玖子茶 (如心廣場二期)

營業中

休息中

如心廣場有間星馬菜，裝修幾有懷舊風格，好有特色，古式古香嘅感覺～食物種類都幾多，有多款主食、小炒同煲仔系列～今次想食個肉骨茶～原煲上枱～肉骨茶係馬來西亞口味，有藥材味嘅湯底好清甜，幾條連骨嘅肉好軟腍，吸晒湯汁好味，仲有冬菇同豆卜索汁配飯食～星洲胡椒蝦球，熱辣辣上枱，酥炸蝦球啖啖肉，胡椒味幾惹味，好香口～去骨星馬雞，凍盤，皮薄肉嫩，唔會鞋口～特飲有水果茶，不同配搭，叫咗菠蘿撞士多啤梨同菠蘿橙橙茶，唔會過甜，清涼解渴～最後食埋個甜品，玖子茶煲，雪糕、大菜糕、OREO朱古力餅，大滿足，材料豐富～

嚟食個午餐，點左肉骨茶，肉骨茶嘅味道都唔錯，湯頭濃郁，但係用餐後覺得非常口渴，仲有啲唔舒服，不知是否師傅落太多？除此之外，對侍應的態度都唔太滿意，佢哋大聲閂櫃門，對話又細聲講大聲笑，對客人嘅要求敷衍了事，一句得啦得啦等陣啦，態度悔氣，缺乏基本嘅禮貌同尊重，一副茶餐廳老店嘅氣場盡現。總括黎講，菜色味道都唔錯嘅，但係喺服務方面需要改進，希望餐廳能夠更加重視顧客嘅感受，提高服務水平，畀顧客們有一個更好嘅用餐體驗。

終於可以又試新餐廳啦個佈置真係好合我心意好懷舊得黎又好乾淨同好靚重點係個playlist好正🤣小食叫左個去骨星馬雞 $78⭐️⭐️⭐️⭐️⭐️唔係講笑勁抵食無諗過會有成半隻雞隻雞勁嫩 勁香然後叫左個海鮮蝦喇沙米粉 $63⭐️⭐️⭐️⭐️份量都係勁多😂好creamy 又好香喇沙味仲有好多海鮮蝦頭糕塔香牛肉炒粿條$62⭐️⭐️⭐️⭐️⭐️又係勁抵食勁大兜🙈🙈🙈勁香勁好鑊氣又好足料正🤤🤤🤤街頭白咖啡 $20香濃奶茶 $202杯都唔會話太甜，甜到完全係岩岩好整體來講係抵食，又好食嘅

荃灣如心2期最近開左間星馬菜玖子茶店面以星加坡牛車水等特色元素作主題，融入當地大排檔裝修，別具東南亞風味！ 食物價格定位亦相宜～煲仔肉骨茶 配飯 用最嫩滑嘅一字骨，飲落有藥材味帶甘甜亦有少少胡椒調味，非常舒服！星洲胡椒蝦球惹味啖啖肉，蝦球咩感爽彈新鮮！沙嗲串燒牛肉併雞肉雞肉比牛肉juicy, 整體還可以！桔仔話梅水 酸酸甜甜，很解膩！玖子茶煲 （甜品）3球雪糕同脆脆朱古力威化卷加上邪惡朱古力醬、Oreo 同大菜糕底，份量十足！

經過如心廣場，發現新開左呢間餐廳「玖子茶」，餐廳名改得好特別，上前睇一睇，原來係主打星馬菜，即刻同朋友揀左呢間作為我地晚餐之選💓入到去餐廳環境別具一格，睇得出佢無裝潢設計上都放足心思👍🏻另外，佢哋都用左QR code 下單，食物菜式一目了然📋以下係我地揀左既菜式：🔹煲仔系列-煲仔清湯椰子雞 $73（轉油飲+$3）裡面有雞件、支竹、冬菇，雞件多肉肥美，椰子🥥湯清甜可口，非常鮮味😋🔸土炮小炒- 胡椒豬頸肉粒蟹子炒飯$62呢個炒飯食落口有驚艷到我，看似普通既炒飯，但食落口所有食材配搭埋一齊係非常之夾，非常香口好食😋，值得推介。🔹小食-沙嗲串燒牛肉拼雞肉（各2串）$52串燒燒得好脆邊，一咬裡面肉汁爆哂出嚟，配埋個酸甜汁，好醒胃🔸甜品- 玖子茶煲（大菜糕、雪糕、Oreo 及朱古力餅）$42中式糕點既大菜糕，加埋西式既雪糕，呢個配搭完全無諗過，真係好佩服有呢個創意，味道難得地咁夾，有雪糕🍦既濃味，加上大菜糕既淡味，吾會搶左大家既特色😋🔹飲品-檸檬百香果（熱）（跟餐+$10）冬瓜龍眼茶（凍）（跟餐+$10）成餐飯人均都係$120仲要食埋甜品🍧。整體價錢、味道、服務、環境都係符合我期望，性價比甚高，值

荃灣好抵食嘅星馬菜🤤爆粉美綠牛奶包好邪惡😂入面係花生🥜醬，面頭超多milo粉🤤鮮油咖映多士好好食！！食星馬菜必點🤤簡單但好味🤤芝士蔥酥巴東牛肉卷入面嘅肥牛份量都幾多🤤🤤沙嗲串燒牛肉拼雞肉（各2串）火候掌握得唔錯，肉唔會太乾，配埋沙嗲醬一齊食啱啱好🤤芝士九層塔避風塘炸雞呢個都幾辣下😂但炸雞好香脆，肉質嫩滑馬拉盞通菜炒雞柳走辣份量都幾多，但馬拉盞味唔夠，不過都好食嘅多數見到馬拉盞通菜都會叫🤤美綠恐龍雪糕又靚又好飲，仲有雪糕🤤不過少少heavy玖子茶煲有大菜糕,雪糕,OREO,朱古力餅好豐富🤤

呢間新餐廳主打星馬菜餐廳嘅食物款式選擇有唔少而且價錢唔貴性價比極高鍾意星馬菜嘅可以試吓‼️🔸海鮮蝦喇沙米粉 $63上菜時已經聞到好香嘅喇沙味🤤食材亦都好足料，有豆卜、鮮蝦、魷魚、雞蛋同埋鮮魚片，再加埋爽口嘅芽菜，成碗面嘅口感相當豐富，喇沙湯底椰香味好濃， 食落有少少辣，十分惹味😆🔸煲仔肉骨茶 $68呢度肉骨茶仲會包咗一碗飯🍚，餐廳嘅肉骨茶製作手法好正宗，肉湯底以甘草、當歸、 玉竹、南棗、胡椒與牛肋肉煮足數小時，味道濃郁，藥膳味香濃，牛肋肉亦炆得好淋🤤🔸蝦頭糕塔香牛肉炒粿條 $62呢碟炒粿條份量好多，佢係用咗蝦頭糕去炒，所以食落有蝦嘅鮮味😋牛肉亦都好嫩滑，粿條口感彈牙，十分高質🔸芝麻蝦多士 $45蝦多士一份有五件，每件都好大塊🤣多士烤得好香脆，配埋鮮嫩彈牙嘅蝦膠，食落好有層次感。蝦肉味道好鮮甜，灑咗芝麻上去就更香👅🔸菠蘿青檸 $20菠蘿味好出，加埋青檸飲落好清新、好涼快🔸水蜜桃紅茶 $20水蜜桃紅茶係絕配，水蜜桃嘅甜味亦都唔會覆蓋咗烏龍茶嘅茶香味，相當出色👍

一入去被他充滿星獅城的中國紅裝飾吸引著，他們很能營造星加坡hawker centre的氣氛。他的餐牌滿滿都是星馬菜式，飲品也是。煲仔肉骨茶， 有黃芽，白豆卜， 雜菇，藥材味較重， 肉質有點鞋， 飲著有點苦味。他來的時候只有湯，沒有飯，所以我們點了一個馬沙拉帶子海鮮炒飯 ，他們是用珍珠米， 有帶子， 墨魚仔，蝦粒，三色椒粒，蛋絲 微辣。份量很大，足夠兩個人食。桔仔話梅水，跟星加坡飲的一樣，入面有粒話梅，酸酸甜甜，口感清爽，消暑開胃。話梅好正，夠甜又多肉。水蜜桃紅茶，滾水沖落去水蜜桃紅茶茶包，非常清新， 香氣滿天。飲起來不會太甜膩而且有淡淡茶香，消滯解渴。一個晚上好似去了星加坡遊玩吃喝玩樂一番，非常好。滿分為10分（一分最低，10分最高）食物：8環境：8衛生：8服務：8價錢：8舒適度：8總分：8

是日來到荃灣走走，順便搵下有咩食，見有新餐廳開左，叫玖子茶，是食星加坡菜的。感覺不錯，午餐就食決定食佢。點了兩份午餐，店內可以用qr code 落單或寫紙字，很方便嘛☺️🍲煲仔肉骨茶+🍚油飯肉骨茶很香呀，入口有淡淡葯材味，肉炆得入味軟腍，豆卜吸飽湯汁好正😋🦐馬沙拉帶子海鮮炒飯炒飯好大碟呀，馬沙拉原來食起上黎似星洲炒米嘅味道，不過就變左做炒飯版😆配料有帶子、蝦仁、魷魚等，香口好食。🌼蜂蜜菊花綠茶&🍍菠蘿青檸自己要左杯綠茶，唔知係咪少甜嘅關係，飲落苦苦地咁，有涼茶feel幾特別喎。朋友杯菠蘿青檸酸酸甜甜，唔錯飲😋唔使加一👍

荃灣係我地頭🤘🏻，知道如心廣場開咗間星馬菜，梗係即刻去試下喇😚! 店家裝潢別具心思，門口怖滿以紅、黃燈籠🏮，好有新年氣氛；店內更彷如置身新加坡唐人街市集大街🪅，牛車水一帶嘅間間特色店舖呈現眼前。·🍜沙煲大蝦福建麵 HKD$88以沙煲上嘅福建湯麵，沙煲可以keep住溫度🌡️，湯底唔算好濃，麵底採用油麵幾掛湯💦，配料都好豐富，有齊大蝦🦐、豆卜、支竹、菇類🍄等。·🦐星洲胡椒蝦 HKD$72炸香大蝦以黑白胡椒炒香，十分惹味😋! 表面鋪上大量麥片與大蝦拌勻，大蝦好入味👍🏻，沾上麥片吃更香脆。·🍤芝麻蝦多士 HKD$45即叫即製上碟熱辣辣♨️，蝦膠釀在多士表面，蝦膠唔算好厚但勝在口感軟綿🤩，多士脆卜卜，幾好食呢!·🍹桔仔話梅水 HKD$20話梅味道幾突出，桔仔與話梅酸甜交雜😚，開胃解膩。·🍋鴛鴦檸檬茶 HKD$20以拉茶為茶底，個人特別喜歡有青檸😍嘅檸茶。·📍玖子茶荃灣大河道98號如心廣場2期2樓214號舖

玖子茶💚星洲濃雞湯魚片魚蛋麵(油麵) $59馬拉盞炒通菜 $56煲仔紫菜香芹魚蛋 $72馬沙拉蟹肉海鮮炒飯 $88配鴛鴦檸檬茶(凍)少冰少甜 +$10配水蜜桃紅茶(凍)少冰少甜 +$10配百香果烏龍茶(熱)少甜 +$10人均消費: $68.8 (4人)-星洲濃雞湯魚片魚蛋麵(油麵)🍜有魚蛋 豆卜 魚角同麵都幾大粒嘅 魚蛋👻咬落去雖然有咬口但又唔會話去到好彈性佢應該都有落啲粉去整嘅魚蛋🐟·馬拉盞炒通菜🥬啲通菜都新鮮嘅唔會話食到有渣味道上都OK😝有少少辣辣地 開胃🌶️👩🏽：味道唔錯😝但馬拉盞好似少咗啲如果馬拉盞再多d 會好好多😋·煲仔紫菜香芹魚蛋🥘配料有魚蛋 蔥 菇 紫菜 豆卜同腐皮感覺上 成個湯都比較鮮甜😋唔會話太多味精同埋好適合湯撈飯 熱辣辣暖笠笠 好適合冬天咁🥰👩🏽：不過味道普通價錢偏貴🥺·馬沙拉蟹肉海鮮炒飯🍚有三色椒 蔥 蝦同蛋食落去 味道有啲似星洲炒米嘅味道😝可能落咗啲咖喱粉/薑黃粉 都比較嗰種味同埋啲蝦都切成一粒粒🦐所有嘢都係一粒粒口感唔錯 比較統一啲🤤但第一眼望落去有啲似杯麵炒飯🤣👩🏽：食慣清淡 會覺偏salty但都好味😋只係份量較少🥺·飲品sss：鴛鴦檸檬茶(凍)少冰少甜水蜜

同朋友各自去完東京，食咗好多日本嘢係時候轉下新口味，食下東南亞菜。裝修行懷舊馬來西亞風，風格有啲似九份飽。食馬拉菜，唔少得肉骨茶。肉骨茶底較清，唔會太重藥材味，就返港人口味。沙爹串燒牛肉拼雞肉，各2串，share 食岩岩好。串燒用咗竹籃載着，配上好多花生粒嘅沙嗲醬。個人更愛牛肉串燒，燒得好香，牛味好特出。芝士蔥酥巴東牛肉卷係坊間比較少見嘅小食，朋友決定食一食。蔥酥卷好鬆脆，芝士帶出咸香，再夾上巴東牛肉，岩曬重口味，有夜市風味。胡椒豬頸肉粒蟹籽炒飯炒得好惹味，一啲都唔油。豬頸肉粒大大粒，夠甘香。分量十足，一個人一定清唔曬。總結：無論裝修定味道都感受到星馬風情，性價比高。

這間位於如心廣場的玖子茶，主打新加坡及馬拉菜，價錢貼地，有多款地道的粉麵及小食，味道正宗。砂煲大蝦福建麵原煲新鮮熱辣上枱，湯底濃郁的蝦湯味，十分鮮甜，福建麵有點似油麵，十分爽口，有些豆卜、支竹等配料，大蝦新鮮爽彈。馬沙拉帶子海鮮炒飯炒飯飯粒分明，而且十分足料，有帶子、魷魚及蝦仁，全部都很新鮮，每啖都很爽口。去骨星馬雞雞件全部已去骨，絕對是懶人至愛，雞皮帶少許皮下脂肪，而且很爽口，雞肉嫩滑。最後飲返杯香濃的白咖啡及清新的檸檬百香果，非常滿足。

今日同朋友行過荃灣如心廣場二期，見到餐廳門口裝修幾有特色，望吓餐牌好似幾抵食，咁就入去試吓。餐廳座位寬敞，服務員好nice，主要食星馬菜。我哋order咗星馬名菜海南雞飯，可以配油飯或白飯，我覺得緊係要食油飯啦！雞肉香滑有雞味，飯香唔太油不錯！再order星洲胡椒蝦球同沙嗲串燒牛肉拼雞肉各二串，胡椒蝦同門口餐牌個樣唔同，餐牌係成隻炒，現係去頭去殼淨肉炒，服務員話好多客人話有殼入口比較麻煩，經改良後就比較受歡迎，我都贊同喎。大大隻蝦上咗炸醬再用多種胡椒及香料炒，入口爽口彈牙，非常惹味。沙嗲串燒廚師做得非常出式，肉質香軟唔韌有口感，值得推介。餐廳都好多款飲品，朋友話要桔仔話梅水，我就要冬瓜龍眼茶，兩款都好好飲，唔會淡茂茂。結賬都係二百多元，非常抵食，可以隨時再來光顧！

最近見如心廣場多咗間靚裝餐廳，打造得好古色古香，又坐得幾舒服，就入嚟試下。.砵仔豬軟骨豬油太陽蛋飯 $53驟眼睇份量就比較細，所有野都放晒上個砵仔度🍳，豬油都似乎淋晒上去。豬軟骨炆得幾腍同入味，其他嘢都係正正常常。.馬莎拉蟹肉海鮮炒飯 $78依個炒飯份量就大好多啦，蟹肉份量就還好，未算係食到啖啖肉，仲有啲蝦肉🦐，都算係幾多料，不過就唔係好食到馬莎拉香味啦！.價錢嚟講，香港地晚餐依個價錢真係好難搵呀！ 而且依度原來唔只得馬來西亞、新加坡菜式，港式、台式都有，如果附近返工嘅朋友就可以嚟試下啦!