玖子茶 (如心廣場二期)

營業中

休息中

Ooo抵食星馬午餐ooO如心廣場的星馬餐廳，起初以為係FOOD COURT ，一格格原來係特色裝修，想客人好似去左馬來西亞的食街咁，位置都有少許窄，店內都幾多檯， 週未中午都滿座， 午餐的價錢都幾抵。OooooO🔸招牌砂煲肉骨茶 (配白飯) $68肉骨茶是馬來西亞口味，湯底偏藥材味跟新加坡肉骨茶的重胡椒味不同，肉骨的幾入味。OooooO🔸雞湯星洲魚片魚蛋麵 $49我轉左叻沙湯底，湯底唔會好椰味，仲有豆卜吸晒D湯一齊食，午餐係幾抵。OooooO🔸蟹鉗肉綱卷 +$18綱卷外層幾鬆脆。🔸滷水拼盤 +$18拼盤有豆腐、雞翼、牛肚、滷水蛋都幾豐富。

呢日同呀女又去荃灣玩，成層好多餐廳，得呢間好多人排隊，Jo又走去排🤣裝修滿有特色，喜歡上面掛滿燈籠和唔同招牌好有feel，真係有啲似身在新加坡的food court！店員好好安排一張圓枱和highchair俾我🥰.招牌去骨星馬海南雞飯 $63馬來咖哩牛肋肉飯 $58鮮油咖映多士 $29芒果芋圓 $39馬來西亞拉茶 +$5.食新加坡菜必點海南雞飯一定正，三款醬汁甜辣口味，配油飯perfect match，仲跟湯👍🏻咖哩馬拉風味少少辣撈飯一流，牛淋身入味好食😋 咖映多好耐無食懷念味道！竹藍上好有特色，超多牛油和斑蘭醬勁邪惡但真係好好味🤣呀女搶住食🫣.甜品芒果芋圓滿有驚喜，非常q彈，滿滿芋圓、紅豆、涼粉、椰果加上椰汁，岩哂夏天食！最後一讚馬來西亞拉茶 細滑香濃味道正宗👍🏻.難怪咁多人排隊！真心好食又唔貴，環境又有feel，經過如心想食新加坡菜一定要試下！.

今日肥妹仔同朋友去咗荃灣嘅如心廣場度食飯藥膳酥炸雞扒粿條 $59雞扒炸到好酥脆，而且雞肉都幾嫩滑，鍾意食香口野嘅朋友一定食。藥膳粿條個湯底係食肉骨茶嗰隻湯底，粿條索晒啲湯汁好正。鮮油咖映多士 $29肥妹仔見到每一枱一定會叫呢一個。肥妹仔好後悔冇叫多一份，超級好食！多士烘到脆卜卜，咖映同牛油嘅分量超多，咬落去罪惡感滿滿，但係一啲都唔會後悔。海鮮蝦喇沙檬粉 $63喇沙湯底好香，椰奶味香濃，微辣。海鮮嘅份量都幾多 豆卜索晒啲汁，正。貓山王榴槤麻糬 $39呢一個甜品係入邊有兩款食物，第一隻係班蘭汁涼粉，第二就係榴槤麻糬。榴槤麻糬好香榴槤味，班蘭汁超級好食，就咁淨食都好好食。藥膳浸菜 $29紫薯鮮椰 $15紫薯味超濃，飲落去有沙沙嘅口感。

位於荃灣如心廣場< 𝐓𝐞𝐡 𝐉𝐢𝐮𝐳𝐢 >, 一間星馬菜餐廳, 店內非常寬敞, 掛滿紅色和黃色的燈籠, 裝潢充滿星馬特色。砂煲藥膳牛肋肉配白飯 $⁷⁸牛肋肉配有豆卜、腐皮及菇片, 湯底帶有微微藥膳味道😃招牌去骨星馬雞配油飯 $⁶³海南雞配上黑豉油、酸辣醬及姜蓉伴碟, 旁邊亦放有油飯及是日餐湯😀馬拉魚餅拼胡椒扎肉 $³⁸質感帶點嚼勁。芒果香芋絲網卷 $³⁸作為甜品挺特別的🙂馬來西亞拉茶⁽⁺$⁵⁾稍微偏甜😊玖子茶 (荃灣)📍荃灣大河道98號如心廣場2期2樓214號舖

今日搭西鐵去咗荃灣西站， 揀咗呢間<玖子茶>食晚飯， 餐廳門面都幾吸引，裡面就以懷舊作主題 ，環境光猛，樓底高，坐得好舒服🥰見到餐牌嘅晚市二人餐, 非常吸引，就決定試下佢👍🌟砂鍋藥膳牛肋肉配白飯砂鍋上枱熱辣辣，要小心😆 分量都唔少，仲有豆卜同支竹， 全部都好入味，我覺得配飯食真係唔錯👍🌟胡椒豬肉粉個湯底好有驚喜，風味十足，貢丸質量都唔錯，好味👍🌟鹹香雞足足半隻雞， 處理得都唔錯，連雞胸都幾滑，最鍾意係雞上面仲有少少嘅鹽粉，味道啱啱好👏🌟鹵水拼盤睇顏色都知好入味啦，主要係豆腐，雞翼同牛肚絲， 三樣都好好味😋🌟藥膳時令青菜用藥膳湯嚟煮嘅菜，有另一種香味，幾好👍🌟班蘭鮮椰班蘭味好香，仲有少少爆珠，又唔算好甜。唔錯👍🌟芒果鮮椰芒果同椰奶嘅組合不嬲都好夾，配埋芒果爆珠，正👍🌟鮮油咖央多士呢個係後加，見到枱枱都叫， 我都唔執輸啦。賣相都唔錯，咖央同鮮牛油都好足料，非常好食，推介👍今餐我同我個朋友都食得幾開心，樣樣都唔錯喎，冇嘢唔好食，而且環境舒適，價錢相宜，一定要會再嚟👍

聽朋友講荃灣如心廣場開左間新既星馬餐廳，主打新加坡同馬來西亞菜😍見朋友大力推薦咁我都黎試下先🤤我地夜晚8點左右去到餐廳，唔洗等位直接入座。一入到去真係覺得環境十分之復古！好有去左新加坡既感覺🤣🤣桌上只有一張餐牌，一面係2/4人套餐，一面係飲品，咁我地就以為只有套餐可以叫🤣所以我地就叫左$198既晚市二人套餐👍🏻晚市二人套餐包括招牌去骨星馬雞飯、藥膳湯醬汁豬軟骨麵、沙嗲串燒拼盤(4串)同藥膳時令青菜，就唔包飲品，熱飲要+$3，凍飲就+$5。1️⃣招牌去骨星馬雞飯✨食雞最鐘意就係食啲去晒骨既雞🤣因為食落去啖啖肉🤤呢到啲星馬雞肉質十分之嫩滑，完全唔會有好"鞋"既感覺👍🏻同埋啖啖肉食起上黎都唔會食到好油膩👍🏻仲配搭埋3款唔同既醬料真係別有一番風味🤤呢個飯可以揀白飯/油飯，毫不猶豫就揀左油飯！果然冇令我失望👍🏻👍🏻十分有咬口並且鮮味十足，仲粒粒分明👍🏻好食❗2️⃣藥膳湯醬汁豬軟骨麵✨麵底可以揀油麵、米粉、裸條同埋米線，我地就揀左油麵！食第一啖真係要讚一讚個豬軟骨，十分之軟腍腍❗超容易入口又入味❗份量都幾多，食極都仲有👍🏻 而個藥膳湯我就略嫌唔夠重味，有少少淡，不過對於唔係好食得藥膳味既人黎講就十分之適合

[ 玖子茶 ]好耐無去荃灣西行街，發現如心廣場二期新開咗呢間復古風星馬餐廳🇸🇬🇲🇾。餐廳裝修以新加坡🇸🇬唐人街風貌為基底元素，主打經典新加坡及馬來西亞菜式。午市套餐（每日11:00am-2:30pm）✿ 招牌去骨星馬雞飯+時令雞湯 $63可配白飯🍚或油飯。油飯帶雞油、黃薑味，飯粒軟熟唔乾身亦唔會過份油膩。星馬雞🐔皮爽肉嫩，配三款傳統醬汁，去埋骨🦴啖啖肉食得好方便。👍午市套餐呢個雞飯會免費🆓跟一碗雞湯🥣，雞湯唔咸有雞味，湯料有冬瓜消暑一流。✿ 海鮮蝦叻沙麵 $63可以選擇油麵、米粉或河粉，湯底有蝦香味🦐及陣陣椰香味🥥。海鮮有兩隻爽口彈牙嘅連殼蝦🦐、魷魚鬚🦑，其他配料有炸魚蛋、雞蛋、豆卜、芽菜等。小食✿ 鮮油咖映多士 $29 跟午市套餐+$18就可以追加。有4件多士，多士脆口夠熱，咖央醬及牛油🧈好足料，好邪惡呀🤣。✿ 沙嗲串燒拼盤(雞肉牛肉各2串) $55呢款需散叫，兩款串燒🍢燒得肉嫩有肉汁，本身都有醃味，點埋額外嘅沙嗲醬更加惹味😋。總結🫦 呢間餐廳有多款經典嘅星馬菜式，星期六、日都有午市套餐，價錢實惠，難怪午市時間要排隊入座。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿玖子茶 地

行開如心，見到一間門口好有特色既餐廳，門口放左條魚尾獅，原來係新加坡菜，見個餐牌都幾抵食，所以就入去試試。入到去，個裝潢仲靚，天花板左好多燈籠🏮，好似牛車水咁，成條美食街咁，好岩打卡。🔹🔸🔹🔸🔹🔸🔹🔸🔹🔸🔹砂煲藥膳牛肋肉 配白飯 $78牛肋肉煮到好入味，藥膳有味道很不錯，唔會太苦太過重藥材味。食完好暖身，飲得出湯入面好足料，牛肋肉都有好多舊，仲搭配左好多雜菇，好味！🔹🔸🔹🔸🔹🔸🔹🔸🔹🔸🔹招牌去骨星馬雞飯 (配油飯) $63雞肉好嫩滑，亦都去左骨，岩晒我地依D懶人食。點醬有3種有甜豉油、薑蓉、同辣汁，我自己最鐘意既係辣汁，辣汁味道夠惹味，又唔會過份地辣。油飯都OK，但如果可以再油多少少會更好。🔹🔸🔹🔸🔹🔸🔹🔸🔹🔸🔹沙嗲串燒拼盤 (雞肉&牛肉 各2串) $55雞肉同牛肉既肉質都岩岩好，外面唔會太乾，入面仲保持到肉汁。就算咁唔點醬，都好夠味，但點左沙嗲醬就更加惹味，好香花生味，我地就比較鐘意雞肉，口感上幾好。🔹🔸🔹🔸🔹🔸🔹🔸🔹🔸🔹爽爆檸檬茶(套餐價) $5檸檬茶都夠清新，茶底唔會好苦澀，檸檬味都夠，好岩用黎配串燒食。🔹🔸🔹🔸🔹🔸🔹🔸🔹🔸🔹貓山王榴蓮麻薯 $39麻薯波波用左貓山王榴蓮，有榴蓮味

Lunch去左呢間星馬大排檔裝修嘅餐廳食飯，裝修幾有特色，打卡唔錯，但繁忙時間我地坐圓枱果邊就冇打卡。點左2份超級特惠午餐，我地揀左招牌去骨星馬雞飯同埋海鮮蝦叻沙。飯餐跟埋湯，雞件皮顏色比平時見到嘅海南雞白，味道正常，份量多。海鮮蝦叻沙好大碗，湯底花生味濃，有蝦、豆卜、鹵蛋同魚腐。我地另外加左小食，每款加$18，滷水拼盤估唔到份量都唔少，有豆腐、雞翼同雞腎，而且唔止一件。另一份加左鮮油咖咉多士，夾心咖咉醬配厚切鮮牛油好味😋

今天我去了荃灣如心廣場的一家主打馬來西亞菜式的餐廳，餐廳的環境非常有特色，仿佛把你帶到了馬來西亞的街頭小攤位上，讓你感受當地的風土人情。從裝修到佈置，每一個細節都充滿了馬來西亞的風味，讓人彷彿置身其中。⭐ 馬來咖哩牛肋肉飯 $58原來馬來西亞的咖喱是這樣的，牛肋肉使用了慢煮的方式而製成，肉質變得軟嫩，再配上吸收了咖哩醬汁香氣的米飯。⭐ 海鮮蝦叻沙(粿條) $63這一次就點了一份以粿條為麵底的叻沙，由椰漿、香料、辣椒和其他調味料熬製而成的叻沙，如果叻沙味道再濃郁一點就更好啦！⭐ 沙嗲串燒拼盤（6串）$79雞肉和牛肉串使用秘製醬汁醃製，串在竹籤上烤熟，並吸收了醬汁的風味，帶有一絲焦香，雞肉嫩滑，牛肉則帶有嚼勁，一定要配上沙嗲醬吃。⭐ 芒果香芋絲網卷 $38餐廳使用了芒果和香芋絲作主要材料，芒果帶來了甜美的果香，香芋絲則帶有濃郁的芋頭香氣。⭐ 馬來西亞拉茶（凍）$23拉茶的特點是茶葉和牛奶通過拉泡方式混合在一起，使茶葉的苦澀和牛奶的甜美完地結合。⭐ 芒果鮮椰 $35由新鮮的芒果和椰汁相互融合而成，並添加了芒果爆爆珠，增加了爆破獨特感。

收工來到荃灣西一家走懷舊的新加坡菜餐廳。裝潢以重現以前新加坡牛車水老街的風貌為主。 ి 玖子超級水果茶超大的一杯❣️水果份量超多，酸酸甜甜夠開胃。 ి 去骨星馬雞配油飯雞肉做到皮爽肉嫩，去骨啖啖肉。而黑豉油、酸辣醬、薑蓉正合口味。油飯能粒粒分明不油膩。 ి 海鮮什錦咖喱撈麵配料有蝦、豆卜、魚片頭及魷魚。咖喱和香料味濃郁，香辣惹味😍 ి 沙嗲串燒（雞/牛）串燒外表焦脆，配上濃郁沙嗲醬，正呀！ ి 芒果芋圓清爽冰涼✨內有仙草、三色芋圓、芒果、紅豆及爆珠。芋圓Q彈有嚼勁，芒果鮮甜多汁，口感豐富。💬 食物出餐快，份量與味道比預期不錯喔！坐得舒適，價格親民。

餐廳位於荃灣如心廣場2期，裝修用咗好多心機去打造成一條美食街咁，天花掛滿咗燈籠，牆壁整到好似一間間獨立嘅舖頭，仲掛咗唔同嘅招牌，感覺好似去咗一個food court咁🤣 餐枱之間都有充裕嘅空間，唔會坐得好迫👍🏻 呢度係用QR code落單，上菜速度好快💨🔸砂煲肉骨茶配白飯🍲砂煲滾熱辣，店員叮囑我哋要小心，千祈唔好掂到個煲😂 肉骨茶幾足料，用咗肋骨肉，唔會好多脂肪肥淋淋，豆卜吸晒湯，金菇同腐皮都好掛湯👍🏻 湯疷幾香藥材味，味道偏甜，似紅棗嗰種甘甜味，唔會苦苦澀澀👍🏻🔸去骨星馬雞喇沙🍜喇沙有4種麵條選擇，我哋㨂咗粿條，即係河粉，湯底唔算辣，椰奶香味比較突出，飲晒都唔覺得鹹👍🏻 去骨海南雞幾嫩滑，我最鍾意個辣醬，幾辣下，點雞食非常過癮，辣到我要飲奶解辣😂🔸青檸涼拌魚皮夏天咁熱真係啱晒涼拌，想食幾酸可以自己唧啲青檸汁調味，裡面有青瓜、黑木耳同魚皮，魚皮口感好好，好厚好爽口🥰🔸芒果鮮椰特飲🥭杯底有芒果肉同芒果爆珠，椰汁夠甜啱晒解辣👍🏻🔸貓山王榴槤麻糬甜品用咗椰汁做底，有唔少斑斕啫喱，榴槤麻糬唔算好q但味道幾香👌🏼📍#玖子茶 (#荃灣美食)荃灣大河道98號如心廣場2期2樓214號舖➡️𝗙𝗼𝗹𝗹𝗼𝘄左

平日下午茶時段比想像中多人，無論堂食定外賣都唔少order。餐廳由裏到外都好有特色，裝潢極具新加坡同馬來西亞嘅色彩，成間餐廳都係打卡位。招牌去骨星馬雞飯(配油飯)$63第一次嚟食緊係試吓招牌菜，星馬雞去咗骨啱晒懶人食🤭肉質結實，好有肉味，三款醬汁各有風味。仲有碗雞湯滋潤吓😃招牌去骨星馬雞(配米粉)$63湯底足料好味，米粉掛湯好好食😋沙嗲串燒拼盤(雞肉牛肉各3串)$79沙嗲汁幾惹味，雞肉牛肉都相當唔錯，肉質結實彈牙唔柴唔韌。貓山王榴蓮麻薯(2粒)$39賣相好特別，好似船咁，有兩大粒榴蓮麻薯，側邊有類似珍多冰嘅配料。麻薯好特別外層同內層係兩種唔同嘅榴蓮口感。玖子超級水果茶$35比想像中巨，水果茶fresh fresh地又有好香茶味，比想像中好飲👍🏻

今晚黎到荃灣如心廣場二期行街，上到二樓的玖子茶享用二人晚餐。我哋叫左比較貴既二人餐：砂煲藥膳牛肋肉-配白飯，胡椒豬肉粉，鹹香雞，滷水拼盤，藥膳時令青菜，馬來西亞黑糖薑茶（熱），馬來西亞拉茶（熱）。😇5星推介：砂煲藥膳牛肋肉-配白飯，牛肋肉經過長時間熬煮的感覺，熟透及香氣撲鼻，有豐富藥材，亦有好味既陳皮合襯，配料更有腐竹及豆卜，湯味濃郁而帶有鮮甜味道。☺️4星推介：胡椒豬肉粉，湯底好特別，好鐘意飲，肉丸新鮮好味，唯獨河粉稍微偏硬身，鐘意淋d，下次會問一問可否淋D😋鹹香雞：雞皮上有好多鹽粉，雞肉嫩滑。滷水拼盤：滷水雞翼味道不錯，但比較乾身。藥膳時令青菜：青菜入到藥膳味👍馬來西亞拉茶（熱）：不會甜及苦澀，相當好飲👍馬來西亞黑糖薑茶 （熱）：薑味濃，養生必選總結：呢個價錢絕對抵食，而且充滿，環境衛生良好，會再黎玖子茶食飯👍

豔紅店面，感覺古色古香，吸引眼球。踏進餐廳，像夜市美食中心，每個角落都充滿地道的馬拉風情，掛滿大紅燈籠，耀眼奪目。十系傢俱，配上魚尾獅擺設，濃濃的大排檔氣氛，食物種類也很多，玩味十足！招牌去骨星馬雞（配油飯)+時令雞湯63去骨海南雞油光亮麗，令人食指大動。雞皮滑不溜口，雞肉油潤水嫰，每口細滑無骨，沾上香甜的黑醬油，跟配清徹雞湯和黃油飯，一啖雞肉，一口黃油飯，是簡單而美味的配搭。牛車水炸雲吞45炸雲吞脹卜卜，炸至香脆可口，內裡填滿彈牙蝦肉，加入芝士一起炸，入口油香四溢，爆漿的芝士，邪惡過癮。沙嗲串燒拼盤108十分豐富，雞肉和牛肉各4串，牛肉串肉質軟腍，表面微微焦香，沾上濃郁沙嗲醬，洋溢花生香氣，肉味更香濃。咬開酥脆的雞肉串，肉質嫰滑，惹味停不了。芒果芋圓39煙韌口感的芋圓，夾合鮮甜的芒果肉，甜蜜滋味。配上綿糯紅豆蓉，還有滑溜的仙草，大啖啜入口，天然的甜香，過足口癮!冬瓜龍眼茶 26香甜柔順，呷一口傳來桂圓香氣，滋潤喉嚨，清爽解渴。玖子超級水果茶15水果茶濃郁，加入柚子蓉、士多啤梨、蘋果及香橙等，放在咀邊，已經聞到蜜甜果香。入口清新中帶微酸，果味宜人，十分解膩。