狎鷗亭居酒屋

營業中

休息中

環境幾好, 但唔係好韓式feel. 燈光好暗, 差d連食物都睇唔清楚.侍應服務幾好happy hours 既飲品幾抵, 個drink list幾多野選擇.食品就不過不失, 但唔會令你再去試第二次松茸上湯石頭飯焦-幾特別, 非一般石頭飯, 但有松茸味就冇乜.泡菜豬肉飯-少少辣, 好熱好好味. 可能係我一向對石頭飯的偏愛.香辣雞雜菜煲-一d都唔好味, 雞"鞋"到唔想食, 而且份量少得可憐.紫菜旦卷-又係唔好食

因為做左member,有張coupon及有八五折,咪黎試下囉!兩個人叫左三樣野加兩杯飲品:1) 韓式傳統煎薄餅(coupon 送的)2) 牛肉生菜包3) 烤牛肋骨4) Cocktail x 1 5) Cass韓國啤酒先講個煎薄餅,有d似煎薯仔餅,但係無乜味道,好在係送的,不吃也罷。再來是牛肉生菜包,都幾入味牛肉都幾腍，但係跟平時在foodcourt食O既韓式牛肉飯味道差唔多。最後是烤牛肋骨,味道ok但價錢偏貴。反而飲品比想像中好, cocktail和啤酒也很易入口。總括而言,用呢個價錢食韓國料理選擇多的是。所以番兜機會極微!

上星期六同我男朋友去吃晚飯慶祝男朋友生日，因為沒有訂位所以要等，雖然門口非常熱&窄，但唔洗好耐就有位(個經理先生好好人，不停幫我們check住訂o左位但無o黎/遲到，一夠15分鐘就被張枱我們，嘻嘻~) lucky~ 侍應推介的特飲唔係咁好飲，好鬼死甜，因為個日唔舒服無試到o的cocktails，下次去一定要試! 至於o的食物曾係好好，燒牛肋骨好好味，生菜牛肉包又好好味，不過個紫菜旦卷就麻麻，鞋拾拾咁，都係一門d玉子料理好食d。另外想試個刺身泡菜包(or sth like that)，但係經理先生話都幾大份，2個人實食唔晒，叫o左泡菜朱肉卷instead，都ok好色，同埋好大碟! 2個人，4樣o野竟然食唔晒，抵食! 唯一美中不足係好似無甜品，如果有埋就perfect啦!

The service is OK. You can find food here that you can't find somewhere else. SHOULD TRY, HIGHLY RECOMMENDED.

兩星期前同幾個舊同事嚟試下, d 食物味道只屬一般, d dish 唔係好大碟.海鮮炒年糕- 好多海鮮, 不過只有5 舊年糕, 味道一般. xx 雪魚(唔幾得個名) - 好細舊銀雪魚, 好多雜菜, 味道都係一般. 雞煲(唔幾得個名) - 竟然只有5 舊雞, 其餘全是雜菜, 好搵苯, 食物同味道無特別.牛肉生菜包(唔幾得個名) - 牛肉幾林, 係全晚最好食的一個菜.牛肉石頭飯- 味道好淡, 唔覺好味.同一位同事都覺得金巴利街的韓國店舖好味好多.整體上d 食物麻麻, 唔值得試.我地走的時候忍唔住同個waitress 講, 年糕同雞的份量出奇的少, 有d 唔值. waitress 回應會改善, 叫我地下次再來. 心諗"米餃" , 無下次

22/05/2005 20:00早前長今大熱，想食韓國菜也要避一避風頭，如今熱度暫退，可以唔駛等位舒舒服服咁食番餐韓菜了。揀了狎鷗亭，雖知呢間唔係好正宗o既韓國菜館，但原因有二：之前食過對佢o既質素有信心同最緊要就係.....有優惠咭！呢間o既格調係走新興o既居酒屋路線，全店裝修昏暗，不設韓燒，所以不會有油煙味。兩個人幸運地分配了一張六人的塌塌米檯，又大又坐得舒服。兩人點了食物如下：蝦沙律、牛肋骨、辣雞煲、傳統石頭飯，再加一杯飲品"明洞"。先上來的是三色前菜，這裡的前菜很普通，跟漢ＸＸ任食韓國料理的質素沒有兩樣。然後是蝦沙律($75)，雖身在韓式菜館，但這明明是一個泰式風味的蝦沙律，蔬菜方面有青瓜、椰菜、甘荀，再淋上醋和芝麻，不是個不折不扣的泰式沙律嗎?蝦很新鮮彈牙，其他蔬菜亦很新鮮，份量亦足。主菜之一的牛肋骨($125)用鐵板上，侍者會為你切件。份量貴精不貴多，牛肉腍身但不失口感，醬汁和牛肉汁配合起來極之鮮味，隨碟附上的醬油已顯得無用武之地了。而伴碟的配菜也不要忽略，磨菇和洋蔥都非常新鮮，煎得剛剛好！另一主菜雞煲就不及牛肋骨精彩，雞件少而且肉身較鞋，配菜的薯仔比雞還要多。味道方面不錯

星期六同兩個死黨shopping完後去個度搵食，知道呢間算叫新開，去試一試。真係大長今效應，我o地7點幾去到要等位，就算10點幾11點仍然不斷有人食，而且餐廳內播放緊大長今套戲tim。我o地坐底可趕及happy hour last call，死黨C飲石榴乳酸梳打-好香石榴味、味道較甜，而我同死黨W飲梨花園-味道似橙汁沙冰。韓式泡菜卷-雖然話泡菜卷，味道一d都唔似泡菜，似普通的黃芽白包住d雜菜絲。韓式蝦沙律-似泰式沙律多d，蝦好大隻夠彈牙。韓式炒粉絲-雖然配料唔多，但味道唔錯，死黨W仲食清晒tim。香辣雞雜菜煲-d湯汁夠晒辣好好味，尤其是o個日轉冷，飲左好暖胃，雞件滑又入味，可惜所謂雜菜只得甘荀同薯仔。泡菜豬肉飯–熱辣辣又有少少辣味，好野味好開胃，平日晚上不食飯的我，都添了兩碗。甜品係韓國雪榚，第一次扲o黎時好溶，而waiter哥哥肯幫我o地換，第二次都係唔多硬不過都好過第一次的。要紅豆同芝麻，奶味淡、紅豆味芝麻味亦唔濃，但鐘意雪榚入面有d碎冰，食落好有口感。俾人覺得似一間fusion韓菜，但都可以食到韓菜的傳統的味道，而且價錢平又唔似傳統韓菜大大碟。論服務手人唔多夠，但個個都好好態度。

2月13日晚, 因見情人節套餐份量好似太多, 所以只散叫1. 生牛肉什菜石頭飯2. 韓式斑戟3.人蔘雞煲石頭飯熱辣辣, 很有香味, 有正宗飯焦韓式斑戟香口人蔘雞煲- 翻轉成煲雞只到兩片蔘, 而且湯冇蔘味, 不試也罷環境裝修歹不錯, 有別傳韓國菜館招呼不差, 侍應勤換碟另, 店內所有飲品都是收費的, 包括茶

由於情人節有事, 同女友提早了一晚慶祝情人節.因為有king parrot group 的優惠咭, 所以優先考慮了旗下各餐廳的情人套餐.雖說經濟好轉, 但都要慳o下荷包, 最後揀了狎鷗亭, 因為套餐價只係$420!前菜- 韓式雜錦冷盤主菜- 海鮮素菜煲, 燒牛肋骨, 松茸上湯石頭飯焦甜品- 雪糕咖啡或茶雜錦冷盤, 比較特別是其中的三色蒸蛋及鹵汁牛肉, 牛肉腍而入味, 配菜的白蘿蔔亦很甜海鮮素菜煲可以當湯飲, 都幾辣, 但很鮮甜, 有海鮮的鮮味, 不錯!!牛肋骨不靭, 又有牛肉味,用上類似沙爹的醬汁, 配起上來挺好吃, 唯份量較少.石頭飯焦很特別, 端上檯時是分開的, 侍者即場將湯加入石頭飯中, 香氣撲鼻, 食到底時又可吃到微燶的飯焦, 真不錯!!這裡的很多特式的韓國菜, 而且賣相都很精緻, 有機會會再試的!

o個日朋友生日, 我o地四個人去試o下... 先來了一個素菜冷盤, 點知真係o黎一個全盤綠色的"生"菜,味道... 好難入口...其他..試o左推介的蟹煲..成煲野好細.. 味道一般, 不過都幾貴, 都唔辣, 但唔知點解係3隻辣椒。其餘, 有辣年糕, 尤魚冷盤, 泡菜炒飯, 1 jar 果汁酒&梨花園...味道都係一般..

上星期和朋友到諾士佛臺, 偶然間有幾位來自不同餐廳的侍應同時向我們推薦這間新開將的韓國餐廳. 皆因他們全部都是來自King Parrot Group. 眼見餐牌上的食物款式和種類都頗有新鮮感, 於是抱著好奇的心態到<狎鷗亭>一嘗晚膳. 味道(Taste)：i. 松茸上湯石頭飯焦( 5 ) –<見圖＞　石頭鍋飯，聽得多，吃得多，但石頭飯焦則第一次接觸, 上菜時松茸上湯和石頭飯焦是分開上的，然後有專人為我們攪勻，所用的石頭夠耐熱，飯焦香脆，配上松茸上湯更令人回味無窮. ii. 韓式牛尾湯(４) -　落足材料, 突顯牛尾的鮮味，入口清甜, 不過朋友則認為稍淡.iii. 海鮮鐵鍋麵(3) －　辣，不過越辣越開胃.iv. 海鮮庵列(3)　－　味道普通, 不過漿汁特別.v. (drinks) 飯漿(4) –好rich, 不太甜. 　p.s. Drink List 裡有很多特色飲品，不過含酒精成份的居多服務(5)：適逢king parrot的高層也在場, 侍應有優秀的服務態度, 詳細介紹每道招牌菜的特色，亦能夠顧及客人的感受及意見, 誠意可嘉. 抵食(３) : 餐牌上食