玖子茶 (如心廣場二期)

營業中

休息中

荃灣如心廣場的這間玖子茶，天花板吊著紅黃相間的燈籠🏮還有色彩鮮艷的招牌及牆身，裝修極具星馬風格 🥢 招牌砂煲肉骨茶配白飯（$83）帶有淡淡的藥材香及甜味，肉排共4塊🤣如果金菇能多給一點便好 🥢 招牌去骨星馬雞（配油飯）+時令雞湯（$68）雞已去骨，爽滑，油飯的薑味香（亦可選白飯）雞湯沒味精較為清淡 🥢 馬來香菇素春卷（$39）新鮮熱辣辣香脆 🥢 貓山王榴蓮麻薯($39 / 2粒）😍榴蓮味香甜，外皮煙韌 🍹 白桃粒粒茉莉花茶（+$15 / 凍）點了少甜少冰，非常清新，還有新鮮的白桃粒🧋 馬來西亞拉茶（+$5 / 凍）同樣點了少甜少冰，挺香甜的

“晚市二人餐”($198)荃灣如心最近開咗間食星馬菜嘅餐廳餐廳裝修好有當地風味同特色晚市嚟到除咗單點,亦都有2人餐提供2人餐都有2款,我地點選嘅就包括:招牌去骨星馬雞飯🐔藥膳湯醬汁豬軟骨麵🐷沙嗲串燒拼盤🐔🐮藥膳時令青菜🥬海南雞夠哂嫩滑,配上油飯同醬汁好惹味☺️藥膳湯豬軟骨麵湯底濃郁豬軟骨又腍又入味😋沙嗲串燒拼盤有4串,有2串牛2串雞啲肉燒得岩岩好,食落唔會太乾☺️藥膳時令青菜用上白菜,份量夠哂多飲品方面每人+$15要咗特飲分別係芒果鮮椰特飲,玖子超級水果茶2杯都大大杯好抵飲😝

平日周圍睇下有咩食，見到呢間野新開，試一試。叫左肉骨茶同醬汁牛肋肉。牛肋肉應該係肉骨茶煮完試後再撈個汁就叫醬汁牛肋。無咩特別，搵唔到星馬特色。肉骨茶入面d肉同牛肋肉一樣，豆卜燶既，湯好似燶左既水咁，上肉骨茶時又唔上醬，叫佢俾個醬好似欠左佢咁。後面坐左疑似話得事既人，叫員工換下午茶餐牌，跟住就係咁用粗口咁同同事/朋友傾計，其實如果係客人咁傾計都控制唔到，但問題係俾客人知道係餐廳既職員/經理，著住制服咁樣傾計，大大影響形象。

行經附近唔想食普普通通嘅野見佢有肉骨茶就排隊試下一邊排隊見到佢地運作真心覺得人手不足因為超多外賣單肥瘦兩個哥哥做到斷氣不過佢地真係做得好快因為有個瘦削短髮呀姐成日唔知做咩咁收枱收一半就行左去又招呼下自己朋友坐先視我地排隊客人如透明肥瘦哥哥都無理佢 係咁狂執枱送餐咁老闆應該正視下不過講真 佢啲野真係幾好食外賣應該要加價 咁樓面先可以做得更好

早前跟朋友吃飯，在荃灣如心廣場找到一間星馬菜叫玖子茶。價錢大眾化，而且店舖裝修非常有特色，以新加坡熟食中心為主題，非常適合打卡。沙嗲串燒牛肉拼雞肉小吃點了六串串燒，牛雞各三串，肉質剛好不會太乾，沙嗲醬惹味，牛肉更是牛味濃郁，好吃。鮮油咖映多士這個也是來到必點的小吃，烘得香脆的麵包配上厚身而且微溶的牛油，配上甜甜的咖映醬，是個必點的菜式。大頭蝦叻沙材料好豐富，有大蝦，魷魚，蛋，和豆卜，湯底濃郁，大蝦新鮮。招牌去哥星馬雞飯雞肉嫩滑，附送三款調味料有甜豉油，薑蓉，辣汁，辣汁味道惹味，我最喜歡。但略嫌油飯不夠甘香，未能做到粒粒分明。馬拉盞通菜吃了這麼多肉，點了一個菜來平衡一下，味道惹味，非常有鑊氣，是家裏煮不出的惹味。芒果芋圓這個甜品真的很驚喜，沒想到是如此高質素。材料有斑蘭糕，紅豆，芒果，芋圓，仙草凍和爆珠。材料豐富，甚有口感，份量十足。店員服務態度友善，食物選擇多，非常而且價錢大眾化，很適合家人或朋友聚餐。

【荃灣區】【玖子茶】我作為一個去過新加坡好多次嘅人，對新加坡菜或者馬拉菜唔算話太過喜歡，都係普普通通平平凡凡咁食。各位讀者有睇我 Story Highlights 講新加坡嗰啲部份都知，其實好多旅遊書介紹嗰啲我都冇食過，得鬼閒咩。然而，我食得隨便唔代表我冇要求，好食同難食都有自己嘅標準，當然你係要講話我只要係同女同事一齊去食嘅話，就食乜都咁好食呢啲，就唔喺呢個討論裡面喇，今次想講嘅，係喺荃灣如心廣場二期裡面嘅一間星馬餐廳。入去嗰陣係下午茶時段，就叫個 $59 嘅「下午茶精選一人餐」嚟玩吓，都好似幾多嘢食吓。首先主食係「招牌去骨星馬雞」，啲雞個味道都正常，不過事前唔知佢原來跟個飯，仲要係白飯嚟，早知有飯就問佢有冇油飯可以轉。之後嘅「雞腳冬瓜湯」相當普通，有例水 feel，係有隻雞腳吮吓令到成件事冇咁寡，因為佢喺餐牌度係拍埋個海南雞咁寫，所以以為佢好猛料咁解。另外仲有「咖吔多士半份」，餐牌寫錯字不過都掩飾唔到佢相當普通嘅事實。最後係飲品，亦都係我最關心嘅一樣，由於我嗰吓係用唔到電話 QR Code 落單，所以我純粹係膽搏膽咁噏咗「凍美祿」出嚟，好彩係有嘅，加 $3 就得。始終呢啲星馬嘢真係

《玖子茶》我同男神上次一直想試吃這間，終於有時間去試試吃..我一直以為是中國的風情..一眼見滿滿的紅色…發現門口有條魚尾獅，原來是新加坡菜，是東南亞風味餐廳，入去..周圍望上面天花板掛不同色的燈籠🏮所有不同名稱的餐廳是當新加坡的地方..似當是新加坡美食街，不過我一次未去過旅行新加坡，我的男神以前曾經去過新加坡，最出名的星馬雞飯！我們來點餐..有咩最好吃😋…1. 胡椒豬頸肉蟹籽炒飯 $62我點了…想不到好大份..一個人吃唔晒，只是最合兩人，見到上面滿蟹籽..我試吃一淡，有胡椒味…好配上豬頸肉粒，I like..但是好大份十分好抵不錯~2.砂煲藥膳牛肋肉-配白飯 $75他點這個，我試試吃…這個牛肋肉食極，藥膳有味道很不錯，有養生，我訪問他食得如何，他話真是太好吃..湯有藥膳好味！見到他食晒光夠晒飽～3. 馬來香菇素春卷 $39出面最多越南春卷/港式春卷，今次第一次見馬來香菇素春卷，是素食，試試吃..有菇味！不錯，十分好脆..

飯係硬既，拉茶係淡到無味既。都唔緊要，上錯菜叫極個侍應見到都唔理，行埋黎同佢講黎呆左係到無反應。唔會有下次，好伏好難食！！俾錢買難受，埋單七十幾蚊食茶記好過。。PS 一路食一路有蚊四圍飛。。

呢個舖頭裝修幾有特色，用晒木枱木凳好又有馬來西亞嘅感覺依間位於荃灣如心廣場第二期嘅玖子茶，有星馬雞肉骨茶、牛肉炒粿條。特別推介咖央多士😋牛油夠厚，多士又好脆身

外賣叫咗醬汁牛肋肉滷蛋飯($70) + 薄餅配咖喱($35)醬汁牛肋肉滷蛋飯嘅牛肋肉似煲完嘅湯渣，又鞋又無味，好難食！醬汁是指飯上面嘅兩滴醬油嗎？🤔只有隻滷蛋是還可以接受的

見到荃新天地新開一間食馬來西亞菜，加上店舖裝修好靚，但係啲食物質素真係好一般。所有野食都唔算好食，好似海南雞、肉質一般，咖吔多士又無咖吔醬，整體只係一般茶餐廳質素，沒有什麼服務質素，好在個價錢唔算貴

三餐煙火四季皆安然玖子茶個名真係好有意思，原來9，係老闆嘅lucky number，另外仲有幾間9字開頭嘅靚餐廳，都係同一個老闆架.藥膳去骨星馬雞油麵 $63⭐️⭐️⭐️⭐️藥膳味好重好香，海南雞好嫩，而且大大碟，非常抵食砂煲老鼠粉 $78⭐️⭐️⭐️⭐️⭐️勁勁勁好食，鹹香味好香，仲有花生碎，鹹魚仔，肉醉，食落口感鹹鹹甜甜咁好豐富芝麻蝦多土 $48⭐️⭐️⭐️⭐️⭐️即叫即炸，好香芝麻味中間夾住啲蝦，成件多士好好食，配埋個沙律醬，正芒果芋圓 $39⭐️⭐️⭐️⭐️紅豆 芒果,芋圓,仙草凍,爆珠，爆珠好好食仙草凍奶茶 $26叫咗少甜少冰，餐廳都做到要求，所以整體嚟講都幾好飲桔仔話梅水 $26酸酸甜甜有原粒話梅喺入面，好開胃

鍾意食星馬菜既朋友仔千祈唔好錯過呢間性價比極高的餐廳幾十蚊的價錢就已經嚐到傳統特色菜.《煲仔肉骨茶》濃郁的藥材香氣 感覺很滋補肉骨煮得非常軟滑 伴飯吃一流.《星洲胡椒蝦》超惹味的胡椒蝦 黑白胡椒辛香撲鼻最緊要係唔駛剝蝦 食落啖啖肉.《鮮油咖映多士》烤得香脆的多士 中間夾著一塊冰凍的牛油加上甜滋滋的咖映醬 簡單卻味美.《海鮮蝦喇沙》陣陣的椰香滲透微辣 豆卜索曬湯汁麵條選了摻摻 即油麵撈米粉 口感非常特別.飲品亦都非常多選擇點了兩款解暑勝品《桔仔話梅水》同《冬瓜龍眼茶》冰凍解渴

行完荃灣donki要醫肚，偶然下黎左呢間，又幾有驚喜裝修好別緻，好有舊時排檔風味去骨星馬雞好高水準既一個海南雞肉質超級無敵嫩滑，食入口係幾乎滑落去仲要雞味香而不騷，雞皮爽而不膩而且無骨啖啖肉，食得勁爽點埋各式醬料，更加惹味煲仔藥膳牛肋肉超級足料，牛肋肉食極都仲有而且藥味香濃得黎唔苦豆卜索晒牛肋肉同藥膳湯既香味，勁正星洲胡椒蝦球好少見一碟蝦球會有咁多件，分分鐘有近二十件，仲要件件都大大粒又爽口當然味道都十分唔錯炸得金黃香脆，鋪上滿滿既炸蒜同胡椒，惹味非常馬來西亞黑糖薑茶、檸檬百香果（凍）飲品亦好有東南亞特色，同配食物就岩晒

試過兩次堂食，食物質素正常，不過成日都有啲似係自己人幫襯，然後成班人就淨係serve 個朋友囉！親身經歷坐低想落單，連QR code 都無，個場其實已經無乜客，15 分鐘都無人理。然後入左個朋友客，不停傾計招呼，阿朋友都落埋單，我地都未有人理，等阿朋友有得食，我地終於可以落單！我地都無再食堂食。今日想食海南雞飯，所以外賣叫左一份多士，正常。一份海南雞餐，掉左。1. 湯完全係加水翻煲既感覺，只有咸味，明明有雞腳冬瓜係碗入面，飲黎飲去都只有鹽水味。2. 白飯硬到唔識形容，膠匙羹都就快斷都分唔散啲飯，最後出動鐵匙羹，加熱水，再翻熱，食左兩啖，放棄，掉左。3. 海南雞利申：我食過呢間兩次，唔熱但暖既，無雞油啫喱。今日係凍既，完全係雪櫃拎出黎個種凍，仲有好多雞油啫喱，雞血凝固左，但都幾搶眼，見到都無胃口，食左一件掉左。堂食外賣都無下次 😤😤