玉桃軒酒家 (鱷魚恤中心)

營業中

休息中

同阿仔喺觀塘考完試。去apm 嘆杯茶食籠包。鱷魚恤中心酒樓聚集區。揀咗6/F 玉桃軒。櫻花🦐腸粉～腸粉滑啫啫。加入櫻花🦐。多咗份滋味。古法馬拉糕～阿仔去茶樓飲茶必點。軟綿綿好鬆軟。阿仔食到lamlam理沙薑豬手皇～沙薑味道夠。每舊豬手都帶有皮+肉。比例剛剛好。刀工一流。油雞湯米線～油雞份量多。啖啖肉。湯底油膩咗小小。香煎蓮藕餅～藕餅煎完唔會油淋淋。蓮藕爽口。好有口感。椰汁香芒卷～芒果鮮甜。個皮好薄。唔錯。

上次去完呢度食午餐 ，就係覺得呢度啲點心唔錯，所以今日黎觀塘食飯，我都好自然咁提議我啲朋友嚟呢度飲茶，呢度嘅點心真心好食。今日係星期六，一入到黎發現全場爆滿，要稍等位置，睇嚟呢度真係好多捧場客。今日叫咗好多點心，其中幾樣係我覺得非常唔錯嘅。蝦籽燒賣皇 $33.5稱得上燒賣王果然名不虛傳。大鮮蝦加鮮豬肉，冇得輸。如果你食個過果啲質素麻麻地，塞滿肥豬肉嘅燒賣，你就明我講咩。流沙奶皇包$27.5流沙係呢個包嘅重點，而每個包都做到呢個效果，抵讚！醬皇蒸鳳爪$23.5呢個係我最近食過最好食嘅鳳爪！ 首先酒樓選嘅鳳爪大而多肉，蒸完後雞皮仲係緊緊地黏係雞腿上，最近食過太多皮骨分離嘅鳳爪，今次可以食到用心做嘅鳳爪真係太感動。叉燒飯 $38酒樓特價嘅午市叉燒飯，通常都係小碗上。玉桃軒嘅叉燒飯，居然係成碟上，大賣38元！叉燒靚，價錢抵，又係冇得輸！鹹水角$23.5鹹水角抵讚嘅地方，係佢個糯米皮真係煙煙韌！ 鹹水角出面已經好少有靚皮，所以我推薦大家試下。南翔小籠包 $ 27.5我地仲叫咗小籠包，但係我之前啲點心食到好飽，無試到小籠包，唔知係咪又係好有驚喜嘅呢？

早前食得太多日本野 已經唔想再食日式野住 所以今晚轉下口味去食中餐！我對䲔魚恤大廈都幾熟悉 因為以前都經常去某幾層飲茶 但6/F既玉桃軒就無去過 係openrice見到佢評價唔錯 所以就同另一半去試下玉桃軒佔地大 每圍之間唔會痴到好埋 光線充足 地方乾淨 當晚人唔多 侍應安排左靠窗位置俾我地我地兩個叫左好多樣野食...：燒腩仔賣相好吸引 食燒腩仔我最期待食佢d皮 如果真係炸得好 咬落會脆而不硬 呢碟唔係粒粒做到呢個效果 有d咬落去得個油字 整體黎講驚喜不大人蔘燉雞湯呢個湯都唔平 差唔多$48（未計加一）一客⋯所以對佢期望好高 但正如你所見到既一樣 油偏多 同飲落無乜人蔘味 搵到底先有一條好幼好幼既瘦人蔘 成個湯似肉湯多 呢個唔建議大家嗌肉蟹蒸糯米即叫即製 色香味俱全 糯米飯之下有塊大荷葉 d飯唔單止吸收左蟹既鮮味 仲有陣陣荷葉香 加上有蒜蓉撈飯 成個飯好好味蟹多肉多膏又大隻 成餐最滿意呢碟！不過d糯米偏油 同食得多會滯蒜蓉炒油麥菜呢碟菜都唔平 起碼$80...但無辦法 晚餐唔食菜個人會唔舒服 碟菜顏色好靚 好翠綠 而且仲好大碟！食落好爽 油麥菜唔爽唔好食！鎮江骨煲其實食到呢到已經好飽

今日，去開觀塘廣場，維修電腦，又要等攞返電腦，中間，呢段時間，好無聊，唔知去邊度，行商場，對我這個男生講，一點都不感興趣！馬上，給電話朋友，叫他出來吃個飯吧，抬頭望上去，見到玉桃軒酒樓，一於上去開著檯，等朋友到來。潮式煎蠔洛，是我喜愛食的小菜，大大碟，好有份量，兩個大男孩一定食不完。上檯時，香氣撲鼻，是我的至愛，每次出街食飯，餐廳有這味小菜，我一定會落單的。但今次我就有小小失望，材料是豐富的，外皮煎得不夠脆，內餡料的槳粉比較多，比較糊口，不吸引，希望下次改善。秘製鎮江骨煲、肉排夠大件，啖啖肉，外皮黏粉夠薄，酥炸鬆軟，味道酸酸甜甜、入口稔爽，有嚼口，開胃佐飯一流。

假期跟家人出來走走, 逛到兩,三點就決定一家人去飲下午茶觀塘鱷魚恤中心有6,7家酒樓最後選擇了玉桃軒九製陳皮叉燒酥 - 外層酥皮鬆化, 牛油味挺重, 內裡叉燒不會太膩椰汁香芒卷 - 外層椰絲糯米皮, 內裡芒果布甸連芒果肉, 夠冰凍蒜蓉鮮蝦春卷, Size較迷你, 四條熱辣辣, 內裡鮮蝦新鮮, 好脆口五式點心拼盤這個拼盤相當抵食, 五款點心岩晒一人或兩人用, 黑松露雜菌翠玉瓜餃 - 餡多足料紅棗糕/潮州蒸粉果/叉燒包/蝦餃最後來一個是日精美糖水, 款式由廚房提供, 當日是南瓜西米露, 南瓜已經煮到爛蓉蓉, 糖水都變成了橙黃色, 不算太甜餐牌上的價格是星期一至五, 如果是星期六,日及假期, 每款加$3

老公從內地工幹回港小休，恰巧家姐亦到港相聚，大家沒見面都有一段日子了，自已又怕煮飯，提議出外食飯，要找一個坐得舒適及近家油樓，自然想起玉桃軒，上次都有帶家姐去飲早茶，味道都唔錯，今次就食晚飯，老公又喜愛食他的至愛*北京片皮鴨*大堂佈置華麗，寬闊的坐位，坐得舒適，心情也放鬆了。至愛北京片皮鴨～鴨烤得香脆，鴨香味滲出，皮脆肉嫩、包著薄餅、青瓜、青蒜、海鮮醬，送入口，鴨肉汁即爆出，口感脆皮暖嫩，清新。豬骨芥菜煲～湯底十份香濃夠奶白、鮮甜味、入口滑溜、回甘、豬骨一點都唔肥膩，多軟骨，多骨膠原，芥菜夠稔滑，吸收了濃湯，苦澀味儘除！砂窩干蔥燒汁牛仔骨～干蔥、洋蔥爆炒牛仔骨，香氣撲鼻，牛仔骨嫩滑，有嚼口，唔肥，每件都吸收了燒汁和配料香味，增添食慾。

觀塘鱷魚恤大廈成幢都差唔多比酒樓佔據，大部份晚上都係用來做飲宴嘅，當然亦都有早茶，午市及下午茶嘅運作。今日小編就同兩位有人大約11:45嚟到玉桃軒呢度諗住飲啖茶食個包，驚喜發現，原來12點前落單都仲係可以用早茶嘅價錢去落order！可能係因為平日，大約12點呢個鐘數，人客唔算多，所以都好快可以入座了👍🏿啱啱講個12點前落單仍然可以enjoy到早茶嘅價錢，唔係講笑，早茶同午市個價錢雖然唔係差太多，但係加加埋埋都可以慳唔少，甚至乎食多兩樣點心都得啦！總之一句，係抵食嘅！仲有就係12點前仲係早茶，呢啲酒樓真係好少見了😪呢個係蝦餃王，基本上全部酒樓都定呢個點心為頂點，呢度都唔例外，但係呢度嘅蝦餃係絕對值頂點嘅，因為皮薄涵靚，重重嘅鮮蝦味，外皮又唔會太厚，一口食落去，正！醬皇蒸鳳爪，雖然每隻鳳爪都唔算大，但係就整得好入味，就唔會太油，幾好食👍🏿除咗蝦餃，燒賣當然都唔少得，呢度個燒賣又係正嘅，因為入邊有大大隻嘅蝦肉，成粒燒賣嘅味道適中，唔會太鹹，亦都唔會太重麻油等等嘅調味料味👍🏿👍🏿由於仲係早茶時段嘅關係，所以仍然有呢個豉油王銀牙炒面食，呢個炒麵同平時喺出邊粥鋪食既有啲分別，首先講麵質，比較粗身，

又帶屋企人食好嘢，不過佢哋都係鍾情於食中菜，結果又同返佢哋去玉桃軒啦！咕嚕肉因為爸爸鍾意食咕嚕肉，所以就專登叫一碟俾佢咕嚕肉酸酸甜甜，第一道餸非常開胃酸甜醬包住每一舊排骨，而排骨亦都非常香脆可口鎮江骨鎮江骨醬汁亦都比較酸，肉質非常林，軟滑好惹味，上枱時仲係啫啫聲芥菜豬手煲芥菜煲個湯好甜，啲豬手亦都好林芥菜亦都好鮮嫩又要食返玉桃軒嘅拿手小菜片皮鴨每次睇住師傅係我面前即刻切隻鴨，都覺得佢刀工非常好，完全係一個表演片皮鴨質素甚高，用蒸皮包住所有配料味道非常夾家人食完都非常滿意

難得放假，與長輩有機會食返個下午茶，嘆下茶! 下午茶時段好多點心都特價，而且好多選擇，其他中大點都有平!豉汁煎釀茄子$14.8茄子配搭不錯，加左豉汁好夠味。面頭魚肉好fresh 同彈牙。五式點心拼盤$22.8有叉燒包，粉果，蝦餃，薑汁千層糕，岩晒鐘意乜都食下既人，唔洗怕要揀，而且味道都不錯。頂級蝦餃$33.5飲茶唔食蝦餃就冇乜意思，大大粒蝦餃滿足晒食慾，非常彈牙同嫩口既蝦肉。柴魚花生粥$13.8柴魚花生夠多，粥夠綿而且多料，鐘意柴魚個口感呢香茜牛肉腸$14.8腸粉整得好滑，牛肉係餡，即叫即拉質素oK。是日糖水$6.8 一位南瓜西米露好足料，雖然係是日糖水但都唔hea，冇諗過南瓜同西米露咁夾。花枝餅夾左粟米，炸香左口感都唔錯。上海炒年糕$42份量中等,但勝在味道不錯~年糕煙UN~加左肉絲幾惹味

清明前的星期天都是掃墓的日子，掃墓完畢後，想帶父母親在觀塘喝下午茶，在openrice滿心歡喜地選擇在鱷魚恤中心六樓的玉桃軒來試試看。可惜……………1. 貴妃湯米線花雕酒味重，雞肉尚算滑溜，米線超硬，好像未煮熟似的。2. 灌湯餃灌湯餃湯底麻麻，聞到好少瑤柱味，味精重。餃皮太厚，芫茜味濃，蝦肉彈牙，但只是像食普通水餃，餡料是完整一個，並不像真正灌湯餃的皮薄餡靚，是零碎的。3. 點心併盤蝦餃用肥豬同切碎蝦仁弄成， 蝦餃皮略厚，味精太多，食完要飲茶。4.迷你蝦仁乾燒伊麵伊麵太淋，太多油份，蝦仁是雪藏蝦仁沒味道的。差評!5. 煎豪餅火喉過了！有點燒焦了！豪仔不夠鮮味，像是在吃一個煎蛋餅。劣評!6.蜆介鯪魚球賣相不是新鮮炸起的脹卜卜，而是收縮著的一個小球。粉漿過多，鯪魚過少，又一失望之作。7.山竹牛肉球不吃牛肉，沒有試食，不作評價。不論是食物質素及CP 值都不合乎理想，太過失望底下，只好一次過打完整個食評才貼相。 另外，酒樓冷氣十分強烈，要多注意保暖。唯一可以讚一下就是他們的茶葉是原片的，茶味濃厚。P.S.玉桃軒在星期六日會有額外收費，要注意哦！今次埋單$340, 這樣價錢應該值得更優質的食物質

平時約朋友晚餐通常都係食西餐，放題多，難得同媽咪撐枱腳，就去食中菜啦。唔想去太遠，近近地去官塘， 鱷魚恤大廈最多選擇， 最後揀左黎玉桃軒。 之前來過這裡飲早茶，今次係第一次食晚飯。我地去到既時候冇咩人， 之後陸續有客人來，  以平日黎講算係多人。玉桃軒裝修豪華， 有高級酒樓的風格，閃爍水晶燈，坐位與坐位之間很闊倘，感覺十分寧靜舒適。今次只得我同媽咪, 兩個小菜已足夠, 媽咪一向喜歡吃海鮮, 所以選了兩款海鮮類。翡翠花姿珊瑚蚌 ($98) - 花姿片鮮甜，珊瑚蚌爽口彈牙，西蘭花炒得爽脆，健康美味之選。清蒸海班仔 ($188) - 蒸魚看似簡單, 但其實需要時間及火喉配合得好, 才能把魚蒸得香滑肉嫩。 眼前這碟海班仔正是合格之作, 肉質嫩滑, 啖啖肉加上蔥絲, 及香甜的醬油, 魚的鮮味配白飯吃一流。

難得今日老闆出左去開會，我可以唔駛食得咁急，咁就去歎下茶先2點先有下午茶，我早左半個鐘添XO醬蘿蔔糕 $38煎得好乾身，唔會好油，而且蘿蔔糕好軟身，唔會好粉黃金炸豆腐 $38同樣地，呢個亦唔會好油，加上炸漿夠薄，外層脆脆地，內層滑溜溜脆脆羅漢齋腸 $27.5外觀好特別我以為會係好傳統果隻羅漢齋腸添，口感好正流沙奶黃包 $27.5滿心期待我最鍾意食既流心奶黃包，點知咬開之後卻令我有d失望，因為一d都無流心，加上唔夠金黃，相信鹹蛋黃落得唔夠濃湯靈芝菇餃 $27.5呢個點心亦令我失望，餃子裡既餡成舊都係肉，我個人比較鍾意食餡料以菜或菇為主，所以有d失望，反而湯就好清，好香菇味白灼菜心苗 $27.5芝麻煎堆 $27.5呢個比想像中油膩，攞起手已經成手油下次過黎我一定要叫磨菇珍菌包，見到隔離食已經被吸引住

前幾天同朋友約好去嘆中式下午茶。皆因朋友住觀塘便約定去APM 商場隔離既鱷魚恤中心6樓。玉桃軒享用brunch. Haha!（因為早餐都未食）。😂由於時間還早，不是太多人，坐位也很寛敞，很舒適。點心也有好多選擇！只不過得我同朋友2人。只點了2、3樣，慢慢嘆，但已很足夠了。

朋友準備今年係觀塘辦婚宴，今日陪佢去玉桃軒食飯，順便睇場同試下呢度既野食水準。玉桃軒係觀塘港鐵站旁邊嘅鱷魚恤中心，交通非常便利，而且門面光鮮亮麗。入到玉桃軒，燈光明亮，裝修非常新淨。而且全場水晶燈，帶出高貴浪漫嘅氣氛。酒樓雖然唔係太大，但係中間冇乜柱，所以視覺唔錯。係openrice 睇過有 blogger 推薦呢度嘅套餐 hK 438, 由於我朋友係麵包控， 套餐裏面有叉燒包、奶皇包、小籠包等選擇，啱曬口味。呢個四人套餐包括老火湯、沙巴仔、三款點心、一款小菜同一款主食，非常豐富一定夠飽。是日老火靚湯青紅蘿蔔排骨湯煲得非常入味，而且清甜。真材實料！清蒸沙巴仔原本以為只會係一條細魚，結果上咗一條成斤重嘅沙巴仔。肉身較淋，但尚算新鮮。四百零蚊嘅套餐，可以有蒸魚，已經算好唔錯了！三款點心我哋叫咗玉桃蝦餃皇。流沙奶皇包麵包鬆軟，而且有流心效果，正！上海小籠包小籠包做得皮薄，肉汁湯都包在裏面，一咬就食到，好味道！小菜我地選擇左欖角醬燒骨。呢個燒骨非常想推薦大家試下。佢好食嘅地方係個燒骨好惹味，炸過脆口而一d都無油膩感。燒骨仲要多肉地，水平非常之高！主菜叫左雪菜火鴨絲窩米。因為中意有湯水，滋潤d.

今天下午12點半，應朋友之約到觀塘玉桃軒午膳。觀塘玉桃軒好方便，而且我住响附近。我哋6個人等咗大約    10分鐘就有位坐，都幾快。我哋點了好多食物，食物嚟得唔算太快，要等15分鐘。不過好在逐點逐點來，唔怕逼爆餐枱。啲嘢食幾好味，但分量少得可憐！個花鵰醉雞仲細過個碗，雖然好味，但都嚇咗一跳！我哋全食點心，無食飯和面。個珍珠雞份量充足，都幾值得食；最後的甜品叫了個燉蛋，薑汁和蛋味恰到好處，非常好吃；其他都唔錯，可以放心。講到最差的，一定係服務。首先，我哋給漏了1張點心紙，用超大聲的聲音叫佢，個waitress昂首挺胸地向前走，完全唔望過嚟！去到最後想拿多張點心紙叫甜品，張點心紙好似失蹤，個waitress過咗5分鐘先俾我哋。而薑汁燉蛋居然唔俾湯匙！整體來說，食物的品質、鹹淡、味道十分好。但服務就……如果你唔係太有耐性，就唔好嚟嗱！