫左芝士炸雲吞,芝士涵流心外脆內軟,仲有好大杯又抵飲既菠蘿橙特飲用左新鮮水果整成,甜品涼粉生果都好味。

呢間係如心2期既玖子茶主打星馬菜，成間鋪頭既裝修都有種好懷舊既feel，好有特色😯掛滿紅黃既燈籠🏮餐牌價錢都真係幾抵，午市套餐唔洗加一，平均五六十蚊可以埋到單，唔怪之得去到果陣成間餐廳都坐滿曬人。  1️⃣砂煲肉骨茶配白飯（$68） 肉骨茶原個砂煲上🤤見到仲滾緊。飲落藥材味濃，飲落帶少少甜味，配料除左幾舊熬得夠淋既排骨之外仲有豆卜、菇等等。  2⃣️海鮮蝦叻沙（$63） 叻沙少見地有得揀油麵、米粉、檬粉、銀針粉。叻沙湯底都幾失望😢湯底椰香味欠奉，而且偏稀。配料算幾豐富，但係每一樣都係極度平凡🫢有蝦、魚肉、魷魚、豆卜、芽菜，但係魚肉好淋一夾就散，然後魷魚都係完全冇味既😬  3⃣️牛車水芝士炸雲吞（午餐+$18） 呢個幾好食wor！炸得好脆！同埋中間餡料位真係成個比芝士fill曬🧀️  4⃣️芝麻蝦多士（$45） 賣相好靚🤩有五件。蝦多士既多士唔係脆卜卜既果種，食落口係鬆軟啲既，配上他他醬好夾～  5⃣️檸檬薏米水（午餐）  6⃣️馬來西亞拉茶（午餐） 飲落幾正宗，而且唔會太甜。  

大伏！唔係講笑， 第一次去食，叫左 藥膳椰子雞煲配白飯一捧出來已經勁大浸臭味，放落口飲第一啖湯嘅時候，更加好似飲緊洗潔精嘅味道！中間有少少辣但好奇怪既味，有再飲多幾啖試真D，結果試多幾啖真係頂唔順要放棄。同一煲既食材包括豆腐卜，冬菇，甚至最淡味既雞肉都有果種又攻鼻又難食既味道。自己間中都食其他星馬菜，東南亞菜，藥膳菜都絕對唔係咁既味道，相信就算佢就算係清湯都唔應該存在咁難聞難食既味！今次真係忍唔到要上黎寫低心聲。真係幾平都唔好亂試！

昨晚21:00到達玖子茶，問一下門口女侍應收幾點，女侍應回覆21:30截單，收20:00 之後坐低咗，只有三枱客 ，揀咗肉骨茶同埋海南雞 ，期間餐廳音樂超級大聲播 Gem A.I.N.Y ，大聲到直程冇可能傾到計，耳朵都痛⋯⋯跟住同一個男士應講可唔可以細聲少少音樂。跟住見到佢去將音樂調細 ，但係一首歌之後，又有其他店員將音樂又再調大，跟住大概21:15 食物到咗，肉骨茶啲肉，仲粗鞋過煲湯啲豬肉 ⋯⋯⋯啲飯係珍珠米嘅，但係應該已經返熱過無數次，已經變成左一舊好硬嘅飯團，由於環境真係太嘈所以真係急急食完就走，期間員工不停喺附近抹地 ，其實如果真係唔想做生意點解21:00入嚟嘅時候唔講呢？我最尾埋單走嘅時候係21:35 ，成間舖頭員工起碼都有10個 ，我覺得呢間舖頭個老細應該派人落去睇吓夜晚果場到底係點樣運作

荃灣一連串商場, 見到呢間餐廳門口好懷舊, 非常吸引人牆壁有各款不同的圖畫，好特別,裝潢盡顯獅城和馬來西亞色彩，天花板掛有不同色的燈籠，濃縮版嘅新加坡呢間新餐廳主打星馬菜餐廳嘅食物款式選擇有唔少而且價錢唔貴性價比極高去骨星馬雞最鐘意無骨雞，差不多有半隻雞，有雞肶同雞胸，進食方便，雞肉夠嫩滑，又充滿多汁，連旁邊點雞醬, 上黑豉油、酸辣醬、姜蓉都好好，有一個係辣辣地，點埋仲好食。伴碟還有一些清新的醃蘿蔔絲好爽口 煲仔麻辣塔香豬手, 豬手好入味, 睇到顏色已經知炆左好耐, 份量好多, 好大份午市配白飯星洲胡椒蝦球新加坡著名菜式之一，黑胡椒惹味。薄而碎的麥片令口感好豐富招牌菠蘿橙橙茶大大杯好開胃既水果茶, 多菠蘿, 都有橙肉可以食, 非常清新水蜜桃紅茶 水蜜桃紅茶係絕配，水蜜桃嘅甜味亦都唔會覆蓋咗烏龍茶嘅茶香味，相當出色

😍今日無意之中係如心廣場發現咗呢間裝修好有星加坡特色嘅餐廳🍴全間餐廳都掛滿住紅色、黃色嘅燈籠🏮再加埋啲地道嘅招牌🎉整間裝修風格都好有特色👍入到餐廳即刻好似用咗「多啦A夢」嘅隨意門🚪即刻好似飛咗去星馬一樣咁🈶️feel✈️🍴今次我哋揀咗晚市二人餐 $168🥳價錢親民👍抵食簡直係指數爆燈呀💡💡💡💡💡 🐔去骨星馬雞 🌈去咗骨嘅星馬鷄唔單止啖啖肉😋鷄肉仲滑嘟嘟添👍啱曬我地呢啲又想啖啖肉又懶lur骨嘅懶人🦴而且佢哋呢碟鷄嘅份量都好大份😊兩個人食都好夠食呢🥳🐂沙爹串燒牛肉🌈呢個烤完嘅沙爹串燒牛肉肉質超嫩滑又香口🔥二人餐一人一串🍡好惹味呀🥳🥬上湯浸菜（藥膳）🌈若果你同同我一樣都係咁鍾意藥膳嘅味道😍我都覺得你都會勁喜歡呢個藥膳浸菜🥬藥膳湯底浸住嘅菜除咗仲爽口之外🥬仲可以一邊食一邊飲啖湯添🥳正呀喂❤️我哋仲加左$23再encore要多份添✌🏻🦀️胡椒豬頸肉蟹籽炒飯🌈勁大碟嘅胡椒豬頸肉炒飯🔥上面仲鋪滿蟹籽添🦀️服度順二人套餐份量真係好夠大份呀🥳兩個人食完真係一定夠曬飽架🥳🍍菠蘿撞士多啤梨 +$18🌈係門口menu見到呢杯菠蘿撞士多啤梨已經好想飲😍賣相超靚🍹士多啤梨味仲好香🍓又唔係好甜添👍☕️香濃奶茶（熱）🌈奶茶控梗係

愛玩小生最近去了如心廣場二期的一家餐廳，名叫：玖子茶！整體裝飾將新加坡的地道大排檔搬入餐廳呀！今次就點了幾道菜，現在來分享一下食評吧。馬拉盞炒通菜首先是這家的馬拉盞炒通菜，通菜非常新鮮，吃起來沒有渣，味道也不錯，有一點點辣辣的開胃感覺。唯一的缺點是馬拉盞好像放得有點少，如果多加一些的話，就會更有馬來西亞風味了。海鮮蝦喇沙油麵接著是海鮮蝦喇沙油麵，上菜時已經聞到好香的喇沙味，毛食材都非常足料，有豆卜、鮮蝦、魷魚、雞蛋和鮮魚片，再加上爽口的芽菜，整碗麵條的口感相當豐富。湯底椰香味很濃，有一點辣，非常好吃。鮮油咖映多士最後是鮮油咖映多士，這家的鮮牛油很豐富，是愛玩小生最喜歡的。不過，咖映醬可以再多一點啦！此外，餐廳是用籐籃盛載多士，非常別緻，讓人感受到南洋風情。如果再多一些咖映醬的話，就會更加美味了。總體來說，這家餐廳的食物都很不錯，值得一試。玖子茶地址: 荃灣大河道98號如心廣場2期2樓214號舖更多香港好去處：www.iPlayHK.com

依間位於荃灣如心廣場第二期嘅玖子茶，好有馬來西亞風味嘅餐廳。有星馬雞肉骨茶、牛肉炒粿條。特別推介咖央多士😋碟頭份量好大，價錢都相當抵食，人流都幾多架記得預咗黎

新加坡🇸🇬係亞洲區受香港人熱愛嘅地方之一。因為當地美食好有風味，令人難忘🤩今次係荃灣如心廣場發現一間星馬菜叫玖子茶，菜色種類多價錢大眾化。店舖裝修好有特色，以新加坡熟食中心為裝修風格，紅黃燈籠好靚，夠打卡。招牌去骨星馬雞飯配雞腳冬瓜湯油飯 $63我自己就好鍾意食海南雞，星加坡風味獨特之處味道較輕身，但肉質嫩滑今次意間店就做到啦！好好味😝真係未食睇到都知滑呀！推介煲仔肉骨茶配白飯 $68藥材味濃加左杞子帶甜味😋啱我口味星洲胡椒蝦球 $75微微辣夠惹味，抵食😚涼拌魚皮 $32有驚喜！非常爽口僱偏辣，好開胃！推介芝麻蝦多士 $45有別港式蝦多士脆身，係軟淋淋包黎嫁沙嗲串燒牛肉拼雞肉 $52六串牛雞各三串，價格合理。沙嗲醬好惹味玖子青檸水果茶 $32材料十足，好正好飲！甜味適中。菠蘿冰 $24推介消暑解渴飲品，唔會死甜玖子茶煲(大菜糕,雪糕,OREO,朱古力餅）$42最後當然要叫埋個甜品分享啦！2人分享剛剛好！賣相好打卡價錢抵食！

各位食鬼注意啦！今日小編要介紹一間位於荃灣的玖子茶！如果你想食嘢，又想吃得健康，又想吃得豐富，就一定要試試這間餐廳啦！首先，絕對不能錯過的是他們的藥膳牛肉河粉！一碗熱騰騰的河粉，加上大塊嫩滑的牛肉，還有滋補的藥材，真是讓人一口接一口停不了！份量還超級足夠，肚子都要撐爆了！接下來，就是我個人最愛的星洲胡椒蝦球！炒得恰到好處的蝦球，加上香辣的胡椒味道，真是一絕！層次感豐富，味道足夠香辣，而且份量又大，真係夠味！如果你想喝點甜品，那就一定要點他們的菠蘿撞士多啤梨特飲！冰涼的飲品，加上酸甜的水果，再加上濃郁的奶香味，真是讓人忍不住一口接一口！而且特別點一下玖子茶煲，裏面有大菜糕、雪糕、Oreo餅、朱古力脆脆條，絕對是甜品控的最愛！最後，別忘了他們的沙嗲串燒牛肉拼雞肉串！炭燒過的肉串，肉質鮮嫩多汁，而且味道濃郁，一定要沾上他們的特製醬汁，才能夠更加美味！總之，這間玖子茶真是讓人大呼過癮！高質素的食物，足夠大的份量，還有十足的味道，真是讓人吃得滿足！玖子茶 (荃灣)荃灣大河道98號如心廣場2期2樓214號舖#玖子茶 #荃灣美食 #藥膳牛肉河粉 #星洲胡椒蝦球 #菠蘿撞士多啤梨特飲 #玖子茶煲 #沙

點完食評bookmark 左呢間新店，咁啱遇上下午茶時間，成件事抵左好多鮮油咖央多9.9真係好抵，叫左個先發現豬軟骨麵都有咖央多只係少左鮮油。不過成個下午茶最好味就係鮮油咖央多，其他野都。。。。個濃湯豬軟⻣麵睇落個 湯好濃，但其實好淡，得釨少味道，第一啖食落口真係以為自己無左味覺，平時唔係食好濃味既人，但個湯真係淡到無落過任何調味咁 .... 而且食落唔係熱既到個蝦多士黎左，係熱既但依然無味全靠個沙律醬，但亦都只得喝個味啦好在有咖央多我先知我味覺正常，就係咁。。。

今日去開荃灣如心廣場，見到呢間主打食星馬菜既玖子茶，裝修幾特別幾有情懷，於是就俾佢吸引咗入去。一坐低打開個menu，第一個感覺就係抵食！我地叫咗個煲仔藥膳牛肋肉，咁啱今日天氣凍返少少，食呢啲藥膳煲可以暖下胃就啱啱好。湯底好足藥膳味，仲有杞子，淮山等等。牛肋肉炆得啱啱好，夠晒淋身，其他配菜腐竹同豆卜都炆得好入味。食得星馬嘢，一定要試串燒！我地就叫左個沙嗲牛肉串燒，牛肉表面燒得微微焦香，入面夠肉汁，點埋個沙嗲醬一齊好唔錯。之後試嘅係胡椒豬頸肉粒蟹籽炒飯，一上枱就覺得大大碟同好足料，蟹籽同豬頸肉份量都多，食落有微微胡椒香，飯粒粒分明，炒得岩岩好，唔會太乾身或太濕，有鑊氣，炒得好香。飲品方面我哋就叫咗美祿恐龍雪糕同桔仔話梅水，個美祿恐龍真係好邪惡，上面仲有大大舊朱古力雪糕😈 桔仔話梅水就金非常清熱。最後仲叫咗個甜品，玖子茶煲！入面有大菜糕、雪糕、oreo同朱古力餅。就係因為佢一碗嘢入面有咁多料，所以食落口感幾豐富，唔錯

玖子茶呢間荃灣西新開既星馬美食，裝修好特別，除咗吊掛住既紅色燈籠，亦有好似新加坡馬來西亞熟食市場既裝飾，好有feel架。見到人地食咖映多我地都忍唔住叫一份，烘得香脆既麵包加埋凍冰冰既鮮牛油，冷暖既暖度加埋一脆一軟既口感，好食就係咁簡單。肉骨茶可以話係星馬菜既代表，亦都係我既飛佛，點可以唔叫！呢到既肉骨茶係馬來西亞風味，温和既藥材味甘而不苦，肉排都炆得好入味，一夾就離骨。加埋少少其他既配料例如豆卜杞子，令味道更豐富。另一個主菜我地揀咗炒粿條，一道好簡單既炒河粉，勁有鑊氣，碟底好少油，見得到大廚功力深厚。配料有肥牛，芽菜，洋葱等篤，加埋少少辣椒醬食，非常不錯。最後叫多個ABC豆腐花潤下喉，豆花好滑溜，加埋紅豆，花生同少少黃糖，中和返先前主菜既咸同油膩感，食完巧舒服。