玉桃軒酒家 (鱷魚恤中心)

營業中

休息中

今日帶呀爸呀媽去食飯，當然揀間中菜啦，聽朋友講呢間質素幾好，所以我哋試下。而且地點非常方便，地鐵站一出就到，唔使老人家行咁遠。菜牌感覺高級，環境高貴整潔菜單上好多海鮮嘅推介，見隔離枱食緊芝士龍蝦伊麵，芝士香味好吸引，令我哋都忍唔住都叫咗衣味餸。波士頓龍蝦芝士伊麵 - 龍蝦$238 一隻，麵底加$48芝士焗得好脆好香，啲龍蝦好足料好好肉，平時好怕D斬件嘅龍蝦有啲碎殼會食得好唔舒服，呢度就唔會，Yummy Yummy。叫咗一個龍躉兩味，翡翠炒球＋陳皮蒸頭腩 每份$298呢個餐相對較細分，但係勝在龍躉非常鮮味，頭腩用陳皮嚟蒸都好入味，啲老人家都係食餐飯有條靚魚特別開心。蒜香糯米蒸肉蟹$168因為依個製作需時45分鐘，所以最後先到。賣相非常之吸引，聞到啲蒜蓉咁香第一時間試一啖蒜蓉加糯米飯，果然非常之惹味，再慢慢試埋隻蟹，肉質鮮甜，好多蟹膏好多汁，蟹肉＋蟹膏＋蒜蓉＋羅米飯撈埋一啖食落去，個味道簡直係極級享受，其實已經好飽但都忍唔住繼續食晒佢，食過返尋味呀 。整體嚟講呢間酒家服務好好，食物質素好高，請客食飯一D都唔失禮. 

父親節食飯眾所周知必定又貴又難搵位，所以我地一家人經商議後決定將父親節飯押後，所以今日就帶埋爸媽黎度觀塘既果然平日同節日真係好唔同，今日唔需要等位就有位，要先講講酒家既格局一啲都唔焗促，樓底好高仲掛住大盞水晶燈，老公仲講笑講話:嚟呢度擺酒都唔錯。而平日黎食飯既好處係唔洗迫之餘，服務員服務都好啲，一坐底馬上問我地飲咩茶及送上黑木耳前菜，仲話比我地聽有咩抵食精選菜式。而今餐交比爸爸發板，我地負責埋單。爸爸就主力選佢地既精選及優惠菜式。價錢都幾經濟及多選擇（爸爸錫住我地荷包）首先黎既係龍躉兩味，菜式有翡翠炒球及陳皮蒸頭腩，盛惠298元先講講陳皮蒸頭腩，佢地用既係好大條既龍躉魚，所以啲頭腩全部都好大舊，而佢用陳皮黎蒸，所以有好香既陳皮味，魚夠鮮而肉質爽嫩有魚味。翡翠炒球則用西蘭花及三色椒炒龍躉魚球，啖啖肉無骨，而魚質嫩滑，味道偏咸，最好送飯食。蒜香糯米蒸肉蟹賣相極吸引，服務員送黎時5米外已經聞到好香既蒜香味，而佢既肉蟹夠晒大隻，食落啲糯米飯唔會硬，飯吸收左蟹既鮮味，仲帶有蒜香味， 睇得出佢哋用嘅係新鮮肉蟹，所以蟹肉唔會 黏殼。最後係波士頓龍蝦，238蚊一隻，我地仲加左48蚊升級芝士伊麵底。送上

晚飯的時間，我和家人在觀塘逛街，家人想吃中菜，便決定來這間口碑不錯的餐廳試一試，來到這間餐廳，看見店內環境非常寬敞和清潔衛生，燈飾十分高貴典雅，所以給我一種很舒服的感覺晚餐孖寶($298)清蒸海斑仔魚延大條，非常新鮮，魚肉非常香稔軟嫩醬油金蒜脆皮雞雞肉非常嫩滑細密，份量非常多潮式煎蠔烙($88)用鴨蛋，清鮮甜美的蠔煎成的蠔餅，非常正宗，配上特定的醬汁，更加帶出蠔的鮮甜欖菜肉碎四季豆($78)細碎的欖菜比較鹹，肉碎香軟鬆綿，四季豆軟彈煙韌十分新鮮，份量十分多整體來說，食物的選擇挺多，食物的質素非常高，食物非常新鮮，價錢相對非常合理，店員有良好的服務態度和有禮貌，所以我認為這間餐廳值得再去惠顧

中午知道媽咪唔煮飯, 爸爸又出左街, 所以約媽咪去二人世界, 媽咪喜歡中菜, 所以都想搵間唔錯既酒樓, 忽然諗起之前去過鱷魚裇大廈的玉桃軒, 上次食過真係唔錯, 所以就決定呢間, 馬上訂位。揀玉桃軒另外一個原因係近APM, 食飽飯可以去行下當散步。放工同媽咪在APM行左一陣後就去酒樓了。由於早到所以未太多客人, 7點半後已經多客人, 建議7點半後入座最好訂位。酒樓裝修高尚, 餐牌種類多, 價錢亦合理, 我地最後點選:燒腩仔 $88瑤柱海皇雜菜煲 $88油泡滑斑球 $168前菜一碟係帶少辣的黑木耳, 黑木耳對身體好, 多吃都可以。脆皮燒腩仔真係做到皮脆, 每件只帶少少肥膏, 唔會過份油膩而且好香, 肉質好滑。一啖一口好正 !瑤柱海皇雜菜煲估不到有大量的菜, 小唐菜, 菜心, 紹菜, 西蘭花, 菇類, 雲耳, 而且還有蝦仁, 小貝柱, 粉絲等……粉絲吸收了湯汁, 送飯係一流。味道好清, 飲左湯都唔會口渴。油泡滑斑球價錢雖然要$168,但食後真係覺得值得。 斑球切大片, 經油泡過的斑球及魚皮好香口, 易入口而且可以吃不停。伴碟的西蘭花, 最怕煮得太生太硬, 加上媽媽牙齒唔好, 太硬的桱部可能

收工約咗家姐食飯，又驚夜晚落大雨， 就選擇咗玉桃軒。係APM穿過去，有涼氣涼浸浸，搭𨋢上6樓就到，好方便酒樓檯與檯之間嘅位置闊落，裝修富麗堂皇坐低侍應就畀咗一碟小菜我，係木耳同埋榨菜，食落去好開胃，越食越肚餓叫咗 秘製粉絲虎蝦煲 : 四大隻虎蝦， 隻隻都好似碗咁大。 蝦嘅肉質鮮甜，彈牙，再配埋粉絲，好惹味另外， 嗌咗個晚飯孖寶， 有魚同雞醬油金蒜脆皮雞: 雞肉滑身，雞皮都冇太多嘅脂肪，而且脆仲卜卜。 再配埋個蒜蓉嘅豉油， 知豉油煮過甜甜地，唔太咸，配埋雞好好正蒸魚: 當然我唔知佢係乜嘢魚啦，哈哈。 但蒸嘅時間啱啱好， 魚肉啱啱好離骨。 同時間能夠保持魚肉嫩滑， 睇下食到條魚幾乾淨，哈哈 絕對好食呢間嘅餸菜好啱我口味， 下次家庭聚會都嚟呢度食

平時返工都好忙，但都要抽時間同媽飲早茶，觀塘唔知係味因為老人多，周圍都佈滿酒樓，好多選擇，今次簡左呢間，燈飾幾靚，坐得都幾舒服。蠔皇香芋鴨腳札 $16.8腐皮夠林，唔似出邊酒樓啲甘硬身，索晒d汁好入味。好鐘意食芋頭，香芋夠晒粉，超鬆化好食👍🏻鴨腳食得出有八角整，好香入味，讚👍🏻鴨札黎講整得幾出色。香煎蓮藕餅 $17.8一上碟已經聞到好香嘅香芹味，賣相唔錯兩面煎得均勻，食落去好香好好食，仲有豐富肉汁同粒粒馬蹄，有口感同香味得黎夠好食👍🏻媽媽都讚好五式點心拼盤 $23.8-👉🏻菜苗餃感覺係新鮮包出嚟，因為食得出菜好新鮮-👉🏻粉果口感豐富，味道剛好，比平時街上食既好味-👉🏻薑汁糕彈牙得黎唔痴牙，甜度剛好，食多都唔會漏，媽媽覺得好好食。-👉🏻叉燒包拼盤必有，但我平時都麻麻地叉燒包，所以無食到。-👉🏻蝦餃蝦餃就食得多，平時唔覺得好食，不過呢個蝦餃令我改觀，用料新鮮，有蝦既鮮味，調味剛好，同個皮好夾，係我食過最好食既蝦餃。蜜桃桂花糕 $24因為入面加左蜜桃，所以同平時食既桂花榚有出入，似食緊啫喱。午市優惠套餐 $128👉🏻瑤柱蛋白炒飯飯粒乾身，除左瑤柱有點咸之外都幾好食，唔知以為係媽媽炒，因為味道

今晚跟家人一起吃晚餐，一家人食飯，選中菜最簡單，長輩一定喜歡。燒鵝$238半隻，尚算抵食。燒鵝不算肥膩，皮尚算脆。肉質夠腍，容易咬開，而且尚有一點肉的纖維，口感豐富。我喜歡燒鵝配的酸梅醬，酸味不多，甜甜的味道，很清新，跟燒鵝很匹配。$88的秘製鎮江骨煲，每件都大大件，部分有少少軟骨。軟骨部分是脆骨，咬起來卜卜聲。味道偏濃，是餸飯的好選擇。最後，餐廳衛生良好，碗筷乾淨。侍應會幫我們加水及換碟，服務水平值得稱讚的

朋友相約，前往觀塘購物及聚餐，經過一輪購物後，走了多間形形色色的酒樓。大多滿座，直至找到這間，剛好有空閒位置，一於一試。 本身也擔心會不會不好吃，但相信，中國菜，應該不會太差吧。第一個是來前菜，炸菜雲耳。榨菜唔算太鹹 ，夾埋冇味嘅雲耳配合得啱啱好。 雲耳爽脆，作為前菜啱啱好清涼又開胃。第二個是西施柚子蝦球 ，聽到個名，本身以為只係普通柚子蝦球， 冇諗過西施嘅意思， 西施一諗就諗起美女。原來係走油大蝦配柚子汁，而西施嘅意思，喺我眼中就係擺得好靚嘅擺盤。 大蝦外表鬆脆，內裏有汁，最重要一啲都唔腥，仲好新鮮。第三個瑤柱海皇雜菜煲，黎到已經有驚喜， 完全冇諗過咁足料， 雜菜煲上面鋪滿咗瑤柱同大蝦， 雜菜煲裏面有多款唔同嘅菜 ，最得人鍾意入面仲有粉絲，幾樣嘢加埋口感配搭一流。最重要仲好fresh好清新， 食完都覺得好健康呀。見到menu 佢好似好推介燒鵝 幾個人 叫咗一個半隻嚟試下 平時燒鵝一定係諗起深井 喺觀塘諗住， 應該都唔會太好食 ，點知來到 ，完全超乎想像燒鵝鹹度剛好 ，又有鵝味， 肥瘦適中 ，外皮鬆脆。另一樣值得抵讚係佢嘅服務，職員主動幫我們換骨碟，唔會搞到地方污糟邋遢。最後一人一個白

難得今日放假雖然紅雨和3號風球，我依然和父母出去飲茶，因為已有一段時間冇陪父母飲茶了。雖然官塘鱷魚恤大廈好多酒樓，本人之前系玉桃軒食過晚飯和飲過茶覺得呢間質素好d。咸水角炸到金黃色，外層好脆咬落好煙煙韌軔。蝦餃皮薄餡又大，內里蝦肉好爽口彈牙鮮甜😋流沙奶皇包不會太甜。蜜汁叉燒腸皮薄又包住好多叉燒啖啖肉，好足料。蜜汁叉燒飯：叉燒真是燒得好入味又有好重的蜜糖味，又唔會燒燶，又夠腍唔會硬，難怪會推介叉燒系皇牌😋😋😋南翔小籠包內里好多肉汁。花膠瑤柱罐湯餃：有大大塊花膠，果然好足料抵食😋

今日去觀塘做嘢，順便同個客食餐晚飯。喺佢地頭當然係佢話事去邊到食喇。佢話想食中餐，咁我就上網摷下啦喺。 同個客食中餐梗係唔會去大排檔或者茶餐廳啦。但係今時今日淨低嘅酒樓都唔多了。上網就搵到喺apm隔離果座大廈嘅酒樓。佢話呢間都食過啲嘢幾好食，咁就試下啦。上到去一般中式酒樓嘅裝修格局，佢又唔算係太過豪華嗰隻但又唔係太差。我哋睇下餐牌叫咗三樣餸 。一樣係佢餐牌推介嘅蜜汁叉燒王，另外叫咗個彩椒炒花膠同埋西施柚子蝦球。個叉燒好快就上菜，我第一時間就夾咗個叉燒頭嚟試下。果然好重蜜糖味同埋燒得啱啱好，唔會燒黑曬。唔怪得之咁有信心去推介佢地嘅叉王。另外個花膠炒得好爽，再加埋幾種唔同顏色嘅彩椒。食落去都幾清新，唔會好油膩。令我有驚喜嘅係西施柚子蝦球。首先個蝦球應該係用油泡過， 不過食落去一啲油都冇。另外啲柚子汁有少少酸味加上柚子既澀味配落d蝦球度真係正。酒樓嘅大廚功夫同茶餐廳嘅真係唔同一個層次。喺個花膠同埋呢碟柚子蝦球就睇得出層次嘅別。 其實依家茶餐廳普普通通炒個餸都七，八十蚊，上去酒樓只不過係畀多十零蚊一個餸但係食物嘅質素真係高咗一個層次。 如果想坐得舒服啲同埋食得好少少真係幫襯酒樓好過去茶餐廳。下

一個星期前訂位，去到俾電梯前張枱我，咁我訂位做咩？仲要俾門口個知客話我，打左俾我兩次都唔聽電話！仲話我唔打返去！首先，我唔一定聽到電話，同埋我一定認得酒樓電話啦，你又唔留言話係酒樓打黎再確認訂位；而且，如果你地係一定要再確認既，會唔會訂位時講聲你地會早一日再打電話黎，如果接唔到的話我要再打黎酒樓確認呢？加上，搵我唔到可以留個言俾我丫，你留左言我都唔理你就係我衰jei！依家你唔認錯仲要黑住面咁話我！呢d服務態度會唔會有d過份！之後叫我地坐住電梯張枱等轉枱，我地坐啦，又完全冇人理我地亦冇諗住開茶俾我地，乾等，後尾我地到見到部長樣既同佢講佢先開茶，同埋好快安排到轉枱！可能接近父親節關係，環境比較擠迫，開滿大枱，唔太行到，菜牌亦唔同左，每個餸都貴左$20-$30，想試既秘製鎮江骨煲冇左！7點多已經冇晒片皮鴨，問有咩推界，佢話食乳鴿啦，但兩隻乳鴿瘦到一個點，又乾又冇咩肉... 佢既蜜桃咕嚕黑豚肉係好味既，個炸粉唔厚，好香脆，個汁好味，推界！沙窩干蔥燒汁牛仔骨、秘製欖角醬燒骨同埋脆皮燒腩仔都算係好食既！至於金銀蛋莧菜就正常啦！概括黎講，食物質素係可以，其他人既服務都其實不錯，至於大門口個知客就真係

呢次經驗令到我以後試新野，都要自己同朋友去試咗先，千祈唔好帶屋企人去試，因為當你遇到啲不公平嘅對待都要吞聲忍氣！見到OpenRice 嘅食評幾好，所以帶埋爸爸同細佬一家人去試吓，一行6人，真係有老有嫩，未到之前我已經打電話去訂，嗰位reception話都應該有位，唔洗訂嘅！我們大約30分鐘內到達，她說裡面無位要坐門口，位置係reception 嘅出面對住部lift！因為怕爸爸同BB攰所以好無耐都要接受點知後來walk in 的5位、6位、4位、8位再6位都可以坐入面！我真係想爆，我都忍！到個冬瓜盅嚟嘅時候，個冬瓜盅穿咗流晒湯落枱布，個夥計仲不停裝落我地個碗度，務求裝晒落個碗度，攞走個冬瓜盅就算，我即刻叫佢地個部長來，個侍應先肯停手！今次我卒之要爆，我話裏面有位，又講大話話冇位，都唔明點解咁普通，都要講大話，要我地坐lift 口，個冬瓜盅穿嘅，漏到成地都係，叫佢停手都唔停！佢見到我鬧喇，先話換我！漏水冬瓜盅，狂漏裝咗4碗，都無喇漏到咁樣，唔出聲都唔會換俾你牛柳用鬆肉粉醃過，啲青紅椒同個醬汁格格不入呢個生炒骨皮脆肉嫩呢蝶小食好咸，4大1小1B俾2蝶就係食咗呢幾樣嘢，咁就7佰幾，贈送一肚氣

到觀塘吃晚飯，想找間坐得舒服既中菜酒家，選了玉桃軒，入到門面已覺得好適合擺酒，裡面大堂佈置華麗。前菜係醒胃酸醋黑木耳，爽脆。先點了個開胃首選柚子炒明蝦球, 柚子味濃，見到柚子醬汁沾滿每一隻蝦，好均勻，蝦球大隻，鮮甜, 有成8，9隻蝦，大份，隻隻蝦都好爽脆，仲用左三色彩椒炒，好色彩繽紛的開胃菜色。之後叫了呢度馳名既，北京片皮鴨～一推車出黎已引來艷羨目光，肥美漲卜卜既鴨，色澤好靚，仲有兩籠薄餅皮跟上。店只細心為我們片薄片，鴨皮烤得香脆，鴨肉多汁，皮脆肉嫩、攞起熱㷫㷫既薄餅、包起青瓜、蔥蒜、海鮮醬，絕配，而且份量好大，4個人都食唔晒。鴨肉都唔放過，叫了二食係涼瓜炒鴨肉, 涼瓜爽脆，甘香。仲有重頭戲係芝士焗波士頓龍蝦$286，芝士味夠濃，伊麵加多$48，因一隻唔算好大隻，所以龍蝦肉唔夠喉。再叫了蘭度炒牛肉粒, 介蘭清甜，牛肉粒夠鮮甜。餐牌還有好多野食，下次要再同屋企人黎先得。

同屋企人到觀塘鱷魚恤中心吃晚飯，有好多酒樓選擇，選了中等價錢既玉桃軒酒家。見佢有套餐同不同特別菜式揀。首選芝士焗波士頓龍蝦伊麵同京式片皮鴨。龍蝦當然係芝士焗最好，芝士味香濃，焗得表皮脆口！芝士焗龍蝦呢，肉質係爽的！都仍然有鮮味！內里肉質好嫩滑👍北京片皮鴨，配料搭埋薄皮，卷住一齊食好好味，好香鴨味、皮又脆皮脆肉嫩、包著薄餅、青瓜、青蒜、海鮮醬，送入口，鴨肉汁即爆出二食叫了涼瓜炒鴨肉，鴨肉好大件，涼瓜甘甜唔算苦。蘭度炒牛肉粒, 牛肉粒淋身唔韌，介蘭爽脆唔會太過火喉。柚子炒明蝦球, 柚子味清甜，剛剛好包住隻蝦, 蝦爽脆，醒胃呀。

端午節難得一家人放假，於是就決定去附近飲個茶聚一聚。下晝兩點幾去到，店面並唔多人，可以直接入座落左單好快就到齊哂，熱辣辣！三個人9份點心，唔會太heavy!熱到哄埋去影相鏡頭都起霧！蘿蔔糕外皮香香脆脆，唔會一夾就散燒賣最正常，大大粒好足料排骨偏咸，吸味既芋頭咸到要灌水！蓮藕餅好香，亦都食到蓮藕碎，好清新，減輕左咸味～菠菜餃好食，可能蒸太耐個外皮有少少溶。棉花雞最好食，雞肉唔會老。蝦餃係崩潰地咸，大大隻蝦餃餡料都好足，成粒脹卜卜，好開心咁擺落口跟住即吐出黎，咸到好似餡料加半匙鹽包埋一隻咁仲要係每隻都咁咸！太重手喇！