玖子茶 (如心廣場二期)

營業中

休息中

荃灣這個美麗嘅衞星新城市.可以話高樓大廈越嚟越多.如美食都係越嚟越多.今日介紹係如心廣場二期二樓新開嘅《玖子茶》佢哋係食星加波及星馬菜嘅餐廳。🚶🏻‍♂️👉📌玖子茶 (荃灣)荃灣大河道98號如心廣場2期2樓214號舖間餐廳唔算開咗好耐.佢哋嘅價錢大眾化.食評都算唔錯！今日嚟到餐廳已經係下午茶時間.但我哋並無叫佢哋嘅下午茶餐.改咗叫佢哋嘅正常餐單！我哋點餐如下：1. 馬沙拉蟹🦀️肉海鮮🦐炒飯 X1 $78元 加$10元配餐飲.香濃奶茶🧋（凍）多甜/多奶2. 海鮮蝦🦐喇沙麵 X1 $63元 麵底要（摻摻即油麵十米粉） 加$10元配餐飲.菠蘿🍍青檸🍋（涷）少冰🧊/多甜 3. 芝士九層塔避風塘炸鷄🐔 X1 $38元

行街街到咁上下，又係時候開餐。剛巧行過呢間餐廳，見到門口懷舊，所以吸引左我入去。餐廳全院滿座，裝修懷舊，呢度係食星馬菜。打開QR餐牌睇吓，價錢又幾抵喎，一個主食另加10蚊就有嘢飲，最後老公就點左個煲仔、土炮小炒、小食同埋兩杯飲品。煲仔藥膳牛肋肉：牛肋肉燉到好淋好入味，另外有豆卜、冬菇同支竹等配菜，湯底都幾好飲，飲得出有杞子、紅棗同淮山等藥膳料，甜甜地，配埋白飯做湯飯幾好。馬沙拉帶子海鮮炒飯：炒飯用左珍珠米，圓碌碌，炒到粒粒分明，唔多油，鹹鹹地幾夠味，入口每啖都食到有細細粒帶子、河蝦、魷魚等海鮮配料，另外仲有三色椒，全部都爽口，我就覺得唔錯。去骨星馬雞：老公就最鐘意無骨雞，差不多有半隻雞，有雞肶同雞胸，食落夠滑，另外仲有D菜。連旁邊點雞醬都好好，有一個係辣辣地，點埋仲好食。桔仔話梅水(左)：夠冰凍，味道鹹鹹甜甜，係我鐘意嘅味道，好飲。馬來西亞黑糖薑茶(右)：老公叫左少冰少甜，佢話味道正常，都OK。

👍🏻海鮮蝦喇沙麵🌶️海鮮蝦喇沙麵湯底有椰香味 有微量嘅辣度 而且海鮮料比較多 有蝦🦐魚🐟魷魚🦑等等 今次揀左摻摻 即油麵+米粉 可以一次過食到兩款麵食🤗👍🏻 蝦頭糕塔香牛肉炒粿條🌶️粿條炒得足夠 加上蝦頭糕塔香等調味 非常香口 牛肉份量也非常多 值得一試😉👍🏻 芝麻蝦多士芝麻蝦多士用左芝麻包做底 上面加左類似蝦滑嘅材料 無論味道同口感都一流 好好味😎👍🏻 檸檬百香果檸檬百香果唔會太甜 有清爽嘅感覺 值得一試😉👍🏻 鴛鴦檸檬茶鴛鴦檸檬茶用上檸檬＋青檸 配上茶底 令到杯檸檬茶多左層味道 好正😌注意事項⚠️- 餐廳以新加坡街頭為主題 裝修比較有特色- 餐廳用QR code 落單

《隨心而行篇🥢》 是晚見到呢間門口有條魚尾獅，東南亞風味嘅餐廳🥢，餐牌嘅食物一定啱食，只是，初時望入去有點迫，有點卻步，到望真啲，仍有透明膠板隔開，中間亦有「吉」枱，就入去試試新店。好得意嘅裝潢，有熟悉嘅牛車水，牆壁有各款不同的圖畫，好特別，天花板掛有不同色的燈籠🏮，濃縮版嘅新加坡🇸🇬食街，好有趣🤩鮮油咖映多士🥪🧈 ～ 鮮牛油🧈往往是精髓，厚厚的牛油🧈，就係我哋最鍾意食嘅😋😋。 呢度用籐籃盛載，幾別緻馬來咖喱炸雞🍛 ～ 飯碗🥣比較細，被雞扒完全覆蓋着，顯得相當大件🤣，炸雞外脆內軟，肉汁juicy, 一啲都唔趕身👍🏻。 咖喱汁唔算辣，入口完全無問題，少少辣味🌶️會在喉嚨感受到，但唔算辣。 下次可以encore 👍🏻胡椒豬頸肉粒蟹籽炒飯 ～ 外表有點hea樣嘅炒飯，食落就知：胡椒味正，豬頸肉向來軟林林，炒飯就一粒粒，有𡁻口😋菠蘿青檸🍍🍋🍹～ 加$10有飲品，你最愛嘅菠蘿🍍，必定是首選，甜味沉底，一定要先攪勻才好飲冬瓜龍眼茶🧆🥤～感覺佢可以清熱，所以就叫嚟試吓🤣，第一啖好似水，再攪勻啲就覺得都算ok 價錢方面算大眾化🤑，但只收現金，如心商場來說，呢度算抵食，加上裝潢有特色，「打卡」📸倒也不錯啊

人均$90晚餐：兩個主食、一個小食、兩杯飲品邊度搵？仲要係商場！喺如心廣場竟然搵到一間超級抵食嘅餐廳😍而且質素都唔錯！呢間星馬泰菜晚市都有套餐。有一人套餐又有二人套餐。我哋兩個人叫咗兩個主食、一個小食、兩杯飲品都係$181，超級抵食！▶️海鮮蝦喇沙麵$63可揀麵、米粉或河粉，揀咗米粉。喇沙湯底夠香濃，味道幾香辣！海鮮有蝦、魷魚、魚豆卜、蛋。+$10 水蜜桃紅茶(熱）水蜜桃紅茶用上茶包，蜜桃味甜甜地。▶️蝦頭糕塔香牛肉炒粿條$62呢個份量超級多，好大碟！粿條係幼身嘅河粉，炒得夠鑊氣，而且有好多肥牛、芽菜。+$10 菠蘿青檸（凍）有啖啖青檸味，菠蘿味突出。▶️香脆炸蝦餅$36一份有四件，金黃香脆。咬開係粒粒蝦口感。

荃灣新開親民新加坡餐廳 地點好方便 荃灣西站對出如心廣場 環境好特別 比較似舊式新加坡大排檔風格 環境有好多細緻位 例如招牌 地面馬路嘅斑馬線 都令到你好似置身喺新加坡咁 而且價錢唔貴 好多菜都只係$50-70左右 值得記錄一下.⭐️海鮮蝦喇沙麵$63表面好多配料 蝦肉 魷魚 豆卜 雞蛋 魚肉等等麵底都係跟返新加坡風格 摻摻(油麵＋米粉）👌🏻湯底唔油膩 比較清 飲得 豆卜吸汁後都好食.仲叫左晚市二人餐$168 亦都係最抵食嗰個⭐️去骨星馬雞 勁好食 表皮油光好靚仔👍🏻最重要係 肉質嫩滑 無骨方便👍🏻仲有3款醬汁都好味 黑醬油 酸辣 薑蓉 必點之選⭐️沙爹串燒牛肉（2串）👍🏻2串都大量沙嗲醬 肉質同樣嫩滑重油香⭐️上湯浸菜（藥膳）呢個就清清地 藥膳湯浸住雜菜茄子 菇 椰菜 秋葵 等等 ok啦藥膳湯清得黎 好重藥材味 未必個個鍾意⭐️胡椒豬頸肉蟹籽炒飯👍🏻粒粒分明有蛋絲 大量豬頸肉粒粒表面仲有啲蟹籽 二人份量 好大份如果2個人 定係點呢個餐已經好飽.⭐️菠蘿撞士多啤梨$18呢杯係士多啤梨 菠蘿沙冰飲落都幾甜 底下大量菠蘿肉絲 足料⭐️玖子青檸水果茶$18成杯多種滿滿水果 真係飲到茶香同果香好飲 值得一

🚩 玖子茶今日一家大細出動黎到荃灣覓食，難得一家人可以出嚟食飯梗係搵間好啲嘅餐廳😌估唔到如心呢到有間定價都幾平嘅星馬菜，裝修都幾有特色，一於就嚟試吓🫶🏻〰️〰️〰️〰️〰️〰️〰️〰️〰️〰️〰️〰️〰️〰️〰️🌈去骨星馬雞 $78估唔到半隻雞可以有咁多，而且係去骨，啖啖肉雞肉好滑，皮下脂肪又唔厚，皮薄餡靚啊🤤而且佢仲配左三個醬汁，我最鍾意就係中間嘅泰式醬酸酸辣辣超開胃🌈砂煲肉骨茶 $68呢款嘅湯底比藥膳嗰款濃，不過就爭緊啲蒜頭味裏面都有三大枝骨，煲得好淋啱晒而家凍凍地天時飲🌈砂煲藥膳牛肋肉 $78唔好睇佢細細煲，裏面有四大嚿肉，超足料裏面仲有大量冬菇豆卜，吸滿湯汁湯底飲落甜甜地，有少少回甘啱晒接受唔到肉骨茶咁濃，但又想試吓嘅新手們🌈馬來咖喱豬肉飯 $58依款咖喱並唔係椰汁味重嘅嗰一款入口都有啲香料味，多汁，整體不過不失🌈蝦頭糕塔香牛肉炒螺條 $58炒螺條就類似我哋嘅炒河粉睇相就見到色澤好平均，唔會有啲深有啲淺🌈馬拉盞炒通菜 $56一上枱嗰陣馬拉盞味已經聞到通菜炒得啱啱好，爽脆爽脆鹹香味十足🌈沙嗲串燒雞肉 $36街邊串燒舖嘅價錢，可以喺餐廳食到沙嗲醬甜甜地，如果加番少少辣會更加惹味🌈沙嗲串燒牛肉 $39通常串燒牛肉

裝修幾好，有新加坡味道，開在大商場，附近商肆都相對貴。出品相尚hea，叫左個馬來咖哩豬肉，飯的質素和份量還可以，但咖哩簡直慘不忍睹，入邊只有五片好肥嘅五花肉，成碗咖喱油淋淋，味道又咸又難食，杯冬瓜龍眼飲品，難飲又甜到漏，竟然都仲要加$10，真的性會比低，令人第一印象大打折扣，好難再幫襯第二次！其實真係唔係好明，點解會有如此多等級4及3的食家大讚，可能我沒有點招牌菜，不過我覺得如果只有讚，店家永遠睇唔到其他建議，好難有進步空間！

望到個裝修，覺得幾特別幾有心機，諗住實無成一於試下。一行四人，一人嗌左個主食，再加幾樣小食 Share。海鮮喇沙望落大碗足料，似模似樣，一食落就出事，個湯明明都係咁嘅色，點解可淡而無味？煲仔蝦麵一上枱未食就出事，份量係喇沙嘅一半，不過若果好食都無所謂。先飲啖湯，簡直係挑戰賢者之石，咸到痴線。叻哩牛肉飯同海南雞飯我就無試味啦，不過見到個咖哩汁水汪汪，個雞醬又係水汪汪，就知依間所有汁醬都出晒事，個牛肉飯仲要係肥牛，比差唔成舊水你比肥牛我？無嘢呀嘛？小食有蝦餅就正正常常 (因為無汁)，個美祿西多都無特別，係唔脆姐，又未係唔好食。乜都食曬仲差串燒未到，望下個錶已經40分鐘有多，追完之後等到谷鬼氣戴埋口罩起身走人，呀佢又到啦喎，好就食埋先。一碟雞一碟牛，肉就問題不大，個D沙嗲汁又係水汪汪，唔點汁仲好。4個人最後食左差唔多$450，比完錢去搞 free parking，點知張單無寫用咩比錢，我點講用八達通都無用，又要我比多$50泊車。一個星期先出街食一兩次，見佢新開，自己又中意食新加坡嘢先去試，簡直浪費 Quota

經常係荃灣西覓食 係如心廣場見到哩間新開嘅星馬菜餐廳裝修幾有特色 而且見到menu啲價錢以晚餐來講都幾抵食💰 所以就試下啦🥳✿砂煲川味麻辣雞 ✿ [$73]係星馬菜餐廳見到有川味雞煲都幾surprise 🤩見到圖片都幾吸引 所以就試下啦 雖然有時係圖片只供參考 但出到來個賣相都唔錯 而且調味好惹味 食唔停 辣度係小辣程度 不過雞骨比較多同尖 容易整親咀 大家食果陣要小心 洋蔥🧅都好多 冇配飯 飯要另外叫✿ 馬來咖喱炸雞 ✿ [$53]咖喱🍛同炸雞係分開上的 可以確保炸雞唔比啲咖喱整淋 飯嘅份量都比較多 但炸雞嘅份量相對上就比較少 得一塊 咖喱方面有啲似港式咖喱 大至上唔錯✿ 百香果烏龍茶✿ [+$10]烏龍茶味濃啲 百香果味唔夠出✿ 冬瓜龍眼茶✿[+$10]冬瓜龍眼味比較淡 食一啲重口味嘅嘢飲落去就完全飲唔出係冬瓜龍眼茶 有少少失望地址➸荃灣大河道98號如心廣場2期2樓214號舖★好食指數★：4/5★服務態度★：3/5★冇加一★

叫了一個胡椒豬頸肉粒蟹籽炒飯，但一粒蟹籽也沒有，我見餐牌上的照片和隔離枱既都有很多橙色既蟹籽，但我果碟一粒都沒有。。。我只想討回一個公道。。。為什麼會這樣???????其他食物尚算可以接受，星洲炒米不算很辣，料亦夠多，蝦也很大隻。上次食過之後有20蚊優惠券回贈今次可以用。價格亦算合理。衛生情況都不錯。有紙巾和碗仔供應，方便分享食物。希望店主睇到我既食評。還我一個公道。謝謝。只收現金有點不方便。有信用卡機就比較好了。

在荃灣西鐵站上蓋商場,可算是惟一一間裝修獨特又地道的星馬小菜館,店子面積不算太大,但由天花的吊燈籠到每幅牆身的懷舊店招牌,已令人有身在星馬感覺,而且枱櫈也用古舊木傢俬襯托,簡直完全融入南亞風味。至於食品,當然全選它的Signature小菜,包括去骨星馬雞,上枱時份量大大份,雖然雞皮畧有油脂,但就是要這份雞油香滑味道。第二道是亞参魚柳,也是大大份,有洋蔥、秋葵、番茄伴碟,味道清新,厚厚的魚柳也頗彈口,另外一道就是沙煲藥膳牛肋肉,一樣四大塊再伴以腐竹、豆腐卜和菇菌,畧慊藥味不够濃郁。飲品就有台式Feel,包括檸檬百香果茶和桔仔話梅水也很不錯。

今日同朋友約左係荃灣整蛋糕想係附近揀間可以打卡既又想食下南洋野就黎左新開既玖子茶門面已經好靚 好似去左馬來西亞咁入面扮大排檔非常過癮仲掛滿燈籠做燈 十分有心思小食類-去骨星馬雞$78十分推介 雞肉娕滑個汁又好好味 而且大大份 仲去埋骨真心抵食呀好鐘意佢個汁 引唔住黎多個汁百香果烏龍茶 $20馬來西亞黑糖彊茶 $20點少得馬來西亞美食代表肉骨茶呢 $78飲一啖湯都暖晒成個身有甘苦層次外,味道帶藥材香 仲有清甜肉香還有不少配菜，例如：腐皮、豆卜、杞子馬沙拉蟹肉海鮮炒飯 $78有鑊氣仲有蝦肉,魷魚,蔬菜好抵食態度都好好 唔怪得之新開就爆滿下次會再黎食2人合共$274

最近荃灣如心廣場開咗一間新嘅新加坡餐廳今日特意去試吓，餐廳裝修經過精心設計，好似唐人街風貌一樣，感覺有一點點懷舊😉😉餐廳主要係食星馬、台菜等等各地美食，當然唔少得有星加坡嘅美食😛先試下🥢煲仔藥膳牛肋肉 $78感覺有少少似肉骨茶，食完之後暖笠笠湯底加入肉骨精華同藥材，一上枱已經好香牛肋肉口感腍身，而且好入味👍🏻配料豆卜、枝竹吸晒湯底嘅精華，啖啖藥膳香氣🥰🥢馬沙拉蟹肉海鮮炒飯 $78估唔到普通嘅海鮮炒飯食落好有驚喜炒飯鑊氣十足，米飯粒粒分明，每啖都伴有蟹肉粒配料有蝦肉、魷魚同三色椒等等口感豐富之餘，但有少少微辣，非常香口😋🥢去骨星馬雞 $78比海南雞更加好味😋半隻星馬雞全部去骨，食落啖啖肉，口感嫩滑配有三個醬料可以沾甜甜哋嘅豉油我就最鍾意！另外飲品只需要加配$10菠蘿青檸，夏日必選，清新解渴街頭白咖啡，好有星加坡嘅風味，茶香奶滑玖子茶 荃灣大河道98號如心廣場2期2樓214號舖

荃灣如心廣場新加坡餐廳My families and I went to a restaurant called "Jiu Zi Tea" (玖子茶)located inShop 214, 2/F, Nina Mall 2, 98 Tai Ho Road, Tsuen Wan荃灣大河道98號如心廣場2期2樓214號舖this restaurant offers a wide range of Singaporean cuisine!Deboned Singaporean chicken去骨星馬雞HKD$78.large size chicken!generous amount!.the chicken is soft and tender.the chicken is sweet,with nice chicken flavour .serving with Mashed ginger,sweet soy sauceBeef brisket turnip Claypot砂煲清湯蘿蔔牛腩HKD$78big chuck of beef brisket .the beef brisket