牧羊少年咖啡館 (K11購物藝術館)

營業中

休息中

K11推薦會員計劃， 入會後送K dollar, 在K11商場內指定商戶當電子貨幣使用。 今次選擇牧羊少年， 當然使用K dollar, 仲有會員優惠消費滿$300減$50。 牧羊少年幾間不同分店都試過， 呢間K11食店係近期熱門。 門口排滿人龍， 建議前來先在商場App 內取票， 取票後要留意下幾時叫號。入座後限時90分鐘， 食飯時間足夠， 如果想與朋友談天， 時間比較趕。 我們試左冬陰功意粉， 有汁， 輕辣味。我試過其他餐廳點這個意粉， 這款冬陰功味不夠出， 但保留西式意粉好味。其他小食比較， 豬肋骨較貴， 但性價比高。我們點特飲及手工啤酒。 啤酒沒有特別， 建議試特飲比較好。

難得想黎呢間野食，便試試！我一直都好有禮貌同個男服務員對答，佢完全冇禮貌兼唔比我說話，1）我話一位，佢話：等等先啦！2）坐低左，一杯水都冇！總之，我一踏入呢間野開始，呢個男服務員態度勁差，好似得罪左佢咁😔😔後期佢應該get到我唔happy!我全情black face!天呀！一個人食飯冇罪，點解要咁對我😭😭😭呢間野講到幾好食都冇用，我發誓唔會再去😤😤😤

經過K11成日見到好多人食呢間餐廳今次專登早啲出門等位，等咗陣已經有位啦～ 雖然係平日，但十二點已經滿座因為唔太餓所以叫咗個沙律🥗同薄餅🍕呢個沙律份量都好大，配埋芝麻醬好清新雞肉唔會太乾，芒果又甜，車厘茄又酸甜醒胃薄餅嚟嘅時候我發現我哋低估咗佢嘅份量，原來佢好大份🤣因為即叫即整所以上枱都熱辣辣和風嘅薄餅比我想像中好食，各種配料嘅配搭都唔錯唯一美中不足嘅係芥末太辣🤭，但整體而言都好食嘅唯一美中不足係啲位比較窄今次我哋得兩個人只係試到兩樣食物，有機會會再試其他食物

本身同朋友係尖沙咀想搵間適合傾計既餐廳，一諗就諗起牧羊少年，可惜入到去先發現K11依間牧羊少年唔算大，同埋被安排坐係要搭枱既位置，所以感覺有D迫，同埋講野回音好大好嘈呀! 不過好彩，食物質素都加返D分灸燒荷蘭汁豬肉排($78)每次去牧羊都會叫既豬排，吸引在個豬排燒得好香，同埋好多肉汁食落唔會柴口，仲要足足兩大塊份量十足上面既荷蘭汁配Eggs Benedict就試得多，但加埋落豬排一齊食好少見第一印象感覺會好漏，但食落一D都唔會，因為個汁質地無其他蛋黃醬咁杰身同酸，所以唔會搶走豬排既味之餘又可以中和番油膩感香炒泰國香椒膏鳳尾蝦意大利粉 ($108)泰式醬好惹味，配料足，大大隻鳳尾蝦份量都多，唔算好辣酸酸地幾開胃美中不足係意粉偏硬左D，不過煮得幾夠味，唔會汁粉分離是拉差醬法國雞翼($68)對依碟雞翼老實說就有D失望啦，明明我印象中既是拉差醬係甜甜辣辣架，但依個醬變左做千島醬而雞翼就係普通加個皮偏厚同硬既炸雞翼，不過真係幾大隻，入面亦算嫩滑所以我地最後都係走皮食入面D肉，作為雞翼控都真係有少少唔滿足，下次唯有叫第二樣啦

本身想同男朋友去動漫展，但太多人，決定轉埸到K11嘅咒術迴戰展行下唔講唔知原來K11有牧羊少年Cafe好多年之前同屋企人、朋友食過葵青劇院嘅分店，食過甜品、飲過啲飲品，無話特別出色不過最記得係食咗碟香辣嘅意粉，到衣家都覺得好好味2019年同朋友食白楊街間分店，已經無咗今次到K11呢間，感覺比葵青劇院少咗份悠閒感，可能因為佢係地鐵站出口旁邊，人流都相對多衣家好方便，用手機app就可以拎飛，睇佢叫到幾多號籌未到個陣就行下K11嘅舖頭，等差唔多時間再返去我地2個人叫咗一碟「黑椒香蒜煙鴨胸意大利粉」、一個「千島海鮮pizza」同埋一碟雞翼。意粉偏硬身少少，有香蒜再加黑椒，食落香口又帶點辣Pizza個底同邊都唔會好硬好厚，食落帶有面粉嘅香味，又有烤焗嘅香熱焫焫食嘅話仲會拉絲，可見芝士足料啲醬同海鮮都夠晒份量，蝦亦都大隻同爽口雞翼勝在大隻，肉質飽滿，炸得鬆脆，大家記得食個陣要小心，入面好熱！個份量兩個人食多咗少少，食到好飽總括嚟講，質素都唔錯，維持到一貫水準偶爾可以同朋友仔坐低食個飯或者甜品，飲返杯嘢，牧羊少年都係個好地方

💛💛💛喺商場入邊好少何會搵到黃店呢間牧羊少年咖啡店就係短期內開咗好多分店而其中一間竟然開喺K11入邊🥰💛先講講環境裝修好文青好舒服 好啱三五知己食飯敘舊😌而且出邊仲放咗一個大書架有緣人仲可以帶書返屋企慢慢睇添🥰今次試咗佢哋嘅帶子蜆肉卡邦尼意粉同埋炸墨魚丸意粉好重芝士味 而且帶子好大粒炸墨魚丸就非常之彈牙 同個醬汁仲好夾添👍🏻味道唔錯

香炒泰國香椒膏鳳尾蝦意大利粉 ($108)• 酸辣的程度剛好，醬汁均勻分布在蝦肉和意粉之間，令爽口扎實的蝦肉更加鮮味、有層次。千島香芒牛油果雞肉薄餅 ($138)• 薄餅邊位香脆、內圍香軟且帶點煙韌，上層配料豐富、份量適中，配合得恰到好處。• 牛油果味略為突出，肉質香滑、細嚼便融化於口腔中；雞肉以粒狀分佈在薄餅上面，帶有點焦香味；車厘茄和芒果的酸甜令薄餅味道更豐富。自家調配菠蘿Lemonade配伯爵茶鳳梨酥 ($62)• 菠蘿味道相當突出，酸甜的比例是7:3，十分開胃、消暑的夏季飲品。

約左朋友聚一聚，去左牧羊少年食個甜品，點左個Banana Waffle 食。Banana waffle配雲呢拿雪糕🧇 Waffle皮脆、內鬆軟😚一啖waffle一啖雪糕🍦味道好夾再配一啖香蕉感覺好fresh😎

近期食咗好幾次牧羊少年😋每次諗唔到食咩都係去呢度😂主要喺因爲佢樣樣食物都唔錯🤤雖然唔會話有邊款菜式特別驚喜，但勝在質素夠平均~冇次令我好失望😌 ▪️素食早午餐($108)Brunch入面有黑松露醬炒滑蛋、奇𥺼籽布甸、白菌、車厘茄、沙津菜、薯角同意大利包，非常豐富，食晒真係好飽🤣當中最鍾意佢嘅炒蛋，好滑之餘，仲好香黑松露味😍不過炒蛋放咗喺意大利包上面，所以個包有少少濕😉個人覺得問題唔大，反正蛋同包都喺一齊食落口😂另外如果大家想食得再豐富啲，可以揀唔係素嘅version，佢會用煙三文魚、腸仔同煙肉代替咗薯角同沙津😋

幾年前去過葵芳分店，今次同朋友再去尖沙咀分店，店舖不大座位不多，餐廳環境稍為嘈吵，但食物質素不俗保持到～🥡小食拼盤 款式都幾多好豐富一次過食到幾樣，有春卷、坎伯蘭腸、煙辣腸、薯角、八爪魚丸同雞翼，仲配有兩款醬料蛋黃醬同千島醬，全部都各有四件，除左雞翼得三隻但就幾大隻，酥脆肉嫩調味不俗。八爪魚丸炸過幾香口仲食到有八爪魚粒粒有咬口😋，腸微辣幾開胃惹味，春卷同薯角就正常發揮🍖香煎加拿大保濕豬鞍配蘋果泥 豬鞍size唔算大而且偏瘦，唔算好嫩滑油脂感不多😬，薯泥綿滑creamy唔會食完好漏個隻，仲有蔬菜伴碟幾fresh🍝明太子鳳尾蝦意大利粉 有蝦、鳴門卷，上面仲有三文魚籽同櫻花蝦，配料份量比想像中多👍🏻，反而意粉份量相對比較少，味道不錯🍕日式大阪燒風味煙三文魚薄餅 餅底係薄個種好似食緊餅乾咁脆脆的，有木魚碎、煙三文魚、芥末沙律醬，配搭起來幾特別又醒胃🤗

牧羊少年咖啡館由中學個陣就聽過但一直去試過，今次行行吓街有少少肚餓，就嚟試一試。叫咗兩款甜品試吓香蕉朱古力窩夫（2人份）🌟🌟🌟香蕉朱古力窩夫份量足夠兩個人食，窩夫外脆內軟，厚度十足，香蕉方面比較生，唔甜，應該係擔心朱古力窩夫太甜整體黎講都OK，唔算太出色提拉米蘇 🌟🌟🌟🌟好鐘意提拉米蘇既口感，層次分明，Cream入邊有朱古力粒，口感好出，份量方面都幾大杯，可以兩個人食，另外杯裝嘅設計，方便食用，推介

今次終於有機會同h先生食啦😚~相信大家對呢間舖頭應該都唔陌生 仲有好多地方都有分店㗎🙈我哋嗰日都排咗成大半個鐘先入到去ಥ_ಥ真係好多好多好多人排隊/•_•\”-英式早午餐 價錢: $118 (4/5分)⭐️⭐️⭐️⭐️入面分別有煙肉 好似花之戀嘅煙三文魚🤣 黑松露滑蛋脆多士 車厘茄 蘑菇 仲有腸仔~ 黑松露蛋意大利包應該係我最鍾意嘅一樣❤️個意大利包熱辣辣脆卜卜架 加埋黑松露滑蛋呢個組合好正 d蘑菇仲會爆汁(≧∇≦)覺得最特別嘅係椰汁亞麻籽布甸 除咗食完有飽腹感之外 仲好健康 好似食緊西米露咁🤤椰奶味好重jenggg 一次過滿足你幾個願望!!兩個人食完已經飽飽地🐷鮮忌廉黑松露醬雜菌意大利粉 價錢: $88(5/5分)⭐️⭐️⭐️⭐️⭐️推介推介◉‿◉黑松露醬味真係好香濃 啖啖有黑松露味😍意粉嘅軟硬啱啱好 好彈牙 超creamy 加上落咗鮮忌廉 啲汁好濃厚 一啲都唔會覺得好乾🙈仲有好多唔同嘅菇 再加上芝士❤️‍🔥❤️‍🔥❤️‍🔥雖然份量唔算特別多 不過兩個人一人一個餐就啱啱好啦環境方面 係文青Cafe嘅設計 好靚🙈不過比起太子嗰間 呢間就會坐得無咁舒服 有少少迫 加上好多人等位 又唔好意思坐咁耐(>﹏&#

Dimmi qualcosa per tirarmi su答應了要吃點東西..好吧..好像..不太懂得餓甚至有飽感？今天突然間想吃甜的平常最不愛的東西今日對此有著蠢蠢欲動的反應忙完後 等同事都回來了就換在下出去走走走到這裡跟親愛的路過過好幾次今日在下自己一人走到在門口取票 掃QR叫號碼時會有專人帶你入位入座前店員會講解好餐牌上有的 售罄的不過坐上後在下都忘了被告知過什麼精神沒有集中過在店員身體在下想要坐下..頭有點痛..缺糖嗎所以在下點了這個..帶我走..Khalistan Liqueur Tiramisu $78隨餐免費奉送一杯飲品在下點了Apple & Cinnamon Tea在下真的喜歡肉桂嘛它跟蘋果本來也是好朋友..食物很快就到Tiramisu上的奶香滿重的不過咖啡和Marsala的味道都好淡手指餅只插了條在餅面同樣沒有足夠的咖啡香味而在中心取代的就是粒粒脆脆口感的確變好了但就不是傳統的Tiramisu 了蘋果肉桂是茶包浸泡反而香氣比主食更出眾帶著微酸 能中和甜食後引發的不適感（果然在下就是不愛甜吃？就算突然間的慾望起）又或者只是好久沒吃那麼多東西..嗎果茶好燙我覺得放了很久

星期日幫襯，等位都好快，叫咗意粉同埋小食拼盤。黑松露意粉 - 其實係舖外已經聞到黑松露嘅香味，但係食落去就反而無咁香。意粉係偏硬，自己本身鍾意食軟身麵，所以麻麻地。小食拼盤 - 款式都多，雞翼好大隻，整體上中規中矩。份量足夠，兩個人食咗碟意粉+小食拼盤都已經好飽。

呢間嘅意粉幾有特色嘅，然後呢意粉質地都幾好。不過我覺得佢嘅餐湯可以改善，飲得出係一啲比較唔係用多好多時間香煮出嚟嘅湯，似罐頭味多啲。意粉有時嘅汁有啲太漏可以減少啲清淡啲。另外就係環境方面比較細如果要隔遠少少就有啲困難。