狎鷗亭居酒屋

營業中

休息中

東亞信用卡有半價，叫左個四人餐，連湯同甜品共九道菜，份量夠~韓國o野都係以辣為主，辣度都算適合香港人口味~其中頭盤海螺沙律幾開胃，海螺肉有咬口~海鮮豆腐湯既辣又帶點鮮甜，幾好飲~生牛肉石頭飯就略嫌D甜辣醬少左D，唔太夠味~整體食物質素唔錯，但原價偏貴，如果冇優惠其實又唔太值~

I tried the set dinner for 4 by the BEA credit card promotion. It was great!First the decor of the restaurant was v romantic, dark and with candles. And the 5 of us sit at the tatami area, v comfortable.The food portion was very generous, even for 5 big eaters, it was more than enough. And it tastes gd as well. A bit spicy for some dishes, so we order it to be done less spicy. And the manager took good care of it. He was very nice and take pictures for us. Excellent customer service.But there ar

為慶祝契女生日，特別帶佢出來見識下，嘻嘻!東亞咭與這集團合作，搞個特價優惠，有個$250特價套餐好抵，可借無牛肋骨，但又唔可以改，決定散叫，散叫都有88折，不過老公叫枝真露就無得折。先奉送一碟前菜併盤，銀魚仔最好食，又甜又脆；而泡菜味道比一般辣，仲好鹹tim。炒粉絲-味道正宗，麻油味好夠香。炆牛肋骨栗子煲-無論栗子、牛肋骨、蘿蔔及冬菇都唔夠入味，好失望。海鮮泡菜石頭飯-所謂海鮮就只得四隻蝦及零零碎碎的八瓜魚，但勝在有泡菜，所以味道都算香，可借D飯稍腍、飯蕉又少。泡菜卷-一客有八、九件，非常之多，與前菜的泡菜一樣好鹹。韓式班-即係一般的韓式煎餅，這碟不錯，食落唔會好多粉，煎得又脆又香。服務方面唔錯，好主動，而且本想叫個刺身泡菜包，但侍應姐姐話份量好大，驚我o地食唔晒，勸我o地改食其他。最後本來想食甜品，記得以前食過有韓國雪榚的，但佢o地話是日甜品買晒，但係當時還未夠8點。

我今日去到食二人餐, 黃魚已經轉左1條, 但都好夠食!而且洛order 時已經立講明要小小spicy, 食洛都ok!!最喜歡佢個牛肉生菜包, 個醬同牛肉一齊包好好食...

東亞信用卡promotion，於是同朋友V黎試下。二人套餐半價後$250︰- 前菜︰有波菜﹑泡菜﹑魚仔﹑青瓜，酸酸辣辣，幾開胃- 燒豬肉沙律︰麻麻地- 牛肉生菜包︰味道都ok，但要用手包有點麻煩- 海鮮豆腐湯︰顏色如泡菜般，幾辣，飲唔到無評價- 燒辣汁黃魚︰無點辣汁，好味，兩大條，肉質很嫩- 扒大蝦傳統石頭飯︰都ok，隻蝦幾大隻- 甜品︰棷汁糕，普普通通食物一般，如無優惠，應該唔會再黎。奇怪呢間韓國餐廳無韓燒，不喜歡。

訂了位所以有卡位坐, 幾舒服, 可靜靜傾下計酒: 叫了兩支真露, 加兩罐Hite前菜- 波菜+豆+泡菜, 用別緻的碟盛著, 賣相可以, 但食味麻麻牛肋骨粉絲煲- 有兩舊牛肋骨肉味算濃, 粉絲如多點會更好炒年糕- 忘記了用什麼炒, 辣辣地, 但味道偏淡埋單三百多元, 環境可以, 服務都ok, 叫茶或加茶都算快, 但味道真是麻麻, 下次未必會再幫襯

d食物冇咩味,仲有食物黎到時唔知點解係唔熱既!叫左幾樣野,幾樣都唔ok~菜色選擇唔多,價錢同食物唔成正比!價錢都幾貴~唯一可以既就係環境都算係可以lor!

同朋友食飯,見有85折咭,所以去左食飯,去到見到d碗筷都幾有韓國feel,不過食完之後就唔想再去啦!1.前菜,係泡菜,菠菜拌麻油,甜魚仔同埋紫菜,泡菜有d辣幾好食,菠菜普普通通,自己都整到,甜魚仔好硬,紫菜有d咸,無咩特別2.青梅酒,幾順口有d梅味$58兩個人share已經夠飲,如果好酒人士就可能唔多夠飲,試下韓國既酒都ok3.拌什菌,呢晚最好味既餸之一,又係什菌拌麻油,加左d芝麻,都係可以自己整到4.紫菜芝士素菜蛋卷,一食只係有蛋味,無紫菜味,無芝士味,梗加無素菜味啦,同個汁可以加埋食,超似M記既麥芝蛋包,不過無芝士味,8蚊一個,去M記食會好d,因為呢個要$555.傳統韓式薄餅,得個"咸"字,食到d辣椒子就辣到死,有3大塊,cut成6塊,食左2塊已經頂唔順,可以加個汁食,不過重咸6.海鮮炒年糕,年糕得幾塊,好辣但係好食,係另一個好味既餸,不過個分量真係少得可憐!服務態度都不過不失,係無水囉!其實唔係唔想再叫野飲,而係飲左個青梅酒,已經好夠啦,d野食又辣,想叫佢比杯水我地解辣,無囉!最後比左杯好熹既熱水我地,等我地食完成餐飯就可以飲啦,所以我地係用d酒去解辣....都飲到wing wi

去過幾次都無位要等...可能是禮拜5 6 0既關係...所以我同朋友揀左星期一去嘩.......真係好小人位都唔洗等....很好^^我和朋友共4個人.....經理先生給我們一個很特別的位, TAR TAR MI 雖然很日式,但我很喜歡><'我們點了五樣野:牛肉他他配香梨(必食!梨子甜甜的和牛肉一起,好正)燒牛肋骨(都是牛,不過都好味)辣海螺沙律(這個很辣,我沒有吃.但朋友們都說好味酸酸辣辣的,,,,我想應該可以小辣吧)牛肉素菜鍋(唔知點解這間店的牛肉總是甜的.可能是韓國特色吧.有GAS爐燒著有打邊爐的感覺)鵝肝配茹石頭飯(一個字正,勁香)我們都叫了SUMMER DRINK 都很好有HAPPY HOUR不過洗手間只有一格要等好耐......><

o個日同女朋友去食飯叫左幾樣野食全部都幾好食有海鮮pancake: 脆脆o地配埋個spicy sauce 幾香口 牛肉炒魷魚:好好味,送飯一流 燒牛肋骨:汁夠濃牛肉入味不過唔係好似燒似燴多d 鮮蟹pot:鮮味夠又多膏 仲飲左杯梨花園,好飲不過個場太暗　睇野好辛苦

之前試過因為太多人, 去到冇位冇得食. 星期日和朋友2個人再去碰運氣, 結果居然發現冇乜人. 2個人唔試到好多野, 叫左3款食物+2杯飲品.1) 韓式傳統薄餅- 不過不失, 個饀應該係薯茸, 食完已經有d飽2) 栗子炆牛肋骨煲- d 牛肋骨炆得好腍, 個汁好好食, 甜甜地.3) 海鮮炒年糕- d年糕好韌, 我覺得南山谷好食d 服務普通, 食物都普通, 整體感覺中等. 自己覺得相類似的南山谷就比較好.

半年前幫襯過2次,雖然服務員態度差,ORDER 食物時又叫極唔應,但食物味道都算OK有D Fusion Feel咁,所以呢個禮拜帶個朋友仔幫襯,點知食物唔掂不特止,仲食出一肚火!(o係度借此機會同個朋友仔say聲sorry先,下次請您食餐好o既補番數!) 個日禮拜日晚八點鐘,記得半年前呢個時候分分鐘要等到九點半先有得入座,點知一走入去,仲以為睇錯表,間野客都唔知有無10個,好似"打羊"咁.都覺得勁怪架拉. 坐低後叫左個我既至愛"石頭飯"同埋"韓式薄餅".上菜時,個石頭飯唔係太熱,D飯又淋到一pet pet咁,但隔離可能係熟客既關係,勁好招呼,連石頭飯都熱過我地o個個"炸炸聲"架....個"韓式薄餅"仲衰,首先個樣同pic menu完全唔同,夾落去即刻散開,放埋入口仲唔掂,一口油,都食唔出鹹定甜,點埋個spicy sauce先至有味,墈稱食物墳化爐既我呢次都遇到對手,最終食剩成塊. 臨走個陣去個所仲火滾,明明lock左門,點知出面既人都可以開到,之後我向個waitress投訴,佢仲堅稱度門無問題,仲示範俾我睇只要用全身既力,勁大力壓落度門就lock到,我問佢點解唔貼張告

同朋友想搵好野食, 朋友仔諗起半年前去過呢間餐廳, 都幾好食, 咁就上左去當時大約8點, 只得小貓三兩隻, 咁我地都無為意, 仲覺得好彩點了三樣菜,1. 猪肉泡菜石頭飯-- 上枱時只覺賣相似茄汁炒飯, 濕漉漉, 石頭鍋一D都唔熱, 把飯壓實等成分鐘都無飯焦; 放入口只食到飯及切到極細的泡菜, 猪肉...? 搵唔到囉....口感極差, 一D都無石頭飯個種飯焦香...隨飯附送個湯係公仔麵個種味精湯而唔係牛腩蘿白湯2. 韓式薄餅-- 傳統韓式既我唔知係點, 但係日本D韓國人開既店賣既全部係脆卜卜好好味既, 咁咪諗住叫黎試下... 上枱時賣相似圓型薯餅, 未放入口已經碎開, 放入口完全係粉漿未煮熟既感覺, 亦食唔出有咩料係裏面, 味道有點酸, 可能係泡菜吧...姑勿論是否正宗韓式薄餅, 總之好難食. 3. 牛肉餃子湯-- 算是最正常的一道菜, 湯底是牛腩蘿白湯, 只是牛肉得幾粒.本來不想浪費食物, 但前兩道菜真的很油膩, 多吃兩口有想吐的感覺, 只得放棄. 侍應服務態度亦相當麻麻, 我問個waitress點解個飯濕漉漉石頭鍋又唔熱, 佢仲答我"係咁架." 你唔係蝦我未食過石頭飯下嘛~!? 懶

環境幾好, 但唔係好韓式feel. 燈光好暗, 差d連食物都睇唔清楚.侍應服務幾好happy hours 既飲品幾抵, 個drink list幾多野選擇.食品就不過不失, 但唔會令你再去試第二次松茸上湯石頭飯焦-幾特別, 非一般石頭飯, 但有松茸味就冇乜.泡菜豬肉飯-少少辣, 好熱好好味. 可能係我一向對石頭飯的偏愛.香辣雞雜菜煲-一d都唔好味, 雞"鞋"到唔想食, 而且份量少得可憐.紫菜旦卷-又係唔好食

因為做左member,有張coupon及有八五折,咪黎試下囉!兩個人叫左三樣野加兩杯飲品:1) 韓式傳統煎薄餅(coupon 送的)2) 牛肉生菜包3) 烤牛肋骨4) Cocktail x 1 5) Cass韓國啤酒先講個煎薄餅,有d似煎薯仔餅,但係無乜味道,好在係送的,不吃也罷。再來是牛肉生菜包,都幾入味牛肉都幾腍，但係跟平時在foodcourt食O既韓式牛肉飯味道差唔多。最後是烤牛肋骨,味道ok但價錢偏貴。反而飲品比想像中好, cocktail和啤酒也很易入口。總括而言,用呢個價錢食韓國料理選擇多的是。所以番兜機會極微!